ⴰⵙⵎⵙⴰⵙⴰ ⵏ ⵓⵣⵍⴳⵏ ⵏ ⵓⵙⵏⴼⵍ ⴰⵎⵓⵟⵟⵓⵏ ⴰⴽⴷ ⵓⵙⵏⵖⵎⵙ ⴷ ⵓⵣⵣⵉⴳⵣ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵍⵍⴰⵏ ⴳ ⵡⴰⵎⵎⴰⵙ ⵏ ⵉⵙⵏⵉⴼⵉⵍⵏ ⵉⴽⴽⴰⵏ ⴰⵙⵙ ⵏ 13 ⴼⴱⵕⴰⵢⵕ 2024 ⴳ ⵓⵙⵖⵉⵎ ⵏ ⵜⵎⵔⵙⵍⵜ ⵜⴰⵎⵖⵔⴰⴱⵉⵢⵜ ⴳ ⵕⵕⴱⴰⵟ ⴳⵔ ⵉⵎⴰⵙⴰⵢⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵓⴽⴰⴱⴰⵕ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵙⵍⵉⵥⵕ (CSA) ⵏ ⵜⴰⵎⵓⵏⵜ ⵏ ⵡⴰⵍⵓⵏⵉ-ⴱⵔⵓⴽⵙⵉⵍ ⴳ ⵍⵍⴰⵏ ⵎⴰⵙⵙ ⴰⵏⵙⵙⵉⵅⴼ ⴽⴰⵔⵉⵎ ⵍⴱⵓⵔⴽⵉ, ⴷ ⵓⵏⵎⵀⴰⵍ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵓⵎⵎⵓⵜⵢ ⴰⵎⵓⵟⵟⵓⵏ ⵎⴰⵙⵙ ⴱⵓⵍ-ⵉⵔⵉⴽ ⵎⵓⵙⵙⵔⴰⵢ.
ⴰⵔⵣⴰⴼ ⴰⴷ ⵏ ⵜⵡⵓⵔⵉ ⵉⵜⵜⵓⵙⵏⵎⴰⵍⴰⵏ ⵙ ⵓⵙⵏⵓⴱⴳ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵢⵓⴷⵊⴰ ⵜⵉⵙⴳⴳⵯⵉⵏ ⵙ ⵙⵏⴰⵜ ⴰⴷ ⵙⵎⵏⵉⴷⵏⵜ ⴰⵣⵣⵉⴳⵣ ⵏ ⵜⵎⵓⵖⵍⵉⵡⵉⵏ ⵜⵉⵙⵏⵖⵎⴰⵙⵉⵏ ⴰⴳⵓⵏⵙ ⵏ ⵜⵎⵓⵔⴰ ⵙ ⵙⵏⴰⵜ ⴷ ⴰⴷ ⴰⵡⴹⵏⵜ ⵖⵔ ⵉⵙⵇⵙⵉⵜⵏ ⵉⴷⵙⵍⴰⵏⵏ ⵉⵍⵍⴰⵏ ⴳ ⵜⵎⵙⵙⴽⵜⵉⵜ ⵏ ⵙⵏⴰⵜ ⵜⵎⵔⵙⴰⵍ ⴰⴷ ⵏ ⵓⵙⵍⴳⵏ, ⵙ ⵉⵎⵥⵍⵉ ⴰⵢⵏⵏⴰ ⵉⵣⴷⵉⵏ ⵙ ⵜⵏⵥⵕⵉⵏ ⵏⵏⴰ ⵏ ⵉⵇⵇⴰⵏ ⴰⴷ ⴰⵡⴹⵏ ⵉⵙⵏⵖⵎⵙⵏ ⴰⴳⵓⵏⵙ ⵏ ⵜⵡⵏⵏⴰⴹⵜ ⵜⴰⵎⴰⵢⵏⵓⵜ ⵏ ⵓⵎⵢⴰⵡⴰⴹ ⵉⵜⵜⵓⵕⵛⵎⵏ ⵙ ⵓⵙⴷⵉⴷⴷⵢ ⵏ ⵓⵙⵡⵓⵔⵉ ⴰⵖⵎⵙⴰⵏ ⴷ ⵜⵍⴰⵍⵉⵜ ⵏ ⴽⵉⴳⴰⵏ ⵏ ⵉⵎⵉⵣⴰⵏ ⵉⵎⴰⵢⵏⵓⵜⵏ ⵉ ⵓⵣⵓⵔⵜ ⴰⴷⴰⵎⵙⴰⵏ ⵏ ⵜⵏⵣⵡⴰⵢⵜ ⴷ ⵓⵜⵉⵍⵉⴼⵉⵣⵢⵓⵏ ⵉⴽⵍⴰⵙⵉⴽⵉⵢⵏ.
