« ⴰⵙⵏⴰⵎ ⵏ ⵜⵙⵉⵍⵉⵡⵉⵏ ⵏ ⵜⵓⵎⴰⵢⵉⵏ ⵜⵉⵎⵓⵟⵟⵓⵏⵉⵏ ⵉⵇⵇⴰⵏ ⵏ ⴰⴷ ⵉⵜⵜⵓⵙⵡⵉⵏⴳⵎ ⵉⵜⵜⵓⵎⵛⴰⵡⴰⵕ ⴳ ⵢⴰⵏ ⵓⵙⴰⵜⵉ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴳ ⵍⵍⴰⵏⵜ ⵜⵎⵓⵔⴰ ⵏ ⵉⴼⵔⵉⵇⵢⴰ » ⴰⵢⴷ ⵜⵏⵏⴰ, ⴳ ⴰⴱⵉⴷⵊⴰⵏ, ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵡⴰⵡⴰⵍ ⵏⵏⵙ ⴳ ⵓⵎⴳⵔⴰⵡ ⴰⴳⵔⴰⵖⵍⴰⵏ ⵅⴼ ⵜⵙⵜⵔⴰⵜⵉⵊⵉⵏ ⵏ ⵓⵙⵏⴰⵎ ⵏ ⵜⵏⴰⴼⵓⵜⵉⵏ ⵏ ⵓⵙⵏⵖⵎⵙ ⴰⵙⵍⵉⵥⵕ ⴳ ⵉⴼⵉⵍⵉ ⵏⵏⴰ ⵉⵜⵜⵓⵙⵏⵎⴰⵍⴰⵏ ⵓⵙⵙⴰⵏ ⵏ 14 ⴷ 15 ⵛⵜⴰⵎⴱⵉⵔ 2021 ⵙⴳ ⵖⵓⵔ ⵜⵏⴱⴰⴹⵜ ⵜⴰⵎⴰⵜⵜⴰⵢⵜ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⴽⵓⵜ ⴷⵉⴼⵡⴰⵕ ⵙ ⵓⵎⵢⴰⵡⴰⵙ ⴷ ⵜⵙⵉⵍⴰ ⵏ ⵉⵎⵙⵏⴰⵎⵏ ⵏ ⵓⵙⵏⵖⵎⵙ ⵏ UEMOA.

ⵜⵏⵏⴰ ⴷⵉⵖ ⵎⴰⵙⵙⴰ ⵍⴰⵟⵉⴼⴰ ⴰⵅⵔⴱⴰⵛ ⵉⵙ « ⵜⵉⵎⵥⵍⵉⵜ ⵜⴰⴳⵔⴰⵖⵍⴰⵏⵜ ⵜⴰⵎⴰⵜⴰⵢⵜ ⵏ ⵜⵏⴰⴼⵓⵜ ⵜⴰⵙⵏⵖⵎⴰⵙⵜ ⵅⴼ ⵍⴰⵏⵜⵉⵔⵏⵉⵜ ⴷ ⵓⵙⵡⵓⵔⵉ ⵏ ⵜⵙⵉⵍⵉⵡⵉⵏ ⴷ ⵉⵥⴹⵡⴰⵏ ⵉⵎⵓⵟⵟⵓⵏⵏ, ⴷ ⵓⵎⵢⴰⵡⴰⵙ ⴳⵔ ⵉⴷⵓⴱⴰ ⴷ ⵜⵉⴳⴰⵡⵜ ⵜⴰⴳⵔⴰⵖⵍⴰⵏⵜ ⵉⴳⴰ ⵛⵛⵉⵍ ⴰⴼⴰⴷ ⴰⴷ ⵏⴻⵏⵏⴰⵍ ⵜⴰⵏⴱⴰⴹⵜ ⵏ GAFAN. ⵜⵙⴰⵡⵍ ⵅⴼ ⵓⵎⴷⵢⴰ ⵏ ⵜⴰⵎⵓⵏⵜ ⵏ ⵓⵔⵓⴱⴱⴰ ⵏⵏⴰ ⵢⵉⵡⴹⵏ ⴰⴷ ⵣⵣⵉⴳⵣⵏ ⴳ ⵜⵎⵙⴰⵔⵜ ⵏ ⵓⵙⵏⴰⵎ ⴰⵎⵓⵟⵟⵓⵏ. ⵜⵏⵏⴰ ⴷⵉⵖ ⵉⵙ ⴰⵎⵢⴰⵡⴰⵙ ⴰⴷ ⵔⴰⴷ ⵉⵙⵎⵓⵏ ⵉⵙⴱⴷⴰⴷⵏ ⵉⵣⵔⴼⴰⵏⵏ ⵢⴰⵡⴹ ⵙ ⵓⵎⵢⴰⵡⴰⵙ ⵏ ⵉⵎⵓⵣⴰⵢ ⴷ ⵉⵎⵙⵏⴰⵎⵏ ⴰⴼⴰⴷ ⴰⴷ ⵜⴷⵔⵓⵙ ⵉⵡⵜⵜⴰ ⵏⵏⴰ ⵉⵍⵍⴰⵏ ⴳⵔ ⵜⵏⴰⴼⵓⵜⵉⵏ ⵜⵉⵎⵓⵟⵟⵓⵏⵉⵏ, ⵜⵙⴷⵓⵙ ⵜⴰⵡⵓⵔⵉ ⵏ ⵓⵙⵏⴰⵎ ⵏ ⵜⵓⵎⴰⵢⵉⵏ ⵉⵍⵍⴰⵏ ⵅⴼ ⵓⵥⵟⵟⴰ ⵏ ⵍⴰⵏⵜⵉⵔⵏⵉⵜ ⵙ ⵓⵎⴰⵜⴰ.

