“ⵜⵉⴽⵕⴹⵉⵡⵉⵏ ⵜⵉⵎⵓⵟⵟⵓⵏⵉⵏ: ⵜⴰⵕⵓⵥⵉ ⵏ ⵉⴼⵙⵜⵉ ⵙ ⵜⵏⴼⵓⵙⵜ ⵜⴰⵎⴰⵏⵓⵖⵜ” ⵉⴼⴼⵖ ⴷ ⵙ ⵜⵎⴰⵣⵉⵖⵜ. ⵜⴰⵥⵕⵉⴳⵜ ⵜⴰⵎⴰⵢⵏⵓⵜ ⵏ ⵓⴳⵔⴰⵡ ⵏ ⵜⵡⵓⵔⵉ “ⴰⵙⵍⴳⵏ ⴷ ⵓⵙⵏⵖⵎⵙ ⴰⵎⵓⵟⵟⵓⵏ” ⵉⵍⵍⴰ ⴳ ⵉⴼⵉⵍⵉ ⵅⴼ www.haca.ma
ⵜⴼⴼⵖ ⴷ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵜⵏⴼⵓⵙⵜ ⵜⴰⵎⴰⵏⵓⵖⵜ “ⵜⵉⴽⵕⴹⵉ ⵜⴰⵎⵓⵟⵟⵓⵏⵜ: ⵜⴰⵕⵓⵥⵉ ⵏ ⵉⴼⵙⵜⵉ”, ⵉⵙⵙⵓⵖⴼⵖ ⵜⵜ ⴷ ⵓⴳⵔⴰⵡ ⵏ ⵜⵡⵓⵔⵉ “ⴰⵙⵍⴳⵏ ⴷ ⵓⵙⵏⵖⵎⵙ ⴰⵎⵓⵟⵟⵓⵏ” ⵏⵏⴰ ⵜⵏⵙⵙⵉⵅⴼ ⵎⴰⵙⵙⴰ ⵏⴰⵕⵊⵉⵙ ⵕⴰⵖⴰⵢ, ⴰⴳⵎⴰⵎ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.
“ⵉⵇⵇⴰⵏ ⵏ ⵓⵣⵔⴰⴽ ⵏ ⵢⴰⵏ ⵓⵙⵏⵎⴰⵍⴰ ⵏ ⵜⵎⵏⴹⴰⵡⵜ ⵙ ⵓⵕⵥⵥⵓⵎ ⵏ ⵏ ⵜⴰⵡⵡⵓⵔⵜ ⵉ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙ ⵜⵥⵕⵉⴳⵜ ⴰⴷ. ⵉⴳⴰ ⵓⵡⵜⵜⴰⵙ ⵏ ⵜⵏⴼⵓⵙⵜ ⵜⴰⵎⴰⵏⵓⵖⵜ ⴰⴷ, ⵜⴰⵕⵓⵥⵉ ⵏ ⵉⴼⵙⵜⵉ ⵉⵜⵜⵉⵏ ⵉ ⵜⴽⵕⴹⵉⵡⵉⵏ ⵜⵉⵎⵓⵟⵟⵓⵏⵉⵏ ⵏⵏⴰ ⵓⵔ ⵉⴳⵉⵏ ⵍⵎⴽⵜⵓⴱ, ⴷ ⵓⵙⴼⴰⵡ ⵅⴼ ⵜⵖⴰⵔⴰⵙⵉⵏ ⴷ ⵉⵎⴰⵙⵙⵏ ⵏ ⵓⴼⵔⴰⴳ ⴷⴰⵜ ⵜⴽⵕⴹⵉⵡⵉⵏ ⵏ ⵍⴰⵏⵜⵉⵔⵏⵉⵜ”.
ⵜⵍⵍⴰ ⵜⵏⴼⵓⵙⵜ ⵜⴰⵎⴰⵏⵓⵖⵜ ⴰⴷ ⵙ ⵜⵓⵜⵍⴰⵢⵉⵏ ⵏ ⵜⵄⵔⴰⴱⵜ ⴷ ⵜⴼⵔⴰⵏⵙⵉⵙⵜ, ⵜⴻⵜⵜⵓⵙⴽⵔ ⵙ ⵢⴰⵏ ⵓⵙⵡⵉⵏⴳⵎ ⴰⴱⵉⴷⴰⵖⵓⵊⵉ ⴷ ⵡⵓⵔⴰⵔ ⴳ ⵓⵡⵜⵜⴰⵙ ⵏ ⵜⵕⵓⵥⵉ ⵏ ⵢⴰⵏ ⵉⴼⵙⵜⵉ ⵅⴼ ⵡⵓⴳⴷⵉⵍ ⵏ ⵜⴽⵕⴹⵉ ⵜⴰⵎⵓⵟⵟⵓⵏⵜ. ⵜⴰⵙⴳⴰ ⵏ ⵓⵢⴰⴷ, ⴷⴰ ⵜⵙⵙⴼⴰⵡ ⵜⵏⴼⵓⵙⵜ ⵅⴼ ⵜⵖⴰⵔⴰⵙⵉⵏ ⵏ ⵓⵣⵔⴼ ⴷ ⵓⴼⵔⴰⴳ ⴷ ⵜⵣⵔⴼⵜ. ⵉⵎⴰⵙⵙⵏ ⵏ ⵓⴼⵔⴰⴳ, ⴰⵏⵏⴰⵍ ⴷ ⵉⵣⵎⴰⵣ ⵏ ⵜⴽⵕⴹⵉ ⵙ ⵜⴰⵍⵖⵉⵡⵉⵏ ⵏⵏⵙ ⴰⴽⴽⵯ ⴳ ⵍⴰⵏⵜⵉⵔⵏⵉⵜ, ⵉⵎⴰⵙⵙⵏ ⴰⴷ, ⵜⵜⵓⵙⵙⵎⵏⵉⴷⵏ ⴳ ⵢⴰⵏ ⵓⴼⵏⵉⵇ ⵏ ⵉⵎⴰⵙⵙⵏ ⴳ ⵜⴳⵉⵔⴰ ⵏ ⴽⵓ ⵜⵉⴼⵍⵓⵜ.
