ⵜⵉⵏⵥⵉⵡⵉⵏ ⵜⵉⴷⵙⵍⴰⵏⵉⵏ

ⵢⵉⵡⴹ ⵓⵣⵎⵣ ⵏ ⵡⵓⴹⵓⴼ ⵏ ⵡⴰⵡⴰⵍ ⵖⵓⵔ ⵜⵏⴱⴰⴹⵜ ⴷ ⵜⵓⴳⵜⵜ ⴳ ⵢⴰⵜ ⵜⵙⴳⴰ, ⴷ ⵜⵓⵣⵍⵜ ⴳ ⵜⵙⴳⴰ ⵢⴰⴹⵏ, ⵢⴰⵏ ⵉⴹⴼⴰⵔ ⵡⴰⵢⴹ, ⴰⵙⵖⵍ ⵏ 55.25% ⴷ 44.75% ⵙⴳ ⵓⴽⵙⴰⵢ ⴰⵣⵎⵣⴰⵏ ⴰⵙⴳⵯⵙⴰⵏ ⵏ ⵉⵣⵎⵣⵏ ⵏ ⵢⵉⵎⵥ ⵏ ⵡⴰⵡⴰⵍ ⵉⵥⵍⵉⵏ ⵙⴳ ⵖⵓⵔ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵜⵉⴳⴷⵓⴷⴰⵏⵉⵏ ⵉ ⵜⵖⴰⵡⵙⵉⵡⵉⵏ ⵉⵣⴷⵉⵏ ⵙ ⵓⵙⴽⴽⵉⵏ ⴰⵎⴰⵜⴰⵢ. ⵜⵜⵓⵙⵎⵓⵏⵏ ⵉⵎⴹⴰⵏⵏ ⴰⴷ ⵉⵍⵍⴰⵏ ⴳ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵣⴷⵉⵏ ⵙ ⵓⵙⴳⴳⵯⴰⵙ ⵏ 2023 ⴳ ⵓⵙⴰⵜⵉ ⵏ ⵜⵡⴽⴰⵍⵜ ⵏ ⵓⴳⵔⴰⵡ ⵏ ⵉⵜⵉⵇⵏⵉⵢⵏ ⵉⵣⴷⵉⵏ ⵙ ⵓⴹⴼⴼⵓⵕ ⵏ ⵜⵎⴰⴳⵓⵜ ⵏ ⵓⵡⵏⵏⵉ ⴳ ⵓⵙⵏⵖⵎⵙ ⴰⵙⵍⵉⵥⵕ ⴷ ⵓⵡⵜⵜⴰⵙ ⵏ ⵓⴹⵎⴰⵏ ⵏ ⵡⴰⴷⴰⴼ ⵏ ⵉⵏⵎⵓⵔⵉⵏ ⵉⵎⵙⵡⵓⵔⴰ ⵏ ⵓⵙⵏⵖⵎⵙ ⵖⵔ ⵜⵎⵣⴰⵣⵉⵏ ⵏ ⵜⴰⵏⵏⴰⵢⵜ ⴷ ⵓⵙⵡⵉⵏⴳⵎ.

ⵙ ⵓⵢⵏⵏⴰ ⵉⵎⵙⴰⵙⴰⵏ ⴷ ⵜⵖⵜⵙⵜ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵓⵟⵟⵓⵏ 20.18 ⴷ ⵉⴼⴼⵖⵏ ⴳ 07 ⵢⵓⵏⵢⵓ 2018 ⴳ ⵓⵙⴽⴽⵉⵏ ⵏ ⵓⴹⵎⴰⵏ ⵏ ⵓⵡⵏⵏⵉ ⴰⵎⴰⴳⵓⵜ ⵉ ⵜⵎⵣⴰⵣⵉⵏ ⵏ ⵜⴰⵏⵏⴰⵢⵜ ⴷ ⵓⵙⵡⵉⵏⴳⵎ ⴰⴳⵓⵏⵙ ⵏ ⵜⵏⴰⴼⵓⵜⵉⵏ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴱⵕⵕⴰ ⵏ ⵉⵣⵎⵣⵏ ⵏ ⵉⵙⵜⴰⵢⵏ ⵉⵎⴰⵜⴰⵢⵏ ⴷ ⵉⵙⵖⴰⵍⵏ ⵏ ⵜⵏⵏⴰⵢⵜ, ⵉⵣⴷⵉⵏ ⵙ ⵓⴹⴼⴼⵓⵕ ⴰⵎⴰⵜⴰⵢ ⵏ ⵜⵎⴰⴳⵓⵜ, ⵉⴳⴰⵏ ⵢⴰⵜ ⴳ ⵜⵙⵎⵉⴳⵍⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ, ⴰⴷⴰⴼⵏ ⵏ ⵎⴷⴷⵏ ⵉⴳⴷⵓⴷⴰⵏⵏ ⴳ ⵜⵙⵖⵓⵏⵉⵏ ⵏ ⵉⵏⵖⵎⵉⵙⵏ ⴷ ⵉⵖⴰⵡⵙⵏ ⵏ ⵓⵎⵙⴰⵡⴰⵍ ⵏⵏⴰ ⴷⴰ ⵉⵣⵔⵔⵉⵏ ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ, ⵜⵉⴳⴷⵓⴷⴰⵏⵉⵏ ⴷ ⵜⵓⵙⵍⵉⴳⵉⵏ.

