ⵜⴰⵥⵕⵉⴳⵜ ⵙⴳ ⵢⵓⵏⵢⵓ 2024 ⵏ ⵓⴳⵔⴰⵡ ⵏ ⵜⵡⵓⵔⵉ ⵉⵜⵜⵓⵙⵏⵓⵍⴼⴰⵏ ⴰⴳⵓⵏⵙ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵣⴷⵉⵏ ⵙ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵢⵓⴳⴳⴰ ⵅⴼ “ⵜⴷⴰⵎⵙⴰ ⵏ ⵓⵙⵍⵉⵥⵕ”, ⵜⴰⵖⵓⵔⵉ ⵢⴰⴷ ⵜⴻⵜⵜⵓⵙⴽⵔ ⵅⴼ ⵓⵙⴳⵓⵎ ⵏ “ⴰⴳⴰⴷⴰⵣ ⴰⵙⵓⵙⵙⴰⵏ ⴰⵏⴰⵎⵓⵔ”, ⵜⴰⵖⵓⵔⵉ ⵏⵏⴰ ⴷ ⵉⴼⴼⵖⵏ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ.

ⵜⴰⵖⵓⵔⵉ ⵢⴰⴷ ⵏⵏⴰ ⵉⵙⵙⴽⵔ ⵓⴳⵔⴰⵡ ⵏ ⵜⵡⵓⵔⵉ ⵏⵏⴰ ⵉⵏⵙⵙⵉⵅⴼ ⵎⴰⵙⵙ ⵄⵍⵉ ⴱⴰⵇⵇⴰⵍⵉ ⵃⴰⵙⵙⴰⵏⵉ, ⴰⴳⵎⴰⵎ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵜⵓⴷⵊⴰ ⵢⴰⵖ ⴰⴷ ⵏⵥⵕ ⵉⵢⴰⴼⵓⵜⵏ, ⴷ ⵉⵙⴼⵙⴰⵢ ⴷ ⵉⵙⵓⵎⴰⵔ ⵏ ⵓⴳⴰⵔ ⵏ 100 ⵏ ⵓⵎⵙⴽⴰⵔ ⴳ ⵓⴳⴰⴷⴰⵣ ⴰⵙⵓⵙⵙⴰⵏ ⴰⵏⴰⵎⵓⵔ, ⴳⵔ ⵉⵎⵍⵖⴰ, ⵜⵉⵙⵏⵓⵔⴰⵢⵉⵏ ⵏ ⵓⵙⵙⴼⴰⵡ ⴳ ⵓⵎⵢⴰⵡⴰⴹ, ⵜⵉⵙⵏⵓⵔⴰⵢⵉⵏ ⵜⵉⵙⵓⵙⵙⴰⵏⵉⵏ ⴷ ⵉⵎⵡⵓⵔⴰ ⵉⵎⵥⵕⴰⴳ ⵏ ⵜⵏⴰⴼⵓⵜⵉⵏ ⵜⵉⵏⵣⵡⴰⵢⵉⵏ ⴷ ⵜⵉⵏ ⵉⵜⵉⵍⵉⴼⵉⵣⵢⵓⵏⵏ.

ⵉⵎⵛⴰⵡⴰⵔⵏ ⵉⵍⴰⵏ ⴰⵜⵉⴳ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙⴳ ⵡⴰⵢⵢⵓⵔ ⵏ ⴼⴱⵕⴰⵢⵕ 2022, ⵙⵙⵉⵡⴹⵏ ⵖⵔ ⴰⵙⵙⵓⴳⵔ ⵏ ⴽⵉⴳⴰⵏ ⵏ ⵉⵢⴰⴼⵓⵜⵏ ⵉⵅⴰⵜⴰⵔⵏ ⵅⴼ ⵜⵏⵥⵕⵉⵏ ⵏⵏⴰ ⵉⵍⵍⴰⵏ ⴳ ⵓⴳⴰⴷⴰⵣ ⴰⵙⵓⵙⵙⴰⵏ ⴰⵏⴰⵎⵓⵔ ⴳ ⵢⵉⴳⵔ ⵏ ⵓⵙⵙⵓⵔⵓ, ⵏ ⵜⵉⵏⵏⵓⴱⴹⴰ ⴷ ⵓⵙⵎⵓⵜⵜⴳ...