ⵜⵉⴽⵕⴹⵉⵡⵉⵏ ⵜⵉⵎⵓⵟⵟⵓⵏⵉⵏ ⵉⵍⵍⴰⵏ ⴳ ⵜⵏⴼⵓⵙⵜ ⵜⴰⵎⴰⵏⵓⵖⵜ ⴰⴷ, ⴰⵔ ⴷⵉⴳⵙⵏⵜ ⵉⵜⵜⴳⴳⴰ ⵓⵣⵔⴼ ⵉⵣⵎⴰⵣ, ⵓⵎⴰⵏⵜ ⵜⵉⵔⴳⴳⴰⵎ, ⴰⵇⵥⵥⵕ, ⴰⵙⴷⵉⴷⴷⵉ, ⵜⵉⴽⵕⴹⵉ ⵜⴰⵎⵓⵟⵟⵓⵏⵜ, ⴰⵙⵙⵉⵡⴷ, ⵜⵉⴼⴰⵜⵜⴰⵍⵉⵏ, ⴰⵣⵓⵣⵣⵔ ⵙ ⵜⵓⴼⵔⴰ ⵏ ⵜⵡⵍⴰⴼⵉⵏ ⵜⵉⵙⵉⵎⴰⵏⵉⵏ, ⴰⵙⵓⴳⵜ ⴷ ⵓⵙⵙⵎⵔⵙ ⴳ ⵉⴼⵉⵍⵉ, ⴱⵍⴰ ⴰⴷ ⵏⵜⵜⵓ ⵜⴰⵍⵖⵉⵡⵉⵏ ⵏ ⵜⴽⵕⴹⵉ ⵏⵏⴰ ⵉⵖⵉⵢⵏ ⴰⴷ ⵉⵜⵜⵓⵙⴽⵔ ⵉ ⵡⴰⵔⵔⴰⵡ ⴷ ⵉⵄⵔⵔⵉⵎⵏ ⵉⴳⴰⵏ ⵓⵏⴳⵉⵙⵏ ⵉⵡⵀⵏⵏ ⵉ ⵍⵓⵃⵓⵛ ⵏ ⵍⴰⵏⵜⵉⵔⵏⵉⵜ.
“ⵓⵔ ⵉⵙⵙⵏⴼⵉ ⴰⵡⴷ ⵢⴰⵏ ⵉ ⵜⴽⵕⴹⵉⵡⵉⵏ ⵜⵉⵎⵓⵟⵟⵓⵏⵉⵏ, ⵢⴰⵜ ⵜⵎⵙⵜⴳⴳⴰⵔⵜ ⵜⴰⴳⵔⴰⵡⴰⵏⵜ - ⵜⵉⵏ ⵜⵏⴱⴰⴹⵜ ⵜⴰⴳⴷⵓⴷⴰⵏⵜ, ⵜⵉⵎⵙⵙⵏⵜⴰⵢ ⵜⵉⵜⵉⴽⵏⵓⵍⵓⵊⵉⵏ ⴷ ⵉⵎⵙⵡⵓⵔⴰ ⵏ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ - ⵜⴰⵎⵙⵜⴳⴳⴰⵔⵜ ⴰⴷ ⵜⴳⴰ ⵜⴰⴷⵙⵍⴰⵏⵜ ⵉ ⵜⵓⵚⴽⴰ ⵏ ⵢⴰⵜ ⵜⵡⵏⵏⴰⴹⵜ ⴳ ⵉⵍⵍⴰ ⵍⴰⵎⴰⵏ ⴰⵔ ⵜⵜⴹⵎⴰⵏ ⵢⴰⵏ ⵓⵙⵡⵓⵔⵉ ⵉⵖⵓⴷⴰⵏ ⴰⵎⵣⵔⴰⴽ ⵏ ⵓⵎⵓⵟⵟⵓⵏ” ⴳ ⵜⴳⵉⵔⴰ ⵏ ⵡⴰⵡⴰⵍ ⵏ ⵎⴰⵙⵙⴰ ⵏⴰⵕⵊⵉⵙ ⵕⴰⵖⴰⵢ.
ⵜⴰⵏⴼⵓⵙⵜ ⵜⴰⵎⴰⵏⵓⵖⵜ “ⵜⵉⴽⵕⴹⵉⵡⵉⵏ ⵜⵉⵎⵓⵟⵟⵓⵏⵉⵏ: ⵜⴰⵕⵓⵥⵉ ⵏ ⵉⴼⵙⵜⵉ ⵙ ⵜⵏⴼⵓⵙⵜ ⵜⴰⵎⴰⵏⵓⵖⵜ” ⵉⵍⵍⴰ ⴳ ⵓⵙⵉⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ www.haca.ma ⵙ ⵜⵄⵔⴰⴱⵜ, ⵜⴰⵎⴰⵣⵉⵖⵜ ⴷ ⵜⴼⵕⴰⵏⵙⵉⵙⵜ.