ⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵖⵓⵔ ⵜⵉⵏⴰⵡⵜ ⵏ COPEAM

« ⵜⵉⵖⴰⵔⵉⵡⵉⵏ ⵏ ⵉⵅⴰⵜⴰⵔⵏ ⵉⵙⵏⵖⵎⵙⴰⵏⵏ ⵏ ⵉⵎⵣⴰⵣⵏ ⵉⴷⵙⵍⴰⵏⵏ ⵉⴳⵔⴰⵖⵍⴰⵏⵏ ⵉⵜⵜⵓⵚⴽⴰⵏ ⵅⴼ ⵜⵢⵓⴳⵉⵡⵉⵏ ⵜⵉⵏⴰⵡⴰⵢⵉⵏ ⴳ ⵜⵎⵜⵜⴰ  ⵏ ⵓⵙⵎⴽⵍ ⵏ ⵜⵖⴰⵡⵙⵉⵡⵉⵏ ⵣⵓⵏ ⴷ ⴰⴱⵔⵙⵉⵡⴷ, ⴰⵏⴳⵉⵔⵉ, ⴰⵣⵡⴰⴳ ⵏⵖ ⵉⵜⵙ ⵏ ⵉⵎⵏⵖⴰⵏ ⴷⴰ ⵜⵜⴰⵡⵙⵏ ⴳ ⴳⴰⵔ ⵉⴽⵣ ⵏ ⵜⴰⵏⵏⴰⵢⵉⵏ ⵜⵉⴳⴷⵓⴷⴰⵏⵉⵏ ⴰⵔ ⵙⴷⵓⵙⵏⵜ ⴳⴰⵔ ⵉⴽⵣ ⴷ ⵜⵉⴹⴰⴼ ⴳⵔ ⵡⴰⵎⵓⵏⵏ » ⴰⵢ ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵙⵙ ⵏ 24 ⵢⵓⵏⵢⵓ ⴳ ⵚⵓⴼⵉⵢⴰ, ⵍⵍⵉⴳ ⵜⴰⵎⵓ ⴳ ⵓⵎⵛⴰⵡⴰⵕ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⵜⵎⴰⵣⵉⵔⵜ ⵏ ⴱⵍⵖⴰⵔⵉⵢⴰ ⴳ ⵓⵙⴰⵜⵉ ⵏ ⵜⵡⵓⵔⵉⵡⵉⵏ ⵏ ⵓⵎⵓⵍⵍⵉ ⵡⵉⵙⵙ 29 ⵏ ⵓⵡⵏⵏⵉ ⴰⵙⴳⴳⵯⵙⴰⵏ ⵏ ⵜⵉⵏⴰⵡⵜ ⵜⴰⵙⵓⵍⴰⵏⵜ ⵏ ⵓⵙⵍⵉⵥⵕ ⴰⴳⵔⴰⴽⴰⵍ (COPEAM) ⴷⴷⴰⵡ ⵓⵙⴳⵓⵎ ⵏ « ⴰⵙⵏⵖⵎⵙ ⴷ ⵉⵙⵔⴳⵉⴳⵏ ⵉⵎⴰⵜⴰⵢⵏ : ⵎⴰⵏ ⵉⵡⵙ ⵉ ⵜⴰⵍⵡⵉⵜ ? ». ⵎⴰⵙⵙⴰ ⴰⵅⵔⴱⴰⵛ ⵜⵏⵏⴰ ⵉⵙ « ⴰⵢⴰ ⵓⵔ ⵉⵜⵜⴰⵡⵙ ⴳ ⵜⴰⵍⵡⵉⵜ ⵏⵉⵖ ⴳ ⵜⴷⴰⵍⵙⴰ ⵏ ⵜⴰⵍⵡⵉⵜ  ⵏ ⵡⴰⵢⵍⴰ ⵏ ⵓⵏⴳⵔⴰⵡ ⴰⵙⵖⵎⵙⴰⵏ  ⵏ ⵉⵎⵣⴰⵣⵏ ⵉⴷⵙⵍⴰⵏⵏ ⵉⴳⵔⴰⵖⵍⴰⵏⵏ ⵏⵏⴰ ⵉⵜⵜⵉⵏⵉⵏ ⵉⵙ ⴳⴰⵏ ⵜⵓⵖⵛⵜ ⵏ ⵜⵡⵏⴳⵉⵎⵜ ⵜⴰⵖⵣⵓⵔⴰⵏⵜ ⴰⵔ ⵜⵜⴰⵙⵉⵏⵜ ⴰⴳⴳⵯⴰ ⵏ ⵡⴰⵜⵉⴳⵏ ⵉⵙⵡⵉⵏⴳⵉⵎⵏ ⵙ ⵓⵣⵓⵛⵛⵍ ⵏ  ⵓⵙⵏⵓⵍⴼⵓ,

