ⵜⵉⵖⴰⵔⴰⵙⵉⵏ ⵏ ⵜⵏⴰⵎⵉⵜ ⵏ ⵉⵙⴰⴳⵎⵏ ⴷ ⵜⵣⵎⵎⴰⵔ ⵏ ⵓⵎⵙⵏⴰⵎ ⵏ ⵓⵙⵏⵖⵎⵙ ⴳ ⵓⵙⵡⵉⵔ ⵏ ⵓⵙⵡⵓⴷⴷⵓ ⴷ ⵜⵉⵍⴰⵡⵉⵏ ⵜⵉⵎⴰⵢⵏⵓⵜⵉⵏ ⴷ ⵜⵎⵙⴽⵔⵉⵏ ⵏ ⵉⵙⴰⵢⵔⴰⵔⵏ ⵏ ⵓⵙⵏⵖⵎⵙ ⴷ ⵡⵉⵏ ⵓⵎⵢⴰⵡⴰⴹ ⵍⵍⴰⵏ ⴳ ⵡⵓⵍ ⵏ ⵜⵡⵓⵔⵉⵡⵉⵏ ⵉⵜⵜⵓⵙⴽⵔⵏ ⵙⴳ 12 ⴰⵔ 14 ⵢⵓⵏⵢⵓ 2023 ⴳ ⵕⵕⴱⴰⵟ ⴳⵔ ⵉⵎⴰⵙⴰⵢⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵢⴰⵏ ⵓⴽⴰⴱⴰⵕ ⴰⵎⵇⵔⴰⵏ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⵏ ⵏⵏⵉⵊⵉⵔ.
ⴰⴽⴰⴱⴰⵕ ⴰⵏⵉⵊⵉⵔⵉ ⵏⵏⴰ ⵎⵉ ⵉⵣⵡⴰⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⵎⴰⵙⵙ ⵙⴰⵍⵉⴼⵓ ⵍⴰⴱⵓ ⴱⵓⵛⵉ, ⵉⵎⵙⴰⵡⴰⵍ ⴷ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⴷ ⴽⵉⴳⴰⵏ ⵏ ⵉⵏⵎⵀⴰⵍⵏ ⴷ ⵉⵎⴰⵙⴰⵢⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ. ⴽⵉⴳⴰⵏ ⵏ ⵉⵙⵇⵙⵉⵜⵏ ⵉⴷⵙⵍⴰⵏⵏ ⵉⵍⵍⴰⵏ ⴳ ⵜⵎⵙⵙⴽⵜⵉⵜ ⵏ ⵙⵏⴰⵜ ⵜⵎⵔⵙⴰⵍ ⴰⴷ : ⴰⵣⵣⵉⴳⵣ ⵏ ⵉⵙⴰⵜⵉⵢⵏ ⵓⵣⵔⵉⴼⵏ ⵏⵏⴰ ⵉⵙⵡⵓⴷⴷⵓⵏ ⴰⵙⵍⴳⵏ ⴷ ⵓⵙⵏⴰⵎ, ⵜⴰⵏⴰⵎⵉⵜ ⴷ ⵜⵏⴰⴼⵓⵜⵉⵏ ⵜⵉⴳⴷⵓⴷⴰⵏⵉⵏ ⵏ ⵓⵙⵍⵉⵥⵕ ⴰⴽⴷ ⵉⵙⵏⴼⵍⵏ ⵏ ⵡⴰⵏⴰⵡⵏ ⴷ ⵜⵎⵢⵓⵔⵉⵏ ⵏ ⵓⵙⵙⵎⵓⵔ ⵏ ⵓⵙⵏⵖⵎⵙ, ⴰⴷⴷⴰⴷ ⵏ ⵓⵎⵛⴰⵡⴰⵕ ⴰⴳⵜⵉⵔⴰⵏ   ⵏ ⵓⵙⴽⴽⵉⵏ ⵏ ⵓⵙⵏⴰⵎ ⵏ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵎⴰⵜⴰⵢⵉⵏ, ⵉⵣⵓⵛⵛⵍⵏ ⵏ ⵓⵙⴷⵓⵙ ⵏ ⵜⵙⵓⴳⴰⵔ ⵏ ⵉⵙⴰⴳⵎⵏ ⵉⵏⴼⴳⴰⵏⵏ ⵏ ⵉⵎⵙⵏⴰⵎⵏ, ⴰⵜⴳ.
