ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴰⵙⵙ ⵏ 10 ⵢⵏⵏⴰⵢⵔ 2023, ⵎⴰⵙⵙⴰ ⵊⵓⵎⵉⵢⴰ ⵙⵓⵍⴰⵢⵎⴰⵏ ⵖⵓⵏⴰⵢⵎⴰⵜ, ⵜⴰⵎⵙⵇⴰⴷⵜ ⵏ ⵜⴳⵍⴷⵉⵜ ⵜⴰⵀⴰⵛⵉⵎⵉⵢⵜ ⵏ ⵍⵓⵕⴹⵓⵏ ⴳ ⵍⵎⵖⵔⵉⴱ.

ⵉⵡⵏⴰⵏ ⵏ ⵓⵎⵙⴳⵔⴰⵡ, ⵏⵏⴰ ⴳ ⵉⵃⴰⴹⵕ ⴰⵡⴷ ⵎⴰⵙⵙ ⴰⵎⵉⵏ ⵄⴰⵣⵣⵉⵎⴰⵏ, ⴰⵏⵎⵀⴰⵍ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ, ⵜⵙⵎⵏⴷ ⵎⴰⵙⵙⴰ ⴰⵅⴰⵔⴱⴰⵛ ⵉ ⵜⴷⵉⴱⵍⵓⵎⴰⵜ ⵜⴰⵓⵕⴹⵓⵏⵉⵜ ⵉⵛⴰⵕⵉⴹⵏ ⵉⵅⴰⵜⴰⵔⵏ ⵏ ⵜⵙⵎⵉⴳⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵏⵉⵎⴰⵏⵜ ⵢⵓⵙⵉⵏ ⴰⴳⴳⵯⴰ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⴰⵙⵍⵉⵥⵕ. ⵜⵙⵙⴽⵏ ⵙ ⵉⵎⵥⵍⵉ ⵜⵉⵍⴰⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵙⵡⵓⴷⴷⵓ ⵏ ⵜⵎⴰⴳⵓⵜ ⵏ ⵓⵡⵏⵏⵉ ⴰⵙⵔⵜⴰⵏ ⴳ ⵉⵣⵎⴰⵣ ⵏ ⵉⵙⵜⴰⵢⵏ ⴷ ⵜⵎⵔⵉⵙⵜ ⵏ ⵜⵎⵔⵙⵍⵜ ⴳ ⵓⵙⵡⵉⵔ ⵏ ⵜⴳⵎⵉ ⵏ ⵓⵎⵢⴰⵏⴰⵡ, ⵏ ⵓⵙⵙⵓⵎⵓ ⵏ ⵡⴰⵏⴰⵡ ⴷ ⵜⵙⵉⵍⴰⵡⵜ ⵏ ⵉⵎⵏⵣⴰⵢ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⴳⵓⵏⵙ ⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ.

ⵉⵡⵉⵏ ⴷ ⵉⵙⵏⵉⴼⵉⵍⵏ ⴳⵔ ⵎⴰⵙⵙⴰ ⴰⵅⴰⵔⴱⴰⵛ ⴷ ⵜⴷⵉⴱⵍⵓⵎⴰⵜ ⵜⴰⵍⵓⵕⴹⵓⵏⵉⵜ, ⵉⴽⴽⴰⵏ ⵜⴳⴰ ⵜⴰⵎⴰⵡⵙⴰⵙⵜ ⵏ ⵓⵎⵢⴰⵡⴰⴹ, ⵉⵜⵜⵓⵢⴰⵙⵙⵏ ⴳ ⵢⵉⴳⵔ ⵏ ⵓⵙⵏⵖⵎⵙ ⴳ ⵜⵎⵓⵔⵜ ⵏⵏⵙ, ⵉⵡⵉⵏ ⴷ ⵅⴼ ⵓⵣⵎⵣⵣⴰⵣⵍ ⵏ ⵢⵉⵔⵎⵏ ⵏ ⴽⵓ ⵜⴰⵎⴰⵣⵉⵔⵜ ⴳ ⵢⵉⴳⵔ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⴰⵙⵍⵉⵥⵕ. ⵜⵙⵙⴽⵜⵉ ⴷ ⵎⴰⵙⵙⴰ ⵊⵓⵎⴰⵏⴰ ⵖⵓⵏⴰⵢⵎⴰⵜ ⵉⵔⵎ ⵏ ⵜⵎⵓⵔⵜ ⵏ ⵍⵓⵕⴹⵓⵏ ⵉⴳⴰⵏ ⵜⴰⵎⵣⵡⴰⵔⵓⵜ ⴳ ⵓⵎⴰⴹⴰⵍ ⴰⵄⵔⴰⴱ ⴳ ⵢⵉⴳⵔ ⵏ ⵓⵙⵍⵎⴷ ⵅⴼ ⵓⵙⵏⵖⵎⵙ ⴷ ⵓⵙⵔⵓⵙ ⵏ ⵜⵉⴹⴰⴼ ⵉ ⵓⵏⵥⵉ ⵙⴳ ⵉⵏⵖⵎⵉⵙⵏ ⴷ ⵉⵅⵔⵔⵉⵇⵏ.

