ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴰⵙⵙ ⵏ 4 ⴷⵓⵊⴰⵎⴱⵉⵔ 2923, ⵎⴰⵙⵙ ⵍⵉ ⵛⴰⵏⴳⵍⵉⵏ, ⴰⵎⵙⵇⴰⴷ ⵏ ⵜⵎⵓⵔⵜ ⵏ ⵛⵉⵏⵡⴰ ⴳ ⵍⵎⵖⵔⵉⴱ.

ⵉⵡⵏⴰⵏ ⵏ ⵓⵎⵙⴳⵔⴰⵡ ⴰⴷ, ⵜⵙⵎⵏⴷ ⵎⴰⵙⵙⴰ ⴰⵅⴰⵔⴱⴰⵛ ⵉ ⵓⵎⵙⵇⴰⴷ ⵍⵉ ⵛⴰⵏⴳⵍⵉⵏ ⴰⵎⵏⴰⴹ ⴰⵙⵔⵜⴰⵏ ⴷ ⵓⴷⵓⵙⵜⵓⵔⵉ ⵏ ⵓⵙⵍⴻⵍⵍⵉ ⵏ ⵢⵉⴳⵔ ⴰⵙⵍⵉⵥⵕ ⴳ ⵍⵎⵖⵔⵉⴱ ⴷ ⵜⵍⴰⵍⵉⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⴰⵎⵔⵙⵍⵜ ⵜⴰⵙⵏⵉⵎⴰⵏⵜ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴰⵙⵍⵉⵥⵕ.

ⵜⵙⵎⵏⴷ ⴷⵉⵖ ⵎⴰⵙⵙⴰ ⴰⵅⴰⵔⴱⴰⵛ ⵜⴰⵎⴰⵙⴰⵢⵜ, ⴷ ⵡⴰⴷⴷⴰⴷ ⴰⴷⵓⵙⵜⵓⵔⵉ ⴷ ⵜⵙⵎⵉⴳⵍⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵏ ⵓⵏⴱⴰⴹ ⵉⵕⵡⴰⵏ ⴷ ⵓⵙⵍⴳⵏ, ⵢⵓⵙⵉⵏ ⴰⴳⴳⵯⴰ ⵏ ⵓⴹⵎⴰⵏ ⵏ ⵜⵍⴻⵍⵍⵉ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴷ ⵓⴼⵔⴰⴳ ⵏ ⵜⵍⴻⵍⵍⵉ ⵏ ⵓⵡⵏⵏⵉ, ⴷ ⵡⴰⴳⴳⴰ ⵅⴼ ⵓⴱⵖⵓⵔ ⴰⵎⴰⵜⴰⵢ ⵏ ⵉⴳⴷⵓⴷⵏ ⴷ ⵓⴹⵎⴰⵏ ⵏ ⵡⴰⴷⴰⴼ ⵏⵏⵙⵏ ⵖⵔ ⵓⵙⴽⴰⵏ ⴰⵙⵍⵉⵥⵕ ⴰⵎⴰⴳⵓⵜ, ⴰⵎⵢⴰⵏⴰⵡ ⴷ ⵉⵍⴰⵏ ⴰⵜⵉⴳ ⴰⵅⴰⵜⴰⵔ.

