ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵏⵏⴰ ⵉⵙⵎⴷⵢⴰ ⵓⴳⵔⴰⵡ ⵉⵏⵙⵙⵉⵅⴼ ⵓⵏⵎⵀⴰⵍ ⴰⵎⴰⵜⴰⵢ, ⵎⴰⵙⵙ ⴱⵏⵄⵉⵙⵙⴰ ⵄⵙⵍⵓⵏ, ⵓⵙⵙⴰⵏ ⵏ 9 ⴰⵔ 12 ⵏⵓⵡⴰⵏⴱⵉⵔ ⴳ ⵕⵉⵢⴰⴹ, ⵢⴰⵎⵓ ⴳ ⵜⵙⵓⵜⵍⵜ ⵜⵉⵙⵙ 22 ⵏ ⵓⵏⵎⵓⴳⴳⴰⵔ ⵏ ⵜⵏⵣⵡⴰⵢⵜ ⴷ ⵓⵜⵉⵍⵉⴼⵉⵣⵢⵓⵏ ⴰⵄⵔⴰⴱ, ⵏⵏⴰ ⵜⵙⵏⵎⴰⵍⴰ ⵜⴰⵎⵓⵏⵜ ⵏ ⵓⵣⵓⵣⵣⵔ ⴰⵏⵣⵡⴰⵢ ⵏ ⵜⵎⵓⵔⴰ ⵜⴰⵄⵔⴰⴱⵉⵏ (ASBU) ⵙ ⵜⵎⴷⵔⴰⵡⵜ ⵏ ⵜⵏⴱⴰⴹⵜ ⵜⴰⵙⴰⵄⵓⴷⵉⵜ ⵏ ⵓⵕⴰⴷⵢⵓ ⴷ ⵓⵜⵉⵍⵉⴼⵉⵣⵢⵓⵏ (RTS).

ⵜⵓⵎⵥ ⵜⵎⵔⵙⵍⵜ ⵜⴰⵎⵖⵔⴰⴱⵉⵢⵜ ⵏ ⵓⵙⵏⴰⵎ ⵢⴰⵏ ⵡⴰⵏⵙⴰ ⴳ ⵓⵙⴼⵙⵔ ⵏ ⵉⵎⴰⵍ ⵏ ⵓⵙⵏⵖⵎⵙ (ⴰⵙⴼⵙⵔ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ - FOMEX 2022), ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⵓⵙⴰⵜⵉ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⴰⴷ ⵏ ⵓⵏⵎⵓⴳⴳⴰⵔ ⵏ ⵏⵏⴰ ⴳ ⴰⵎⵓⵏ ⵓⴳⴰⵔ ⵏ 120 ⵏ ⵉⵎⵙⴼⵙⵔⵏ ⵉⵙⵎⴷⵢⴰⵏ ⴽⵉⴳⴰⵏ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⵙⵏⵖⵎⴰⵙⵉⵏ ⵜⴰⵄⵔⴰⴱⵉⵏ ⴷ ⵜⴳⵔⴰⵖⵍⴰⵏⵉⵏ.

