ⵜⵙⵏⵓⴱⴳ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵙ ⵏ 6 ⵛⵜⴰⵎⴱⵉⵔ 2023, ⵎⴰⵙⵙⴰ ⵎⵓⴷⴰ ⵄⵓⵎⴰⵔ ⵃⴰⵊⵍⵜⵡⴰⵎ, ⵜⴰⵎⵙⵇⴰⴷⵜ ⵏ ⵙⵙⵓⴷⴰⵏ ⴳ ⵕⵕⴱⴰⵟ.
ⵉⵡⵏⴰⵏ ⵏ ⵓⵎⵙⴳⵔⴰⵡ ⴰⴷ, ⵜⵙⵎⵏⴷ ⵎⴰⵙⵙⴰ ⴰⵅⴰⵔⴱⴰⵛ ⵉ ⵎⴰⵙⵙⴰ ⵜⴰⵎⵙⵇⴰⴷⵜ ⵉⵛⴰⵕⵉⴹⵏ ⵉⵅⴰⵜⴰⵔⵏ ⵏ ⵜⵡⵓⵔⵉ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⴰⵙⵏⵉⵎⴰⵏⵜ ⵢⵓⴳⴳⴰⵏ ⵅⴼ ⵓⵙⵍⴳⵏ ⵏ ⵓⵙⵏⵖⵎⵙ ⴰⵙⵍⵉⵥⵕ. ⵜⵎⵏⴷ ⴷⵉⵖ ⵜⵉⵍⴰⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⴳ ⵢⵉⴳⵔ ⵏ ⵓⵙⵡⵓⴷⴷⵓ ⵏ ⵜⵎⴰⴳⵓⵜ ⵏ ⵓⵡⵏⵏⵉ ⴰⵙⵔⵜⴰⵏ ⵉⵡⵏⴰⵏ ⵏ ⵉⵙⵜⴰⵢⵏ, ⴷ ⵜⵎⵔⵉⵙⵜ ⵏ ⵜⵎⵔⵙⵍⵜ ⴳ ⵓⵙⴷⵓⵙ ⵏ ⵓⵎⵢⴰⵏⴰⵡ ⴷ ⵓⵙⵓⵎⵓ ⴳⵔ ⵡⴰⵏⴰⵡⵏ ⴷ ⵓⵙⴷⵓⵙ ⵏ ⵉⵎⵏⵣⴰⵢ ⵏ ⵉⵣⵔⴼⴰⵏ ⵏ ⵓⵎⴷⴰⵏ ⴳ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ.
ⵜⵙⴰⵡⵍ ⴷⵉⵖ ⵎⴰⵙⵙⴰ ⴰⵅⴰⵔⴱⴰⵛ ⵅⴼ ⵜⵏⵥⵕⵉⵏ ⵏⵏⴰ ⵉⵏⵏⴰⵍⵏ ⵜⵉⵎⵔⵙⴰⵍ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴳ ⵓⵎⴰⴹⴰⵍ ⴷ ⵓⵎⵏⴰⴹ ⵏ ⵓⵙⵏⴼⵍ ⴰⵎⵓⵟⵟⵓⵏ ⵉⵖⴱⴰⵏ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ ⴷ ⵓⵏⵏⴳⴷⵎ ⵏ ⵓⵙⵡⵓⵔⵉ ⴰⵙⵏⵖⵎⴰⵙ ⴷ ⵜⵎⵖⵔ ⵏ ⵓⴽⵛⵛⴹ ⵏ ⵜⵙⵉⵍⴰⵡⵉⵏ  ⵜⵉⵎⵓⵟⵟⵓⵏⵉⵏ.

ⵜⴱⴷⵔ ⴷⵉⵖ ⵎⴰⵙⵙⴰ ⴰⵅⵔⴱⴰⵛ ⵉⵡⵏⴰⵏ ⵏ ⵓⵎⵙⴰⴳⴰⵔ ⵜⵉⵣⵎⵎⴰⵔ ⵏ ⵓⴳⵔⴰⵡ ⴰⵎⴰⵜⵜⴰⵢ ⴳ ⵢⵉⴳⵔ ⵏ ⵓⵎⵢⴰⵡⴰⵙ ⴰⵎⴰⴹⵍⴰⵏ ⴷ ⵡⴰⴽⴽⴰⵢ ⴰⵣⵣⵓⵍⴰⵏ, ⵜⵙⵙⴽⵏ ⵜⴰⵖⴹⴼⵜ ⵏⵏⵙ ⵉ ⵓⵎⵢⴰⵡⴰⴹ ⴷ ⵓⴳⵔⴰⵡ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴳ ⵙⵙⵓⴷⴰⵏ.
ⴳ ⵜⵙⴳⴰ ⵏⵏⵙ, ⵜⵙⵎⵏⴷ ⵎⴰⵙⵙⴰ ⵎⵓⴷⴰ ⵄⵓⵎⴰⵔ ⵃⴰⵊⵍⵜⵡⴰⵎ, ⵜⴰⵏⵏⴰⵢⵜ ⵅⴼ ⵜⵎⵓⵖⵍⵉ ⵜⴰⵙⵓⴷⴰⵏⵉⵜ ⵏ ⵓⵙⵍⴳⵏ ⵏ ⵓⵙⵏⵖⵎⵙ, ⵜⵙⵙⴽⵏ ⵉⵏⵥⵉ ⵏⵏⵙ ⴳ ⵜⵏⴰⴼⵓⵜ ⴰⵙⵉⵏⵔⴰⵏ ⴳ ⵜⵓⵚⴽⴰ ⵏ ⵜⵍⴳⴳⵯⵉⵏ ⵏ ⵓⵎⵢⴰⵡⴰⵙ ⴳⵔ ⵓⴳⵔⴰⵡ ⴰⵎⴰⵜⵜⴰⵢ ⴷ ⵢⵉⴽⵏⵉ ⵏⵏⵙ ⴰⵙⵓⴷⴰⵏⵉ « ⴰⴳⵔⴰⵡ ⴰⵎⴰⵜⴰⵢ ⴰⵙⵓⴷⴰⵏⵉ ⵏ ⵓⵣⵓⵣⵣⵔ ⴰⵏⵣⵡⴰⵢ ⴷ ⵓⵜⵍⴼⴰⵣ ».