ⵜⵏⵏⴰ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵡⵏⴰⵏ ⵏ ⵜⵉⵏⴰⵡⵜ ⵏⵏⴰ ⵉⵙⵏⵎⴰⵍⴰ ⴰⵙⵙ ⵏ 27 ⴷⵓⵊⴰⵎⴱⵉⵔ 2022 ⴳ ⵕⵕⴱⴰⵟ  ⵓⵙⴳⵔⴰⵡ ⴰⵎⵖⵔⴰⴱⵉ ⵏ ⵉⵙⵏⵖⵎⴰⵙⵏ ⵉⵄⵔⵔⵉⵎⵏ ⵅⴼ ⵓⵙⴳⵓⵎ « ⴰⵎⵏⵏⵓⵖ ⵎⴳⴰⵍ ⴰⵙⵏⵖⵎⵙ ⵏ ⵉⵅⵔⵔⵉⵇⵏ ⴳⵔ ⵜⴰⵣⵣⵓⵍⴰⵏⵜ ⵏ ⵉⵙⵏⵖⵎⴰⵙ ⴷ ⵜⵎⵙⵜⴳⴳⴰⵔⵜ ⵏ ⵡⴰⵎⵓⵏ », ⵜⵏⵏⴰ ⵉⵙ « ⵜⵉⵅⵉⵜⵔⵜ ⵏ ⵜⵓⵎⴰⵏⵜ ⵏ ⴳⴰⵔ ⴰⵙⵏⵖⵎⵙ ⵓⵔ ⴷⴰ ⵜⵜⵓⵡⴰⴽⴰⵣ ⵖⴰⵙ ⵙ ⵓⵙⵎⵓⵜⵜⵢ ⴰⵎⵓⵟⵟⵓⵏ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ ⴷ ⵓⵙⴽⴰⵏ  ⵏ ⵜⵙⴰⵍⵉⵡⵉⵏ ⵜⵉⵎⴰⵜⴰⵢⵉⵏ. ⴽⵉⴳⴰⵏ ⵏ ⵜⵎⵏⵜⵉⵍⵉⵏ ⵢⴰⴹⵏ ⵉⵡⵉⵏ ⴷ ⵜⵉⵅⵉⵜⵔⵜ ⵏ ⵉⵏⵖⵎⵉⵙⵏ ⵉⵅⵔⵔⵉⵇⵏ ⴷ ⵜⵎⵙⴽⴰⵏⵉⵏ ⵢⴰⴹⵏ ⵏ ⴳⴰⵔ ⴰⵙⵏⵖⵎⵙ ». ⵅⴼ ⵓⵢⴰⴷ, ⵜⴱⴷⵔ ⵙ ⵓⵎⴷⵢⴰ, ⵜⵉⴷⴷⴰⵙ « ⵜⵓⵎⴰⵏⵜ ⵉⵜⵜⵓⵙⴷⵓⵙⵏ ⵙ ⵜⴰⵙⵙⴰⵙⵜ ⵏ ⵜⵏⴳⵔⵜ ⵜⴰⴷⵉⵎⵓⵇⵔⴰⵟⵉ ⵢⵜ ⴷ ⵜⴰⵡⴷⴰ ⵙⴳ ⵜⵎⵔⵙⴰⵍ, ⴳ ⵍⵍⴰⵏ ⴰⵡⴷ ⵉⵙⵏⵖⵎⵙⵏ ⵙ ». « ⴰⵕⵥⵥⵓⵎ ⵏ ⵢⵉⴳⵔ ⴷ ⵜⵡⵓⵔⵉ ⵏ ⵓⵙⵏⵖⵎⵙ ⵉ ⵜⵙⵟⵕⴰⵜⵉⵊⵉⵏ ⵏ ⵜⴰⵙⵙⴰⵙⵜ ⴷ ⵉⵏⴰⵡⵏ ⵏ ⵜⴰⵙⵙⴰⵙⵜ ⵉⴳⴰ ⵜⴰⵎⵏⵜⵉⵍⵜ ⵢⴰⴹⵏ, ⴰⵢ ⵜⵔⵏⴰ ⴳ ⵡⴰⵡⴰⵍ ⵏⵏⵙ, ⵏⵏⴰ ⵉⵕⵥⵥⵎⵏ ⴰⴱⵔⵉⴷ ⵉ ⵓⵏⵢⵓⴷⴷⵓ ⵏ ⵉⵏⵖⵎⵉⵙⵏ ⵏ ⵜⴽⵏⴷⴰⵡⵜ ⴷ ⵉⵏⵖⵎⵉⵙⵏ ⵡⴰⵔ ⵜⴰⵖⵣⵏⵜ ».

