ⵜⵎⵙⴳⵔⴰⵡ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵙ ⵏ 16 ⵏⵓⵡⴰⵏⴱⵉⵔ 2022 ⴳ ⴰⴱⵓ ⴹⴰⴱⵉ, ⵏⵜⵜⴰⵜ ⴷ ⵎⴰⵙⵙ ⵕⴰⵛⵉⴷ ⵅⴰⵍⴼⴰⵏ ⴰⵏⵏⵓⵄⴰⵢⵎⵉ, ⴰⵏⵎⵀⴰⵍ ⴰⵎⵣⵣⴳⴰⵔ ⵏ ⵓⵙⵉⵔⴰ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⴳ ⵍⵉⵎⴰⵕⴰⵜ ⵜⴰⵄⵔⴰⴱⵉⵏ ⵎⵓⵏⵏⵉⵏ. ⴰⵎⵙⴳⵔⴰⵡ ⴰⴷ, ⴰⵎⵣⵡⴰⵔⵓ ⴳ ⵡⴰⵏⴰⵡ ⵏⵏⵙ ⴳ ⵓⵙⵡⵉⵔ ⴰⵙⵉⵏⵔⴰⵏ ⴳⵔ ⵙⵏⴰⵜ ⵏ ⵜⵎⵔⵙⴰⵍ, ⵉⴳⴰ ⴰⵣⵎⵣ ⵏ ⵓⵙⵙⴼⵙⵉ ⵏ ⵉⵎⵏⴰⴷⵏ ⵏ ⵓⵎⵢⴰⵡⴰⵙ ⴳⵔ ⵓⴳⵔⴰⵡ ⴰⵎⴰⵜⵜⴰⵢ ⴰⵎⵖⵔⴰⴱⵉ ⴷ ⵓⵙⵉⵔⴰ ⵏ ⵍⵉⵎⴰⵕⴰⵜ, ⴳ ⵢⵉⴳⵔ ⵏ ⵓⵙⴽⴰⵔ ⵏ ⵜⵖⵓⵔⵉⵡⵉⵏ ⵅⴼ ⵜⵎⵙⴰⵔⵜ ⵏ ⵓⵙⵙⴳⵎ ⵏ ⵉⵏⴳⵔⴰⵡⵏ ⵉⵙⵏⵖⵎⴰⵙⵏ ⴰⴳⵓⵏⵙ ⵏ ⵙⵏⴰⵜ ⵜⵎⵓⵔⴰ ⵢⴰⴷ, ⴷ ⴳ ⵓⵙⴰⵜⵉ ⵢⴰⴷ, ⵜⵉⵙⵎⴰⴳⵍⵉⵏ ⴷ ⵜⵎⴰⵙⴰⵢⵉⵏ ⵉⵥⵍⵉⵏ ⵉ ⴽⵓ ⵢⴰⵜ ⴳ ⵜⵎⵔⵙⴰⵍ.

ⴰⵎⵙⴳⴰⵔⵡ ⵉⵜⵜⵓⵙⴽⵔ ⴳ ⵓⵙⴰⵜⵉ ⵏ ⵜⵎⴷⵔⴰⵡⵜ ⵏ ⵢⴰⵏ ⵓⴽⴰⴱⴰⵕ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⵎⴰⴹⵍⴰⵏ ⵏ ⵓⵙⵏⵖⵎⵙ ⵉⵜⵜⵓⵙⵏⵎⴰⵍⴰⵏ ⵙⴳ 15 ⴰⵔ 17 ⵏⵓⵡⴰⵏⴱⵉⵔ 2022 ⴳ ⴰⴱⵓ ⴹⴰⴱⵉ ⴷⴷⴰⵡ ⵓⵙⴳⵓⵎ « ⴰⵎⵙⴰⵍ ⵏ ⵉⵎⴰⵍ ⵏ ⵓⵙⵏⵖⵎⵙ ». ⴰⴽⴰⴱⴰⵕ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ

