ⴷⴰ ⵉⵙⵙⵖⵍⴰⴼ  ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵔ ⴳ ⵓⵙⵇⵇⵉⵎ ⵏⵏⵙ ⴰⵎⴰⵜⴰⵢ ⵏ ⵡⴰⵙⵙ 17 ⵎⴰⵕⵚ 2020 ⴰⴷ ⵏ ⴰⵡⴹⵏⵜ ⵜⵣⵎⵎⴰⵔ ⵏ ⵓⵎⵢⴰⵡⴰⴹ ⴰⴳⴷⵓⴷⴰⵏ ⵏ ⵓⵙⴱⴷⴷ ⵏ ⵜⵡⴰⴷⴰ ⵏ ⵓⵖⵉⵔⵓⵙ ⵏ ⴽⵓⵕⵓⵏⴰ ⵎⴷⴷⵏ ⴰⴽⴽⵯ, ⴰⴷ ⵢⵉⵍⵉ ⵓⴽⵛⵛⵓⵎ ⵖⵔ ⵜⴱⵔⴰⵜⵉⵏ ⵉⵡⵀⵏ ⵉ ⵉⵏⵎⵓⵔⵉⵏ ⴰⴽⴽⵯ.

ⴷⴰ ⵉⵜⵜⴰⴽⵣ ⵓⵙⵇⵇⵉⵎ ⴰⵎⴰⵜⵜⴰⵢ ⵜⵉⵣⵎⵎⴰⵔ ⵜⵉⵎⵇⵔⴰⵏⵉⵏ ⵏ ⵓⵎⵢⴰⵡⴰⴹ ⴷ ⵓⵙⴼⵔⴽ ⵙ ⵓⴱⵉⵔⵓⵙ ⴽⵓⵕⵓⵏⴰ ⵏⵏⴰ ⴷⴰ ⵣⵓⵣⵣⵓⵔⵏⵜ ⵜⵏⵣⵡⴰⵢⵉⵏ ⴷ ⵉⵙⵓⵔⴰ ⵉⵜⵉⵍⵉⴼⵉⵣⵢⵓⵏⵏ ⵉⵎⵖⵔⴰⴱⵉⵢⵏ, ⴷⴼⴼⵔ ⵜⵉⵥⵕⵉ ⵏⵏⵙ ⵏ ⵜⴳⵣⵣⵓⵎⵜ ⵏ ⵓⵙⴼⵔⴽ ⵙ ⵓⴱⵉⵔⵓⵙ ⴽⵓⵕⵓⵏⴰ ⴰⵎⴰⵢⵏⵓ ⴰⵔ ⵜⵉⴽⴽⵉ ⵉⵙⵙⴼⴰⵡⵏ ⵏ ⵓⴼⵔⴰⴳ ⵙⴳ ⴷⵉⴳⵙ, ⴷ ⵜⴳⵣⵣⵓⵎⵜ ⵏⵏⴰ ⵉⵣⴷⵉⵏ ⴷ ⵓⵙⵙⵏⴹⵓ ⵏ ⵜⵖⵓⵔⵉ  ⴷ ⵓⵕⵥⵥⵓⵎ ⵉ ⵉⵏⵍⵎⴰⴷⵏ ⴷ ⵉⵎⵙⴷⴰⵡⵏ ⴷ ⵉⵎⵙⵎⵓⵜⵜⴳⵏ ⵏ ⵜⵡⵡⵓⵔⵉⵏ ⵅⴼ ⴰⵏⵜⵉⵔⵏⵉⵜ ⴰⴼⴰⴷ ⴰⴷ ⴹⴼⵓⵕⵏ ⵜⴰⵖⵓⵔⵉ ⵏⵏⵙⵏ, ⵙ ⵓⵢⴰ, ⴷⴰ ⵉⵙⵙⴽⵜⴰⵢ ⵙ ⵓⵣⵔⴼ ⵏ ⵉⵏⵎⵓⵔⵉⵏ ⴳ ⵓⵙⵏⵖⵎⵙ, ⵙ ⵜⴳⵣⵣⵓⵎⵉⵏ ⵏ ⵓⵎⵢⴰⵡⴰⴹ ⴷ ⵓⵙⴼⵔⴽ ⵉⵣⴷⵉⵏ ⴷ ⵓⴱⵉⵔⵓⵙ ⴽⵓⵕⵓⵏⴰ ⵅⴼ ⵉⵙⵓⵔⴰ ⴰⴽⴽⵯ ⵉⴳⴷⵓⴷⴰⵏⵏ ⵙ ⵜⵓⵜⵍⴰⵢⵉⵏ ⵜⵉⵏⴰⵎⵓⵔⵉⵏ, ⵜⴰⵄⵔⴰⴱⵜ ⴷ ⵜⵎⴰⵣⵉⵖⵜ, ⴷ ⵙ ⵜⵓⵜⵍⴰⵢⵜ ⵙ ⵓⵙⵉⵍⵍⴼ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵏⴰⴼⵓⵜⵉⵏ ⵜⵉⵜⵍⴼⴰⵣⵉⵏ.

