ⴰⵎⴰⵏⴰⵔ ⵏ ⵓⵙⴱⴷⴷⵉ ⵏ ⴳⴰⵔ ⴰⵙⵏⵖⵎⵙ : ⵜⵉⵙⴰⵖⵓⵍⵉⵏ, ⵜⵉⵎⵙⴽⴰⵔ ⴷ ⵉⵎⴰⵙⵙⵏ » ⵉⴳⴰ ⴰⵣⵡⵍ ⵏ ⵓⵎⴰⵏⴰⵔ ⴰⵎⴰⵢⵏⵓ ⵏⵏⴰ ⵉⵙⵙⴽⵔ ⵓⴳⵔⴰⵡ ⵏ ⵜⵡⵓⵔⵉ «  ⴰⵙⵏⴰⵎ ⵏ ⵓⵙⵏⵖⵎⵙ ⴰⵎⵓⵟⵟⵓⵏ » ⵏⵏⴰ ⵎⵉ ⵜⴳⴰ ⵜⴰⵏⵙⵙⵉⵅⴼⵜ ⵎⴰⵙⵙⴰ ⵏⴰⵕⵊⵉⵙ ⵕⵖⴰⵢ, ⵜⴰⴳⵎⴰⵎⵜ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ  ⵓⵎⵢⴰⵡⴰⴹ ⴰⵙⵍⵉⵥⵕ.

ⴰⵙⴼⵔⵓⵔⵉ ⵏ ⵓⵏⵖⵎⵉⵙ ⵏ ⵜⴽⵔⴽⴰⵙ ⴷ ⴳⴰⵔ ⵉⵏⵖⵎⵉⵙⵏ ⴳⴰⵏ ⵉⵙⴳⵓⵎⵏ ⵉⴷⵙⵍⴰⵏⵏ ⵏ ⵓⴷⵍⵉⵙ, ⴰⵛⴽⵓ ⵜⴳⴰ ⵜⵣⴷⴳⵉ ⵏ ⵓⵙⵏⵖⵎⵙ ⵢⴰⵜ ⵜⵎⴰⵙⴰⵢⵜ ⵏ ⵜⵎⵔⵙⵍⵜ ⵏ ⵓⵙⵏⴰⵎ.

« ⴳ ⵓⵣⵎⵣ ⵏ ⵓⵎⵓⵟⵟⵓⵏ ⴷ ⵜⵏⵎⵓⵔⵉ ⵜⴰⵅⴰⵜⴰⵔⵜ, ⵉⵎⴰⵙⵙⵏ ⵏ ⵓⵙⵖⵣⵏ ⴷⴰ ⵜⵜⵎⵖⵓⵔⵏ ⴰⵀⴰ. ⵎⴰⵛⴰ  ⴰⵡⵜⵜⴰⵙ ⵉⴳⴰ ⵢⴰⵏ : ⴰⵙⴳⵎⵉ ⵅⴼ ⵓⵙⵎⵓⵔ ⴰⵎⵖⵣⴰⵏ ⴷ ⵓⵎⵖⵣⴰⵏ ⵏ ⵓⵏⵖⵎⵉⵙ ⵢⴰⵖⵓⵍⵏ ⵉⴳⴰ ⴰⵟⵜⴰⵏ ⴳ ⵓⵥⵟⵟⴰ ⴰⵏⴰⵎⵓⵏ. ⴰⵙⵓⵔⵙ ⵉⵅⴰⵜⵔ ⴰⵛⴽⵓ ⵉⵏⵖⵎⵉⵙⵏ ⵏ ⵜⴽⵔⴽⴰⵙ, ⵉⵅⵕⵕⵉⵇⵏ ⴷ ⵓⵙⵙⴽⵏⴷ ⴷⴰ ⵙⵏⴱⵓⵜⵜⵓⵍⵏ ⵜⵉⵖⴰⵔⴰⵙⵉⵏ ⴷ ⵉⵎⵉⴽⴰⵏⵉⵣⵎ ⵏ ⵉⵏⵖⵎⵉⵙⵏ ⵏ ⵜⵉⴷⵜ, ⵉⵏⵖⵎⵉⵙⵙⵏ ⵉⵜⵜⵓⵚⴽⴰⵏ ⵅⴼ ⵉⵎⵊⵕⵉⵢⵏ ⵏⵏⴰ ⵎⵉ ⵏⵖⵉⵢ ⴰⴷ ⵏⴰⴼ ⴰⵙⴰⴳⵎ ⵉⴷⵓⵙⵏ. ⵜⴰⵣⵎⵔⵜ ⵏ ⵓⵡⵏⵏⵉ ⵡⴰⵔ ⵉⵡⵜⵜⴰ ⵏ ⵓⵎⵙⵡⵓⵔⵉ ⵏ ⵍⴰⵏⵜⵉⵔⵏⵉⵜ -ⵉⴳⴰⵏ ⴰⵡⵔⵉⴽ ⴷ ⵓⵎⵙⵏⵓⵍⴼⵓ ⵏ ⵓⵏⵖⵎⵉⵙ - ⴷⴰ ⵉⵙⴷⵉⴷⴷⵉⵢ ⵜⴰⴼⵍⵙⵜ ⴷ ⵜⴷⵉⵎⵓⵇⵕⴰⵜⵉⵜ » ⴰⵢ ⴷ ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⵏ ⵜⵡⵓⵔⵉ « ⴰⵙⵏⴰⵎ ⴷ ⵓⵙⵏⵖⵎⵙ ⴰⵎⵓⵟⵟⵓⵏ ».