ⴳ ⵜⴳⵓⵔⵉ ⵏⵏⵙ ⵉⵡⵏⴰⵏ ⵏ ⵜⵙⵓⵜⵍⵜ ⵏ ⵓⵏⵏⵓⵕⵥⵎ ⵏ ⵜⵉⵏⴰⵡⵜ, ⵜⵏⵏⴰ ⵎⴰⵙⵙⴰ ⴰⵅⴰⵔⴱⴰⵛ ⵉⵙ « ⴰⵙⵏⵖⵎⵙ ⵏ ⵉⵅⴰⵔⵔⵉⵇⵏ ⵢⴰⵖⵓⵍ ⵉⴳⴰ ⵜⵉⵍⴰⵡⵜ ⴰⴳⵓⵏⵙ ⵏ ⵓⵏⴳⵔⴰⵡ ⵏ ⵓⵎⵢⴰⵡⴰⴹ ⴰⵎⴰⵜⴰⵢ ⴷ ⵜⵡⵏⵏⴰⴹⵜ ⵏ ⴽⵓⵢⴰⵙⵙ ⵏ ⵉⵏⵎⵓⵔⵉⵏ ⴰⴳⵓⵏⵙ ⵏ ⵡⴰⵎⵓⵏⵏ ⴰⴽⴽⵯ. ⴰⵢⴰ ⴰⵔ ⵢⵉⴽⴽⵉ ⵢⴰⵏ ⵡⴰⵜⵉⴳ ⴰⵎⵇⵔⴰⵏ ⵉ ⵓⵙⴽⴽⵉⵏ ⵏ ⵓⴳⴰⵎⴰ ⵏ ⵜⵉⴷⵜ ⵏ ⵜⵅⵉⵜⵔⵜ ⵏ ⵜⵕⵓⵥⵉⵡⵉⵏ ⵏ ⵓⵙⵡⵓⵔⵉ ⵏ ⵓⵅⵔⵔⵉⵇ ⴳ ⵉⵏⵖⵎⵉⵙⵏ ⵉ ⵉⵎⴷⴰⵏⵏ ⴷ ⵉ ⵡⴰⵎⵓⵏⵏ ».