ⵉⵎⵙⵜⴳⴳⴰⵔⵏ ⵏ ⵙⵏⴰⵜ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵎⵙⴰⵙⴰⵏⵜ ⵅⴼ ⵓⵊⵎⵉⵍ ⵏ ⵓⵔⵣⴰⴼ ⴰⴷ ⵏ ⵜⵡⵓⵔⵉ, ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵎⵓⴽⵔⵉⵙⵉⵏ ⵜⵉⵅⴰⵜⴰⵔⵉⵏ ⵉⵍⵍⴰⵏ ⴳ ⵜⵎⵙⴽⵜⵉⵜ ⵏ ⵡⴰⵙⵙ ⵏ ⵉⵥⴹⵡⴰⵏ ⵉⴳⵔⴰⵖⵍⴰⵏⵏ ⵏ ⵓⵙⵏⴰⵎ ⴰⴳⵓⵏⵙ ⵏ ⴳ ⴳⴰⵏ ⵉⴳⵎⴰⵎⵏ ⵉⵙⵡⵓⵔⵉⵏ ⵣⵓⵏⴷ ⴰⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ (RIARC), ⵏⵏⴰ ⵎⵉ ⵉⴳⴰ ⵓⵏⵙⵙⵉⵅⴼ ⴷⵖⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵥⵟⵟⴰ ⴰⴼⵔⵓⵏⴽⵓⴼⵓⵏ (REFRAM), ⴰⵥⵟⵟⴰ (RIRM) ⴷ ⵓⵙⴳⵔⴰⵡ ⵏ ⵉⵎⵙⵏⴰⵎⵏ ⵉⵙⵍⵉⵥⵕⵏ ⵏ ⵜⵎⵓⵔⴰ ⵢⴰⵎⵓⵏ ⴳ ⵜⵎⵙⴷⵓⵙⵜ ⵏ ⵓⵎⵢⴰⵡⴰⵙ ⴰⵏⵙⵍⵎ (IBRAF).

ⴰⵣⵔⴰⴼ ⴰⴷ ⵏ ⵓⴽⴰⴱⴰⵕ ⴰⵏⵉⵊⵉⵔⵉ ⵢⵓⵏⴼ ⴷⵉⵖ ⴰⵙⵖⴰⵍ ⵏ ⵜⵖⴰⵔⴰⵙⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵎⵢⴰⵏⴰⵡ ⵏ ⵓⵎⵢⴰⵡⴰⵙ ⴷ ⵉⴻⴷⴰⵢⵏ ⵏ ⵜⵎⴷⵔⴰⵡⵜ ⵉⵙⵎⵓⵏⵏ ⴰⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⴽⴷ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⵏ ⵏⵏⵉⵊⵉⵔ.
ⴰⴷ ⵏⵙⵎⴽⵜⵉ ⵉⵙ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⵏ ⵏⵏⵉⵊⵉⵔ ⵖⵓⵔⵙ, ⵙⴳ 2016, ⵢⴰⵜ ⵜⵙⵉⵍⴰ ⵏ ⵉⵖⴰⵡⴰⵙⵏ ⵏ ⵓⵎⵙⴰⵏⵓⵏ ⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ (ⵀⴰⴽⴰ_ⵎⵉⴷⵢⴰ ⵙⵓⵍⵓⵜⵉⵓⵏ - HMS) ⵏⵏⴰ ⵉⵙⵏⵓⵍⴼⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ. ⵜⴰⵙⵉⵍⴰ ⵢⴰⴷ ⵜⵜⵓⵙⵔⵙ ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⵏ ⵏⵏⵉⵊⵉⵔ ⴳ ⵏⵉⵢⴰⵎⵉ ⵎⴰⵛⴰ ⴰⵡⴷ ⴳ ⵜⵎⵏⴰⴹⵉⵏ ⵣⵓⵏⴷ ⵜⵉⵍⵍⴰⴱⵉⵔⵉ, ⴷⵉⴼⴼⴰ ⴷ ⴰⴳⴰⴷⵉⵣ.