ⵎⴰⵢ ⵉⴳⴰⵏ ⴰⵏⵖⵎⵉⵙ ⵏ ⵜⴽⵔⴽⴰⵙ ? ⵎⴰ ⴷⴰ ⵉⵜⵜⴼⴼⵔ ⵓⵙⵙⴼⵔⵖ ⵏ ⵓⵏⵖⵎⵉⵙ ? ⴰⵎⴽ ⵜ ⵏⵜⵜⴰⴽⵣ ? ⵙ ⵎⴰⵜⵜⴰ ⵉⵎⴰⵙⵙⵏ ? ⴰⵢⴰ ⵉⴳⴰ ⴽⵔⴰ ⵙⴳ ⵉⵙⵇⵙⵉⵜⵏ ⵏⵏⴰ ⵎⵉ ⵔⴰⴷ ⵉⵔⴰⵔ  « ⵓⵎⴰⵏⴰⵔ ⵏ ⵓⵙⴱⴷⴷⵉ ⵏ ⴳⴰⵔ ⴰⵙⵏⵖⵎⵙ : ⵜⵉⵙⴰⵖⵓⵍⵉⵏ, ⵜⵉⵎⵙⴽⴰⵔ ⴷ ⵉⵎⴰⵙⵙⵏ » ⵏⵏⴰ ⵉⵇⵇⴰⵔⵏ ⵉ ⵉⵎⵖⵔⵉ ⵖⵔ ⵢⴰⵏ ⵓⵎⵓⴷⴷⵓ ⴰⴳⵓⵏⵙ ⵏ ⵓⵙⴷⴷⵉ ⵏ ⵓⵙⵙⴽⴰⵔ  ⵏ ⵉⵏⵖⵎⵉⵙⵏ ⵏ ⵜⴽⵔⴽⴰⵙ. ⴰⴷⵍⵉⵙ ⵉⵍⴰ ⴰⵜⵜⴰⴳ ⴰⵡⴷ ⵅⴼ ⵉⵅⵕⵕⵉⵇⵏ ⵏⵏⴰ ⵉⵜⵜⵓⵣⵓⴻⴻⵔⵏ ⵉⵡⵏⴰⵏ ⵏ ⵡⴰⵟⵟⴰⵏ ⵏ ⴽⵓⴼⵉⴷ-19 ⴳ ⵍⵎⵖⵔⵉⴱ ⵏⵖ ⵙ ⵓⵎⵣⵣⵓ ⵏ ⵉⵙⵜⴰⵢⵏ ⵏ 08 ⵛⵜⴰⵎⴱⵉⵔ 2021.