ⵜⴳⴰ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⵜⴰⵏⵙⵙⵉⵅⴼⵜ ⵏⵏⵙ, ⵢⵉⵍⵉ ⵎⴰⵙⵙ ⵄⵍⵉ ⴱⴰⵇⵇⴰⵍⵉ-ⵃⴰⵙⵙⴰⵏⵉ ⴷ  ⵄⴱⴷⵍⵇⴰⴷⵔ ⵛⴰⵡⵉ ⵍⵓⴷⵉⵢⵉ, ⴰⵏⵙⵙⴼⴰⵡ ⵏ ⵜⵏⵙⵙⵉⵅⴼⵜ.

ⵉⵍⵓⵍⴰ ⴷ ⴳ ⵢⵓⵏⵢⵓ 2022, ⵢⴰⵎⵥ ⴰⴷⵖⴰⵔ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵓⵙⵏⵖⵎⵙ, ⴰⵙⵉⵔⴰ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⵢⵓⵙⵉ ⴰⴳⴳⵯⴰ ⵙ ⵉⵎⵥⵍⵉ ⵏ ⵜⵓⴽⴽⵉ ⵏ ⵜⵓⵔⴰⴳⵉⵏ ⵉ ⵜⵓⵚⴽⴰ ⵏ ⵜⵏⴰⴼⵓⵜⵉⵏ ⵜⵉⵙⵏⵖⵎⴰⵙⵉⵏ, ⴰⵡⴷ ⵜⵉⵏⵏⴰ ⵉⵍⵍⴰⵏ ⴳ ⵜⵎⵏⴰⴹⵉⵏ ⵏ ⵓⵙⵖⵏⵣⵉ ⵉⵍⴻⵍⵍⵉ, ⴰⵡⴷ ⵜⴰⵎⵙⵙⴰⵏⵓⵏⵜ ⵏ ⵜⵓⵎⴰⵢⵉⵏ ⵜⵉⵙⵏⵖⵎⴰⵙⵉⵏ ⴰⴼⴰⴷ ⴰⴷ ⵉⵜⵜⵓⵣⵔⵉ ⵅⴼ ⵜⵏⵓⵎⵉ ⵏⵏⵙⵏ ⴰⴽⴷ ⵉⴹⵕⵉⵙⵏ ⵓⵣⵔⵉⴼⵏ ⴷ ⵉⵙⵍⴳⵏⵏ ⵉⵣⵣⵉⴳⵉⵣⵏ ⴳ ⵍⵉⵎⴰⵕⴰⵜ ⵜⴰⵄⵔⴰⴱⵉⴱ ⵎⵓⵏⵏⵉⵏ.

