ⴰⵎⵙⵇⴰⴷ ⵏ ⵜⴳⵍⴷⵉⵜ ⵏ ⴱⵍⵊⵉⴽⴰ ⴳ ⵍⵎⵖⵔⵉⴱ, ⵎⴰⵙⵙⴰ ⴼⵉⵕⵓⵏⵉⴽ ⴱⵓⵜⵉ, ⵜⴻⵜⵜⵓⵙⵏⵓⴱⴳ ⵖⵓⵔ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ
ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴰⵙⵙ ⵏ 1 ⵉⴱⵔⵉⵔ 2022, ⵎⴰⵙⵙ ⴼⵉⵕⵓⵏⵉⴽ ⴱⵓⵜⵉ, ⴰⵎⵙⵇⴰⴷ ⵏ ⵜⴳⵍⴷⵉⵜ ⵏ ⴱⵍⵊⵉⴽⴰ ⴳ ⵍⵎⵖⵔⵉⴱ.
ⴳ ⵓⵎⵙⴰⵡⴰⵍ ⴳⵔⴰⵙⵏ, ⵜⵎⵍ ⵎⴰⵙⵙⴰ ⴰⵅⴰⵔⴱⴰⵛ ⵉ ⵓⴷⵉⴱⵍⵓⵎⴰⵙⵉ ⴰⴱⵍⵊⵉⴽⵉ ⴰⴷⴷⴰⴷ ⴰⵎⵔⵙⴰⵍ ⴷ ⵉⵛⴰⵕⵉⴹⵏ ⵉⵅⴰⵜⴰⵔⵏ ⵏ ⵜⵎⴰⵙⴰⵢⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵙⵉⵎⴰⵏⵜ ⵢⵓⵙⵉⵏ ⴰⴳⴳⵯⴰ ⵏ ⵓⵙⵏⴰⵎ ⵏ ⵉⵙⵏⵖⵎⴰⵙⵏ ⵉⵙⵍⵉⵥⵕⵏ.
ⵉⵙⵏⵉⴼⵉⵍⵏ ⵉⵡⵉⵏ ⴷ ⵅⴼ ⵜⵎⵙⴰⵔⵉⵏ ⵏ ⵓⵙⵡⵓⵔⵉ ⵏ ⵜⵎⵖⴰⵔⵜ ⴷ ⵢⵉⵡⵙ ⵏ ⵓⵙⵏⵖⵎⵙ ⴳ ⵜⴳⵎⵉ ⵏ ⵜⴷⵍⵙⴰ ⵏ ⵓⵙⵓⵎⵓ. ⵜⵙⵙⴽⵜⵉ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵔ ⴽⵔⴰ ⵏ ⵜⵡⵓⵔⵉⵡⵉⵏ ⵏⵏⴰ ⵜⵙⵙⴽⵔ ⵜⵎⵔⵙⵍⵜ ⵏ ⵓⵙⵏⴰⵎ ⴰⵎⵖⵔⴰⴱⵉ ⴳ ⵓⵙⵙⴳⵎ ⵏ ⵓⵙⵎⴷⵢⴰ ⵓⵖⴷⵉⵎ ⴰⵏⵙⵓⵎⵓ ⵏ ⵜⵎⵖⴰⵔⵉⵏ ⴳ ⵓⵙⵏⵖⵎⵙ ⴰⵙⵍⵉⵥⵕ.
ⴳ ⵜⵔⴰⵔⵓⵜ ⵅⴼ ⵉⵙⵇⵙⵉⵜⵏ ⵏ ⵓⵎⵙⵇⴰⴷ ⵏ ⵜⴳⵍⴷⵉⵜ ⵏ ⴱⵍⵊⵉⴽⴰ, ⵜⴼⴽⴰ ⵎⴰⵙⵙⴰ ⴰⵅⴰⵔⴱⴰⵛ ⵢⴰⵜ ⵜⴰⵏⵏⴰⵢⵜ ⵅⴼ ⵜⵖⵜⴰⵙⵉⵏ ⵏⵏⴰ ⵢⵓⵙⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⴼⴰⴷ ⴰⴷ ⵉⵙⵙⴳⵎ ⴰⵜⵉⴳⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⴰⴳⵓⵏⵙ ⵏ ⵜⵓⵎⴰⵢⵉⵏ ⵜⵉⵙⵏⵖⵎⴰⵙ, ⵙ ⵉⵎⵥⵍⵉ ⵙ ⵓⴱⵔⵉⴷ ⵏ ⵉⵍⵓⴳⵏⵏ ⵉⵜⵜⴹⵎⴰⵏⵏ ⴰⵙⵉⴽⵙⵍ ⵓⵜⵍⴰⵢ ⴰⴼⴰⴷ ⴰⴷ ⵜⵣⵣⵉⴳⵣ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
ⴰⵎⵙⵇⴰⴷ ⵏ ⵜⴳⵍⴷⵉⵜ ⵏ ⴱⵍⵊⵉⴽⴰ ⴷ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵙⴰⵡⵍⵏ ⴰⵡⴷ ⵅⴼ ⵉⵙⵏⵉⴼⵉⵍⵏ ⴷ ⵜⵏⵥⵕⵉⵏ ⵏⵏⴰ ⵙⵎⴽⵍⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵎⵙⴰⵔⵜ ⵏ ⵓⵣⵡⴰⴳ.