ⴳ ⵡⴰⵢⵢⵓⵔ ⵏ ⵎⴰⵕⵚ 2024, ⵉⵙⵙⵓⴼⵖ ⴷ ⵓⴳⵔⴰⵡ ⵏ ⵜⵡⵓⵔⵉ ⵏⵏⴰ ⵉⵜⵜⵓⵙⴽⵔⵏ ⴰⴳⵓⵏⵙ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵣⴷⵉⵏ ⵙ ⵍⴰⵀⴰⴽⴰ, ⵅⴼ ⵓⵙⴳⵓⵎ ⵏ “ⴰⵙⵍⴳⵏ ⵏ ⵓⵙⵏⵖⵎⵙ ⴰⵎⵓⵟⵟⵓⵏ” ⵙ ⵜⵏⵙⵙⵉⵅⴼ ⵏ ⵎⴰⵙⵙⴰ ⵏⴰⵕⵊⵉⵙ ⵕⴰⵖⴰⵢ, ⵜⴰⵖⵓⵔⵉ ⵉⵍⴰⵏ ⴰⵣⵡⵍ ⵏ “ⵜⵉⵖⵉⵙⵜ ⵜⵉⵎⵍⵥⵉⵜ ⴷ ⵜⵙⵢⴰⴼⵓⵜ ⵜⴰⵙⵍⵉⵥⵕⵜ ⴷ ⵜⵎⵓⵟⵟⵓⵏⵜ ⴳ ⵍⵎⵖⵔⵉⴱ - ⵜⵓⵙⵓⵔⵉⵏ ⵏ ⵓⵎⵔⵡⵉ ⴰⵜⵉⴽⵏⵓⵍⵓⵊⵉ” ⵜⴰⵖⵓⵔⵉ ⵢⴰⴷ ⵜⴼⴼⵖ ⴷ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ.
“ⵜⵓⵏⵖⵉⵍⵜ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ ⵏ ⵜⵖⵓⵔⵉ ⵢⴰⴷ, ⵔⴰⴷ ⵜⴰⴷⵊ ⴰⴳⴷⵓⴷ ⴰⵅⴰⵜⴰⵔ ⴰⴷ ⵢⵉⵙⵉⵏ ⵓⴳⴰⵔ ⵅⴼ ⵜⵓⵙⵓⵔⵜ ⵏ ⵓⵙⵡⵓⵔⵉ ⵏ ⵜⵉⵖⵉⵙⵜ ⵜⵉⵎⵍⵥⵉⵜ ⴰⴳⵓⵏⵙ ⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ ⴷ ⵜⵎⵓⵟⵟⵓⵏⵉⵏ” ⴰⵢ ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⵏ ⵜⵡⵓⵔⵉ “ⴰⵙⵍⴳⵏ ⵏ ⵓⵙⵏⵖⵎⵙ ⴰⵎⵓⵟⵟⵓⵏ” ⵎⴰⵙⵙⴰ ⵏⴰⵕⵊⵉⵙ ⵕⴰⵖⴰⵢ.
ⵎⴰⵢ ⵏ ⵏⵉⵡⴹ ⴳ ⵍⵎⵖⵔⵉⴱ ⴷ ⵎⴰⵎⴽ ⴷⴰ ⵏⵙⵙⵓⵊⴰⴷ ⵉ ⵓⵏⴳⵉ ⵏ ⵜⵉⵖⵉⵙⵜ ⵜⵉⵎⵍⵥⵉⵜ ⴳ ⵢⵉⴳⵔⴰⵏ ⵏ ⵓⵙⵍⵉⵥⵕ, ⴰⵙⵓⵙⵙⵏ ⴷ ⵓⵎⵓⵟⵟⵓⵏ? ⵡⴰ ⴰⵢ ⴳⴰⵏ ⴰⵙⵇⵙⵉ ⴰⴷⵙⵍⴰⵏ ⵅⴼ ⵜⵔⴰ ⵜⵖⵓⵔⵉ « ⵜⵉⵖⵉⵙⵜ ⵜⵉⵎⵍⵥⵉⵜ ⴷ ⵜⵙⵢⴰⴼⵓⵜ ⵜⴰⵙⵍⵉⵥⵕⵜ ⴷ ⵜⵎⵓⵟⵟⵓⵏⵜ ⴳ ⵍⵎⵖⵔⵉⴱ » ⴰⴷ ⵜⵔⴰⵔ ⵜⴰⴼ ⵉⵖⴰⵔⴰⵙⵏ ⵏ ⵓⵙⵡⵉⵏⴳⵎ.