ⴳ ⵓⵢⵏⵏⴰ ⵉⵣⴷⵉⵏ ⵙ ⵓⵙⴳⴳⵯⴰⵙ ⵏ 2023, ⴷⴰ ⵙⵙⴽⴰⵏⵏⵜ ⵜⵢⴰⴼⵓⵜⵉⵏ ⵏ ⵓⴹⴼⴼⵓⵔ ⴰⴷ ⴽⵉⴳⴰⵏ ⵏ ⵜⵏⵥⵉⵡⵉⵏ:

• ⴰⵙⵙⴱⵖⵔ ⵏ ⵜⵓⵣⵍⵜ ⵜⴰⴱⵕⵍⴰⵎⴰⵏⵉⵜ ⴳ ⵢⵉⴳⵔⴰⵏ ⵏ ⵓⵙⵏⵖⵎⵙ ⴷ ⵉⵖⴰⵡⴰⵙⵏ ⵏ ⵓⵎⵙⴰⵡⴰⵍ ⵏⵏⴰ ⵣⵣⵔⴰⵢⵏⵜ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵜⵉⴳⴷⵓⴷⴰⵏⵉⵏ ⴳ ⵢⴰⵏ ⵓⵣⵎⵣ ⵏ ⵢⵉⵎⵥ ⵏ ⵡⴰⵡⴰⵍ ⵉⵣⵔⵉⵏ ⵙ 17.91 ⵏ ⵜⵏⵇⵇⵉⴹⵜ ⴰⵎⵓⵔ ⴰⵙⴰⵖⵓⵍ ⵏⵏⵙ ⵉⴳⴰⵏ 26.84%. ⴷⴰ ⵉⵎⵎⴰⵍ ⵓⵙⴰⵜⵉ ⴰⵏⴰⵡⴰⵢ ⵉⵣⵣⵉⴳⵉⵣⵏ ⴰⴷⴰⴼ ⴰⵙⵓⵎⵓ ⵏ ⵜⵏⴱⴰⴹⵜ ⴷ ⵜⵓⴳⵜⵜ ⴳ ⵢⴰⵜ ⵜⵙⴳⴰ, ⴷ ⵜⵓⵣⵍⵜ ⴳ ⵜⵙⴳⴰ ⵢⴰⴹⵏ, ⵖⵔ ⵉⵎⴰⵙⵙⵏ ⵏ ⵓⵙⵏⵖⵎⵙ ⴰⵙⵍⵉⵥⵕ ⵅⴼ ⵜⵔⵙⵍⵜ ⵏ ⵓⵙⵎⴷⵢⴰ ⵏ ⵡⴰⵏⴰⵡⵏ ⴰⴷ ⴳ ⵓⵙⵇⵇⵉⵎ ⵏ ⵉⵎⴰⵔⴰⵏ ⵉⴱⵕⵍⴰⵎⴰⵏⵉⵢⵏ. ⵢⵉⵡⴹ ⵓⵙⵎⴷⵢⴰ ⵏ ⵡⴰⵏⴰⵡⵏ ⴰⴷ ⵉⵡⵏⴰⵏ ⵏ 2023, 73,16% ⴳ ⵓⵢⵏⵏⴰ ⵉⵥⵍⵉⵏ ⵙ ⵜⵏⴱⴰⴹⵜ ⴷ ⵜⵓⴳⵜⵜ, ⴷ 26.84% ⴳ ⵓⵢⵏⵏⴰ ⵉⵥⵍⵉⵏ ⵙ ⵜⵓⵣⵍⵜ;
• ⵢⵉⵡⴹ ⵓⵣⵎⵣ ⵏ ⵉⴽⵛⵛⵓⵎⵏ ⵏ ⵉⵙⵎⴷⵢⴰⵜⵏ ⵏ ⵡⴰⵎⵓⵏ ⵓⵖⵔⵉⵎ ⵉⵣⵡⵓⵔⵉⵏ ⴳ ⵢⵉⴳⵔⴰⵏ ⵏ ⵉⵖⴰⵡⴰⵙⵏ ⵏ ⵉⵏⵖⵎⵉⵙⵏ (ⵜⵉⵙⵖⵓⵏⵉⵏ ⴷ ⵉⵖⴰⵡⴰⵙⵏ ⵏ ⵓⵎⵙⴰⵡⴰⵍ) ⵏⵏⴰ ⴷⴰ ⵣⵣⵔⴰⵢⵏⵜ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵜⵉⴳⴷⵓⴷⴰⵏⵉⵏ ⴷ ⵜⵓⵙⵍⵉⴳⵉⵏ, ⴰⵙⵖⵍ ⵏ 40.57%, ⵣⵔⵉⵏ ⵉⵎⴰⵣⵣⴰⵍⵏ ⵉⵙⵔⵜⴰⵏⵏ (35.22%), ⴹⴼⵓⵔⵏ ⵜⵏ ⵉⵎⴰⵣⵣⴰⵍⵏ ⵉⵣⵣⵓⵍⴰⵏⵏ (15.55%) ⴹⴼⵓⵔⵏ ⵜⵏ ⵉⵎⴰⵣⵣⵍⵏ ⵉⵏⵎⴰⵍⵍⴰⵏⵏ ⵙ (8.65%);
•  ⵢⵉⵡⴹ ⵡⵓⴹⵓⴼ ⵏ ⵡⴰⵡⴰⵍ ⵖⵓⵔ ⵜⵎⵖⴰⵔⵉⵏ ⴳ ⵉⵖⴰⵡⴰⵙⵏ ⵏ ⵉⵏⵖⵎⵉⵙⵏ (ⵜⵉⵙⵖⵓⵏⵉⵏ ⴷ ⵉⵖⴰⵡⴰⵙⵏ ⵏ ⵓⵎⵙⴰⵡⴰⵍ) ⵏⵏⴰ ⴷⴰ ⵣⵣⵔⴰⵢⵏⵜ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ, 18.01% ⵙⴳ ⵓⴽⵙⴰⵢ ⴰⵎⴰⵜⴰⵢ ⵏ ⵓⵣⵎⵣ ⵏ ⵡⴰⵡⴰⵍ ⵖⵓⵔ ⵉⵎⴷⴰⵏⵏ ⵉⴳⴷⵓⴷⴰⵏⵏ. ⴰⵢⴰ ⵓⵔ ⵉⵙⵎⴷⵢⴰ ⵖⴰⵙ ⵢⴰⵏ ⵓⵣⵣⵉⴳⵣ ⵉⴷⵔⵓⵙⵏ ⴷⴰⵜ ⵉⵎⴹⴰⵏⵏ ⵏ ⵓⵙⴳⴳⵯⴰⵙ 2022 (17%).

