ⵉⵙⵙⵎⵖⵔ ⵎⴰⵙⵙ ⵓⵏⵙⵙⵉⵅⴼ ⵏ ⵜⵎⵔⵙⵍⵜ ⵏ ⵙⴰⵃⵉⵍ ⵍⵄⴰⵊ ⵏ ⵓⵙⵍⴳⵏ ⵏ ⵓⵙⵏⵖⵎⵙ, ⵎⴰⵙⵙ ⵔⵓⵏⵉ ⴱⵓⵔⴳⵡⴰⵏ, ⴰⵙⵙ ⵏ 28 ⵏⵓⵡⴰⵏⴱⵉⵔ ⴳ ⴰⴱⵉⴷⵊⴰⵏ, ⵙ ⵢⵉⵙⵎ ⵏ ⵉⴳⵎⴰⵎⵏ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵍⴳⵏ ⵏ ⵓⵎⵢⴰⵡⴰⴹ (RIARC) ⵉⵙⵙⵎⵖⵓⵔ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⴷ ⵉⴳⵔⴰⵡⵏ ⴰⴽⴽⵯ ⵏ ⵜⵡⵓⵔⵉ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵍⵎⵖⵔⵉⴱ ⵅⴼ ⵓⵎⵓⵔⵙ ⴰⵎⵇⵔⴰⵏ ⵏ ⵜⵏⵙⵙⵉⵅⴼⵜ ⵜⴰⵎⵖⵔⴰⴱⵉⵢⵜ ⵏ ⵜⵙⵉⵍⴰ ⵢⴰⴷ ⵜⴰⴼⵔⵉⵇⵜ ⵢⵓⵎⴰⵏ 37 ⵏ ⵜⵎⵓⵔⴰ. ⵉⵏⵏⴰ ⵎⴰⵙⵙ ⵔⴻⵏⵉ ⴱⵓⵔⴳⵡⴰⵏ ⵉⵡⵏⴰⵏ ⵏ ⵜⴼⵓⴳⵍⴰ ⵜⴰⵎⴰⴷⴷⵓⴷⵜ ⵏ ⵓⵏⵏⵓⵕⵥⵎ ⵏ ⵓⵎⵙⴳⵔⴰⵡ ⴰⵎⴰⵜⴰⵢ ⵏ ⵓⵥⵟⵟⴰ ⵉⵜⵜⵓⴳⴰⵏ ⵙ ⵓⵃⵉⴹⵕ ⵏ ⴽⵉⴳⴰⵏ ⵏ ⵉⵎⴰⵙⴰⵙⵏ, ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⵉⵅⴰⵜⴰⵔⵏ ⴷ ⵉⵏⵖⵎⴰⵙⵏ ⵏ ⵙⴰⵃⵉⵍ ⵍⵄⴰⵊ : « ⵉⵡⵏⴰⵏ ⴰⴽⴽⵯ ⵏ ⵜⵙⵎⵉⴳⵍⵜ ⵏⵏⵙ, ⵜⵙⵙⴽⵏ ⵎⴰⵙⵙⴰ ⴰⵅⴰⵔⴱⴰⵛ ⵢⴰⵏ ⵓⵙⵎⵓⵙⵙⵓ ⴰⵅⴰⵜⴰⵔ ⴳ ⵢⵉⴳⵔ ⵏ ⵓⵙⵎⵓⵙⵙ ⵏ ⵜⵎⵢⴰⵖⵜ ⵜⴰⵣⵣⵓⵍⴰⵏⵜ ⴳⵔ ⵉⵙⵍⴳⴰⵏⵏ ⵉⴼⵔⵉⵇⵏ ⴳ ⵓⴱⵖⵓⵔ ⵏ ⵓⵙⴼⴰⵡ ⴰⴳⵔⴰⵖⵍⴰⵏ ⵏ RIARC ⵉⴳⴰⵏ ⵜⴰⵙⵉⵍⴰ ⵜⴰⴼⵔⵉⵇⵜ ⵎⵉ ⵜⴳⴰ ⵜⵙⵎⵉⴳⵍⵜ ⴰⴼⵔⴰⴳ ⵏ ⵉⵣⵔⴼⴰⵏ ⵏ ⵉⵏⵎⵓⵔⵉⵏ ⵉⴼⵔⵉⵇⵏ ⴳ ⵢⴰⵜ ⵜⵡⵏⵏⴰⴹⵜ ⵜⴰⵙⵏⵖⵎⴰⵙⵜ ⵏ ⵜⵖⴰⵔⴰ ⴷ ⵜⵎⵢⴰⵎⴰⵏⵜ ». 
ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵙⴰⵃⵉⵍ ⵍⵄⴰⵊ ⵉⵙ « ⵉⵡⵏⴰⵏ ⵏ ⵜⵙⵎⵉⴳⵍⵜ ⵏⵏⵙ, ⵉⵙⵙⵏⵜⵉⵏ ⴳ ⵢⴰⵏ ⵓⵎⵏⴰⴹ ⵉⵥⵍⵉⵏ ⵏ ⴷⴼⴼⵉⵔ ⴰⵟⵟⴰⵏ ⵏ ⴽⵓⴼⵉⴷ, ⵢⵓⵙⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵍⵎⵖⵔⵉⴱ ⵢⴰⵜ ⵜⵉⵍⴰⵍⵜ ⵏ ⵓⵙⵎⵓⵙⵙⵓ ⴷ ⵓⵙⵎⵓⵏ ⵏ ⵜⵡⵔⵉⵇⵜ ⵏ ⵓⵖⴰⵔⴰⵙ ⵏ RIARC, ⴳ ⵉⵙⴳⴳⵯⴰⵙⵏ ⵏ 2023-2024, ⵉⵜⵜⵉⵏ ⵅⴼ ⵙⵉⵏ ⵉⵙⴳⵓⵎⵏ ⵉⴷⵙⵍⴰⵏⵏ. ⴰⵎⵣⵡⴰⵔⵓ ⵉⴳⴰ ⵜⴰⵏⴰⵎⵉⵜ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⵉ ⵜⵡⵏⵏⴰⴹⵜ ⵜⴰⵎⴰⵢⵏⵓⵜ ⵜⴰⵎⵓⵟⵟⵓⵏⵜ, ⵙ ⵓⴱⵔⵉⴷ ⵏ ⵜⵓⵚⴽⴰ ⵏ ⵢⴰⵏ ⵓⵎⵙⴰⵡⴰⵍ ⵉⵣⴷⵉⵏ ⴳⵔ ⵜⵙⵉⵍⴰⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ ⴷ ⵉⵙⵍⴳⴰⵏⵏ ⵉⴼⵔⵉⵇⵏ, ⵜⴰⵙⵓⵜⵍⵜ ⵜⴰⵎⵣⵡⴰⵔⵓⵜ ⵉⵙⵏⵎⴰⵍⴰ ⵜⵜ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⴼⴰⵙ ⴳ ⵉⴱⵔⵉⵔ 2023. ⵜⴰⵙⵓⵜⵍⵜ ⵜⵉⵙⵙ ⵙⵏⴰⵜ ⵜⵣⴷⵉ ⵙ ⵉⵎⵙⴰⵔⴰⵙⵏ ⵏ ⵜⵎⴰⴳⵓⵜ ⵏ ⵓⵡⵏⵏⵉ ⴰⴳⵓⵏⵙ ⵏ ⵓⵙⵏⵖⵎⵙ ⴷ ⵜⵉⵍⴰⵍⵜ ⵏ ⵓⵙⵍⴳⴰⵏ ⴳ ⵓⴼⵔⴰⴳ ⵏ ⵜⴰⵎⵓⵏⵜ ⵏ ⵓⵣⵣⵉⴳⵣ ⵏ ⵉⵙⵜⴰⵢⵏ ⴳ ⵜⴼⵔⵉⵇⵜ ».