ⵅⴼ ⵓⵢⴰⴷ, ⵉⵙⵙⴽⵔ ⵓⴳⵔⴰⵡ ⵏ ⵜⵡⵓⵔⵉ « ⴰⵙⵍⴳⵏ ⴷ ⵓⵙⵏⵖⵎⵙ ⴰⵎⵓⵟⵟⵓⵏ » ⵢⴰⵏ ⵓⵔⵣⵣⵓ, ⴰⵎⵣⵡⴰⵔⵓ ⴳ ⵡⴰⵏⴰⵡ ⵏⵏⵙ ⴳ ⵍⵎⵖⵔⵉⴱ, ⵖⵓⵔ ⵉⵣⵣⵓⵍⴰⵏⵏ ⵏ ⵢⵉⴳⵔⴰⵏ ⵏ ⵓⵣⵍⵉⵥⵕ, ⴰⵎⵓⵟⵟⵓⵏ ⴷ ⵓⵙⵉⵙⵙⵏ (ⵉⵙⵢⴰⴼⵓⵜⵏ ⵉⵙⵍⵉⵥⵕⵏ, ⵉⵎⵙⵙⵓⴼⵖⵏ, ⵉⵎⵙⵏⵓⵍⴼⴰ ⵏ ⵜⵓⵎⴰⵢⵉⵏ ⵜⵉⵎⵓⵟⵟⵓⵏⵉⵏ ⴷ ⵡⵉⵏ ⵓⵙⵓⵙⵙⵏ) ⴷ ⵉⵎⵓⵣⴰⵢ ⵏ ⵜⵉⵖⵉⵙⵜ ⵜⵉⵎⵍⵥⵉⵜ, ⵉⵎⵔⵣⴰ ⴷ ⵉⵙⵍⵎⴰⴷⵏ ⵏ ⵓⵙⵍⵉⵥⵕ ⴷ ⵓⵎⵓⵟⵟⵓⵏ.
ⵙ ⵓⵎⴷⵢⴰ, 67% ⵏ ⵉⵣⵣⵓⵍⴰⵏⵏ ⵏ ⵢⵉⴳⵔ ⴰⵙⵍⵉⵥⵕ, ⴰⵙⵓⵙⵙⵏ ⴷ ⵓⵎⵓⵟⵟⵓⵏ ⵏⵏⴰⵏ ⵉⵙ « ⵉⴷⵔⵓⵙ » ⵓⵙⵙⵓⵊⴷ ⵉ ⵜⵉⵖⵉⵙⵜ ⵜⵉⵎⵍⵥⵉⵜ ⴳ ⵢⵉⴳⵔ ⵏ ⵓⵙⵍⵉⵥⵕ ⴷ ⵓⵎⵓⵟⵟⵓⵏ ⴳ ⵍⵎⵖⵔⵉⴱ. ⵓⴳⴰⵔ ⵏ ⵡⵉⵙⵙ ⴽⵕⴰⴹ ⵏⵏⴰ ⵉⵜⵜⵓⵙⵇⵙⴰⵏ, 33% ⴷⵉⴳⵙⵏ ⴷⴰ ⵜⵜⵉⵏⵉⵏ ⵉⵙ ⵓⵔ ⴰⴽⴽⵯ ⵉⵍⵍⵉ ⴰⵡⴷ ⵢⴰⵏ ⵓⵙⵙⵓⵊⴷ.
