ⵜⴰⴷⴷ ⵎⴰⵙⵙⴰ ⵍⴰⵟⵉⴼⴰ ⴰⵅⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵚⵕ, ⵅⴼ «ⴰⴼⴰⴷ ⴰⴷ ⵏⵙⴼⵍⵙ ⴰⴷⵔⴰⵡ ⵉⵕⵡⴰⵏ ⵉ ⵓⵙⵏⵖⵎⵙ ⴳ ⵓⵙⴷⵓⵙ ⵏ ⵜⵎⵙⴽⴰⵔⵉⵏ ⵏ ⵉⵙⵜⴰⵢⵏ ⵉⵎⵓⵇⵕⴰⵟⵉⵢⵏ, ⵉⵇⵇⴰⵏ ⵏ ⴳ ⵡⴰⵎⵓⵏⵏ ⴰⴽⴽⵯ ⴰⴷ ⵉⵍⵉⵏⵜ ⴽⵕⴰⴹⵜ ⵜⴼⴰⴷⵉⵡⵉⵏ : ⵜⴰⵎⵣⵡⴰⵔⵓⵜ, ⴰⵏⴳⵔⴰⵡ ⴰⵣⵔⴼⴰⵏ ⴷ ⵉⴹⵕⵉⵙⵏ ⵉⵙⵏⵎⴰⵍⴰⵢⵏ ⵉⴷⵉⵎⵓⵇⵕⴰⵟⵉⵢⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵍⴻⵍⵍⵉ ⵏ ⵓⵡⵏⵏⵉ, ⵜⵉⵍⴻⵍⵍⵉ ⵏ ⵜⵎⴷⵔⴰⵡⵜ… ⵜⵉⵙⵙ ⵙⵏⴰⵜ, ⵜⴰⵎⵙⴽⴰⵔⵜ ⵜⴰⵏⵖⵎⴰⵙⵜ ⵜⴰⵣⵣⵓⵍⴰⵏⵜ ⵢⵓⵎⵥⵏ ⴳ ⵜⵖⴰⵔⵉⵡⵉⵏ ⵜⵉⵖⵎⵙⴰⵏⵉⵏ. ⵜⵉⵙⵙ ⴽⵔⴰⴹⵜ, ⴰⵙⵍⴳⵏ ⴰⵙⵉⵎⴰⵏ ⵉⵜⵜⴹⵎⴰⵏⵏ ⴰⴷⴰⴼ ⴰⵏⵙⵙⵓⵎⵓ ⵉ ⵉⴽⴰⴱⴰⵕⵏ ⵉⵙⵔⵜⴰⵏⵏ ⵖⵔ ⴰⵙⵏⵖⵎⵙ ⴷ ⵓⵙⵎⴽⵍ ⴰⵔⴰⵡⵙⴰⵏ ⵉⵣⴷⴷⵉⴳⵏ ⵏ ⵜⵎⵀⵍⵜ ⴰⴽⴽⵯ ⵏ ⵓⵙⵜⴰⵢ », ⴳ ⵜⵉⵏⴰⵡⵜ ⵏⵏⴰ ⵉⵙⵏⵎⴰⵍⴰ ⵓⵙⴳⵔⴰⵡ ⴰⵎⵖⵔⴰⴱⵉ ⵏ ⵉⵏⵖⵎⴰⵙⵏ ⵉⵄⵔⵔⵉⵎⵏ ⵙ ⵜⵎⴷⵔⴰⵡⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴰⵙⵙ ⵏ 29 ⴽⵜⵓⴱⵕ 2021 ⴳ ⵕⵕⴱⴰⵟ ⵅⴼ ⵓⵙⴳⵓⵎ ⵏ « ⵜⵉⵍⴰⵍⵜ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⴳ ⵜⵎⵙⴽⴰⵔⵜ ⵜⴰⴷⵉⵎⵓⵇⵔⴰⵟⵉⵜ ⵏ ⵉⵙⵜⴰⵢⵏ ».