ⴳ ⵓⵢⵏⵏⴰ ⵉⵣⴷⵉⵏ ⵙ ⵓⵙⵍⴳⵏ ⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ ⵏⵏⴰ ⴷⴰ ⵣⵣⵔⴰⵢⵏⵜ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ, ⵜⵉⴳⴷⵓⴷⴰⵏⵉⵏ ⴷ ⵜⵓⵙⵍⵉⴳⵉⵏ, ⴷⴰ ⵜⵙⵙⴽⴰⵏ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵏ 2023 ⵉⵙ ⴰⵜⵜⴰⵢⵏ ⵏ ⵡⵉⵙⵙ ⴽⵕⴰⴹ ⵙⴳ 52 ⵏ ⵜⵖⵜⴰⵙⵉⵏ ⵏⵏⴰ ⵢⵓⵙⵉ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵣⴷⵉⵏⵜ ⵙ ⵢⵉⴳⵉⵢ ⵏⵖ ⵙ ⵓⵃⴹⴰⵡ ⵏ ⵜⵏⵔⵉⵣⵉⵏ. ⵜⵣⴷⵉ ⵜⵎⵏⵜⵉⵍⵜ ⵏ ⵢⵉⴳⵉⵢ ⵙ ⵓⵢⵏⵏⴰ ⵉⵍⵍⴰⵏ ⴳ ⵜⵖⵜⴰⵙⵉⵏ ⴰⴷ, ⵙ ⵓⵎⵏⵣⴰⵢ ⵏ ⵓⵣⵔⴰⴽ ⵏ ⵜⵍⴻⵍⵍⵉ ⵏ ⵜⵉⵔⵔⴰ ⴷ ⵜⵍⴻⵍⵍⵉ ⵏ ⵓⵙⵍⵍⵡⵓ ⴰⵥⵓⵕⴰⵏ ⵍⵓⵎⴰⵕ ⴳ ⵢⵉⴳⵔⴰⵏ ⵏ ⵜⵡⵓⵔⵉⵡⵉⵏ ⵜⵉⵎⴰⵔⵓⵔⵉⵏ ⵜⵉⵜⵍⴼⴰⵣⵉⵏ.

