ⵜⵙⵏⵓⴱⴳ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴷ ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ, ⴰⵙⵙ ⵏ 18 ⵢⵓⵏⵢⵓ 2022 ⴳ ⵓⵙⵖⵉⵎ ⵏ ⵜⵎⵔⵙⵍⵜ ⴳ ⵕⵕⴱⴰⵟ, ⵎⴰⵙⵙ ⵅⴰⵍⵉⴷ ⵇⵓⴱⵄⴰ, ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵏ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ ⵏ ⵎⵉⵟⴰ ⴳ ⵜⵎⵏⴰⴹⵜ ⵏ ⵉⴼⵔⵉⵇⵉⵢⴰ ⵏ ⵓⴳⴰⴼⴰⵢ, ⴷ ⵎⴰⵙⵙⴰ ⵃⴰⵏⴰⵏ ⴱⵓⵊⵎⵉⵄ, ⵜⴰⵎⴰⵙⴰⵢⵜ ⵏ ⵜⵖⴰⵡⵙⵉⵡⵉⵏ ⵜⵉⵜⵉⵇⵏⵉⵢⵉⵏ ⴳ ⵎⵉⵟⴰ ⴳ ⵜⵎⵏⴰⴹⵜ ⵏ ⵓⵏⵇⵇⵕ ⴰⵏⴰⵎⵎⴰⵙ ⴷ ⵉⴼⵔⵉⵇⵉⵢⴰ ⵏ ⵓⴳⴰⴼⴰⵢ.

ⵉⵡⵏⴰⵏ ⵏ ⵓⵙⴳⵔⴰⵡ ⴰⴷ, ⵔⵣⴰⵏⵜ ⵜⵙⴳⴳⵯⵉⵏ ⴳ ⵉⵙⵓⵔⵙⵏ ⵉⵜⵉⵇⵏⵉⵢⵏ ⵏ ⵓⵙⵍⴳⵏ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⴰⴽⵍⴰⵙⵉⴽⵉ ⴷ ⵓⵎⵓⵟⵟⵓⵏ ⴳ ⵓⵏⴳⵔⴰⵡ ⴰⵎⴰⵜⴰⵢ ⵏ ⵓⵎⵢⴰⵡⴰⴹ ⵉⵜⵜⵓⵡⴰⵙⵙⵏⵏ ⵙ ⵓⴼⵍⵓⴼⵍ ⵏ ⵓⵏⵖⵎⵉⵙ ⵉⵏⵟⵟⵓⵏ ⵜⵉⵡⵜⴰ ⴷ ⵓⵙⴷⴷⵔⴼ ⵏ ⵉⵎⵓⵜⵜⵓⵢⵏ ⵉⵜⵉⴽⵏⵓⵍⵓⵊⵉⵏ. ⵜⵙⵙⴽⵏ ⴷⵉⵖ ⵎⴰⵙⵙⴰ ⴰⵅⴰⵔⴱⴰⵛ ⴽⵔⴰ ⵏ ⵜⵡⵓⵔⵉⵡⵉⵏ ⵏ ⵜⵎⵔⵙⴰⵍ ⵏ ⵓⵙⵍⴳⵏ ⵙ ⵉⵎⵥⵍⵉ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⵎⴳⴰⵢ ⴷ ⵉⵣⵔⴼⴰⵏ ⴰⵙ ⵉⵜⵜⵉⵏ, ⴰⴼⵔⴰⴳ ⵏ ⵓⴳⴷⵓⴷ ⴰⵎⵥⵢⴰⵏ, ⴰⵙⴱⴷⴷⵉ ⵏ ⵓⵙⵙⴽⵏⴷ ⴰⵖⵎⵙⴰⵏ ⴷ ⵓⵡⵏⵏⵉ ⵏ ⵓⴽⵙⴰⵏ, ⴷ ⵓⴼⵔⴰⴳ ⵏ ⵜⵓⴷⵔⵜ ⵜⵓⵙⵍⵉⴳⵜ ⴷ ⵡⴰⴷⴷⵓⵔ ⴰⵏⴼⴳⴰⵏ ⴷ ⵉⵣⵔⴼⴰⵏ ⵏ ⵜⵎⵖⴰⵔⵉⵏ. ⴰⵔ ⵜⵜⵉⵥⵉⵕ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵉⵙ ⵏ ⵉⵇⵇⴰⵏ ⵅⴼ ⵎⵉⵟⴰ ⴷ ⵜⵙⵉⵍⴰⵡⵉⵏ ⵜⵉⵅⴰⵜⴰⵔⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ ⴰⴷ ⵜⵙⵙⴽⵔ ⵜⴰⵎⵙⵙⵓⵎⴰⵏⵜ ⵅⴼ ⵓⵙⵍⴳⵏ ⴰⵏⵉⵎⴰⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⴷ ⵡⵓⵜⵍⴰⵢ ⵉ ⵉⵎⵙⵡⵓⵔⴰ ⴷ ⵡⴰⵎⵓⵏⵏ.