ⵍⵍⵉⴳ ⵜⵓⵎⵥ ⴰⵡⴰⵍ ⵉⵡⵏⴰⵏ ⵏ ⵜⴼⵓⴳⵍⴰ ⵢⴰⴷ, ⵜⵏⵏⴰ ⵎⴰⵙⵙⴰ ⴰⵅⴰⵔⴱⴰⵛ ⵉⵙ ⴷⴰ ⵉⵜⵜⵓⵢⴰⴽⴰⵣ ⵓⵎⵓⵔⵙ ⵏ ⵜⵏⵙⵙⵉⵅⴼⵜ ⵏ ⵍⵎⵖⵔⵉⴱ ⵉ ⵓⵥⵟⵟⴰ ⵏ ⵔⵉⵔⴰⴽ ⴳ ⵓⵎⵣⵡⴰⵔⵓ ⵙ ⵓⵣⵎⵎⴻⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵜⵡⵓⵔⵉ ⵏⵏⵙ ⴳ ⵜⵎⵓⵖⵍⵉ ⵜⴰⴼⵔⵉⵇⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⴷ ⵡⵉⵙⵙ ⵙⴹⵉⵙ ⵉⵚⴽⴰⵏ ⵅⴼ ⵡⴰⵜⵉⴳⵏ ⵏ ⵜⴰⵎⵓⵏⵜ ⵜⴰⴼⵔⵉⵇⵜ, ⴰⵙⵙⵣⵡⵓⵔ ⵏ ⵓⴱⵖⵓⵔ ⵏ ⵉⵏⵎⵓⵔⵉⵏ ⴷ ⵓⵔⵣⵣⵓ ⴰⵙⵓⵍⴰⵏ ⵅⴼ ⵓⴱⵖⵓⵔ ⴰⵎⴰⵜⴰⵢ ⵏ ⵡⴰⵎⵓⵏⵏ ⵉⴼⵔⵉⵇⵏ ».
ⵜⵏⵏⴰ ⴷⵉⵖ ⵜⵎⴰⵙⴰⵢⵜ ⵜⴰⵎⵖⵔⴰⴱⵉⵢⵜ ⵉⵙ ⵙ ⵓⴱⵓⵔⵣ ⵉⵙ ⵜⵣⵣⵔⵉ ⵜⴰⵏⵙⵙⵉⵅⴼⵜ ⵏ ⵓⵥⵟⵟⴰ ⵏ ⵔⵉⵔⴰⴽ ⵉ ⵎⴰⵙⵙ ⵔⵓⵏⵉ ⴱⵓⵔⴳⵡⴰⵏ, ⴰⵔⴳⴰⵣ ⵉⵜⵜⵓⵢⴰⵙⵙⵏⵏ ⵙ ⵜⵏⵓⵎⵉ ⵏⵏⵙ ⵜⴰⵎⴰⵙⵙⴰⵏⵜ, ⵉⵔⵎ ⵏⵏⵙ ⴰⵖⵣⵣⴰⴼ ⴷ ⵜⵖⴰⵔⵉⵡⵉⵏ ⵏⵏⵙ ⵜⵉⵏⴼⴳⴰⵏⵉⵏ. ⴰⵢⴰ ⵔⴰⴷ ⵉⵔⵏⵓ ⴰⵎⵓⵔⵙ ⴰⴷⵙⵍⴰⵏ ⴳ ⵓⵕⵥⵥⵓⵎ ⵏ ⵉⴱⵔⴷⴰⵏ ⵉ ⵜⴳⴰⵡⵜ ⵏ ⵉⵙⵍⴳⴰⵏⵏ ⵏ ⵜⵎⵏⵥⴰⵡⵜ”.
