ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵜⵙⵓⵜⵍⵜ ⵜⵉⵙⵙ 29 ⵏ ⵓⵙⴼⵙⵔ ⴰⵎⴰⴹⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ, ⵉⵜⵜⵓⵙⵏⵎⴰⵍⴰⵏ ⵙⴳ 09 ⴰⵔ 19 ⵎⴰⵢⵢⵓ 2024 ⴳ ⵕⵕⴱⴰⴹⵜ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⵓⴳⵍⵍⵉⴷ ⵎⵓⵃⴰⵎⵎⴷ ⵡⵉⵙⵙ ⵙⴹⵉⵙ ⵕⴱⴱⵉ ⴰⴷ ⴰⵙ ⵢⴰⵡⵙ. ⴰⵖⴰⵡⴰⵙ ⵏ ⵜⵡⵓⵔⵉⵡⵉⵏ ⵉⵜⵜⵓⵙⵓⵎⵔⵏ ⴳ ⵓⴷⵖⴰⵔ ⵏ ⵜⵎⵔⵙⵍⵜ ⵉⵚⴽⴰ ⵅⴼ ⵙⵉⵏ ⵉⵙⴳⵓⵎⵏ : ⴰⵣⵓⵣⵣⵔ ⴷ ⵓⵙⵎⴷⵢⴰ ⵏ ⵉⵡⵜⵜⴰⵙⵏ ⵏ ⵓⵙⵍⴳⵏ ⴰⵙⵉⵎⴰⵏ ⵏ ⵓⵙⵏⵖⵎⵙ ⴷ ⵓⵙⵎⵓⵙⵙⵓ ⵅⴼ ⵓⵙⵡⵓⵔⵉ ⴰⵎⵙⵜⴳⴳⴰⵔ ⵏ ⵓⵙⵏⵖⵎⵙ ⴰⵙⵍⵉⵥⵕ ⴷ ⵓⵎⵓⵟⵟⵓⵏ.
ⵔⴰⴷ ⵙⵎⵓⵙⵙⵏ ⵉⵙⴰⵜⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴽⵉⴳⴰⵏ ⵏ ⵉⵙⵎⵓⵜⵜⴰⴳ ⵙⵙⴽⵔ ⴽⵉⴳⴰⵏ ⵏ ⵉⵙⵎⵏⵉⴷⵏ ⵉ ⵓⴱⵖⵓⵔ ⵏ ⴽⵉⴳⴰⵏ ⵏ ⵉⵙⵎⵉⵍⵏ ⵏ ⵉⴳⴷⵓⴷⵏ ⵅⴼ ⵜⵙⵎⵉⴳⴰⵍ ⵏ ⵜⵎⵔⵙⵍⵜ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵓⴳⴷⵓⴷ ⴰⵎⵥⵢⴰⵏ, ⵏ ⵓⵙⵉⵍⵉ ⵙ ⵓⵣⵔⴼ ⴳ ⵓⵏⵖⵎⵉⵙ, ⵉⵣⵓⵛⵛⵍⵏ ⴷ ⵓⵣⵔⴰⴽ ⵏ ⵉⵎⵏⵣⴰⵢⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵖⵓⵔ ⵉⵎⵥⵕⴰⴳ ⵏ ⵜⵏⴰⴼⵓⵜⵉⵏ ⵏ ⵜⵏⵣⵡⴰⵢⵜ ⴷ ⵓⵜⵉⵍⵉⴼⵉⵣⵢⵓⵏ. ⴳ ⵓⵙⴰⵜⵉ ⵏ ⵜⵎⴷⵔⴰⵡⵜ ⵏⵏⵙ ⴷ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵏ ⵍⵎⵖⵔⵉⴱ, ⵔⴰⴷ ⵉⵙⵏⵎⴰⵍⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵙ ⵓⵣⵎⵣⵣⵓ ⵢⴰⴷ ⴽⵔⴰ ⵏ ⵜⵙⴰⵡⵔⵉⵏ ⵅⴼ ⵓⵙⴳⵓⵎ ⵏ ⵓⵎⵏⵏⵓⵖ ⵎⴳⴰⵍ ⵜⵉⵡⵍⴰⴼⵉⵏ ⵜⵉⵙⵏⴰⵡⴰⵢⵉⵏ ⵉⵣⴷⵉⵏ ⴷ ⵡⴰⵏⴰⵡ ⴷ ⵓⵙⵎⴷⵢⴰ ⵏ ⵜⴽⵕⴹⵡⵉⵏ ⵏ ⵡⴰⵏⴰⵡ ⴰⴳⵓⵏⵙ ⵏ ⵓⵙⵏⵖⵎⵙ... ⴰⵜⴳ.