ⴳ ⵜⵙⴳⴰ ⵏⵏⵙⵏⵜ, ⵜⵙⵎⵏⴷ ⵎⴰⵙⵙⴰ ⴱⵓⵊⵎⵉⵄ ⴷ ⵎⴰⵙⵙⴰ ⵇⵓⴱⵄⴰ ⵜⵉⵣⵎⵎⴰⵔ ⴷ ⵜⵡⵓⵔⵉⵡⵉⵏ ⵏ ⵓⵙⵍⴳⵏ ⴰⵏⵉⵎⴰⵏ ⵏⵏⴰ ⵜⵙⵙⴽⵔ ⵎⵉⵟⴰ, ⴰⵔ ⵜⵜⵎⴰⵍ ⵉⵙ ⴷ ⴰⵣⴳⵏ ⵎⵇⵇⵓⵔⵏ ⵏ ⵜⵡⵓⵔⵉⵡⵉⵏ ⴰⴷ ⵓⵔ ⵜⵏ ⵙⵙⵉⵏⵏ ⵉⵎⵙⵡⵓⵔⴰ ⵏ ⴰⵏⵜⵉⵔⵏⵉⵜ.

ⵙⵙⵉⴽⵣⵏⵜ ⵜⵙⴳⴳⵯⵉⵏ ⵙ ⵙⵏⴰⵜ ⵅⴼ ⵓⵙⵎⵓⵜⵜⴳ ⵏⵏⵙⵏⵜ ⵉ ⵓⵙⵡⵉⵏⴳⵎ ⵏ ⵓⴹⴼⴼⵓⵕ ⵏ ⵡⴰⵏⴰⵡ ⴰⴷ ⵏ ⵓⵙⵏⵉⴼⵍ ⴳ ⵉⵎⴰⵍ ⴳ ⵓⴱⵔⵉⴷ ⵏ ⵓⵙⴷⵓⵙ ⵏ ⵓⵎⵙⴰⵡⴰⵍ ⴰⴳⴷⵓⴷⴰⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵎⵢⴰⵡⴰⴹ ⴷ ⵓⵙⵏⵓⵍⴼⵓ ⵏⵏⴰ ⴷⴰ ⵜⵙⵙⵓⵎⵓⵔ ⵎⵉⵟⴰ, ⴷ ⵜⵎⴳⴳⵉⵜⵉⵏ ⵏ ⵓⵙⵍⴳⵏ ⴰⵏⵉⵎⴰⵏ ⵏⵏⴰ ⵏ ⵉⵇⵇⴰⵏ ⴰⴷ ⵉⵜⵜⵓⵙⴳⵎ, ⴷ ⵉⵎⴰⵙⵙⵏ ⵏ ⵓⵙⵍⴳⵏ ⵉⵜⵜⵓⵥⵍⵉⵏ ⵉ ⵓⴹⵎⴰⵏ ⵏ ⵜⵍⴻⵍⵍⵉ ⵏ ⵓⵡⵏⵏⵉ ⴷ ⵓⵎⵢⴰⵡⴰⴹ ⴷ ⵓⴼⵔⴰⴳ ⵏ ⵓⴳⴷⵓⴷ ⵙⴳ ⵜⵓⵎⴰⵢⵉⵏ ⵢⵓⵙⵉⵏ ⵉⵎⵉⵀⵉⵜⵏ ⴷ ⵡⵉⵏⵏⴰ ⵉⴳⴰⵏ ⵎⴳⴰⵍ ⵉⵎⵓⵣⴰⵢ ⵏ ⵉⵣⵔⴼⴰⵏ ⵉⵏⴼⴳⴰⵏⵏ ⴷ ⵡⴰⵜⵉⴳⵏ ⵉ ⴷⵉⵎⵓⵇⵕⴰⵟⵉⵢⵏ.