ⵜⵖⵔⴰ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⴰⵙⵙ ⵏ 8 ⵏⵓⵡⴰⵏⴱⵉⵔ 2023 ⴳ ⵢⴰⵡⵓⵏⴷⵉ ⵉ ⵢⴰⵏ ⵓⵎⵙⴰⵡⴰⵍ ⴰⵎⵙⴷⵓⵙ ⴳⵔ ⵉⵎⵙⵍⴳⵏⵏ ⵉⴼⵔⵉⵇⵏ ⴷ ⵓⵙⵏⵖⵎⵙ ⵏ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ. ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵡⵏⴰⵏ ⵏ ⵜⵙⵓⵜⵍⵜ ⵏ ⵓⵕⵥⵥⵓⵎ ⵏ ⵓⵙⴳⵔⴰⵡ ⴰⴳⵔⴰⵖⵍⴰⵏ ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵓⵎⵢⴰⵡⴰⴹ ⵏ ⵍⴽⴰⵎⵉⵔⵓⵏ ⵅⴼ ⵓⵙⴳⵓⵎ ⵏ “ⴰⵙⵍⴳⵏ ⵏ ⵓⵙⵏⵖⵎⵙ ⴰⵏⴰⵎⵓⵏ: ⵎⴰⵜⵜⴰ ⵓⵎⵢⴰⵡⴰⵙ ⴳⵔ ⵉⵎⵙⵍⴳⵏⵏ ⵉⴼⵔⵉⵇⵏ ⵏ ⵓⵙⵏⵖⵎⵙ ⴷ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ?”, ⵜⵏⵏⴰ ⵜⵏⵙⵙⵉⵅⴼⵜ ⵏ ⵍⴰⵀⴰⴽⴰ ⵉⴳⴰⵏ ⴰⵡⴷ ⵜⴰⵏⵙⵙⵉⵅⴼⵜ ⵏ ⵓⵟⵟⴰ ⵏ ⵉⴳⵔⴰⵡⵏ ⵉⴼⵔⵉⵇⵏ ⵏ ⵓⵙⵍⴳⵏ ⵏ ⵓⵎⵢⴰⵡⴰⴹ ⵉⵙ :” ⴰⵎⵙⴰⵡⴰⵍ ⴰⴷ ⴳⵔ ⵉⵎⵙⵍⴳⵏⵏ ⴷ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵉⵜⵜⵓⵙⵏⵜⵉ ⴰⵔ ⵉⵜⵜⵓⵙⵡⵓⴷⴷⵓ ⴳ ⵜⵙⴳⴳⵯⵉⵏ ⵢⴰⴹⵏ ⵏ ⵓⵎⴰⴹⴰⵍ ⴷ ⵓⵔ ⵉⵍⴰⵇ ⴰⴷ ⵓⵔ ⵢⵉⵍⵉ ⴰⵡⴷ ⴳ ⵜⵎⵏⵥⴰⵡⵜ ⵜⴰⴼⵔⵉⵇⵜ ⴳ ⵓⴱⴰⵖⵓⵔ ⵏ ⵉⵏⵎⵓⵔⵉⵏ ⵉⴼⵔⵉⵇⵏ ⵏⵏⴰ ⵖⵓⵔ ⵉⵍⵍⴰ ⵓⵣⵔⴼ ⴰⵎⵎ ⵡⵉⵏ ⵎⴷⴷⵏ ⴰⴽⴽⵯ ⵏ ⵓⵎⴰⴹⴰⵍ ⴳ ⵢⴰⵏ ⵓⵙⴰⵢⵔⴰⵔ ⴰⴳⴷⵓⴷⴰⵏ ⴰⵎⵓⵟⵟⵓⵏ ⵏ ⵍⴰⵎⴰⵏ”.

ⵜⵙⵙⴽⵜⵉ ⴷ ⵎⴰⵙⵙⴰ ⴰⵅⴰⵔⴱⴰⵛ ⵉⵙ ⵙ ⵓⵙⵏⴼⵍ ⵏ ⵓⵙⵡⵓⵔⵉ, ⵜⴰⵜⵉⴽⵏⵓⵍⵓⵊⵉⵜ ⵜⴰⵎⵓⵟⵟⵓⵏⵜ ⵜⴻⵙⵙⵏⴼⵍ ⴽⵉⴳⴰⵏ ⵜⵓⵙⵓⵔⵜ ⵏ ⵓⵙⵏⵖⵎⵙ ⵅⴼ ⵉⵎⴷⴰⵏⵏ ⴷ ⵡⴰⵎⵓⵏⵏ ⴰⵢⴰ ⵢⵙⵏⵓⵍⴼⴰ ⴷ ⵉⵎⵢⵓⵔⵏ ⵢⴰⴹⵏ ⵏ ⵓⵙⵍⴳⵏ ⴷ ⵜⵎⴰⵙⴰⵢⵜ ⵏ ⵉⵎⴷⵔⴰⵡⵏ ⴰⴽⴽⵯ, ⴰⵡⴷ ⵜⵉⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵉⵏⵎⵓⵔⵉⵏ ⵉⵙⵡⵓⵔⵉⵏ ⵉⵎⴰⵙⵙⵏ ⵏ ⵓⵙⵏⵖⵎⵙ. “ⵜⵉⵣⵎⵎⴰⵔ ⴰⴷ ⵏ ⵜⵎⴰⵙⴰⵢⵜ, ⴰⵢ ⵜⵏⵏⴰ, ⵉⵇⵇⴰⵏ ⵏ ⴰⴷ ⵉⵡⴰⵜⵙ ⴷ ⴰⴷ ⵉⵙⵙⵓⵎⵓ ⵜⵉⵙⵉⵍⴰⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ, ⵢⴰⵖⵓⵍⵏ ⴳⴰⵏⵜ ⵜⵉⵏⴱⴰⴹⵉⵏ ⴳ ⵓⵙⴰⵢⵔⴰⵔ ⴰⴳⴷⵓⴷⴰⵏ ⴰⵎⵔⴷⵓ ⴰⵎⴰⵜⴰⵢ. ⵜⴰⵙⴽⵔⴰⵡⵜ ⵏ ⵓⴱⵖⵓⵔ ⴰⵎⴰⵜⴰⵢ ⴰⴳⵓⵏⵙ ⵏ ⵓⵙⴰⵢⵔⴰⵔ ⴰⴳⴷⵓⴷⴰⵏ ⴰⵙⵏⵖⵎⴰⵙ ⵓⵔ ⴰⴷ ⵉⵜⵜⵓⴼⵍ ⵉ ⵓⵙⵍⴳⵏ ⵏ ⵓⵎⵣⴰⵣⵣⴰⵍ ⴰⴷⴰⵎⵙⴰⵏ ⴷ ⵉ ⵜⵏⴱⴰⴹⵜ ⵏ ⵓⴳⴰⴷⴰⵣ ⵏ ⵉⴱⴰⵖⵓⵔⵏ ⵓⵙⵍⵉⴳⵏ ⵉⴳⴰⵏ ⵜⵉⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ.”

ⴳ ⵓⵢⵏⵏⴰ ⵉⵣⴷⵉⵏ ⵙ ⵓⵙⴷⵓⵙ ⵏ ⵡⴰⵏⴰⵡ ⴰⴼⵔⵉⵇ ⵏ ⵓⵙⵍⴳⵏ ⵏ ⵓⵙⵏⵖⵎⵙ, ⵜⵏⵏⴰ ⵎⴰⵙⵙⴰ ⴰⵅⴰⵔⴱⴰⵛ ⵉⵙ ⵔⴰⴷ ⵢⵉⵍⵉ ⴳ ⵜⴼⵔⵉⵇⵜ ⵢⴰⵏ ⵓⵙⵓⵜⵔ ⴰⵏⴰⵎⵓⵏ ⵉ ⵓⵙⵍⴳⵏ ⵏⵏⴰ ⵔⴰⴷ ⵉⴼⵔⴳ ⵎⴳⴰⵍ ⵉⵎⵉⵣⴰⵏ ⴱⵍⴰ ⵜⴰⴹⵓⵚⵉ ⵏ ⵜⵍⴻⵍⵍⵉ.

ⴰⵙⴳⵔⴰⵡ ⴰⴷ ⴰⴳⵔⴰⵖⵍⴰⵏ ⵉⵜⵜⵓⵙⵏⵎⴰⵍⴰⵏ ⵖⵓⵔ ⵜⵎⵔⵙⵍⵜ ⵜⴰⴽⴰⵎⵉⵔⵓⵏⵉⵜ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⵉⵜⵜⵓⵣⵎⵎⴻⵎ ⴰⴳⵓⵏⵙ ⵏ ⵓⵙⴰⵜⵉ ⵏ ⵓⵙⵡⵓⵔⵉ ⵏ ⵜⵡⵔⵉⵇⵜ ⵏ ⵓⴱⵔⵉⴷ ⵏ ⵓⵥⵟⵟⴰ ⵔⵉⵔⴰⴽ, ⵜⴰⵙⵉⵍⴰ ⵜⴰⵎⵏⵥⴰⵡⵜ ⵉⵙⵎⵓⵏⵏ ⵏ ⵉⵎⵙⵏⴰⵎⵏ ⵏ 37 ⵏ ⵜⵎⵓⵔⴰ ⴳ ⵉⴳⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵏⵙⵙⵉⵅⴼ ⴰⵔ ⵜⵉⴳⵉⵔⴰ ⵏ 2024.

ⴰⴽⴰⴱⴰⵕ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵎⵙⴳⵔⴰⵡ ⴰⴷ ⴰⵎⵇⵔⴰⵏ ⴰⴼⵔⵉⵇ ⵉⵍⵍⴰ ⴷⵉⴳⵙ ⴰⵡⴷ ⵎⴰⵙⵙ ⵟⴰⵍⴰⵍ ⵚⴰⵍⴰⵃⴷⴷⵉⵏ, ⴰⵎⵙⵙⴰⵏⵓⵏ ⵏ ⵜⵖⴰⵡⵙⵉⵡⵉⵏ ⵜⵉⴼⵔⵉⵇⵉⵏ ⴷ ⵜⴳⵔⴰⵖⵍⴰⵏⵉⵏ ⴷ ⵎⴰⵙⵙ ⵢⵓⵏⵙ ⵕⴱⴰⵟⵉ, ⴰⵎⵙⵙⴰⵏⵓⵏ ⵏ ⵓⴹⴼⴼⵓⵕ ⵏ ⵉⵎⵡⵓⵔⴰ.