ⵉⵥⵍⵉ ⵡⵓⵎⵓ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵜⵙⵓⵜⵍⵜ ⵜⵉⵙⵙ 31 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ ⵙ ⵓⵙⵏⵎⴰⵍⴰ ⵏ ⴽⵉⴳⴰⵏ ⵏ ⵜⵙⴰⵡⵔⵉⵏ ⴷ ⵉⵙⵎⵏⵉⴷⵏ ⵉ ⵓⴳⴷⵓⴷ ⴰⵎⵥⵢⴰⵏ. ⵜⵉⵙⵓⵜⵍⵉⵏ ⴰⴷ ⵉⵡⵉⵏ ⴷ ⵅⴼ ⵉⵙⴳⵓⵎⵏ ⵉⵎⵉⵔⴰⵏⵏ : ⴰⵎⵏⵏⵓⵖ ⵎⴳⴰⵍ ⵉⵅⵕⵕⵉⵇⵏ, ⵉⵏⴰⵡⵏ ⵏ ⵓⴽⵙⴰⵏ ⴷ ⵜⴽⵕⴹⵉ, ⵜⴰⵏⵏⴰⵢⵉⵏ ⵜⵓⵔⵙⵉⵍⵉⵏ ⵏⵖ ⴰⵙⵡⵓⵔⵉ ⵙ ⵜⴽⵏⴷⴰⵡⵜ ⵏ ⵜⵉⵖⵉⵙⵜ ⵜⵎⵉⵍⵥⵉⵜ ⴳ ⵜⵓⵎⴰⵢⵉⵏ ⵜⵉⵙⵏⵖⵎⴰⵙⵉⵏ.

ⴳ ⵓⵙⴰⵜⵉ ⵏ ⵜⵎⵔⵉⵙⵜ ⵏⵏⵙ ⵜⴰⴼⵔⵉⵇⵜ, ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵓⵙⵙⴰⵏ ⵏ 10 ⴷ 13 ⵉⴱⵔⵉⵔ 2026 ⴳ ⵜⵎⵓⵔⵜ ⵏ ⴱⵉⵏⵉⵏ, ⴳ ⵢⴰⵜ ⵜⵙⵎⵉⴳⵍⵜ ⵏ ⵜⵉⵏⵥⵉ ⵏ ⵉⵙⵜⴰⵢⵏ ⵉⵥⵍⵉⵏ ⵙ ⵜⴷⵓⵍⵉ ⵜⴰⵙⵖⵎⵙⴰⵏⵜ ⵏ ⵉⵙⵜⴰⵢⵏ ⵉⵙⵍⵡⴰⵢⵏ ⵉⵜⵜⵓⵙⵏⵎⴰⵍⴰⵏ ⴰⵙⵙ ⵏ 12 ⵉⴱⵔⵉⵔ 2026.

ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴰⵙⵙ ⵏ 10 ⵉⴱⵔⵉⵔ 2026 ⴳ ⵓⵙⵖⵉⵎ ⵏ ⵜⵎⵔⵙⵍⵜ, ⴰⵙⵍⵡⴰⵢ ⵏ ⵓⴱⵕⵍⴰⵎⴰⵏ ⵏ ⵜⴰⵎⵓⵏⵜ ⵏ ⵡⴰⵍⵓⵏⵉ-ⴱⵔⴻⵉⴽⵙⵉⵍ ⵏ ⴱⵍⵊⵉⴽⴰ, ⵎⴰⵙⵙ ⴱⵉⵏⵡⴰ ⴷⵉⵙⴱⴰ, ⵉⵍⵍⴰ ⴳ ⵓⵔⵣⴰⴼ ⵓⵏⵚⵉⴱ ⵉ ⵜⵎⵓⵔⵜ ⵏ ⵍⵎⵖⵔⵉⴱ, ⵉⵣⵡⴰⵔ ⵉ ⵢⴰⵏ ⵓⴽⴰⴱⴰⵕ ⵎⵇⵇⵓⵔⵏ ⵏ ⵉⴱⵕⵍⴰⵎⴰⵏⵉⵢⵏ ⵏ ⵜⵎⵓⵔⵜ ⵏ ⵡⴰⵍⵓⵏⵉ.

