ⵜⵙⵏⵓⴱⴳ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵏⵜⵜⴰⵜ ⴷ ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵙ ⵏ 05 ⴷⵓⵊⴰⵎⴱⵉⵔ 2023, ⴳ ⵓⵙⵖⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵢⴰⵏ ⵓⴽⴰⴱⴰⵕ ⵏ ⵓⵙⴳⵔⴰⵡ ⵏ ⵚⴰⵃⵕⴰ ⵉ ⵓⵎⵙⴰⵡⴰⵍ ⴷ ⵜⴷⵍⵙⵉⵡⵉⵏ, ⵎⵉ ⵉⵣⵡⴰⵔ ⵎⴰⵙⵙ ⵚⴰⵍⵃⵉ ⴰⵙⵙⵓⵡⴰⵢⴷⵉ, ⴰⵏⵙⵙⵉⵅⴼ ⵏ ⵓⵙⴳⵔⴰⵡ, ⵉⵎⵓⵏ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⴰⵏⴰⵎⵓⵔ, ⴷ ⵉⵏⵙⵙⵉⵅⴼⵏ ⵏ ⵜⴳⵔⴰⵡⵉⵏ ⵏ ⵓⵙⴳⵔⴰⵡ ⴷ ⵉⵎⴰⵙⴰⵢⵏ ⵏ ⵡⴰⵢⵢⴰⵡⵏ ⵉⵏⵎⵏⴰⴹⵏ ⵏ ⵓⵙⴳⵔⴰⵡ.
ⵙ ⵓⵣⵎⵣⵣⵓ ⵢⴰⴷ, ⵃⴰⴹⵕⵏ ⵉⴳⵎⴰⵎⵏ ⵏ ⵓⵙⴳⵔⴰⵡ ⵉ ⵉⵙⵎⵏⵉⴷⵏ ⵅⴼ ⵜⵙⵎⵉⴳⵍⵉⵏ, ⵜⵉⵡⵓⵔⵉⵡⵉⵏ, ⴰⵙⵏⵎⴰⵍⴰ ⴷ ⵓⵙⵡⵓⴷⴷⵓ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵙⵏⵉⵎⴰⵏⵜ ⵢⵓⵙⵉⵏ ⴰⴳⴳⵯⴰ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴰⵙⵍⵉⵥⵕ. ⵉⵡⵏⴰⵏ ⵏ ⵓⵔⵣⴰⴼ ⵉ ⴽⵉⴳⴰⵏ ⵏ ⵜⵣⵓⵏⵉⵏ ⴷ ⵉⵙⵔⵔⵓⵙⵏ ⵉⵜⵉⵇⵏⵉⵢⵏ ⵏ ⵜⵎⵔⵙⵍⵜ, ⵏⵥⴰⵏ ⵉⴳⵎⴰⵎⵏ ⵏ ⵓⵙⴳⵔⴰⵡ ⴳ ⵉⵎⴰⵙⵙⵏ ⵉⵅⴰⵜⴰⵔⵏ ⵏ ⵓⵙⵍⴳⵏ ⵏ ⵉⵖⴰⵡⴰⵙⵏ ⵉⵙⵍⵉⵥⵕⵏ ⵣⵓⵏⴷ ⴰⴹⴼⴼⵓⵕ ⴷ ⵓⵎⵙⴰⵏⵓⵏ ⵏ ⵉⵖⴰⵡⴰⵙⵏ. ⴳⵔ ⵉⵙⴳⵓⵎⵏ ⵢⴰⴹⵏ ⵏ ⵓⵔⵣⴰⴼ ⴰⴷ, ⵜⵉⴳⴰⵡⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵢⵉⴳⵔ ⵏ ⵓⴹⴼⴼⵓⵕ ⵏ ⵓⵡⵏⵏⵉ ⴰⵎⴰⴳⵓⵜ ⵏ ⵉⵎⵣⴰⵣⵏ ⵏ ⵓⵙⵡⵉⵏⴳⵎ ⴰⴳⵓⵏⵙ ⵏ ⵜⵏⵣⵡⴰⵢ ⴷ ⵉⵜⵉⵍⵉⴼⵉⵣⵢⵓⵏⵏ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ, ⴳ ⵉⵣⵎⵣⵏ ⵏ ⵉⵙⵜⴰⵢⵏ.