ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵎⵣⵉⵣⵣⵍ ⵏ ⵜⵎⵜⵜⵉⵏ ⵎⵓⵏⵉⵏ ⵅⴼ 16 ⵏ ⵡⵓⵙⵙⴰⵏ ⵏ ⵓⵙⵎⵓⵙⵙⵓ ⵎⴳⴰⵍ ⵜⵉⴽⵕⴹⵉ ⵉⵜⵜⵓⴳⴰⵏ ⵉ ⵜⵎⵖⴰⵔⵉⵏ ⴷ ⵜⵛⵉⵔⵔⴰⵜⵉⵏ, ⵏⵏⴰ ⵜⵙⵏⵎⴰⵍⴰ ⵜⵏⵎⵍⴰⵢⵜ ⵏ ⵜⵎⵜⵜⵉⵏ ⵎⵓⵏⵉⵏ ⵉⵥⵍⵉⵏ ⵉ ⵜⵎⵖⴰⵔⵉⵏ.

ⴳ ⵓⵙⴰⵜⵉ ⵏ ⵓⵎⵣⵉⵣⵣⵍ ⴰⴷ ⵏ ⵓⵙⵎⵓⵙⵙⵓ ⵉⵙⵙⴽⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵢⴰⵏ ⵓⵎⵚⵔⵉ ⵏ ⵓⵙⴼⵙⵔ ⵏ ⵓⵙⵏⵖⵎⵙ ⵏ ⵓⴳⴷⵓⴷ ⵜⴰⵙⴳⴰ ⵏ ⵜⵎⵔⵙⴰⵍ ⵢⴰⴹⵏ ⴳ ⵜⵣⵢⴰⵣⵣⴰⵍⵜ ⵏ ⵃⴰⵙⵙⴰⵏ ⵡⵉⵙⵙ ⵙⵉⵏ ⴳ ⵕⵕⴱⴰⵟ ⴰⵙⵙ ⵏ 23 ⵏⵓⵡⴰⵏⴱⵉⵔ 2024.

ⴰⵙⴳⴳⵯⴰⵙ ⴰⴷ, ⵉⵙⴼⴰⵡ ⵓⵎⵣⵉⵣⵣⵍ ⵅⴼ ⵜⵎⵙⴽⵜⵉⵜ ⵏ ⵓⵙⴳⵓⵔⵉ ⵏ ⴱⵉⵊⵉⵏ  ⵏⵏⴰ ⵉⵜⵜⵓⵙⵖⵣⵏⵏ ⴰⵙⴳⴳⵯⴰⵙ ⵏ 1995, ⴳ ⵓⵙⴳⵓⵎ ⵏ “ⴳ ⵓⴱⵔⵉⴷ ⵏ 30 ⵏ ⵉⵙⴳⴳⵯⴰⵙⵏ ⵅⴼ ⵓⵙⴳⵓⵔⵉ ⴷ ⵓⵖⴰⵡⴰⵙ ⵏ ⵜⵉⴳⴰⵡⵜ ⵏ ⴱⵉⵊⵉⵏ: ⴰⴷ ⵏⵎⵓⵏ ⴰⴼⴰⴷ ⴰⴷ ⵏⵙⴱⴷⴷ ⵜⵉⴽⵕⴹⵉⵡⵉⵏ ⵉⵜⵜⵓⴳⴰⵏ ⵉ ⵜⵎⵖⴰⵔⵉⵏ ⴷ ⵜⵛⵉⵔⵔⴰⵜⵉⵏ!”.

ⴰⵎⵣⵉⵣⵣⵍ ⵏ ⵓⵙⵎⵓⵙⵙⵓ ⵉⵙⵙⵏⵜⵉ ⴰⵙⵙ ⵏ 25 ⵏⵓⵡⴰⵏⴱⵉⵔ, ⴰⵙⵙ ⴰⴳⵔⴰⵖⵍⴰⵏ ⵏ ⵡⵓⴽⵓⵙ ⵏ ⵜⴽⵕⴹⵉ ⵎⴳⴰⵍ ⵜⵉⵎⵖⴰⵔⵉⵏ, ⵉⵎⴷⵓ ⴰⵙⵙ ⵏ 10 ⴷⵓⵊⴰⵎⴱⵉⵔ, ⴰⵙⵙ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵉⵏⴼⴳⴰⵏⵏ.