ⴳⴳⵓⵜⵏ ⵉⵏⵔⵣⴰⴼ ⵖⵔ ⴰⵙⴼⵙⵔ ⴰⴷ, ⴷⵉⴳⵙⵏ ⵉⵏⵖⵎⴰⵙⵏ ⴷ ⵉⵣⵣⵓⵍⴰⵏⵏ ⵏ ⵜⵢⴰⴼⵓⵜ ⵜⴰⵙⵍⵉⵥⵕⵜ ⵏⵏⴰ ⵉⴹⴼⴰⵕⵏ ⵉⵙⵎⵏⵉⴷⵏ ⵏ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵉⵙⴰⵜⵉⵏ ⵏⵏⴰ ⵉⴷⵙ ⵉⵎⵓⵏⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵢⵉⵔⵎ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⵙⵏⴰⵎ ⴰⵙⵏⵉⵎⴰⵏ ⵏ ⵓⵙⵏⵖⵎⵙ ⴰⵙⵍⵉⵥⵕ. ⵉⵙⵏⵉⴼⵉⵍⵏ ⴳⵔ ⵉⵙⴰⵜⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⵜⵓⴳⴰⵏ ⴰⴽⴷ ⵓⴳⴷⵓⴷ ⵙ ⵓⵣⵎⵣⵣⵓ ⵢⴰⴷ, ⵎⵍⵏ ⴷⵉⵖ ⵉⵎⴰⵙⵙⵏ ⴷ ⵓⵣⵣⵉⴳⵣ ⵉⵜⵜⵓⵙⵔⵙⵏ ⵙⴳ ⵖⵓⵔ ⵜⵎⵔⵙⵍⵜ ⵉ ⵓⴹⴼⴼⵓⵕ ⵉⵕⵡⴰⵏ ⵏ ⵉⵖⴰⵡⴰⵙⵏ ⴰⴳⵓⵏⵙ ⵏ ⵓⵣⵔⴰⴽ ⵏ ⵜⵍⴻⵍⵍⵉ ⵏ ⵜⵉⵔⵔⴰ ⴷ ⵉⵡⵓⵔⵉⵢⵏ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ ⵏ ⵕⴰⴷⵢⵓ ⴷ ⵜⵉⵍⵉⴼⵉⵣⵢⵓⵏ. ⵜⵉⵏⴰⵡⵉⵏ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴰⴳⵓⵏⵙ ⵏ ⵓⴷⵖⴰⵔ ⵏ ⵓⵙⴼⵙⵔ ⴳⴰⵏⵜ ⴰⵣⵎⵣ ⵏ ⵓⵙⵎⵏⵉⴷ ⵏ ⵜⵎⵙⴳⴳⴰⵔⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵢⵉⴳⵔ ⵏ ⵜⵏⴼⵔⵓⵜ ⵏ ⵜⵍⴻⵍⵍⵉ ⵏ ⵓⵡⵏⵏⵉ, ⵏ ⵓⵙⵙⴳⵎ ⵏ ⵉⵎⵏⵣⴰⵢ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⵜⵉⴳⵏ ⵉⴷⵉⵎⵓⵇⵕⴰⵜⵉⵢⵏ ⴰⴳⵓⵏⵙ ⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ.

ⴰⴷ ⵏⵔⵏⵓ ⵉⵙ ⵜⴰⵙⵓⵜⵍⵜ ⵜⵉⵙⵙ 22 ⵏ ⵓⵏⵎⵓⴳⴳⴰⵔ ⵏ ⵜⵏⵣⵡⴰⵢⵜ ⴷ ⵓⵜⵉⵍⵉⴼⵉⵣⵢⵓⵏ ⴰⵄⵔⴰⴱ ⵉⵜⵜⵓⵙⵏⵎⴰⵍⴰ ⴷⴷⴰⵡ ⵓⵙⴳⵓⵎ ⵏ « ⴰⵙⵏⵖⵎⵙ ⴳ ⵓⵎⴹⴰⵍ ⵉⵍⵍⴰⵏ ⴳ ⵜⵓⵚⴽⴰ », ⵉⵜⵜⵓⵙⴷⵓⵙ ⵙ ⵢⴰⵜ ⵜⵎⵙⴽⵜⵉⵜ ⵉⵎⵇⵇⵓⵔⵏ ⵏ ⵜⵡⵓⵔⵉⵡⵉⵏ. ⵜⵜⵓⵙⴽⵔⵏⵜ ⵓⴳⴰⵔ ⵏ 30 ⵏ ⵜⵙⴰⵡⵔⵉⵏ ⵙⵡⵓⵔⵉⵏⵜ ⵅⴼ ⴽⵉⴳⴰⵏ ⵏ ⵜⵎⵙⴰⵔ ⵉⵣⴷⵉⵏ ⴷ ⵓⵜⵉⵍⵉⴼⵉⵣⵢⵓⵏ ⴷ ⵓⵕⴰⴷⵢⵓ, ⴰⵙⵏⵖⵎⵙ ⵓⵏⵏⵓⵏ ⴷ ⵉⵏⴳⵔⴰⵡⵏ ⵢⴰⴹⵏ.