ⵙ ⵓⴱⵔⵉⴷ ⵏ ⵉⵡⵜⵜⴰ ⵉⵎⵎⵓⵙⵏ, ⴰⴷⵖⴰⵔ ⵏ ⵓⵙⴼⵙⵔ ⵏ ⵜⵎⵔⵙⵍⵜ ⵏ ⵓⵙⵍⴳⵏ ⵔⴰⴷ ⵢⴰⵡⵙ ⵉ ⵓⴳⴷⵓⴷ ⵏ ⵓⵙⴼⵙⵔ ⴰⴼⴰⴷ ⴰⴷ ⵢⵉⵙⵉⵏ ⵜⵓⵎⴰⵢⵉⵏ ⵏ ⵜⵎⵓⵖⵍⵉ ⵜⴰⵙⵍⵉⵥⵕⵜ ⵜⴰⵏⴰⵎⵓⵔⵜ ⵉⵜⵜⵓⵚⴽⴰⵏ ⵅⴼ ⴽⵉⴳⴰⵏ ⵏ ⵜⵎⵙⵜⴰⵍ: ⴰⴼⵙⴰⵔ ⴰⵎⵓⵔⴰⵏ, ⵜⵉⵖⵔⵉ ⵏ ⵜⵏⴰⴼⵓⵜⵉⵏ... ⴰⵜⴳ.
ⴰⴷ ⵏⵙⵙⴽⵜⵉ ⵉⵙ ⵉⵡⵏⴰⵏ ⵏ ⵜⵙⵓⵜⵍⵜ ⴰⴷ ⵏ ⵓⵙⴼⵙⵔ ⴰⵎⴰⴹⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ, ⴰⴷⵖⴰⵔ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵜⵜⵓⵙⵔⵙ ⴰⴳⵓⵏⵙ ⵏ ⵓⵙⴰⵢⵙ ⴰⴳⵔⴰⵡⴰⵏ ⴳ ⵍⵍⴰⵏ ⵉⴷⵖⴰⵔⵏ ⵏ ⵓⵙⵇⵇⵉⵎ ⴰⴷⴰⵎⵙⴰⵏ, ⴰⵏⴰⵎⵓⵏ ⴷ ⵓⵡⵏⵏⴰⴹⵜ, ⵜⵉⵎⵔⵙⵍⵜ ⵏ ⵓⵎⵣⵉⵣⵔⵜ ⵏ ⵜⴳⵍⴷⵉⵜ, ⴰⵙⵇⵇⵉⵎ ⵏ ⵜⵎⴳⵔⴰⵡⵜ ⵜⴰⵎⵖⵔⴰⴱⵉⵢⵜ ⴳ ⴱⵕⵕⴰ, ⴰⵙⵇⵇⵉⵎ ⵏ ⵓⵎⵣⵉⵣⵡⵔ, ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵡⵓⵖⵓⴷ, ⵏ ⵓⵙⵏⵉⵎⴰⵍ ⴷ ⵓⵎⵏⵏⵓⵖ ⵎⴳⴰⵍ ⴰⵙⴳⵓⴼⵙⵓ ⴷ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⵉⴹⴰⴼ ⵏ ⵓⴼⵔⴰⴳ ⵏ ⵉⵙⴼⴽⴰ ⵉⵏⵉⵎⴰⵏⵏ.
ⵉⵍⵉ ⵢⴰⴷ ⴰⴳⵔⴰⵡⴰⵏ ⵏ ⵙⴰ ⵏ ⵜⵎⵔⵙⴰⵍ ⵏ ⵜⵉⵏⵏⵓⴱⴹⴰ ⵉⵀⵢⵢⴰⵏ, ⴰⴷ ⵢⴰⵡⵙ ⵉ ⵓⴳⴷⵓⴷ ⴰⴷ ⴰⴽⵣⵏ ⵜⵉⵙⵎⵉⴳⴰⵍ ⵏⵏⵙⵏⵜ ⵉⵣⴷⵉⵏ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⴷ ⵜⵍⴻⵍⵍⵉⵡⵉⵏ, ⴷ ⵓⵙⵉⵍⵉ ⴰⵏⴼⴳⴰⵏ ⴰⵙⵓⵍⴰⵏ, ⵏ ⵓⵙⵍⴳⵏ ⵏ ⵉⴳⴰⴷⴰⵣⵏ, ⵏ ⵜⴷⵉⵎⵓⵇⵕⴰⵟⵉⵜ ⵜⴰⵎⴷⵔⴰⵡⵜ... ⴰⵜⴳ.