ⵉⵎⵎⵓⵙ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵙⴰⵜⵉ ⵏ ⵓⵎⵣⵉⵣⵣⵍ ⴰⴷ ⵏ ⵜⵎⵜⵜⵉⵏ ⵎⵓⵏⵉⵏ ⴷⴰ ⵉⵙⵙⴽⴰⵏ ⵜⴰⵎⵔⵉⵙⵜ ⵏⵏⵙ ⴳ ⵢⵉⴳⵔ ⵏ ⵓⵡⵉⴷⵉ ⴰⵏⵎⵓⵔⴰⵏ, ⵙ ⵓⵢⵏⵏⴰ ⵉⵍⵍⴰⵏ ⴳ ⵜⵙⵎⵉⴳⵍⵜ ⵏⵏⵙ ⵜⴰⴷⵓⵙⵜⵓⵔⵉⵜ. ⵜⴰⵎⵔⵉⵙⵜ ⴰⴷ ⴷⴰ ⵜⵜⵓⵥⵕⴰ ⴳ ⵓⵙⵔⵔⵓⵙ ⵏ ⵢⴰⵏ ⵓⵙⴰⵜⵉ ⴰⵍⵓⴳⴰⵏ ⵖⵓⵔ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵎⴽⵍ ⵏ ⵉⵙⵏⵏⵉⵔⴰⵣ ⴷ ⵉⵙⵏⵏⵉⵔⴰⵣ ⵉⵏⵉⵎⴰⵏⵏ ⵉⵣⴷⵉⵏ ⵙ ⴳⴰⵔ ⴰⵡⵉⴷⵉ ⵏ ⵡⴰⵏⴰⵡ, ⴰⵙⵍⵍⵡⵓ ⵏ ⵉⵎⴰⵙⵙⵏ ⵏ ⵓⴹⴼⴼⵓⵕ ⵏ ⵓⵙⵓⵎⵓ ⵏ ⵡⴰⵏⴰⵡ, ⴷ ⵓⵙⴽⴰⵔ ⵏ ⴽⵉⴳⴰⵏ ⵏ ⵜⵖⵓⵔⵉⵡⵉⵏ ⴷ ⵜⵔⵣⵉⵡⵉⵏ. ⵅⴼ ⵓⵢⴰⴷ, ⵉⵙⵙⴽⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⵉⵖⵓⵔⵉⵡⵉⵏ ⵅⴼ ⵓⴳⵏⵙⴻⵙ ⵏ ⵜⵎⵖⴰⵔⵉⵏ ⴰⴳⵓⵏⵙ ⵏ ⵓⵙⵓⵙⵙⵏ, ⵅⴼ ⵓⵙⵎⴽⵍ ⴰⵏⵖⵎⴰⵙ ⵏ ⵜⴽⵕⴹⵉⵡⵉⵏ ⵉⵜⵜⵓⴳⴰⵏ ⵉ ⵜⵎⵖⴰⵔⵉⵏ ⴷ ⵉⵙⵙⴽⵔ ⵜⵉⵙⴰⵡⵔⵉⵏ ⵏ ⵓⵔⴰⵔ ⵏ ⵜⵢⴰⴼⵓⵜⵉⵏ ⵉ ⵉⵎⴰⵣⵣⴰⵍⵏ ⵏ ⵡⴰⵎⵓⵏ ⴰⵖⵔⵎⴰⵏ, ⵏ ⵉⵣⵔⴼⴰⵏ ⵉⵏⴼⴳⴰⵏⵏ, ⵏ ⵜⵎⵖⴰⵔⵉⵏ ⵜⵉⵎⵙⵜⴳⴳⴰⵔ ⴳ ⵢⵉⴳⵔ ⴰⴳⴷⵓⴷⴰⵏ ⴷ ⵉⵎⴰⵣⵣⴰⵍⵏ ⵏ ⵓⵏⴳⵔⴰⵡ ⴰⵖⵎⵙⴰⵏ.