ⵎⴽ ⵉⴳⴰ ⵓⵙⵏⵥⵉ ⵏ ⵉⵏⵖⵎⵉⵙⵏ ⵜⴰⵙⴰⵔⵓⵜ ⵎⴳⴰⵍⵍ ⵉⵅⵕⵕⵉⵇⵏ, ⵀⴰⵏ ⵜⴰⴼⴰⵜⵜⴰⵍⵜ ⴷ ⵜⴽⵏⴷⴰⵡⵜ ⴷ ⵜⵉⵥⵉⵕⵉⵏ ⵏ ⵓⵏⴳⵓⵣ, ⵇⵇⵉⵎⴰⵏ ⴳⴰⵏ ⵜⴰⵖⴰⵔⴰⵙⵜ ⵉⵕⵡⴰⵏ ⴰⴼⴰⴷ ⴰⴷ ⵏⴰⴽⵣ ⵜⵉⴷⵜ ⵏ ⵉⵏⵖⵎⵉⵙⵏ ⴰⴷⴷⴰⵢ ⵇⵊⵕⵏ. ⴳ ⵓⵎⵏⵉⴷ ⴰⴷ, ⴰⵎⴰⵏⴰⵔ ⴰⴷ, ⴷⴰ ⵉⵙⵙⵎⵏⵉⴷ ⵜⵉⵍⴳⴰⵎⵉⵏ ⵏ ⵜⵙⵓⵔⴰ ⵏ ⵓⵙⴼⵔⵓⵔⵉ ⵏ ⴳⴰⵔ ⵉⵏⵖⵎⵉⵙⵏ. ⴰⵏⵖⵎⵉⵙ ⵏⵖ ⴳⴰⵔ ⴰⵏⵖⵎⵉⵙ ? ⴰⵎⴰⵏⴰⵔ ⴰⴷ ⵉⴳⴰ ⵢⴰⵜ ⵜⵎⴷⵔⴰⵡⵜ ⴰⴼⴰⴷ ⴰⴷ ⵉⵍⵉⵏ ⵉⵎⴰⵙⵙⵏ ⵖⵓⵔ ⵓⵏⵎⵓⵔⵉ ⴰⴷⴷⴰⵢ ⵉⵏⵏⴰⵍ ⴳⴰⵔ ⵉⵏⵖⵎⵉⵙⵏ ⴳ ⵍⴰⵏⵜⵉⵔⵏⵉⵜ, ⴰⴷ ⵢⵉⵙⵉⵏ ⵉⵏⵖⵎⵉⵙⵏ ⵏ ⵜⵉⴷⵜ ⴷ ⵡⵉⵏ ⵜⴽⵔⴽⴰⵙ, ⴰⴷ ⵢⵉⵙⵉⵏ ⵉⴼⵔⴰⴳⵏ ⵏⵏⴰ ⵜ ⵉⵏ ⵉⵇⵇⴰⵏⵏ ⴷⴰⵜ ⵉⵅⵕⵕⵉⵇⵏ.

ⴰⵎⴰⵏⴰⵔ ⴰⴷ, ⵉⵜⵜⵓⵥⵕⴳⵏ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ, ⵜⴰⴼⵕⴰⵏⵙⵉⵙⵜ ⴷ ⵜⵎⴰⵣⵉⵖⵜ, ⴷⴰ ⵉⵜⵜⵓⵙⵎⴰⴷ ⵙ ⵉⵜⵙ ⵏ ⵉⵙⵖⵍⴰⴼ ⴰⴼⴰⴷ ⴰⴷ ⵏⴰⴽⵣ ⵉⵅⵕⵕⵉⵇⵏ, ⵙ ⵉⵎⵥⵍⵉ ⵉⵡⵏⴰⵏ ⵏ ⵓⵙⵏⵓⵍⴼⵓ ⵏ ⵢⴰⵜ ⵜⵙⵉⵍⴰ ⵏ ⵉⵙⴼⴽⴰ ⴷ ⵢⴰⵜ ⵜⵙⵏⵙⵉ ⵏ ⵓⵙⵏⵖⵎⵙ ⵅⴼ ⴳⴰⵔ ⵉⵏⵖⵎⵉⵙⵏ ⵉⵜⵜⵓⵙⵡⴰⵍⴰⵏ ⵉ ⵉⵎⵡⵓⵔⴰ ⵉⵙⵍⵉⵥⵕⵏ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ ⴰⴼⴰⴷ ⴰⴷ ⴰⵎⵓⵏ ⴳ ⵓⵙⵎⵔⵙⵍ ⵏ ⵓⵙⵏⵥⵉ ⵏ ⵉⵏⵖⵎⵉⵙⵏ ⵏⵖ ⴰⵙⵉⴷⴼ ⵏ ⵓⵣⵣⵔⴰⵢ ⵏ ⵓⵏⵖⵎⵉⵙ ⵉⵜⵜⵓⵣⵓⵣⵣⵔⵏ ⵅⴼ ⵍⴰⵏⵜⵉⵔⵏⵉⵜ ⵉⵙ ⵜⴳⴰ ⵜⴰⵎⵜⵜⴰ ⵜⴰⴷⵙⵍⴰⵏⵜ ⵏ ⵜⵖⵓⵔⵉⵡⵉⵏ ⵏ ⵜⵉⵏⵎⴰⵍ ⵏ ⵓⵙⵏⵖⵎⵙ.

• ⴰⴳⴰⵎ ⵏ “ⴰⵎⴰⵏⴰⵔ ⵏ ⵓⵙⴱⴷⴷⵉ ⵏ ⴳⴰⵔ ⴰⵙⵏⵖⵎⵙ : ⵉⵙⴰⵖⵓⵍⵏ ⴷ ⵉⵎⴰⵙⵙⵏ ⴷ ⵜⵎⵙⴽⴰⵔⵉⵏ”