ⵢⴰⵎⵓ ⵢⴰⵏ ⵓⴽⴰⴱⴰⵕ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵜⵙⵓⵜⵍⵜ ⵜⵉⵙⵙ ⴽⵔⴰⴹⵜ ⵏ ⵊⵉⵜⵉⴽⵙ ⴰⴼⵔⵉⴽⴰ ⵉⵜⵜⵓⵙⵏⵎⴰⵍⴰⵏ ⴳ ⵎⵕⵕⴰⴽⵙ ⵙⴳ 14 ⴰⵔ 16 ⵉⴱⵔⵉⵔ 2025 ⵙ ⵢⵉⵡⵉⵣ ⵏ  ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴷ ⵡⵉⵙⵙ ⵙⴹⵉⵙ.

ⵢⴰⵎⵓ ⴳ ⵓⵎⵙⴳⵔⴰⵡ ⴰⴷ ⵓⴳⴰⵔ ⵏ 800 ⵏ ⵓⵎⴷⵔⴰⵡ, 350 ⵏ ⵉⵎⵙⵙⵏⵜⵉⵢⵏ ⴷ 1400 ⵏ ⵜⵙⵏⵜⴰⵢⵜ ⴷ 45000 ⵏ ⵉⵏⵣⵔⴰⴼ ⴷ ⵉⴷⴷⴰⵏ ⴳ ⵓⴳⴰⵔ ⵏ 130 ⵏ ⵜⵎⵓⵔⵜ. ⴰⵣⵎⵣⵣⵓ ⵢⴰⴷ ⴰⵅⴰⵜⴰⵔ ⵉⵙⵙⴽⵏ ⵜⴰⵣⵎⵔⵜ ⵜⴰⵜⵉⴽⵏⵓⵍⵓⵊⵉⵜ ⵜⴰⵎⵇⵔⴰⵏⵜ ⵏ ⵜⵎⵏⵥⴰⵡⵜ ⵜⴰⴼⵔⵉⵇⵜ. ⵊⵉⵜⵉⴽⵙ ⴰⴼⵔⵉⴽⴰ ⵉⴳⴰ ⵢⴰⵏ ⵓⵣⵎⵣ ⵉⵎⵥⵍⵉ ⵉ ⵉⵎⴰⵣⵣⴰⵍⵏ ⵏ ⵓⵙⵍⵍⵡⵓ ⴰⴷ ⵙⵙⴽⵏⵏ ⵉⵙⵏⵜⴰⵢⵏ ⴷ ⵜⵡⵓⵔⵉⵡⵉⵏ ⵏⵏⵙⵏ, ⴰⴷ ⴰⴼⵏ ⵉⴷⵔⵉⵎⵏ ⵏ ⵓⵙⵥⵕⴼ ⵏ ⵉⵙⵏⵜⴰⵢⵏ ⵏⵏⵙⵏ, ⴰⴷ ⵙⵙⴽⵔⵏ ⵉⵣⴷⴰⵢⵏ ⴳⵔ ⴰⵙⵏ ⴷ ⵉⴷⵔⴰⵡⵏ ⴷ ⴰⴷ ⵎⵎⴽⴼⴰⵏ ⵉⵔⵎⵏ ⵉⴳⵔⴰⵖⵍⴰⵏⵏ ⵏⵏⵙⵏ.

ⵙ ⵓⵢⴰ, ⵜⵡⴰⵜⵙ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵙ ⵓⵙⵏⵎⴰⵍⴰ ⵏ ⵓⵎⵙⴳⵔⴰⵡ ⴰⴷ, ⴰⴷ ⵜⵙⴷⵓⵙ ⴰⴷⵖⴰⵔ ⵏⵏⵙ ⵉⴳⴰⵏ ⴰⵎⵎⴰⵙ ⴰⵜⵉⴽⵏⵓⵍⵓⵊⵉ ⴰⴳⵓⵏⵙ ⵏ ⵜⵎⵏⵥⴰⵡⵜ ⵜⴰⴼⵔⵉⵇⵜ, ⴷⴰ ⵢⵉⴽⴽⵉ ⵓⵙⴼⵙⵔ ⵏ ⵊⵉⵜⵉⴽⵙ ⵢⴰⵏ ⵓⵙⵕⵥⵎ ⴰⵅⴰⵜⴰⵔ ⵉ ⵜⴷⵉⵏⴰⵎⵉⵜ ⵏ ⵜⵡⵓⵔⵉ ⴷ ⵓⵥⵏⵥⵕ ⵏⵏⵙ.