ⵙ ⵓⴱⵔⵉⴷ ⵏ ⵓⵔⵣⵣⵓ ⵢⴰⴷ, ⵜⴻⵜⵜⵓⵙⴽⵔ ⵢⴰⵜ ⵜⵙⵉⵍⴰ ⵏ ⵓⵙⴼⵙⵉ ⵏ ⵜⵓⵙⵓⵔⵜ ⵏ ⵓⵙⵡⵓⵔⵉ ⵏ ⵜⵉⵖⵉⵙⵜ ⵜⵉⵎⵍⵥⵉⵜ ⴳ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ ⴷ ⵜⵎⵓⵟⵟⵓⵏⵉⵏ, ⵜⴰⵙⵉⵍⴰ ⵢⴰⴷ ⵜⵓⴷⵊⴰ ⴰⴷ ⵏⵉⵖⵉⵢ ⴰⴷ ⵏⵙⵜⵍ ⴰⵜⵉⴳ ⵏ ⵓⵙⵙⵓⵊⴷ ⵉ ⵓⵙⵡⵓⵔⵉ ⵏ ⵉⵎⴰⵙⵙⵏ ⵏ ⵜⵉⵖⵉⵙⵜ ⵜⵉⵎⵍⵥⵉⵜ ⵖⵓⵔ ⵉⵣⵣⵓⵍⴰⵏⵏ ⵏ ⵓⵙⵍⵉⵥⵕ, ⵏ ⵓⵎⵓⵟⵟⵓⵏ ⴷ ⵓⵙⵉⵙⵙⵏ ⴰⴼⴰⴷ ⴰⴷ ⵏⴰⴼ ⵜⵉⵖⴰⵔⴰⵙⵉⵏ ⵏ ⵜⵎⵔⴰⵔⵓⵜ ⵉ ⵉⵙⵇⵙⵉⵜⵏ ⵏ ⵉⵍⵓⴳⵏⵏ ⵏⵏⴰ ⵏ ⵉⵇⵇⴰⵏⵏ, ⴰⴷⴷⴰⵢ ⵏⵙⵙⵏ ⵉⵙ 64% ⵏ ⵡⵉⵏⵏⴰ ⵉⵔⵓⵔⴰⵏ ⵅⴼ ⵉⵙⵇⵙⵉⵜⵏ ⵏⵏⴰⵏ ⵉⵙ ⵜⵉⵔⵓⴱⴱⴰ ⵏ ⵉⵎⵙⵡⵓⵔⴰ ⵏⵏⴰ ⵉⴷⵙⵏ ⵉⵍⵍⴰⵏ ⵓⵔ ⵜⵜⵓⵙⵎⵓⵜⵜⴳⵏ ⴳ ⵓⵙⴰⵜⵉ ⵏ ⵓⵙⵡⵓⵔⵉ ⵏ ⵉⵎⴰⵙⵙⵏ ⵏ ⵜⵉⵖⵉⵙⵜ ⵜⵉⵎⵍⵥⵉⵜ.
ⵜⵣⵣⵔⵉ ⵜⵖⵓⵔⵉ ⵢⴰⴷ ⵅⴼ ⵉⵎⵙⵡⵓⵔⴰ ⵏ ⵉⵎⴰⵙⵙⵏ ⴰⴷ ⴰⴳⵓⵏⵙ ⵏ ⵓⵙⵢⴰⴼⵓ ⴰⵙⵍⵉⵥⵕ ⴷ ⵉⵎⵓⵟⵟⵓⵏ. ⵜⵓⵙⵓⵔⵜ ⵏ ⵜⵉⵖⵉⵙⵜ ⵜⵉⵎⵍⵥⵉⵜ ⴳ ⵓⵙⵏⵓⵍⴼⵓ ⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ ⵉⵜⵜⵓⵙⵎⴰⴳⵉ. ⵉⵜⵜⵓⴱⴷⵔ ⴰⵡⴷ ⵓⵙⵍⴳⵏ ⵏ ⵜⵉⵖⵉⵙⵜ ⵜⵉⵎⵍⵥⵉⵜ ⵜⴰⵎⵙⵏⵓⵍⴼⴰⵢⵜ ⴰⴼⴰⴷ ⴰⴷ ⵜⵎⵓⵏ ⴷ ⵓⵙⵏⵓⵍⴼⵓ ⴰⵎⵙⵜⴳⴳⴰⵔ. ⵜⴰⵖⵓⵔⵉ ⵢⴰⴷ ⵜⵉⵡⵉⴷ ⵢⴰⵏ ⵢⵉⴳⵉ : ⵢⴰⵏ ⵓⵏⵎⵎⴰⵍ ⴰⵖⴰⵔⴰⵏ ⵉ ⵓⵙⴼⴰⵡ ⵏ ⵜⴳⵎⵉ ⵏ ⵜⵉⵖⵉⵙⵜ ⵜⵉⵎⵍⵥⵉⵜ ⵉⴳⴰ ⴰⵙⴽⴽⵉⵏ ⴰⴷⵙⵍⴰⵏ ⵏⵏⴰ ⵉⵇⵇⴰⵏ ⴰⴷ ⵢⵉⵍⵉ ⵙ ⵓⵖⵉⵡⵍ.