 « ⴰⵙⵎⵙⵜⴳⴳⴰⵔ ⵏ ⵜⵙⵉⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ ⵏⵏⴰ ⵉⵙⵡⵓⵔⵉⵏ ⴰⵎⵎ ⵉⵡⵔⵉⴽⵏ ⵉⴷⴰⵎⵙⴰⵏⵏ ⵓⴳⴰⵔ ⵏ ⵉⵡⵔⵉⴽⵏ ⵉⵎⴰⵔⴰⵏ, ⵓⵔ ⵉⵖⵉⵢ ⴰⴷ ⵉⵕⵥⵎ ⵜⴰⵎⵓⴽⵔⵉⵙⵜ ⵏ ⴳⴰⵔ ⵜⵓⵎⴰⵢⵉⵏ ⴰⵎⵎ ⵉⵏⴰⵡⵏ ⵏ ⵓⴽⵏⴰⵙ, ⴳⴰⵔ ⵉⴼⵉⴷⵢⵓⵜⵏ, ⴳⴰⵔ ⵉⵏⵖⵎⵉⵙⵏ, ⴳⴰⵔ ⴰⵣⵔⴰⴽ ⵏ ⵡⵓⴷⴷⵓⵔ ⴰⵏⴼⴳⴰⵏ… ⴰⵜⴳ. ⴰⵢ ⵜⵏⵏⴰ ⵎⴰⵙⵙⴰ ⴰⵅⵔⴱⴰⵛ.

ⵉⵎⴷⵔⴰⵡⵏ ⴳ ⵓⵙⴳⵔⴰⵡ ⴰⴷ ⴰⴳⵔⴰⵖⵍⴰⵏ ⴳⴰⵏ ⵙⴳ 14 ⵏ ⵉⵏⴱⴰⴹⵏ ⵏ ⵓⵙⵏⴰⵎ ⴳ ⵉⴼⵔⵉⵇⵢⴰ. ⵉⵍⵉⵏ ⵉⵎⴷⵔⴰⵡⵏ ⵢⴰⴹⵏ.

ⵉⵏⵙⵙⵉⵅⴼⵏ ⵏ ⵉⵏⴱⴰⴹⵏ ⵏ ⵓⵙⵏⴰⵎ ⵉⵍⵍⴰⵏ ⴳ ⵓⵙⴳⵔⴰⵡ ⴰⴷ, ⵜⵜⵓⵙⵏⴱⴳⵏ ⵖⵓⵔ ⵓⵎⴰⵡⵙⴰⵙ ⵏ ⴽⵓⵜ ⴷⵉⴼⵡⴰⵕ ⴱⴰⵜⵔⵉⴽ ⴰⵛⵉ ⴰⵙⵙ ⵏ 15 ⵛⵜⴰⵎⴱⵉⵔ ⴳ ⵓⵙⵇⵇⵉⵎ ⵏⵏⵙ ⴳ ⴰⴱⵉⴷⵊⴰⵏ.

ⵜⵍⵍⴰ ⵜⵎⵓⵏ ⵎⴰⵙⵙⴰ ⴰⵅⵔⴱⴰⵛ ⵏⵜⵜⴰⵜ ⴷ ⵎⴰⵙⵙ ⵟⴰⵍⴰⵍ ⵙⴰⵍⴰⵃⴷⴷⵉⵏ ⵉⵙⵙⵏⵏ ⵜⵉⵖⴰⵡⵙⵉⵡⵉⵏ ⵏ ⵉⴼⵔⵉⵇⵢⴰ ⴳ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵢⴰⵎⵓ ⴳ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⵙ ⵢⵉⵙⵎ ⵏ ⵓⵎⴰⵔⴰ ⵡⵉⵙⵙ ⵙⵉⵏ ⵏ ⵓⵥⵟⵟⴰ ⵏ ⵉⵏⴱⴰⴹⵏ ⵉⴼⵔⵉⵇⵉⵢⵏ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ.