ⴰⵔⵣⴰⴼ ⵏ ⵓⵎⴰⵡⵙⴰⵙ ⴰⴼⵉⵍⵉⵙⵟⵉⵏⵉ ⵏ ⵓⵙⵏⵖⵎⵙ ⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ
ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⵙⵏⵖⵎⵙ ⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⴰⵙⵙ ⵏ 1 ⴽⵜⵓⴱⵕ 2024, ⵎⴰⵙⵙ ⴰⵃⵎⴷ ⵄⵙⵙⴰⴼ, ⴰⵎⴰⵡⵙⴰⵙ ⵢⵓⴳⴳⴰⵏ ⵅⴼ ⵓⵙⵏⵖⵎⵙ ⵓⵏⵙⵉⴱ ⴰⴼⴰⵍⵉⵙⵟⵉⵏⵉ, ⵜⴰⵙⴰⴳ ⵏ ⵓⵔⵣⴰⴼ ⵏⵏⵙ ⵏ ⵜⵡⵓⵔⵉ ⴰⴳⵓⵏⵙ ⵏ ⵜⵎⵓⵔⵜ ⵏⵏⵖ, ⵉⵣⵡⵓⵔ ⵉ ⵢⴰⵏ ⵓⴽⴰⴱⴰⵕ ⵏ ⵉⵎⴰⵙⴰⵢⵏ ⵉⵙⵏⵖⵎⴰⵙⵏ ⵉⴼⴰⵍⵉⵙⵟⵉⵏⵉⵢⵏ.
ⵉⵡⵏⴰⵏ ⵏ ⵓⵎⵙⴳⵔⴰⵡ ⴰⴷ, ⴳ ⵉⵍⵍⴰ ⴰⵡⴷ ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵏⵖⵎⵙ ⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵜⵙⴽⵜⵉ ⵎⴰⵙⵙⴰ ⴰⵅⴰⵔⴱⴰⵛ ⴰⴷⴷⴰⴷ ⵏ ⵓⵎⵢⴰⵡⴰⵙ ⴷ ⵜⴰⵢⵎⴰⵜ ⵜⴰⵙⵓⵍⴰⵏⵜ ⵓⵔ ⵉⵕⵥⵥⴰⵏ ⵏ ⵓⴳⴷⵓⴷ ⴰⵎⵖⵔⴰⴱⵉ ⵉ ⴳⵎⴰⵙ ⴰⴳⴷⵓⴷ ⴰⴼⴰⵍⵉⵙⵟⵉⵏⵉ. ⵜⵔⵏⵓ ⵜⵏⵏⴰ, ⴰⵎⵢⴰⵡⴰⵙ ⴰⴷ ⵢⵓⴳⵎ ⴰⵔ ⵉⵜⵜⴷⵓⵙ ⵙ ⵜⵎⵔⵉⵙⵜ ⵏ ⵓⵎⵢⴰⵡⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴷ ⵡⵉⵙⵙ ⵙⴹⵉⵙ ⵉ ⵓⴱⵖⵓⵔ ⵏ ⵜⵎⵏⵜⵉⵍⵜ ⵜⴰⴼⴰⵍⵉⵙⵟⵉⵏⵉⵢⵜ. ⵜⵏⵏⴰ ⵙ ⵓⵎⴷⵢⴰ ⵉⴳⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴷ ⵡⵉⵙⵙ ⵙⴹⵉⵙ, ⵉⴳⴰⵏ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵍⵇⵓⴷⵙ, ⵎⵉ ⵉⴳⴰ ⵓⴳⵎⴰⵎ ⴰⵎⵣⵣⴳⴰⵔ ⵜⴰⵙⵏⵓⵔⴰⵢⵜ ⴰⴱⵢⵜ ⵎⴰⵍ ⴰⵍⵇⵓⴷⵙ ⴰⵛⴰⵔⵉⴼ, ⵢⵓⴳⴳⵯⴰ ⵙ ⵜⵖⴰⵔⴰⵙⵜ ⵜⴰⵙⵓⵍⴰⵏⵜ ⵅⴼ ⵓⵙⵙⴼⵙⵉⵙ ⵏ ⵎⴽⵕⴹⵓⵍ ⵏ ⵉⴼⴰⵍⵉⵙⵟⵉⵏⵉⵢⵏ ⴷ ⵓⴼⵔⴰⴳ ⵏ ⵜⵎⴷⵉⵏⵜ ⵜⴰⴳⵓⵔⵔⴰⵎⵜ ⵏ ⴰⵍⵇⵓⴷⵙ ⴷ ⵡⴰⵢⵍⴰ ⴰⴳⵓⵔⵔⴰⵎ ⴷ ⵓⴷⵍⵙⴰⵏ.