ⵜⵙⵙⴽⵏ ⵎⴰⵙⵙⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⵎⵉⵣⵉⵜⵏ ⵏ ⴳⴰⵔ ⴰⵙⵏⵖⵎⵙ ⴳ ⵢⵉⴳⵔⴰⵏ ⴰⴽⴽⵯ ⵏ ⵜⵓⴷⵔⵜ ⵜⴰⴳⴷⵓⴷⴰⵏⵜ, ⵙ ⵉⵎⵥⵍⵉ, ⵜⵏⵏⴰ «  ⴰⵙⵡⵓⵔⵉ ⵏ ⵉⵅⵔⵔⵉⵇⵏ ⴳ ⵓⵙⵏⵖⵎⵙ ⴷⴰ ⵉⵙⴱⴷⴰⴷ ⵜⴰⵡⵓⵔⵉ ⵉⵖⵓⴷⴰⵏ ⵏ ⵜⴷⵉⵎⵓⵇⵕⴰⵟⵉⵢⵜ ⵙ ⵜⵕⵓⵥⵉ ⵏⵏⵙ ⵉ ⵜⵍⴻⵍⵍⵉ, ⵜⴰⵣⴷⴳⵉ ⴷ ⵜⵎⴰⴼⴰⵡⵜ ⵏ ⵉⵙⵜⴰⵢⵏ. ⴷⵉⵖ, ⴰⵏⵖⵎⵉⵙ  ⵏ ⵜⴽⵔⴽⴰⵙ ⴷⴰ ⵉⵙⵙⴷⵔⵉⵙ ⵜⴰⴷⵉⵎⵓⵇⵕⴰⵟⵉⵢⵉⵏ ⵙ ⵓⴱⵔⵉⴷ ⵏ ⵓⵣⵓⵣⵣⵔ ⵏ ⵜⴳⵓⵔⵉⵡⵉⵏ ⵏ ⵜⵅⵏⴷⴰⵍⵍⴰⵙⵜ, ⵏ ⵜⴰⵡⴷⴰ ⵜⴰⵎⴰⵜⴰⵢⵜ ⴷ ⵡⵉⵏ ⵜⵉⴷⴷⴰⵙ ⵉⵙⵓⵍⵏ ⵏ ⵜⵎⵔⵙⴰⵍ ⴷ ⵜⵉⴳⴰⵡⵜ ⵜⴰⴳⴷⵓⴷⴰⵏⵜ. ⵉⵙⵏⵖⵎⵙⵏ ⴷ ⵜⵏⵖⵎⴰⵙⵜ ⵜⵉⵣⵣⵓⵍⴰⵏⵉⵏ, ⴰⵡⴷ ⵏⵉⵜⵏⵉ, ⵜⵜⵓⵡⴰⵜⵙⵏ ⵙ ⵜⵉⴷⴷⴰⵙ ⴷ ⵉⵏⵖⵎⵉⵙⵏ ⵏ ⵜⴽⵔⴽⴰⵙ ».

ⵜⵉⵡⵓⵔⵉⵡⵉⵏ ⵏ ⵜⵉⵏⴰⵡⵜ ⵏⵏⴰ ⵉⵙⵏⵎⴰⵍⴰ  ⵓⵙⴳⵔⴰⵡ ⴰⵎⵖⵔⴰⴱⵉ ⵏ ⵉⵏⵖⵎⴰⵙⵏ ⵉⵄⵔⵔⵉⵎⵏ ⵙ ⵢⵉⵡⵙ ⵏ ⵜⵎⴰⵡⵙⴰⵙⵜ ⵏ ⵜⵄⵓⵔⵔⵎⴰ, ⵏ ⵜⴷⵍⵙⴰ ⴷ ⵓⵎⵢⴰⵡⴰⴹ, ⵙⵎⵓⵏⵏ ⴽⵉⴳⴰⵏ ⵏ ⵉⵣⵣⵓⵍⴰⵏⵏ ⵏ ⵓⵙⵏⵖⵎⵙ, ⵉⵎⵙⴷⴰⵡⵏ, ⵉⴳⵏⵙⴰⵙ ⵏ ⵜⵣⵓⵏⵉⵏ ⵜⵉⵎⴰⵡⵙⴰⵙⵉⵏ, ⵉⴳⵔⴰⵡⵏ ⵉⴷⵓⵙⵜⵓⵔⵉⵏ ⴷ ⵉⵎⴳⴳⴰⵢⵏ ⵉⵎⵙⵎⵓⵏⵏ ⵉⵙⵎⵓⵙⵙⵓⵏ ⴳ ⵢⵉⴳⵔⴰⵏ ⵏ ⵓⵙⵏⵖⵎⵙ ⴷ ⵉⵣⵔⴼⴰⵏ ⵉⵏⴼⴳⴰⵏⵏ.