ⵢⴰⵎⵓ ⵢⴰⵏ ⵓⴽⴰⴱⴰⵕ ⵏ ⵓⴳⵔⴰⵡ ⴰⵎⴰⵜⵜⴰⵢ, ⴳ ⵉⵍⵍⴰ ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ, ⴷ ⵎⴰⵙⵙ ⵄⴱⴷⵍⵊⴰⵍⵉⵍ ⵍⵃⴰⵎⵎⵓⵎⵉ, ⴰⵏⵎⵀⴰⵍ ⴰⵎⴰⵜⴰⵢ ⴰⵎⴰⵡⴰⵙ, ⴰⵙⵙ ⵏ 7 ⵢⵓⵏⵢⵓ 2023 ⴳ ⵍⵉⵙⴱⵓⵏ, ⴳ ⵓⵎⵙⴳⵔⴰⵡ ⵡⵉⵙⵙ 69 ⵏ ⵓⵙⵇⵇⵉⵎ ⴰⵎⵣⵣⴳⴰⵔ ⵏ ⵓⵙⴰⴹⴰⴼ ⵓⵕⵓⴱⴱⵉ ⵏ ⵓⵙⵍⵉⵥⵕ. ⵉⵡⵏⴰⵏ ⵏ ⵓⵎⵙⴳⵔⴰⵡ ⴰⴷ ⵏ ⵓⵙⵇⵇⵉⵎ, ⵢⵉⵡⵉ ⴷ ⵓⵎⵙⴳⴷⴰⵍ ⵙ ⵓⵎⴰⵜⴰ ⵅⴼ ⵡⴰⴷⴷⴰⴷ ⵏⵏⴰ ⵢⵉⵡⴹ ⵓⵖⴰⵡⴰⵙ ⵏ ⵜⵉⴳⴰⵡⵜ ⴷ ⵓⵙⴽⴰⵔ ⵏ ⵜⵙⵟⵕⴰⵜⵉⵊⵉⵜ ⵏ ⵓⵙⴰⴹⴰⴼ ⴳ ⵓⵣⵎⵣ ⵏ (2024-2028).
 
ⴰⵎⵙⴳⵔⴰⵡ ⵏ ⵓⵙⵇⵇⵉⵎ ⴰⵎⵣⵣⴳⴰⵔ ⵉⵙⵙⴽⵔ ⵜ ⵓⵙⴰⴹⴰⴼ ⵏ ⵓⵙⵍⵉⵥⵕ ⵏⵜⵜⴰ ⴷ ⵓⵙⵉⵏⴰⴳ ⴰⴱⵓⵕⵜⵓⵖⴰⵍⵉ ⵏ ⵙⵙⵉⵏⵉⵎⴰ ⴷ ⵓⵙⵍⵉⵥⵕ ⴳ ⵓⵙⴰⵜⵉ ⵏ ⵜⵏⵙⵙⵉⵅⴼⵜ ⵜⴰⴱⵓⵕⵜⵓⵖⴰⵍⵉⵜ ⵏ ⵓⵙⴰⴹⴰⴼ. ⵜⵉⵏⴰⵡⵜ ⵏ ⵜⵏⵙⵙⵉⵅⴼⵜ ⵜⵉⵡⵉ ⴷ ⵅⴼ ⵢⵉⴳⵔ ⵏ ⵙⵙⵉⵏⵉⵎⴰ ⴳ ⵓⵕⵓⴱⴱⴰ ⵙ ⵉⵎⵥⵍⵉ ⴰⵢⵏⵏⴰ ⵉⵣⴷⵉⵏ ⴷ ⵜⵙⵔⵜⵉⵜ ⵉⵜⵜⵅⵉⵜⵉⵔⵏ ⴳ ⵢⵉⴳⵔ ⴰⴷ, ⵜⴰⵡⵉ ⴷ ⴳ ⵜⵙⴳⴰ ⵢⴰⴹⵏ ⵅⴼ ⵡⴰⵟⵟⴰⵏ, ⵜⵉⵙⵉⵍⴰⵡⵉⵏ  ⵏ ⵓⵣⵓⵣⵣⵔ ⵓⵙⵔⵉⴷ ⴷ ⵉⵎⴰⵍ ⵏ ⵓⴳⴰⴷⴰⵣ ⵏ ⵍⴼⵉⵍⵎ ⵙ ⵓⵎⴰⵜⴰ.

ⴰⴷ ⵏⵙⵙⴽⵜⵉ ⵉⵙ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵙⴳ ⵓⵙⴳⴳⵯⴰⵙ ⵏ 2013, ⴰⴳⵎⴰⵎ ⵏ ⵓⵙⴰⴹⴰⴼ ⵉⴳⴰⵏ ⴰⵙⴳⵎⴰⵎ ⵏ ⵓⵙⵇⵇⵉⵎ ⵢⵓⵙⵉⵏ ⴰⴳⴳⵯⴰ ⵏ ⴰⴷ ⵉⵙⵙⴽⵔ ⵜⵉⵖⵓⵔⵉⵡⵉⵏ ⵜⵉⵙⵎⵣⴰⵣⴰⵍⵉⵏ, ⴷ ⵜⵙⵍⵉⴰ ⵏ ⵜⵎⵓⵛⴰ ⵅⴼ ⵡⴰⴷⴷⴰⴷ ⵏ ⵓⵣⵣⵔⴰⴼ ⴳ ⵜⵎⵓⵔⴰ ⵉⴳⴰⵏ ⵉⴳⵎⴰⵎⵏ ⴷ ⴰⴷ ⵢⵓⵛ ⵉⵙⴼⴽⴰ ⵓⵣⵔⵉⴼⵏ ⴷ ⵉⴷⴰⵎⵙⴰⵏⵏ ⵉⵕⵡⴰⵏ ⵅⴼ ⵜⵎⴳⵓⵔⵉ ⵜⴰⵙⵍⵉⵥⵕⵜ ⴳ ⵓⵔⵓⴱⴱⴰ. ⵉⴽⴽⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵢⵓⵎⵥ ⵜⴰⵏⵙⵙⵉⵅⴼⵜ ⴰⵙⴳⴳⵯⴰⵙ ⵏ 2020 ⴷ ⵉⴳ ⴰⴳⵎⴰⵎ ⴰⵎⵖⵍⴰⵍ ⴳ ⵓⵙⵉⵔⴰ ⵏⵏⵙ.