ⴳ ⵡⴰⵡⴰⵍ ⵏⵏⵙ ⴳ ⵜⵉⵏⵎⵍ ⵜⴰⵏⴰⵎⵓⵔⵜ ⵜⴰⵎⴰⵜⵜⴰⵢⵜ ⵏ ⵓⵙⵡⵓⴷⴷⵓ ⴳ ⵕⵕⴱⴰⵟ ⵅⴼ ⵓⵙⴳⵓⵎ ⵏ “ ⴰⵙⴰⵢⵔⴰⵔ ⴰⵙⵏⵖⵎⴰⵙ ⵉⴳⴰⵏ ⴰⵙⴰⵢⵔⴰⵔ ⴰⴳⴷⵓⴷⴰⵏ: ⵉⵎⵙⴰⵔⴰⵙⵏ ⵏ ⵓⵙⵍⴳⵏ, ⵏ ⵜⵍⴻⵍⵍⵉ ⴷ ⵓⴼⵔⴰⴳ ⵏ ⵓⴱⵖⵓⵔ ⴰⵎⴰⵜⴰⵢ”, ⵜⵏⵏⴰ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵙⵍⵡⴰⵢⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⵙ ⵉⵎⵓⵜⵜⵓⵢⵏ ⵏ ⵓⵙⴰⵢⵔⴰⵔ ⴰⴳⴷⵓⴷⴰⵏ ⴰⵙⵍⵉⵥⵕ ⴷⴷⴰⵡ ⵜⴰⵙⵙⴰⵙⵜ ⵏ ⵓⵎⵓⵟⵟⵓⵏ ⴳⴰⵏ ⴰⵙⵙⴰ ⵢⴰⵏ ⵓⵎⵙⴰⵔⴰⵙ ⴰⵅⴰⵜⴰⵔ ⵏ ⵜⴷⵉⵎⵓⵇⵕⴰⵟⵉⵜ, ⵏ ⵜⵎⴰⴳⵓⵜ ⴷ ⵓⵙⴷⵓⵙ ⴰⵏⴰⵎⵓⵏ ⵏ ⵡⴰⴱⴰⴹ ⴰⴷⵍⵙⴰⵏ.

ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵉⵣⴷⴰⵢⵏ ⵏ ⵓⵎⵢⴰⵡⴰⵙ ⴳⵔ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵍⴳⵏ ⵏ ⵓⵙⵏⵖⵎⵙ, ⵜⵙⵙⴽⵔ ⵜⵙⵍⵡⴰⵢⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵓⵙⵙⴰⵏ ⵏ 25 ⴷ 26 ⵎⴰⵕⵙ 2026, ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵖⵔ ⵏⵉⵢⴰⵎⵉ, ⵙ ⵜⵖⵓⵔⵉ ⵏ ⵎⴰⵙⵙ ⵎⴰⵏⵣⵓ ⴷⵉⵢⴰⵍⵓ, ⴰⵙⵍⵡⴰⵢ ⵏ ⵓⵙⴰⴹⴰⴼ ⴰⵏⴰⵎⵓⵔ ⵏ ⵓⵎⵢⴰⵡⴰⴹ (ONC) ⴳ ⵏⵉⵊⵉⵔ.

ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⵏⵜⵜⴰⵜ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵎⵔⵙⵍⵜ , ⴰⵙⵙ ⵏ 18 ⴱⵕⴰⵢⵕ ⴳ ⵕⵕⴱⴰⵟ, ⵢⴰⵏ ⵓⴽⴰⴱⴰⵕ ⵏ ⵉⵣⵣⵓⵍⴰⵏⵏ ⵏ ⵓⵙⵏⵖⵎⵙ ⵉⵙⵉⵏⵉⵖⴰⵍⵉⵢⵏ. ⴰⵔⵣⴰⴼ ⴰⴷ ⵏ ⵜⵡⵓⵔⵉ, ⵉⵜⵜⵓⵙⵏⵎⴰⵍⴰⵏ ⵙ ⵜⵙⵏⵜⴰⵢⵜ ⵏ ⵓⴳⵔⴰⵡ ⵍⵓⵎⴰⵜⴰⵏ, ⵉⵣⵡⴰⵔ ⴰⵙ ⵎⴰⵙⵙ ⵃⴰⴱⵉⴱⵓ ⴷⵉⵢⴰ, ⴰⵏⵎⵀⴰⵍ ⵏ ⵓⵎⵢⴰⵡⴰⴹ ⴳ ⵜⵎⴰⵡⴰⵙⵜ ⵜⴰⵙⵉⵏⵉⴳⴰⵍⵉⵜ ⵏ ⵓⵎⵢⴰⵡⴰⴹ, ⴷ ⵎⴰⵙⵙ ⵎⵓⵃⴰⵎⵎⴰⴷⵓ ⵍⴰⵎⵉⵏ ⵏⵉⵢⴰⵏⴳ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⵙⵙⵓⵔⵜ ⵜⴰⵙⵉⵏⵉⵖⴰⵍⵉⵜ ⵏ ⵜⵖⴰⵎⵙⴰ ⴷ ⵓⵙⵥⵕⴳ, ⴰⵎⵙⵙⵓⴼⵖ ⵙ ⵉⵎⵥⵍⵉ ⵏ ⵓⵖⵎⵉⵙ ⴰⴽⵓⵢⴰⵙⵙ ⵍⵓⵚⵓⵍⴰⵢ. ⴰⵔⵣⴰⴼ ⴰⴷ, ⵢⵓⴷⵊⵉ ⵉⵏⵔⵣⴰⴼ ⴰⴷ ⴰⴳⴳⵏ ⵅⴼ ⵉⵎⵏⵉⴷⵏ ⵉⵅⴰⵜⴰⵔⵏ ⴷ ⵜⵎⵥⵍⵉⵢⵉⵏ ⵏ ⵓⵣⵓⵔⵜ ⴰⵎⵖⵔⴰⴱⵉ ⴳ ⵓⵙⵍⴳⵏ ⵏ ⵓⵙⵏⵖⵎⵙ.

ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵣⴷⵉⵏ ⵙ ⵓⵙⴳⴳⵯⴰⵙ 2024 ⵜⵍⵍⴰ ⴷⵉⵖ ⴷⴰⵜ ⵓⴳⴷⵓⴷ ⴳ ⵓⵙⵉⵜ ⵏ ⵜⵎⵔⵙⵍⵜ (www.haca.ma). ⵜⴰⵏⴰⴹⵜ ⴰⴷ ⵉⵜⵜⵓⵥⵔⴳⵏ ⵙ ⴽⵓⵥ ⵏ ⵜⵓⵜⵍⴰⵢⵉⵏ: ⵜⴰⵄⵔⴰⴱⵜ, ⵜⴰⵎⴰⵣⵉⵖⵜ, ⵜⴰⴼⵕⴰⵏⵙⵉⵙⵜ ⴷ ⵜⵏⴳⵍⵉⵣⵜ, ⴷⴰ ⵜⵙⵙⴽⴰⵏ ⵢⴰⵜ ⵜⴰⵏⵏⴰⵢⵜ ⵜⵓⵏⵖⵉⴷⵜ ⵏ ⵡⴰⴷⴷⴰⴷ ⵏ ⵜⵎⴰⴳⵓⵜ ⵏ ⵓⵡⵏⵏⵉ ⴰⴳⵓⵏⵙ ⵏ ⵓⵙⵏⵖⵎⵙ ⴰⵙⵍⵉⵥⵕ, ⵜⵉⴳⴰⵡⵜ ⵏ ⵓⵙⵍⴳⵏ ⵏ ⵜⵓⵎⴰⵢⵉⵏ, ⵜⴰⵡⵓⵔⵉ ⵜⴰⵎⵓⵔⴰⵏⵜ ⵏ ⵜⵏⴰⴼⵓⵜⵉⵏ ⵜⵉⵙⵍⵉⵥⵕⵉⵏ ⴷ ⵜⵎⵔⵉⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵎⵔⵙⵍⵜ ⵏ ⵓⵙⵍⴳⵏ.

ⴳ ⵓⵙⴰⵜⵉ ⵏ ⵜⵙⵔⵜⵉⵜ ⵏⵏⵙ ⵏ ⵓⵏⵏⵓⵕⵥⵎ ⵅⴼ ⵓⵎⴰⴹⴰⵍ ⴰⴽⴰⴷⵉⵎⵉ, ⵉⵙⵏⵓⴱⴳ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵙⵙ ⵏ 10 ⴼⴱⵕⴰⵢⵕ 2026, ⵢⴰⵏ ⵓⴳⵔⴰⵡ ⵏ ⵉⵙⵍⵎⴰⴷⵏ ⴷ ⵉⵏⵍⵎⴰⴷⵏ ⵏ ⵎⴰⵚⵟⵉⵔ “ⴰⵙⵏⵖⵎⵙ ⴷ ⵜⵎⵓⵙⵏⵉⵡⵉⵏ ⵜⵉⵏⴼⴳⴰⵏⵉⵏ” ⵏ ⵜⵙⴷⴰⵡⵉⵜ ⵃⴰⵙⵙⴰⵏ ⵡⵉⵙⵙ ⵙⵉⵏ ⵏ ⴹⴰⵔⵍⴱⵉⴹⴰ.

ⵜⴰⵎⵓ ⵢⴰⵜ ⵜⵎⵓⵔⴰⵢⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⵉ ⵜⵣⵡⴰⵔ ⵜⵏⵙⵙⵉⵅⴼⵜ ⵏⵏⵙ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴳ ⴱⴰⵔⵉⵣ ⵕⴰⴷⵢⵓ ⵛⵓⵡ 2026, ⵉⵜⵜⵓⵙⵏⵎⴰⵍⴰⵏ ⵓⵙⵙⴰⵏ ⵏ 3 ⴷ 4 ⴼⴱⵕⴰⵢⵕ 2026 ⴳ ⴱⴰⵔⵉⵣ.