ⵜⵙⴰⵡⵍ ⴷⵉⵖ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵜⵅⵉⵜⵔⵜ ⵏ ⵜⵡⵓⵔⵉ ⵏ ⵉⵎⵙⵍⴳⵏⵏ ⵉⵙⵉⵎⴰⵏⵏ ⴳ ⵢⵉⴳⵔ ⵏ ⵜⴳⵎⵉ ⵏ ⵡⴰⵜⵉⴳⵏ ⴷ ⵉⵎⵏⵣⴰⵢ ⵏ ⵜⵎⴰⴳⵓⵜ, ⵏ ⵜⵎⵢⴰⵏⴰⵡⵜ, ⵏ ⵓⵙⵉⴽⵙⵍ ⵏ ⵜⵏⵎⵓⵔⵉ ⴰⴳⵓⵏⵙ ⵏ ⵓⵎⵏⴰⴹ ⵏ ⵉⵎⵓⵜⵜⵓⵢⵏ ⵉⵜⵉⴽⵏⵓⵍⵓⵊⵉⵢⵏ ⴷ ⵉⵣⵣⵓⵍⴰⵏⵏ ⵉⵖⴱⴰⵏ ⵏ ⵢⵉⴳⵔ ⴰⵙⵖⵎⵙⴰⵏ ⴰⵎⴰⴹⵍⴰⵏ. ⵜⵙⴰⵡⵍ ⵅⴼ ⵜⵎⵙⴰⵍⵜ ⵏ ⵓⵙⵏⴼⵍ ⴰⵎⵓⵟⵟⵓⵏ ⵏ ⵓⵎⵢⴰⵡⴰⴹ, ⵜⵙⵙⴱⵖⵙ ⵎⴰⵙⵙⴰ ⴰⵅⴰⵔⴱⴰⵛ ⴰⵙⵡⵉⵔ ⵏ ⵜⵖⵓⴷⵉ ⵜⴰⵜⵉⴽⵏⵓⵍⵓⵊⵉⵜ ⵏⵏⴰ ⵜⵉⵡⴹ ⵜⵎⵓⵔⵜ ⵏ ⵛⵉⵏⵡⴰ, ⴰⵔ ⵜⴰⴷⴷ ⵅⴼ ⵓⵙⵍⴽⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵙⴷⵓⵙ ⵏ ⵓⵙⵍⴳⵏ ⴰⵙⵉⵎⴰⵏ ⵏ ⵓⵙⵏⵖⵎⵙ ⴰⴼⴰⴷ ⴰⴷ ⵏⴹⵎⵏ ⴰⴱⴰⵖⵓⵔ ⴰⵎⴰⵜⴰⵢ ⴰⴳⵓⵏⵙ ⵏ ⵓⵙⴰⵢⵔⴰⵔ ⴰⴳⴷⵓⴷⴰⵏ ⴰⵙⵏⵖⵎⴰⵙ.

ⴳ ⵜⵙⴳⴰ ⵏⵏⵙ, ⵉⵙⴰⵡⵍ ⵓⵎⵙⵇⴰⴷ ⵏ ⵜⵎⵓⵔⵜ ⵏ ⵛⵉⵏⵡⴰ ⵎⴰⵙⵙ ⵍⵉ ⵛⴰⵏⴳⵍⵉⵏ ⵅⴼ ⵜⵖⴹⴼⵜ ⵏⵏⵙ ⵉ ⵢⵉⵔⵎ ⴰⵎⵖⵔⴰⴱⵉ ⴳ ⵢⵉⴳⵔ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴰⵙⵍⵉⵥⵕ ⴷ ⵜⵉⵍⴰⵍⵜ ⵉⵕⵡⴰⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵙⵍⴳⵏ ⴷ ⵓⵙⵡⵓⵔⵉ ⵉⵕⵡⴰⵏ ⵢⵉⴳⵔ ⴷ ⵜⵉⵍⴰⵍⵜ ⵏ ⵜⵎⵔⵙⵍⵜ ⵜⴰⵎⵖⵔⴰⴱⵉⵢⵜ ⴳ ⵜⵎⵏⵥⴰⵡⵜ ⵜⴰⴼⵔⵉⵇⵜ.
ⴷⴼⴼⵉⵔ ⴰⵢⴰ, ⵉⵜⵜⵓⵙⵏⵓⴱⴳ ⵓⵎⵙⵇⴰⴷ ⵍⵉ ⵛⴰⵏⴳⵍⵉⵏ ⵖⵓⵔ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ ⵏⵏⴰ ⵉⵎⵓⵏⵏ ⵉⴷⵙ ⴳ ⵢⴰⵏ ⵓⵔⵣⴰⴼ ⵉ ⴽⵉⴳⴰⵏ ⵏ ⵜⵣⵓⵏⵉⵏ ⵏ ⵜⵎⵔⵙⵍⵜ.