ⴰⵙⵡⴰⵍⴰ ⵏⵏⵙⵏ ⵏ ⵓⵏⵖⵎⵉⵙ ⴷ ⵓⵙⵖⴰⵔⴰ ⵏⵏⵙⵏ ⵏ ⵉⵣⵎⵓⵣⵣⴰ. ⵜⵉⵅⵉⵜⵔⵜ ⴰⴷ ⵜⴰⵙⵏⵖⵎⴰⵙⵜ ⵉⵜⵜⵓⵔⵏⴰⵏ ⵉ ⴳⴰⵔ ⵜⴰⵣⵎⵔⵜ ⵏ ⵓⵙⵏⵖⵎⵙ  ⵏ ⴽⵉⴳⴰⵏ ⵏ ⵜⵎⵓⵔⴰ ⴳ ⴽⵉⴳⴰⵏ ⵏ ⵜⵎⵏⴰⴹⵉⵏ ⵏ ⵓⵎⴰⴹⴰⵍ ⵏ ⴰⴷ ⵙⵙⵉⵡⴹⵏⵜ ⵜⴰⵏⵏⴰⵢⵉⵏ ⵏⵏⵙⵏ, ⴰⵢⴰ ⴷⴰ ⵉⵙⵙⴷⵔⵓⵙ ⵜⵉⵣⵎⵎⴰⵔ ⵏ ⵜⵎⴷⵔⴰⵡⵜ ⵏ ⵜⵓⵚⴽⴰ ⵏ ⵜⴰⵍⵡⵉⵜ ». ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵜⴰⵎⵖⵔⴰⴱⵉⵢⵜ ⵏ ⵓⵙⵍⴳⵏ ⵜⵙⵎⵓⵏ ⵜⵉⵏⴰⵡⵜ ⵏⵏⵙ ⵙ ⴽⵉⴳⴰⵏ ⵏ ⵉⵎⴷⵢⴰⵜⵏ  ⵉⵣⴷⵉⵏ ⴷ ⵓⵙⵍⴽⵏ ⵏ ⵜⵖⴰⵡⵙⴰ ⵏ ⵉⵎⵣⵡⴰⴳ ⵓⴽⵔⴰⵏⵉⵢⵏ ⴷ ⵉⵎⵣⵡⴰⴳ ⵉⴼⵔⵉⵇⵉⵢⵏ ⴷ ⵉⴼⵖⴰⵏⵉⵢⵏ ⵏⵖ ⴷⵉⵖ ⴰⵍⵍⴰⵙ ⴰⵙⵖⵎⵙⴰⵏ ⵏ ⵉⵎⵏⵉⵖⵉⵢⵏ ⴳ ⵍⵄⵉⵕⴰⵇ, ⴳ ⵍⵉⴱⵢⴰ ⴷ ⵓⴽⵕⴰⵏⵉⵢⴰ. ⴳ ⵜⴳⵉⵔⴰ, ⵜⵖⵔⴰ ⵉ ⵢⴰⵏ ⵓⵎⵙⴰⵡⴰⵍ ⴰⴳⵓⵏⵙ ⵏ ⵜⴳⵔⴰⵡⵜ ⵜⴰⵙⵖⵎⵙⴰⵏⵜ ⵜⴰⴳⵔⴰⵖⵍⴰⵏⵜ ⵉ ⵓⵙⴷⵓⵙ ⵏ ⵜⵖⴰⵔⴰ ⴷ ⵉⵙⵏⵎⴽⵍⵏ ⵉⵖⵓⴷⴰⵏ ⵉⵣⵣⵓⵍⴰⵏⵏ ⴳ ⵓⵣⵎⵣ ⵏ ⵜⴰⵙⵙⴰⵙⵜ ⴷ ⴰⴷ ⵓⵔ ⴳⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⵜⴰⵙⴳⴰ ⴳ ⵉⵎⵏⵖⵉ ⴷ ⴰⴷ ⵓⵔ ⴰⴷⵊⵏ ⵉⵎⴰⵏ ⵏⵏⵙⵏ ⴳ ⵡⵓⵔⴰⵔ ⵣⵓⵏ ⴷ ⵉⵎⵔⵉⴳⵏ ⵢⴰⴹⵏ ⵏ ⵉⵎⵏⵖⵉ.