« ⵜⵉⵎⵔⵓⵔⵉⵏ ⵉⵜⵜⵓⵙⵎⵓⵏⵏ ⵖⵓⵔ ⵉⵣⵣⵓⵍⴰⵏⵏ ⵏ ⵢⵉⴳⵔ ⴰⵙⵍⵉⵥⵕ, ⵏ ⵓⵙⵓⵙⵙⵏ ⴷ ⵓⵎⵓⵟⵟⵓⵏ, ⴷ ⴰⵡⴷ ⵖⵓⵔ ⵉⵎⵓⵣⴰⵢ ⵏ ⵜⵉⵖⵉⵙⵜ ⵜⵉⵎⵍⵥⵉⵜ, ⵓⴷⵊⴰⵏ ⴰⵖ ⴰⴷ ⵏⵙⵙⵎⵖⵓⵔ ⴰⵏⵜⴰⵎ ⵏ ⵜⵖⵓⵔⵉ ⵏⵙⵙⴽⵔ ⵉⵙⵖⵍⴰⴼ ⵅⴼ ⵓⵙⵡⵓⵔⵉ ⵏ ⵜⵉⵖⵉⵙⵜ ⵜⵉⵎⵍⵥⵉⵜ ⴱⵍⴰ ⴰⵙⴽⵏⴷ” ⴰⵢ ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⵏ ⵜⵡⵓⵔⵉ “ⴰⵙⵍⴳⵏ ⴷ ⵓⵙⵏⵖⵎⵙ ⴰⵎⵓⵟⵟⵓⵏ”, ⵎⴰⵙⵙⴰ ⵏⴰⵕⵊⵉⵙ ⵕⴰⵖⴰⵢ.
ⵜⴰⵖⵓⵔⵉ « ⵜⵉⵖⵉⵙⵜ ⵜⵉⵎⵍⵥⵉⵜ ⴷ ⵜⵙⵢⴰⴼⵓⵜ ⵜⴰⵙⵍⵉⵥⵕⵜ ⴷ ⵜⵎⵓⵟⵟⵓⵏⵜ ⴳ ⵍⵎⵖⵔⵉⴱ » ⵜⵍⵍⴰ ⴳ ⵓⵙⵉⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, www.haca.ma.
ⴰⴷ ⵏⵙⵙⴽⵜⵉ ⴳ ⵜⴳⵉⵔⴰ ⵉⵙ ⴰⴳⵔⴰⵡ ⵏ ⵜⵡⵓⵔⵉ “ⴰⵙⵍⴳⵏ ⴷ ⵓⵙⵏⵖⵎⵙ ⴰⵎⵓⵟⵟⵓⵏ” ⵏⵏⴰ ⵜⵏⵙⵙⵉⵅⴼ ⵎⴰⵙⵙⴰ ⵏⴰⵕⵊⵉⵙ ⵕⴰⵖⴰⵢ, ⵉⵙⵙⵓⴼⵖ ⴷ ⵙⵉⵏ ⵉⵏⵎⵎⴰⵍⵏ: “ⴰⵣⴷⴰⵢ ⵖⵔ ⵍⴰⵏⵜⵉⵔⵏⵉⵜ ⵙ ⵍⴰⵎⴰⵏ: ⵉ ⵓⵙⵡⵓⵔⵉ ⵙ ⵜⵉⴹⴰⴼ ⵏ ⵓⵎⵓⵟⵟⵓⵏ ⵖⵓⵔ ⵓⴳⴷⵓⴷ ⴰⵎⵥⵢⴰⵏ” ⴳ ⵓⵙⴳⴳⵯⴰⵙ 2021 ⴷ “ⴰⵏⵎⵎⴰⵍ ⵏ ⵓⵎⵏⵏⵓⵖ ⵎⴳⴰⵍ ⴳⴰⵔ ⵉⵏⵖⵎⵉⵙⵏ: ⵉⵙⴰⵖⵓⵍⵏ, ⵜⵉⵎⵙⴽⴰⵔⵉⵏ ⴷ ⵉⵎⴰⵙⵙⵏ” ⴳ ⵓⵙⴳⴳⵯⴰⵙ ⵏ 2022.
 

 «ⵜⵉⵖⵉⵙⵜ ⵜⵉⵎⵍⵥⵉⵜ ⴷ ⵜⵙⵢⴰⴼⵓⵜ ⵜⴰⵙⵍⵉⵥⵕⵜ ⴷ ⵜⵎⵓⵟⵟⵓⵏⵜ ⴳ ⵍⵎⵖⵔⵉⴱ ».pdf