ⴳ ⵜⵙⴳⴰ ⵢⴰⴹⵏ, ⴳ ⵓⵙⴰⵜⵉ ⵏ ⵜⵎⵔⵉⵙⵜ ⵏⵏⵙ ⵜⴰⵙⵓⵍⴰⵏⵜ ⴳ ⵓⵙⴷⵓⵙ ⵏ ⵓⵙⵓⵎⵓ ⴰⴼⵔⴽⴰⵏ ⴳ ⵓⵢⵏⵏⴰ ⵉⵣⴷⵉⵏⵙ ⵓⵣⵓⵣⵣⵔ ⵏ ⵜⴷⵓⵍⵉ ⵏ ⵜⵏⴰⴼⵓⵜⵉⵏ ⵜⵉⵙⵍⵉⵥⵕⵉⵏ, ⵉⵙⵙⵏⵜⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵙⴳⴳⵯⴰⵙ ⵏ 2023, ⴳ ⵓⵙⵍⵍⵡⵓ ⵏ 56 ⵏ ⵜⵎⵣⴰⵣⵉⵏ ⵜⵉⵏⵣⵡⴰⵢⵉⵏ ⵉⴼⵉⵎ ⴳ 37 ⵏ ⵓⴷⵖⴰⵔ ⴰⵊⵖⵔⴰⴼⵉ ⵉ ⵓⴱⵖⵓⵔ ⵏ ⵉⵎⵡⵓⵔⴰ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ.

ⴰⵔ ⵉⵡⵜⵜⴰ ⵏ 31 ⴷⵓⵊⴰⵎⴱⵉⵔ 2023, ⴰⵖⵓⵍⵏⵜ ⵜⵏⵣⵡⴰⵢⵉⵏ ⵙ ⵎⵉ ⵙ ⵍⵍⴰⵏⵜ (34) ⵜⵉⴳⴷⵓⴷⴰⵏⵉⵏ ⴷ ⵜⵓⵙⵍⵉⴳⵉⵏ, ⵔⵏⵓ ⵢⴰⵙⵏⵜ 10 ⵏ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵙ ⵓⴱⵔⵉⴷ ⵏ ⵓⵣⵓⵣⵣⵔ ⴰⵎⵓⵟⵟⵓⵏ ⴰⵏⴰⴽⴰⵍ, ⴰⵖⵓⵍⵏ ⴷⴰ ⵙⵡⵓⵔⵉⵏ ⴰⵜⵜⴰⵢⵏ ⵏ 1337 ⵏ ⵜⵎⵣⴰⵣⵉⵏ ⵉⴼⵉⵎ ⴳ 219 ⵏ ⵓⴷⵖⴰⵔ, 396 ⵏ ⵜⵎⵣⴰⵣⵉⵏ ⵜⵉⵏⴰⴽⴰⵍⵉⵏ ⵜⵉⵎⵓⵟⵟⵓⵏⵉⵏ ⴳ 197 ⵏ ⵓⴷⵖⴰⵔ.

ⵜⴻⴼⴼⵖ ⴷ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵏ ⵓⴳⵔⴰⵡⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⵜⵜⵓⵙⴽⵔⵏ ⵉ ⵓⵙⴳⴳⵯⴰⵙ 2023, ⵙ ⵓⵢⵏⵏⴰ ⴷ ⵜⵉⵡⵉ ⵜⵎⵜⵜⴰ 29 ⵏ ⵓⵙⵍⴳⵏ ⵓⵟⵟⵓⵏ 11.15 ⵉⵣⴷⵉⵏ ⵙ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵓⴳⵔⴰⵡ ⴰⵎⴰⵜⵜⴰⵢ, ⵙ ⴽⵓⵥ ⵏ ⵜⵓⵜⵍⴰⵢⵉⵏ, ⵜⴰⵄⵔⴰⴱⵜ, ⵜⴰⵎⴰⵣⵉⵖⵜ, ⵜⴰⴼⵕⴰⵏⵙⵉⵙⵜ ⴷ ⵜⵏⴳⵍⵉⵣⵜ.

ⴰⴳⵎ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