ⴰⵎⵍⴰⵍⴰ ⵢⴰⴷ ⵉⴳⴰ ⵜⵉⵔⵎⵜ ⵏ ⵓⵎⵙⴰⵡⴰⵍ ⵅⴼ ⵜⵎⵙⴰⵔⵜ ⵏ ⵉⵎⵉⵀⵉⵜⵏ ⵉⵣⴷⵉⵏ ⴷ ⵉⵙⵏⵉⴼⵉⵍⵏ ⵉⵅⴰⵜⴰⵔⵏ ⵉⵍⵍⴰⵏ ⴳ ⵓⵏⴳⵔⴰⵡ ⴰⵖⵎⵙⴰⵏ, ⵉⵙⵏⵉⴼⵉⵍⵏ ⵏⵏⴰ ⴷ ⵜⵉⵡⵉ ⵜⴳⵎⵉ ⵙ ⵓⵖⵉⵡⵍ ⵏ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⵓⵟⵟⵓⵏⵜ, ⵙ ⵉⵎⵥⵍⵉ ⴰⵙⵡⵓⵔⵉ ⵏ ⵓⵏⵖⵎⵉⵙ, ⵏ ⴳⴰⵔ ⴰⵏⵖⵎⵉⵙ ⴷ ⵓⵏⵢⵓⴷⴷⵓ ⵏ ⵜⵉⵥⵉⵕⵜ ⵏ ⵓⵏⴳⵓⵣ.

ⵙ ⵓⵏⵥⵓ ⵏ ⵓⵎⵎⴻⵔⵡⴰⵙ ⴳⵔ ⵉⵏⴰⴹⵏ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴷ ⴽⵉⴳⴰⵏ ⵏ ⵓⵎⵎⵔⵡⴰⵙ ⴳⵔ ⵜⵙⵎⵉⴳⵍⵉⵏ ⵏ ⵜⵎⵔⵙⴰⵍ ⵏ ⵓⵙⵏⴰⵎ ⵜⴰⵎⵖⵔⴰⴱⵉⵢⵜ, ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴷ ⵜⵎⵔⵙⵍⵜ ⵏ ⵍⵓⵕⴹⵓⵏ, ⵜⴰⵙⵇⵇⵉⵎⵜ ⵏ ⵓⵙⵏⵖⵎⵙ, ⵎⴰⵙⵙⴰ ⴰⵅⵔⴱⴰⵅ ⴷ ⵎⴰⵙⵙⴰ ⵖⵓⵏⴰⵢⵎⴰⵜ ⵎⵙⴰⵙⴰⵏⵜ ⵅⴼ ⵜⵡⵓⵔⵉ ⴷ ⵓⵙⵏⵎⴰⵍⴰ ⴷ ⵓⵙⴷⵓⵙ ⴷ ⵓⵎⵢⴰⵡⴰⵙ ⴳⵔ ⵜⵎⵔⵙⴰⵍ ⵙ ⵙⵏⴰⵜ ⴳ ⵓⵙⵡⵉⵔ ⴰⵙⵉⵏⵔⴰⵏ ⴷ ⵓⴳⵓⵏⵙ ⵉⵥⴹⵡⴰⵏ ⵉⴳⵔⴰⵖⵍⴰⵏⵏ ⵏ ⵓⵙⵏⴰⵎ ⴳ ⴳⴰⵏ ⵉⴳⵎⴰⵎⵏ ⴰⵎⵎ ⵓⵥⵟⵟⴰ ⵏ ⵜⵎⵔⵙⴰⵍ ⵏ ⵓⵙⵏⴰⵎ ⵜⵉⴳⵔⴰⴽⴰⵍⵉⵏ ⴷ ⵓⵙⴳⵔⴰⵡ ⴷ ⵉⵎⵙⵏⴰⵎⵏ ⵉⵙⵍⵉⵥⵕⵏ ⵏ ⵜⵎⵓⵔⴰ ⴷ ⵜⵏⵎⴰⵍⴰⵢⵉⵏ ⵏ ⵓⵎⵢⴰⵡⴰⵙ ⴰⵏⵙⵍⵎ.