ⵜⵉⵡⵉ ⴷ ⵜⵙⵓⵜⵍⵜ ⵜⵉⵙⵙ ⴽⵕⴰⴹⵜ ⵙ ⵉⵎⵥⵍⵉ ⵅⴼ ⵓⵙⴳⵓⵎ ⵏ ⵜⵉⵖⵉⵙⵜ ⵜⵉⵎⵍⵥⵉⵜ, ⵍⵍⵉⴳ ⵜⴳⴰ ⵉⵎⴰⵙⵙⵏ ⵉⴷⵓⵙⵏ ⵏ ⵓⵙⵍⵍⵡⵓ ⴷ ⵓⵣⵣⵉⴳⵣ ⵙ ⴷⴰⵜ, ⵉⵍⵉⵏ ⵖⵓⵔⵙ ⵢⵉⴹⵉⵚⵏ ⵅⴼ ⵢⵉⴳⵔⴰⵏ ⵉⴳⴳⵓⵜⵏ ⵣⵓⵏⴷ ⵜⴰⴷⵓⵙⵉ ⴷ ⵜⴽⵔⵣⴰ ⴷ ⵜⵥⴹⴰⵕⵜ ⴷ ⵡⵉⵢⴰⴹ. ⴰⵖⵓⵍⵏ ⴷⵉⵖ ⵉⵎⴰⵙⵙⵏ ⴰⴷ ⴰⵙⵙⴰ ⴳⴰⵏ ⵉⴼⵔⴷⵉⵙⵏ ⵉⴷⵙⵍⴰⵏⵏ ⵏ ⵉⵎⴰⵍ ⴰⵜⵉⴽⵏⵓⵍⵓⵊⵉ ⴳ ⵍⵎⵖⵔⵉⴱ ⴷ ⵜⴼⵔⵉⵇⵜ, ⴰⵛⴽⵓ ⵎⵙⴰⵙⴰⵏ ⴷ ⵜⴽⴰⵕⴹⴰ ⵏ ⵓⴱⵔⵉⴷ ⵏ ⵍⵎⵖⵔⵉⴱ ⵉ ⵓⵙⴳⴳⵯⴰⵙ 2030 ⵏⵏⴰ ⵔⴰⴷ ⵉⵙⵙⵉⴷⴼ ⵉⴳⵔ ⴰⴷ ⴳ ⵜⴰⵏⵏⴰⵢⵜ ⵏⵏⵙ ⵜⴰⵙⵟⵕⴰⵜⵉⵊⵉⵜ. ⵙ ⵓⵢⴰ, ⵉⴳⴰ ⵓⵙⴼⵙⵔ ⵊⵉⵜⵉⴽⵙ ⴰⴼⵔⵉⴽⴰ ⵢⴰⵏ ⵓⵙⴰⵢⵔⴰⵔ ⵏ ⵓⵎⵛⴰⵡⴰⵕ ⴷ ⵓⵙⵏⵉⴼⵍ ⵏ ⵢⵉⵔⵎⵏ ⴷ ⵜⵎⵓⵣⴰⵢⵜ ⵅⴼ ⵓⴱⵔⵉⴷ ⵏ ⵓⵙⵙⴳⵎ ⵏ ⵜⵉⵖⵉⵙⵜ ⵜⵉⵎⵍⵥⵉⵜ ⴳ ⵜⵎⵏⵥⴰⵡⵜ ⵜⴰⴼⵔⵉⵇⵜ, ⴷ ⵓⵙⵎⵓⵏ ⵏ ⵜⵙⴳⴳⵯⵉⵏ ⴰⴽⴽⵯ ⵉⵣⴷⵉⵏ ⵙ ⵓⵢⴰ ⴰⴼⴰⴷ ⴰⴷ ⵜⵣⵣⵉⴳⵣ ⵜⴻⵜⵉⴽⵏⵓⵍⵓⵊⵉⵜ ⵖⵔ ⴷⴰⵜ.

ⵢⴰⵎⵓ ⴳ ⵓⴽⴰⴱⴰⵕ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵎⴰⵙⵙⴰ ⵙⴰⴽⵉⵏⴰ ⴱⵓⵖⴰⵏⵉ, ⵜⴰⵎⵙⵜⴳⴳⴰⵔⵜ ⵅⴼ ⵜⵥⵕⴼⵜ ⴷ ⵓⵙⵉⴹⵏ, ⵎⴰⵙⵙⴰ ⵖⵉⵜⴰ ⴱⵔⵔⴰⴷⴰ, ⴰⵙⴰⵜⵉ ⴰⵅⴰⵜⴰⵔ ⴳ ⵜⵎⵀⵍⴰ ⵜⴰⵎⴰⵜⴰⵢⵜ, ⵎⴰⵙⵙ ⵢⵓⵙⵙⴼ ⵣⵣⴰⵄⵔⵉ ⴷ ⵎⴰⵙⵙ ⵏⴰⵙⵙⵉⵎ ⵃⴰⵎⵎⵓⴷⴰ ⵉⴳⴰⵏ ⵉⵙⴰⵜⵉⵢⵏ ⵉⵅⴰⵜⴰⵔⵏ ⴳ ⵜⵎⵀⵍⴰ ⵏ ⵉⵏⴳⵔⴰⵡⵏ ⵉⵙⵏⵖⵎⴰⵙⵏ, ⵢⵉⵍⵉ ⴰⵡⴷ ⵎⴰⵙⵙ ⵟⴰⵕⵉⵇ ⴽⵔⵉⵎⵉ ⵉⴳⴰⵏ ⴰⵙⴰⵜⵉ ⴰⵅⴰⵜⴰⵔ ⴳ ⵜⵎⵀⵍⴰ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵎⴰⵙⵙ ⵙⴰⵄⵉⴷ ⵕⴰⵃⵎⴰⵏⵉ, ⴰⵙⴰⵜⵉ ⴰⵅⴰⵜⴰⵔ ⴳ ⵡⴰⵎⵎⴰⵙ ⵏ ⵓⵏⵜⴰⵎ ⴷ ⵜⵥⵕⵉⴳⵜ.