ⴳ ⵓⵙⵏⵓⴱⴳ ⵖⵓⵔ ⵜⵉⵍⵉⴼⵉⵣⵢⵓⵏ ⴰⴱⵍⵖⴰⵔⵉ, ⵜⵉⵏⴰⵡⵜ ⴰⴷ ⵏ  COPEAM ⵜⵙⵎⵓⵏ ⴽⵉⴳⴰⵏ ⵏ ⵉⴳⵏⵙⴰⵙⵏ ⵏ ⵓⵕⴷⵢⵓ ⴷ ⵉⵜⵉⵍⵉⴼⵉⵣⵢⵓⵏⵏ ⵏ ⴽⵉⴳⴰⵏ ⵏ ⵜⵎⵓⵔⴰ ⴷ ⴽⵉⴳⴰⵏ ⵏ ⵉⵎⵓⵣⴰⵢ ⴷ ⵉⴽⴰⴷⵉⵎⵉⵢⵏ.

ⵉⵏⴰⵡ ⵏ ⵓⵔⵣⴰⴼ ⵏ ⵜⵡⵓⵔⵉ ⴳ ⵚⵓⴼⵉⵢⴰ, ⴰⴽⴰⴱⴰⵕ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵜⵍⵍⴰ ⵎⴰⵙⵙⴰ ⴱⴰⴷⵉⵄⴰ ⵕⴰⴹⵉ ⴷ ⵎⴰⵙⵙ ⵎⵓⵃⴰⵎⴷ ⵍⵎⴰⵄⵣⵓⵣ, ⴰⴳⵎⴰⵎ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵙⵏⵎⴰⵍⴰⵏ ⴷⵉⵖ ⵢⴰⵏ ⵓⵎⵙⴳⵔⴰⵡ ⴷ ⵎⴰⵙⵙⴰ ⵚⵓⵏⵢⴰ ⵎⵓⵎⵛⵉⵍⵓⴼⴰ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵓⵙⵏⵖⵎⵙ ⵉⵍⵉⴽⵟⵔⵓⵏⵉ (CEM),   ⵜⴰⵏⴱⴰⴹⵜ ⵜⴰⵏⵉⵎⴰⵏⵜ ⵉⵣⴷⵉⵏ ⴷ ⵓⵙⵍⴳⵏ ⵏ ⵓⵙⵏⵖⵎⵙ ⴰⵙⵍⵉⵥⵔ ⴳ ⴱⵍⵖⴰⵔⵉⵢⴰ.

ⴰⵎⵙⴳⵔⴰⵡ ⴰⴷ, ⴰⵎⵣⵡⴰⵔⵓ ⴳ ⵡⴰⵏⴰⵡ ⴳ ⵓⵙⵡⵉⵔ  ⴰⵙⵉⵏⵔⴰⵏ ⴳⵔ ⵙⵏⴰⵜ ⵜⵎⵔⵙⴰⵍ, ⵉⴼⴽⴰ ⴰⵣⵎⵣ ⵏ ⵓⵙⵏⵉⴼⵍ ⵏ ⵜⵣⵎⵎⴰⵔ ⵏ ⵢⵉⵡⵙ ⴳⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ CEM, ⵙⵏⴰⵜ ⵜⵎⵔⵙⴰⵍ ⴰⴷ, ⴳⴰⵏⵜ ⵉⴳⵎⴰⵎⵏ ⵏ ⵓⵥⵟⵟⴰ ⴰⴼⵕⴰⵏⴽⵓⴼⵓⵏⵉ ⵏ ⵓⵙⵏⴰⵎ ⵏ ⵓⵙⵏⵖⵎⵙ.