ⵜⵉⵢⴰⴼⵓⵜⵉⵏ ⵏ ⵜⵖⵓⵔⵉ ⴷⴰ ⵙⵙⴽⴰⵏⵏⵜ ⵉⵜⵙ ⵏ ⵉⵖⴰⵔⴰⵙⵏ ⵏ ⵓⵙⵡⵉⵏⴳⵎ ⴷ ⵜⵉⴳⴰⵡⵜ ⵏⵏⴰ ⵙⵓⵎⵔⵏ ⴽⵉⴳⴰⵏ ⵏ ⵉⵎⵙⴽⴰⵔⵏ ⴰⴼⴰⴷ ⴰⴷ ⵜⵕⵡⵓ ⵜⵏⴰⵎⵉⵜ ⵉ ⵜⵡⵓⵔⵉ ⴷ ⵉⵎⵙⴰⵔⴰⵙⵏ ⵉⵎⴰⵢⵏⵓⵜⵏ ⵏ ⵓⴳⴰⴷⴰⵣ ⴰⵙⵓⵙⵙⴰⵏ. ⵙ ⵓⵢⴰ, ⵉⵣⵣⵓⵍⴰⵏⵏ ⵏ ⵢⵉⴳⵔ ⴰⴷ, ⵎⵓⵏⵏ ⵅⴼ ⵜⵎⵙⵍⴰⵢⵜ ⴰⴷ ⵉⴳⴰⵏ ⵜⴰⵎⵖⵉⵡⵍⵜ ⵉ ⵓⵙⵏⵖⵎⵙ ⴰⵙⵍⵉⵥⵕ ⴰⵏⴰⵎⵓⵔ ⴷ ⵓⵙⴷⵓⵙ ⵏ ⵓⵎⵢⴰⵏⴰⵡ ⵏ ⵓⵙⴽⴰⵏ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵓⵙⴽⴰⵏ ⴰⴷ ⵉ ⵓⴳⴰⵏⵏⵉ ⵏ ⵓⴳⴷⵓⴷ ⵉⵙⵡⵓⵔⵉⵏ ⵍⴰⵏⵜⵉⵔⵏⵉⵜ. ⵜⴼⴽⴰ ⵜⴰⵖⴹⴼⵜ ⵜⵖⵓⵔⵉ ⵢⴰⴷ ⴰⵡⴷ ⵉ ⵓⵏⵎⵔⵉ ⵏ ⵓⵙⵉⵜⴳ ⵉ ⵜⵔⵙⵍⵜ ⵜⴰⵣⵔⴼⴰⵏⵜ ⵏⵏⴰ ⵉⵙⵙⴰⵜⵉⵏ ⵜⴰⵡⵓⵔⵉ ⵏ ⵜⵥⵕⵉⴳⵜ ⵏ ⵜⵏⴰⴼⵓⵜⵉⵏ ⵜⵉⵙⵍⵉⵥⵕⵉⵏ ⴷ ⵓⴳⴰⴷⴰⵣ ⴰⵙⵓⵙⵙⴰⵏ. ⴰⵎⵙⴰⵔⴰⵙ ⵏ ⵓⵙⵏⴰⵎ ⴰⴷ ⵉⴳⴰ ⴰⵙⵉⵍⵉ ⵙ ⵜⵙⵓⵙⵖⵜ ⴰⴳⵓⵏⵙ ⵏ ⵓⴳⴰⴷⴰⵣ ⴰⵙⵓⵙⵙⴰⵏ ⴷ ⵓⵙⴽⴰⵏ ⵉ ⵉⵎⵡⵓⵔⴰ ⵢⴰⵜ ⵜⵙⴳⴰ ⵜⴰⵎⵇⵔⴰⵏⵜ ⵏ ⵜⵡⵓⵔⵉ ⴰⴼⴰⴷ ⴰⴷ ⵢⵉⵍⵉ ⵓⴳⴰⵔ ⵏ ⵜⵢⴰⴼⵓⵜⵉⵏ ⴳ ⵢⵉⴳⵔ ⵏ ⵜⵏⵓⵎⵓ ⴰⴽⴷ ⵜⵉⵍⴰⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵢⵉⴳⵔ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ.

ⵜⵓⵏⵖⵉⵍⵜ ⵜⴰⵄⵔⴰⴱⵜ ⴷ ⵜⵉⵏ ⵜⴼⵔⴰⵏⵙⵉⵙⵜ ⵍⵍⴰⵏⵜ ⴳ ⵓⵙⵉⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ: (www.haca.ma).

ⴰⴳⵎⵜⴰⵏⴰⴹⵜ