ⴰⵔ ⵉⵙⵙⵉⵜⵉⴳ ⵓⵙⵇⵇⵉⵎ ⴰⵎⴰⵜⵜⴰⵢ ⴳ ⵓⴳⵔⴰⵡ ⵏⵏⴰ ⵉⵙⵙⴽⵔ, ⵙ ⵡⵓⵎⵓ ⴰⵅⴰⵜⴰⵔ ⵏ ⵜⵏⵣⵡⴰⵢⵉⵏ ⴷ ⵉⵙⵓⵔⴰ ⵉⵜⵍⴼⴰⵣⵏ ⵉⴳⴷⵓⴷⴰⵏⵏ ⴷ ⵉⵎⵥⵍⵉⵢⵏ ⵅⴼ ⵜⵣⵎⵎⴰⵔ ⵏ ⵓⵎⵢⴰⵡⴰⴹ ⴷ ⵓⵙⵙⴼⵔⴽ ⵏⵏⴰ ⵙⵙⴽⵔⵏⵜ ⵜⵎⵔⵙⴰⵍ ⴷ ⵜⵏⴱⴰⴹⵜ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵙⴱⴷⴷⵏ ⵜⴰⵡⴰⴷⴰ ⵏ ⵓⴱⵉⵔⵓⵙ ⴼⵔⴳⵏ ⵉ ⵜⴷⴰⵡⵙⴰ ⵏ ⵉⵏⵎⵓⵔⵉⵏ. ⴰⵔ ⵉⵜⵜⴰⵏⵏⴰⵢ ⵓⵙⵇⵇⵉⵎ ⵉⵙ ⵢⵓⴼ ⵉⵙ ⵉⵣⵔⵉ ⵡⵓⵎⵓ ⵖⵔ ⵓⴷⵢⵢⵣ ⴰⵙⵍⵉⵥⵕ ⵏ ⵉⵙⵓⵢⴰⵙ ⵏ ⵉⵏⵖⵎⵉⵙⵏ ⴷ ⵜⴳⵣⵣⵓⵎⵉⵏ ⵏ ⵓⵙⵙⴼⵔⴽ, ⴰⵎⵎ ⵓⵢⵏⵏⴰ ⴳⴰⵏ ⵉⵜⵙ ⵏ ⵉⵎⵣⵓⵛⵛⴰⵍ, ⵙ ⵜⵍⵖⴰ ⵏ ⵓⵙⵎⵓⵙⵙⵓ ⴰⴷⵉⵏⴰⵎⵉⴽ ⵅⴼ ⵉⵥⴹⵡⴰⵏ ⵏ ⵓⵎⵢⴰⵡⴰⴹ ⵉⵏⴰⵎⵓⵏⵏ ⵙ ⵓⵡⵜⵜⴰⵙ ⵏ ⴰⴷ ⴼⵙⵔⵏ ⵜⵉⵎⵉⵜⴰⵔ ⴷ ⵉⵏⵖⵎⵉⵙⵏ ⵅⴼ ⵓⵏⵏⴰⵔ ⵎⵇⵇⵓⵔⵏ ⴷ ⵓⵣⵓⵣⵣⵔ ⵏ ⵜⵖⴰⵔⴰ ⵏ ⵓⴼⵔⴰⴳ ⵖⵓⵔ ⵎⴷⴷⵏ ⴰⴽⴽⵯ ⵙ ⵉⵎⵥⵍⵉ ⵡⵉⵏⵏⴰ ⵙⵓⵍ ⴳⴰⵏ ⵉⵄⵔⵔⵉⵎⵏ.

ⴳ ⵜⵎⵏⴰⴹⵜ ⵢⴰⴹⵏ, ⵉⵥⵕⴰ ⵓⵙⵇⵇⵉⵎ ⵉⵙⴷ ⵉⴳⵉ ⵜⵣⵎⵎⴰⵔ ⵏ ⵓⵙⵏⵖⵎⵙ ⵓⵏⵖⵉⴷ ⴰⵣⴷⴳⴰⵏ ⴷ ⵓⵙⵜⴰⵢ ⵏ ⵓⴱⵔⵉⴷ ⵏ ⵓⵙⵙⴼⵔⴽ ⵙ ⵍⵄⵇⵍ ⴷ ⵜⵎⵙⵙⵓⴳⴰⵔⵜ, ⵏⵉⵜⵏⵉ ⴰⵢ ⵖⵉⵢⵏ ⴰⴷ ⵢⴰⵡⴹ ⵖⵔ ⵜⵢⴰⴼⵓⵜⵉⵏ ⵉⵖⵓⴷⴰⵏ ⴳ ⵜⵓⵚⴽⴰ ⵏ ⵡⴰⴽⴰⵢ ⴰⵎⴳⵔⵓ ⵉⵖⵉⵢⵏ ⴰⴷ ⵉⵙⴱⴷⴷ ⴰⴷⵢⵢⵣ ⵏ ⵉⵏⵖⵎⵉⵙⵏ ⵓⵔ ⵉⴳⵉⵏ ⵜⵉⴷⵜ ⵉⵣⴷⵉⵏ ⴷ ⵓⴱⵉⵔⵓⵙ ⵏ ⴽⵓⵕⵓⵏⴰ ⵙ ⵜⵖⴰⵔⴰⵙⵉⵏ ⵏ ⵓⴼⵔⴰⴳ ⴰⵎⴳⵔⵓ ⵙⴳ ⴷⵉⴳⵙ ⴷ ⵓⴼⵔⴰⴳ ⵏ ⴽⵓ ⵢⴰⵏ.