ⵜⴰⵥⵕⵉⴳⵜ ⵜⴰⵎⵣⵡⴰⵔⵓⵜ ⵏ ⵓⴳⵔⴰⵡ ⴰⵎⴰⴹⵍⴰⵏ ⵏ ⵓⵙⵏⵖⵎⵙ ⵜⵍⵍⴰ ⵜⵜⵓⵔⵛⵎ ⵙ ⵜⵎⴷⵔⴰⵡⵜ ⵏ ⴽⵉⴳⴰⵏ ⵏ ⵉⵣⵣⵓⵍⴰⵏⵏ ⵏ ⵓⵙⵏⵖⵎⵙ, ⵉⵎⵓⵣⴰⵢⵏ ⴳ ⵓⵎⵢⴰⵡⴰⴹ ⴰⵎⵓⵟⵟⵓⵏ, ⵉⵎⵔⵣⴰ ⵉⴽⴰⴷⵉⵎⵉⵢⵏ ⵉⵜⵜⵓⵡⴰⵙⵙⵏⵏ ⴳ ⵓⵎⴰⴹⴰⵍ, ⵜⵉⵎⵔⵙⴰⵍ ⵜⵓⵏⴱⵉⴹⵉⵏ, ⵜⵉⵎⵔⵙⴰⵍ ⵏ ⵓⵙⵏⴰⵎ ⴷ ⵜⵎⵙⵙⵓⵔⵉⵏ ⵉⵥⵍⵉⵏ ⴳ ⵓⵙⵢⴰⴼⵓ ⴷ ⵜⴻⵜⵉⴽⵏⵓⵍⵓⵊⵉⵜ ⵏ ⵓⵙⵏⵖⵎⵙ. ⵜⵓⵔⵣⵉⵡⵉⵏ ⴷ ⵜⵙⵉⵡⴰⵔ ⵜⵉⵙⴳⵓⵎⵉⵏ ⵉⵜⵜⵓⵙⴽⵔⵏ ⵉⵡⵉⵏⵜ ⴷ ⵅⴼ ⵜⵎⵙⴰⵔⵜ ⵏ ⵜⵉⵎⵉⵔⵉⵏ ⴰⴳⵓⵏⵙ ⵏ ⵓⵏⴳⵔⴰⵡ ⴰⵙⵖⵎⵙⴰⵏ ⴰⵎⴰⵜⴰⵢ ⴰⵎⵎ ⵉⵣⵎⴰⵣ ⵏ ⵓⵙⵙⵓⵔⵓ ⵉⵍⵍⴰⵏ ⴳ ⵢⵉⴳⵔ ⵏ ⵓⵙⵏⵖⵎⵙ ⴰⵎⵓⵟⵟⵓⵏ ⵙ ⵉⵎⵥⵍⵉ ⴳ ⵍⵎⵉⵟⴰⴼⵉⵔⵙ, ⵉⴱⵖⵓⵔⵏ ⴷ ⵉⵎⵉⵀⵉⵢⵏ ⵉⵍⵍⴰⵏ ⴳ ⵓⵙⵡⵓⵔⵉ ⵏ ⵜⵉⵖⵉⵙⵜ ⵜⵉⵎⵍⵥⵉⵢⵜ ⴳ ⵢⵉⴳⵔ ⵏ ⵓⵎⵢⴰⵡⴰⴹ, ⴰⴳⴰⵎⴰ ⵏ ⵜⴰⵙⵓⵔⵜ ⵏ ⵜⵓⴽⴽⵉ ⵏ ⵜⵓⵎⴰⵢⵉⵏ ⵏ ⵜⵙⵉⵍⴰⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ ⵅⴼ ⵜⵎⵢⵓⵔⵉⵏ ⵏ ⵓⵙⵙⵎⵓⵔ ⴰⵖⵎⵙⴰⵏ ⵖⵓⵔ ⵓⴳⴷⵓⴷ, ⵜⵉⵎⵓⴽⵔⵉⵙⵉⵏ ⵏ ⵓⵎⵢⴰⵏⴰⵡ ⴷ  ⵡⴰⴷⴰⴼ ⴳ ⵓⵣⵎⵣ ⴰⵎⵓⵟⵟⵓⵏ... ⴰⵜⴳ.

ⵜⴰⵙⴳⴰ ⵏ ⵜⵙⵓⵜⴰⵍ ⴷ ⵜⵙⴰⵡⵔⵉⵏ ⵏ ⵓⴳⵔⴰⵡ, ⵉⵜⵜⵓⵙⵏⵎⴰⵍⴰ ⵢⴰⵏ ⵓⵙⴼⵙⵔ ⵙ ⵜⵎⴷⵔⴰⵡⵜ ⵏ ⵓⴳⴰⵔ ⵏ 200 ⵏ ⵜⵎⵔⵙⴰⵍ ⴷ ⵜⵎⵙⵙⵓⵔⵉⵏ ⵜⵉⵏⴰⵎⵓⵔⵉⵏ ⴷ ⵜⴳⵔⴰⵖⵍⴰⵏⵉⵏ, ⵉⵙⵎⴷⵢⴰⵏ 42 ⵏ ⵜⵎⵓⵔⴰ.