ⵜⵎⵙⴰⵡⴰⵍ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⵔⴱⴰⵛ, ⴰⵙⵙ ⵏ 06 ⵛⵜⴰⵎⴱⵉⵔ 2021, ⴳ ⵓⵙⵖⵉⵎ ⵏ ⵜⵎⵔⵙⵍⵜ ⴳ ⵕⵕⴱⴰⵟ, ⴷ ⵢⴰⵏ ⵓⴳⵔⴰⵡ ⵉⵙⵎⴷⵢⴰⵏ ⴰⵎⵓⵍⵍⵉ ⵏ ⵜⵎⵓⵔⴰ ⵜⵉⵄⵔⴰⴱⵉⵏ ⵉⵙⵡⵓⴷⴷⵓ ⵎⴰⵙⵙ ⵎⵓⵃⵎⴷ ⵚⴰⵍⴰⵃ ⴱⵏ ⵄⵉⵙⵙⴰ, ⴰⵎⴰⵔⴰ ⴰⵎⴰⵜⴰⵢ ⵡⵉⵙⵙ ⵙⵉⵏ ⴷ ⵓⵎⵖⴰⵔ ⵏ ⵡⴰⵎⵎⴰⵙ ⵏ ⵓⵎⵓⵍⵍⵉ ⵏ ⵜⵓⵏⵙ, ⴷ ⵢⴰⵏ ⵓⴽⴰⴱⴰⵔ ⵢⴰⴹⵏ ⵉⵙⵎⴷⵢⴰⵏ ⴰⴳⵔⴰⵡ ⴰⴱⵕⵍⴰⵎⴰⵏⵉ ⵏ ⵓⵙⵇⵇⵉⵎ ⵏ ⵓⵔⵓⴱⴱⴰ, ⵏⵏⴰ ⵉⵙⵡⵓⴷⴷⵓ ⵎⴰⵙⵙ ⴰⵍⴱⵉⵕⵟⵓ ⵔⵉⴱⵓⵍⵍⴰ. ⵉⴽⴰⴱⴰⵕⵏ ⴰⴷ ⵙ ⵙⵉⵏ ⴷⴷⴰⵏ ⴷ ⴳ ⵓⵙⴰⵜⵉ ⵏ ⵉⵙⵜⴰⵢⵏ ⵉⴳⵔⴰⵡⴰⵏⵏ ⴷ ⵉⵏⵎⵏⴰⴹⵏ ⴷ ⵡⵓⵣⵔⵉⴼⵏ ⵏⵏⴰ ⵔⴰⴷ ⵢⵉⵍⵉ ⴰⵙⵙ ⵏ 8 ⵛⵜⴰⵎⴱⵉⵔ 2021.

ⴳ ⵉⵙⴳⵔⴰⵡⵏ ⴰⴷ, ⵜⵎⵓⵏ ⵎⴰⵙⵙⴰ ⴰⵅⵔⴱⴰⵛ ⵏⵜⵜⴰⵜ ⴷ ⵟⴰⵀⵉⵔ ⵏⴰⴷⵉⵔ, ⴰⵏⵎⵀⴰⵍ ⵏ ⵓⴹⴼⴼⵓⵕ ⵏ ⵉⵖⴰⵡⴰⵙⵏ, ⴷ ⵎⴰⵙⵙ ⵅⴰⵍⵉⴷ ⵓⵡⴰⵔⵢⵉ, ⴰⵏⵙⵙⴼⴰⵡ ⴳ ⵜⵏⵙⵙⵉⵅⴼⵜ.