ⵜⵉⵏⴰⵡⵜ ⴰⴷ ⵏ ⵉⵏⵙⵙⵉⵅⴼⵏ ⵏ ⵓⵥⵟⵟⴰ ⵏ ⵔⵉⵔⴰⴽ, ⵉⵜⵜⵓⵙⵏⵎⴰⵍⴰⵏ ⴳ ⴰⴱⵉⴷⵊⴰⵏ ⵙⴳ 28 ⴰⵔ 30 ⵏⵓⵡⴰⵏⴱⵉⵔ 2024 ⵉⵥⵍⵉ ⵜⵉⵡⵓⵔⵉⵡⵉⵏ ⵏⵏⵙ ⵅⴼ ⵜⵎⵙⴰⵍⵜ ⵏ ⵓⵙⵍⴳⵏ ⵏ ⵜⵉⵖⵉⵙⵜ ⵜⵉⵎⵍⵥⵉⵜ ⴰⴳⵓⵏⵙ ⵏ ⵢⵉⴳⵔ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵓⵎⵓⵟⵟⵓⵏ ⴳ ⵜⴼⵔⵉⵇⵜ ⵙ ⵜⵎⴷⵔⴰⵡⵜ ⵏ ⵜⵎⵔⵙⴰⵍ ⵏ ⵓⵙⵍⴳⵏ ⵏ 26 ⵏ ⵜⵎⵓⵔⴰ.
ⵜⴰⵙⴳⴰ ⵏ ⵓⵣⵣⵔⴰⵢ ⵏ ⵜⵏⵙⵙⵉⵅⴼⵜ ⴳⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵍⵎⵖⵔⵉⴱ ⴷ ⵓⵏⵙⵙⵉⵅⴼ ⵏ ⵜⵎⵔⵙⵍⵜ ⵏ ⵙⴰⵃⵉⵍ ⵍⵄⴰⵊ, ⴰⵎⵙⴳⵔⴰⵡ ⴰⴷ ⵉⵜⵜⵓⵔⵛⵎ ⴰⵡⴷ ⵙ ⵓⵙⵜⴰⵢ ⵏ ⵎⴰⵙⵙ ⵄⴱⴷⵕⵕⴰⵃⵎⴰⵏ ⴱⴰⵕⴰⴽⴰ ⴰⴱⴷⵓⵍⴰⵢ ⴹⵓⵏⵉⵏⴳⴰⵔ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵎⴰⵜⵜⴰⵢⵜ ⵏ ⵓⵙⵏⵖⵎⵙ ⴷ ⵓⵙⵍⵉⵥⵕ (HAMA) ⵏ ⵜⵛⴰⴷ, ⴳ ⵜⵙⵎⵉⴳⵍⵜ ⵏ ⵓⵎⴰⵔⴰ ⴰⵎⴰⵢⵏⵓ ⵏ RIARC ⵉ ⵉⵙⴳⴳⵯⴰⵙⵏ ⵏ 2025-2026.
ⵉⵡⵏⴰⵏ ⵏ ⵓⵎⵙⴳⵔⴰⵡ ⴰⴷ, ⵜⴻⵜⵜⵓⵙⵖⵣⵏ ⵜⵙⴳⵓⵔⵉ ⵏ ⴰⴱⵉⴷⵊⴰⵏ ⵅⴼ ⵓⵙⵍⴳⵏ ⵏ ⵜⵉⵖⵉⵙⵜ ⵜⵉⵎⵍⵥⵉⵜ ⴳ ⵢⵉⴳⵔ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵓⵎⵓⵟⵟⵓⵏ ⴳ ⵜⴼⵔⵉⵇⵜ.
ⵜⵎⵓⵏ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵖⵔ ⴰⴱⵉⴷⵊⴰⵏ ⵏⵜⵜⴰⵜ ⴷ ⵎⴰⵙⵙ ⵢⴰⵙⵙⵉⵔ ⵖⵓⵔⴱⴰⵍ ⴷ ⵎⵓⵃⴰⵎⴷ ⵍⴰⵄⵕⵓⵙⵙⵉ, ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⴽⴷ ⵎⴰⵙⵙ ⵟⴰⵍⴰⵍ ⵚⴰⵍⴰⵃⴷⴷⵉⵏ,  ⴰⵎⵏⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵉⴼⵔⵉⵇⵉⵏ ⴷ ⵜⴳⵔⴰⵖⵍⴰⵏⵉⵏ.