ⵜⵙⵙⴽⵔ ⵢⴰⵜ ⵜⵙⵎⵉⵔⵉⵜ ⵜⴰⵏⴰⴼⵍⵍⴰⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵙⴰⵃⵉⵍ ⵍⵄⴰⵊ, ⵉⵣⵡⴰⵔ ⴰⵙ ⵓⵏⵎⵀⴰⵍ ⵏⵏⵙ ⴰⵎⴰⵜⴰⵢ ⵎⴰⵙⵙ ⵢⴰⴽⵓⴱⴰ ⴷⵉⵎⴱⵉⵍⵉ, ⴰⵙⵙ ⵏ 23 ⴰⵔ 25 ⵛⵜⴰⵎⴱⵉⵔ 2024, ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵉ ⵓⵙⵖⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵕⵕⴱⴰⵟ.

ⴰⵔⵣⴰⴼ ⴰⴷ ⵢⵓⵙⴰ ⴷ ⴳ ⵓⵙⴰⵜⵉ ⵏ ⵓⵙⵡⵓⵔⵉ ⵏ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⵉⵜⵜⵓⵙⴳⵎⴹⵏ ⴳⵔ ⵙⵏⴰⵜ ⵜⵎⵔⵙⴰⵍ ⴰⴷ ⴳ ⵛⵜⴰⵎⴱⵉⵔ 2020. ⵜⴰⵎⵢⴰⵇⵇⴰⵏⵜ ⴰⴷ ⵜⵉⵡⵉ ⴷ ⵅⴼ ⵓⵙⴷⵓⵙ ⵏ ⵉⵙⵏⴼⵉⵍⵏ, ⵉⵙⵡⵉⵏⴳⵉⵎⵏ ⴷ ⵜⵙⵏⵜⴰⵢⵉⵏ ⵉⵛⵛⴰⵔⵏ ⵜⵉⵎⵔⵙⴰⵍ ⴰⴷ ⴳ ⵢⵉⴳⵔ ⵏ ⵓⵙⵍⴳⵏ ⴰⵙⵍⵉⵥⵕ ⴷ ⵓⵙⵔⵓⵙ ⵏ ⵢⴰⵏ ⵓⴳⵔⴰⵡ ⵉⵛⵛⴰⵔⵏ ⵏⵏⴰ ⵔⴰⴷ ⵢⴰⴳⴳⵯ ⵅⴼ ⵜⵙⴳⴳⵯⵉⵏ ⵜⵉⵣⵔⴼⴰⵏⵉⵏ.

ⴽⵉⴳⴰⵏ ⵏ ⵜⵉⵔⴰⵎ ⵏ ⵜⵡⵓⵔⵉ ⴰⵢⴷ ⵉⵜⵜⵓⵙⴽⵔⵏ ⴳⵔ ⵓⴳⵔⴰⵡ ⵏ ⵙⴰⵃⵉⵍ ⵍⵄⴰⵊ ⴷ ⵉⵏⵎⵀⴰⵍⵏ ⴷ ⵉⵎⵖⴰⵔⵏ ⵏ ⵜⵣⵓⵏⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵍⵎⵖⵔⵉⴱ.

ⵉⵙⴳⵓⵎⵏ ⵉⵎⵇⵔⴰⵏⵏ ⵏⵏⴰ ⵅⴼ ⵣⵣⵔⵉⵏ ⵣⴷⵉⵏ ⵙ ⵓⵎⴰⵜⴰ ⵙ ⵜⵖⴰⵔⴰⵙⵜ ⵏ ⵓⴹⴼⴼⵓⵕ, ⵜⴰⵏⴰⴹⵉⵏ ⵅⴼ ⵜⵡⵓⵔⵉⵡⵉⵏ ⴷ ⵓⵙⴼⵙⵢ ⵏ ⵉⵖⴰⵡⴰⵙⵏ ⵉⵙⵍⵉⵥⵕⵏ, ⵉⵎⵉⴽⴰⵏⵉⵙⵎⵏ ⵏ ⵓⵙⵙⴰⵏⵓⵏ ⵏ ⵜⵎⴰⴳⵓⵜ ⴳ ⵓⵣⵎⵣ ⵏ ⵉⵙⵜⴰⵢⵏ ⴷ ⵓⵣⵎⵣ ⵓⵏⵣⵉⵍ, ⴰⵙⴽⴰⵔ ⴷ ⵓⵙⵓⴼⵖ ⵏ ⵜⵖⵓⵔⵉⵡⵉⵏ ⵜⵉⵙⴳⵓⵎⴰⵏⵉⵏ, ⴰⵙⵡⵓⵔⵉ ⵏ ⵓⴼⵙⴰⵢ ⴰⵙⵏⵎⴰⵍⴰⵢ « HMS Etudes » …ⴰⵜⴳ.

ⵜⴰⵙⴳⴰ ⵏ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⵍⵍⴰ ⴷⵉⴳ ⴳ ⵓⴳⵔⴰⵡ ⴰⵡⴷ ⵎⴰⵙⵙ ⵟⵕⴰⵡⵕⵉ ⴷⴰⵡⵓⴷⴰ, ⴰⵏⵎⵀⴰⵍ ⵏ ⵉⵖⴰⵡⴰⵙⵏ ⴷ ⵓⵏⵜⴰⵎ ⴷ ⵓⵙⵏⵖⵎⵙ, ⵜⵉⵍⵉ ⵎⴰⵙⵙⴰ ⴱⵓⵀⵡⵉⵙ ⴼⵉⵍⵉⵙⵉⵜⵉ, ⵜⴰⵎⴰⵡⴰⵙⵜ ⵜⴰⵏⵎⵀⴰⵍⵜ ⴷ ⵓⵏⵜⴰⵎ ⴷ ⵉⴷ ⵍⴰⵔⵛⵉⴼ ⴷ ⵎⴰⵙⵙⴰ ⴰⵔⵎⴰⵏⴷ ⴽⵓⵡⴰⴷⵉⵢⵓ ⴼⵍⵓⵕⵓⵏⵜⵉⵏ, ⵢⵓⵙⵉⵏ ⴰⴳⴳⵯⴰ ⵏ ⵜⵖⵓⵔⵉⵡⵉⵏ ⵖⵓⵔ ⵜⵎⵛⵛⵉⵡⵕⵜ ⵜⴰⵜⵉⵇⵏⵉⵜ ⵢⵓⴳⴳⵯⴰⵏ ⵅⴼ ⵜⵖⵓⵔⵉⵡⵉⵏ ⴷ ⵓⵙⵏⵉⵎⴰⵍ.