ⵉⵙⴰⵡⵍ ⵅⴼ ⵜⵎⵙⵜⴳⴳⴰⵔⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵔ ⴳ ⵓⵙⵡⵓⴷⴷⵓ ⵏ ⵓⵎⵢⴰⵏⴰⵡ ⵏ ⵓⵡⵏⵏⵉ ⴰⵙⵔⵜⴰⵏ ⴳ ⵉⵙⵜⴰⵢⵏ ⴳ ⵓⵡⵜⵜⴰⵙ ⵏ ⵜⵏⴼⵔⵓⵜ ⵏ ⵓⵣⵔⴼ ⵏ ⵓⵏⵎⵓⵔⵉ ⴳ ⵓⵏⵖⵎⵉⵙ ⴰⴼⴰⴷ ⴰⴷ ⵉⵙⵜⵉ ⴰⵙⵜⴰⵢ ⵏⵏⵙ ⵙ ⵜⵍⴻⵍⵍⵉ.

ⵜⵙⴰⵡⵍ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵜⵖⵜⴰⵙⵉⵏ ⵏⵏⴰ ⵢⵓⵙⵉ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵎⴰⴳⵓⵜ ⵏ ⵓⵡⵏⵏⵉ ⴰⵙⵔⵜⴰⵏ ⴳ ⵉⵙⵜⴰⵢⵏ ⵏ 2021. ⵜⵙⴰⵡⵍ ⵅⴼ ⵜⵖⵜⴰⵙⵉⵏ ⵉⵣⴷⵉⵏ ⴷ ⵓⴹⴼⴼⵓⵕ ⵏ ⵉⵖⴰⵡⴰⵙⵏ ⴰⵣⵎⵣ ⵏ ⵉⵙⵜⴰⵢⵏ ⵙ ⵉⵎⵥⵍⵉ ⴰⵙⵔⵔⵓⵙ ⵏ ⵢⴰⵜ ⵜⴳⵔⴰⵡⵜ ⵉⵜⵜⴰⴳⴳⵯⴰⵏ ⵅⴼ ⵓⴹⴼⴼⵓⵕ ⴰⴷ.

ⴳ ⵜⵎⵔⴰⵔⵓⵜ ⵏⵏⵙ ⵅⴼ ⵉⵙⵇⵙⵉⵜⵏ ⵏ ⵉⵎⵏⵥⴰ ⵉⴳⵔⴰⵖⵍⴰⵏⵏ, ⵜⵙⴰⵡⵍ ⵎⴰⵙⵙⴰ ⴰⵅⵔⴱⴰⵛ ⵅⴼ ⵉⵍⵓⴳⵏⵏ ⵏⵏⴰ ⵉⵙⵙⴽⵔ ⵓⵙⵇⵇⵉⵎ ⵉ ⵉⵕⴰⴷⵢⵓⵜⵏ ⴷ ⵉⵜⵉⵍⵉⴼⵉⵣⵢⵓⵏⵏ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ ⵙ ⵉⵎⵥⵍⵉ ⴳ ⵓⵢⵏⵏⴰ ⵉⵣⴷⵉⵏ ⴷ ⵡⴰⴷⴰⴼ ⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⵏⵏⴰ ⵢⴰⵎⵓⵏ ⴳ ⵉⵙⵜⴰⵢⵏ ⴳ ⵜⵏⴰⴼⵓⵜⵉⵏ ⵏ ⵓⵎⵢⴰⵡⴰⴹ ⴰⵙⵍⵉⵥⵕ. ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⵙⴰⵡⵍ ⵅⴼ ⵡⴰⵜⵉⴳ ⵏ ⵓⴷⵔⴰⵡ ⵏ ⵜⵎⵖⴰⵔⵉⵏ ⴳ ⵓⵎⵛⴰⵡⴰⵕ ⴰⵙⵔⵜⴰⵏ ⵉⵜⵜⵓⵣⵓⵣⵣⵓⵔⵏ ⴳ ⵉⵎⴰⵙⵙⵏ ⵏ ⵓⵙⵏⵖⵎⵙ ⴷ ⵜⵙⴰⵡⵍ ⵅⴼ ⵜⵎⴰⴳⵓⵜ ⵏ ⵢⵉⵍⵙ ⴷ ⵓⵎⵢⴰⵏⴰⵡ ⴰⵎⵓⵔⴰⵏ.