ⵜⵙⵙⴽⵜⵉ ⴷ ⴷⵉⵖ ⵜⵏⵙⵙⵉⵅⴼⵜ ⵏ ⵓⵙⵏⵖⵎⵙ ⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵙ ⵙ ⵓⴱⵔⵉⴷ ⵏ ⵜⵏⴱⴰⴹⵜ ⵜⴰⴱⵉⴷⴰⵖⵓⵊⵉⵜ ⵏⵏⵙⵏ ⴷ ⵜⵓⵙⵓⵔⵜ ⵜⴰⵅⴰⵜⴰⵔⵜ, ⵉⵍⴰ ⵓⵙⵏⵖⵎⵙ ⵢⴰⵜ ⵜⵉⵍⴰⵍⵜ ⵜⴰⴷⵙⵍⴰⵏⵜ ⴳ ⵓⵎⵣⴰⵖ ⵏ ⵜⵎⵏⵜⵉⵍⵜ ⵜⴰⴼⴰⵍⵉⵙⵟⵉⵏⵉⵢⵜ ⵙ ⵉⵎⵥⵍⵉ ⵙ ⵓⴱⵔⵉⴷ ⵏ ⵓⵙⴽⴰⵏ ⵏ ⵓⵎⴰⵍⵍⴰⵙ ⴰⴼⵉⵍⵉⵙⵟⵉⵏⵉ. ⵜⵙⵏⵎⵎⵔ ⵙ ⵓⵣⵎⵣⵣⵓ ⵢⴰⴷ ⴰⵎⴰⵡⵙⴰⵙ ⴰⴼⵉⵍⵉⵙⵟⵉⵏⵉ ⵅⴼ ⵓⵣⵣⵉⴳⵣ ⵉⵍⵍⴰⵏ ⴳ ⵓⵙⵙⵎⵖⵔ ⵏ ⵜⵓⵎⴰⵢⵉⵏ ⵜⵉⴼⴰⵍⵉⵙⵟⵉⵏⵉⵏ ⵅⴼ ⵜⵙⵉⵍⴰⵡⵉⵏ ⵏ ⵓⵙⵏⵖⵎⵙ ⴰⵎⵓⵟⵟⵓⵏ ⵏⵏⴰ ⵉⵙⵙⵡⴹⵏ ⵖⵔ ⵢⴰⵏ ⵓⵙⵎⵓⵙⵙⵓ ⴷ ⵢⴰⵏ ⵓⵙⵓⵜⴳ ⵉ ⵜⵎⵏⵜⵉⵍⵜ ⴰⴷ ⵜⵓⵣⵔⵉⴼⵜ ⵖⵓⵔ ⵓⴳⴷⵓⴷ ⵏ ⵉⵄⵔⵔⵉⵎⵏ ⵙ ⵉⵎⵥⵍⵉ ⴰⴳⵓⵏⵙ ⵏ ⵜⵙⴷⴰⵡⵉⵜ ⴳ ⴽⵉⴳⴰⵏ ⵏ ⵜⵙⴳⴳⵯⵉⵏ ⵏ ⵓⵎⴰⴹⴰⵍ. ⴰⵎⵙⴳⵔⴰⵡ ⴰⴷ ⵉⴳⴰ ⴷⵉⵖ ⵢⴰⵜ ⵜⵉⵣⵉ ⵉ ⵓⵙⵙⵎⵏⵉⴷ ⵏ ⵉⵛⴰⵕⵉⴹⵏ ⵉⵅⴰⵜⴰⵔⵏ ⵏ ⵜⵙⵎⵉⴳⵍⵜ ⵜⴰⴷⵓⵙⵜⵓⵔⵉⵜ ⵏ ⵓⵙⵏⵖⵎⵙ ⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵙⵉⵎⴰⵏⵜ, ⵙ ⵉⵎⵥⵍⵉ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵜⵍⴻⵍⵍⵉ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵓⴹⵎⴰⵏ ⵏ ⵓⵣⵔⴼ ⵏ ⵉⵏⵎⵓⵔⵉⵏ ⴳ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ ⵉⵜⵜⵣⵔⴰⴽⵏ ⵉⵎⵏⵣⴰⵢ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⵜⵉⴳⵏ ⵉⴷⵉⵎⵓⵇⵔⴰⵟⵉⵢⵏ.
ⵃⴰⴹⵕ ⴳ ⵓⵎⵙⴳⵔⴰⵡ ⴰⴷ, ⵎⴰⵙⵙ ⵎⵓⵃⴰⵎⴷ ⵅⴰⵍⵉⵍ ⵅⴰⵟⵟⴰⴱ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵉⵏⵖⵎⵉⵙⵏ ⴳ ⵓⵜⵉⵍⵉⴼⵉⵣⵢⵓⵏ ⴰⴼⴰⵍⵉⵙⵟⵉⵏⵉ, ⵎⴰⵙⵙ ⵄⴱⴷ ⵄⵡⵉⵎⵕ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵏⵣⵡⴰⵢⵜ ⵜⴰⵖⵛⵜ ⵏ ⴼⴰⵍⵉⵙⵟⵉⵏ, ⵎⴰⵙⵙ ⵎⴰⵃⵎⵓⴷ ⴰⴱⵓ ⴰⵍ ⵃⴰⴱⵊⴰ, ⴰⵎⴰⵔⴰ ⴰⵎⴰⵜⴰⵢ ⵏ ⵓⵖⵎⵉⵙ ⴰⵍ-ⵃⴰⵢⴰⵜ ⴰⵍ-ⵊⴰⴷⵉⴷⴰ, ⵎⴰⵙⵙ ⵎⵓⵃⴰⵏⵏⴰⴷ ⵊⴰⴷⵓ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵉⵔⵔⴰ ⴳ ⵜⵙⵏⵓⵔⴰⵢⵜ ⵏ ⵜⵏⵖⵎⴰⵙⵜ ⴷ ⵉⵏⵖⵎⵉⵙⵏ ⵉⴼⴰⵍⵉⵙⵟⵉⵏⵉⵢⵏ ⵡⴰⴼⴰ, ⵎⴰⵙⵙ ⵎⵓⵃⴰⵎⴷ ⵅⵓⴹⵕ, ⴰⵏⵎⵀⴰⵍ ⵏ ⵓⴱⵔⵙⵉⵔⴰ ⵏ ⵓⵎⴰⵡⵙⴰⵙ, ⴷ ⵎⴰⵙⵙ ⵅⴰⵍⵉⴷ ⵍⵡⴰⵔⵢⵉ ⵙⴳ ⵓⴱⵔⵙⵉⵔⴰ ⵏ ⵜⵏⵙⵙⵉⵅⴼⵜ ⵏ ⵓⵙⵏⵖⵎⵙ ⵉ ⵓⴳⵔⴰⵡ ⴰⵎⴰⵜⵜⴰⵢ.