ⵣⵣⵔⵉⵏⵜ ⵜⵙⴳⴳⵯⵉⵏ ⵙ ⵙⵏⴰⵜ ⵅⴼ ⵢⵉⵔⵎⵏ ⵉⵜⵜⵓⵙⴽⴰⵔⵏ ⵉⵣⴷⵉⵏ ⵙ ⵓⵙⵎⵙⴰⵙ ⵏ ⵓⵙⴰⵜⵉ ⴰⵣⵔⴼⴰⵏ ⴰⵙⵍⴳⴼⴰⵏ ⵉⵜⵜⵓⵙⵔⵙⵏ ⵅⴼ ⵜⵙⵉⵍⴰⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ ⵣⵓⵏⴷ ⵉⵔⵎ ⵏ ⵜⴰⵎⵓⵏⵜ ⵜⴰⵓⵕⵓⴱⴱⵉⵢⵜ ⵏⵏⴰ ⵉⵙⵔⵙⵏ ⴽⵉⴳⴰⵏ ⵏ ⵉⵙⵍⴳⵏⵏ ⴷ ⵉⵙⴼⴰⵡⵏ ⵉ ⵜⵎⵙⴰⵔⵜ ⴰⴷ, ⵏⵖ ⴷⵉⵖ ⴰⵡⵏⵏⵉ ⵏ ⵍⵓⵏⵉⵙⴽⵓ ⴷⴼⴼⵉⵔ ⴽⵉⴳⴰⵏ ⵏ ⵉⵎⵛⴰⵡⴰⵕⵏ ⴳ ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵏ ⵉⵎⵏⵣⴰⵢⵏ ⵉⵎⵙⴼⴰⵡⵏ ⴰⴼⴰⴷ ⴰⴷ ⵜⵉⵍⵉ ⵢⴰⵜ ⵜⵡⵏⵏⴰⴹⵜ ⵜⴰⵎⵓⵟⵟⵓⵏⵜ ⵏ ⵍⴰⵎⴰⵏ ⵉ ⵉⵎⵙⵡⵓⵔⴰ ⵏ ⵓⵎⴰⴹⴰⵍ ⴰⴽⴽⵯ.
ⵉⵡⵏⴰⵏ ⵏ ⵉⵎⵛⴰⵡⴰⵕⵏ ⴳ ⵢⴰⵎⵓ ⴰⵡⴷ ⵎⴰⵙⵙ ⴰⵏⵎⵀⴰⵍ ⴰⵎⴰⵜⴰⵢ ⴱⵏⵄⵉⵙⵙⴰ ⵄⵙⵍⵓⵏ ⴷ ⴽⵉⴳⴰⵏ ⵏ ⵉⵏⵎⵀⴰⵍⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⵎⵏⵉⴷⵏ ⵏ ⵜⵡⵓⵔⵉ ⵉⵛⵛⴰⵔⵏ ⴳⵔ ⵙⵉⵏ ⵉⵎⵙⵏⴰⵎⵏ ⵜⵜⵓⵣⵣⵔⵉⵏ ⵙ ⵉⵎⵥⵍⵉ ⴳ ⵓⵙⴰⵜⵉ ⴰⴳⵓⵜⵔⴰⵏ ⵏ ⵓⵥⵟⵟⴰ ⴰⴼⵕⴰⵏⴽⵓⴼⵓⵏⵉ ⵏ ⵉⵎⵙⵏⴰⵎⵏ ⵏ ⵓⵙⵏⵖⵎⵙ ⵏⵖ ⵙ ⵜⵎⴷⵔⴰⵡⵜ ⴰⴽⴷ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ ⴳ ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳ ⴰⵏⵙⵙⵉⵅⴼ ⵏⵏⵙ ⴰⵔ ⴷⵓⵊⴰⵎⴱⵉⵔ 2024.
ⴰⴼⴰⴷ ⴰⴷ ⵜⵜⵢⵉⵙⵙⵏⵏ ⵉⵙⵏⴰⵎⵏ ⵉⵜⵜⵓⵙⴽⴰⵔⵏ ⴳ ⵢⵉⴳⵔ ⴰⴳⴷⵓⴷⴰⵏ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⴽⴰⴱⴰⵕ ⵙⴳ ⵖⵓⵔ CSA ⴰⴱⵍⵊⵉⴽⵉ ⵉⵜⵜⵓⵙⵏⵓⴱⴳ ⴰⵙⵙ ⵏ 14 ⴼⴱⵕⴰⵢⵕ ⵖⵓⵔ ⵓⵏⵎⵀⴰⵍ ⴰⵎⴰⵜⴰⵢ ⵏ ⵚⵓⵕⴰⴷ 2ⵎ, ⵎⴰⵙⵙ ⵙⴰⵍⵉⵎ ⵛⵛⵉⵅ, ⵢⴻⵔⵣⴼ ⵖⵔ ⵉⴷⵖⴰⵔⵏ ⴷ ⵉⵙⵔⵓⵙⵏ ⵉⵜⵉⵇⵏⵉⵢⵏ ⵏ ⵜⴷⴰⴱⵓⵜ ⵜⵉⵙⵙ ⵙⵏⴰⵜ ⵏ ⵓⵜⵉⵍⵉⴼⵉⵣⵢⵓⵏ ⴰⵎⵖⵔⴰⴱⵉ.