ⴳ ⵜⴳⵓⵔⵉ ⵏⵏⵙ ⵏ ⵓⵏⵏⵓⵕⵥⵎ ⵏ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ, ⵜⵙⵙⴽⵜⵉ ⴷ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵙ ⵓⵙⴰⵜⵉ ⴰⵙⴱⴷⴰⴷ ⵏⵏⴰ ⵜⵓⵎⴰ ⵜⵖⵜⴰⵙⵜ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵣⴷⵉⵏ ⴷ ⵓⴹⵎⴰⵏ ⵏ ⵜⵏⵎⴰⴳⵓⵜ ⵏ ⵓⵡⵏⵏⵉ ⴰⵙⵔⵜⴰⵏ ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⴳ ⵓⵣⵎⵣ ⵏ ⵉⵙⵜⴰⵢⵏ ⵓⵣⵔⵉⴼⵏ ⴷ ⵉⵏⵎⵏⴰⴹⵏ ⴷ ⵉⵙⴳⵔⴰⵡⵏ ⵉⵎⴰⵜⴰⵢⵏ 2021 ⵏⵏⴰ ⵢⵓⵜⴳⵏ ⵅⴼ ⴽⵕⴰⴹⵜ ⵜⵔⵙⴰⵍ ⵏ ⵜⴷⵉⵎⵓⵇⵔⴰⵟⵉⵜ ⵙ ⵓⵢⵏⵏⴰ ⵉⵍⵍⴰⵏ ⴳ ⴷⴷⵓⵙⵜⵓⵔ : ⴰⵙⵎⴷⵢⴰ, ⴰⵙⵙⵓⵎⵓ ⴷ ⵜⵎⴷⵔⴰⵡⵜ, ⵔⵏⵓ ⵢⴰⵙ ⵉⵍⵓⴳⵏⵏ ⵏⵏⴰ ⵉⵍⵍⴰⵏ ⴳ ⵜⵖⵜⴰⵙⵜ ⴷ ⵣⴷⵉⵏ ⴷ ⵓⵣⵓⵛⵛⵍ ⵏ ⵜⵎⵔⵉⵙⵜ ⵙ ⵜⵖⴰⵔⵉⵡⵉⵏ ⵏ ⵜⵎⵙⴽⵔⵜ ⵜⴰⵣⵣⵓⵍⴰⵏⵜ ⴳ ⵓⴱⵔⵉⴷ ⵏ ⵓⴹⵎⴰⵏ ⵏ ⵜⵣⴷⴳⵉ ⴷ ⵜⵔⴰⵡⵙⵏⵜ ⵏ ⵉⵖⴰⵡⴰⵙⵏ ⵉⵣⴷⵉⵏ ⴷ ⵉⵙⵜⴰⵢⵏ.

ⵜⵙⵙⵉⴽⵣ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵉⵙⴷ ⴰⴹⴼⴼⵓⵕ ⴰⵙⵖⵎⴰⵙ ⵏ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵉ ⵉⵙⵜⴰⵢⵏ ⵏ ⵜⴰⵎ ⵛⵜⴰⵎⴱⵉⵔ 2021 ⴷⴰ ⵜⵙⵙⴰⵖⵓⵍ ⵖⵔ ⴽⵔⴰ ⵏ ⵉⵙⵇⵙⵉⵜⵏ ⵏⵏⴰ ⵏ ⵉⵇⵇⴰⵏ ⴰⴷ ⴼⵍⵍⴰⵙⵏ ⵏⵙⵡⵉⵏⴳⵎ ⴰⴽⴽⵯ : « ⵎⴰⵜⵜⴰ ⵜⵖⴰⵔⵔⴰⵙⵉⵏ ⵙ ⵏⵖⵉⵢ ⴰⴷ ⵏⵙⵙⵉⵍⵢ ⵙⴳ ⵜⵣⵎⵎⴰⵔ ⵏ ⵜⵎⵔⵙⴰⵍ ⵜⵉⵙⵖⵎⴰⵙⵉⵏ ⴳ ⵜⴷⵓⵍⵉ ⵏ ⵉⵙⵜⴰⵢⵏ ⵙ ⵜⵖⴰⵔⴰⵙⵜ ⵜⴰⵜⵔⴰⵔⵜ ? ⴰⵔ ⵎⴰⵜⵜⴰ ⵜⵉⵣⵉ ⴰⵢ ⵉⵍⴰ ⵓⵎⴰⵣⵣⴰⵍ ⴰⵙⵔⵜⴰⵏ ⵜⴰⴷⵍⵙⴰ ⵜⴰⵙⵖⵎⴰⵙⵜ ⴷ ⵉⴼⵓⴽⵙⵏ ⵉⵙⵎⵢⴰⵡⴰⴹⵏ ? ⵎⴰⵎⴽ ⵔⴰⴷ ⵏⵙⴷⵓⵙ ⴰⴷⵖⴰⵔ ⵏ ⵜⵣⵎⵎⴰⵔ ⵏ ⵜⵎⵖⴰⵔⵉⵏ ⴷ ⵓⵙⵙⵓⵀⵏ ⵏ ⵓⵙⵙⵎⵖⵔ ⵏⵏⵙⵏⵜ ⴰⴳⵓⵏⵙ ⵏ ⵜⵎⴰⴷⴷⴰⵙⵉⵏ ⵜⵉⵙⵔⵜⴰⵏⵉⵏ ⴷ ⵜⵎⵙⵎⵓⵏⵉⵏ ⴷ ⵜⴰⵣⵣⵓⵍⵉⵏ… ⴷ ⵜⵓⴽⴽⵉ ⵏⵏⵙⵏⵜ ⵜⵉⵎⵙⵜⴳⴳⴰⵔⵉⵏ ⵏ ⵡⴰⵡⴰⵍ ⵙ ⵢⵉⵙⵎ ⵏ ⵜⵎⴰⴷⴷⴰⵙⵉⵏ ⴰⴷ ? ⵎⴰⵜⵜⴰ ⵜⵎⵓⵖⵍⵉ ⵉ ⵓⵙⵙⵉⵍⵢ ⵙⴳ ⵜⵎⵣⴰⵣⵣⵍⵜ ⵏ ⵓⵙⴼⵙⵔ ⵏ ⵜⵓⵎⴰⵢⵉⵏ ⵉⵣⴷⵉⵏ ⴷ ⵉⵙⵜⴰⵢⵏ ⴳ ⵓⵙⵏⵖⵎⵙ ⴰⴽⵍⴰⵙⵉⴽⵉ, ⵙ ⵓⴱⵔⵉⴷ ⵏ ⵡⴰⵜⵜⴰⴳ ⵅⴼ ⵉⴼⵔⴷⵉⵙⵏ ⵏ ⵜⵣⵎⵔⵜ ⵏ ⵜⵉⴳⴰⵡⵜ ⵜⴰⵙⵖⵎⴰⵙⵜ ⵜⴰⵣⵣⵓⵍⴰⵏⵜ ⵉⵙⴽⵯⴰⵏ ⵅⴼ ⵜⵏⵜⴰⵎⵜ, ⵜⵉⴷⵜ, ⴰⵙⵙⴼⵙⵉ ⴷ ⵓⵙⵖⵥⵏ, ⴰⵙⵔⵔⵓⵙ ⵏ ⵉⵏⵖⵎⵉⵙⵏ ⴳ ⵓⵎⵏⴰⴹ ⵏⵏⵙⵏ ⵉⵎⵉⴷⵉ, ⴰⵙⴱⴷⴷ ⵏ ⵜⴽⵔⴽⴰⵙ ⴷ ⴳⴰⵔ ⵉⵏⵖⵎⵉⵙⵏ, ⵜⴰⵎⵔⵉⵙⵜ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵉⴷⵙⵍⴰⵏⵏ ⵏ ⵓⴼⴳⴰⵏ… »

ⴳ ⵜⴳⵉⵔⴰ ⵏ ⵜⴳⵓⵔⵉ ⵏⵏⵙ, ⵜⴰⴷⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ « ⴰⵎⵎⵓⵜⵢ ⴰⵎⵓⵟⵟⵓⵏ ⵏ ⵜⵎⵙⴷⵓⵙⵜ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ ⵉⴳⴰ ⴰⵣⵎⵣ ⵉ ⵓⵙⴷⵓⵙ ⵏ ⵓⴱⵖⵓⵔ ⴰⵏⴰⵎⵓⵏ ⴰⵅⴰⵜⴰⵔ ⵉ ⵜⵖⴰⵎⵙⴰ ⵜⴰⵣⵣⵓⵍⴰⵏⵜ. ⴰⵙⵔⵓⵙ ⵏ ⵜⴷⵍⵙⴰ ⵜⴰⴷⵉⵎⵓⵇⵔⴰⵟⵉⵜ ⴷ ⵓⵣⵓⵣⵣⵔ ⵏ ⵓⴼⵔⴰⴽ ⴰⵙⵔⵜⴰⵏ ⴷ ⵓⴷⵔⴰⵡ ⴰⵏⴰⵎⵓⵏ, ⴳⴰⵏ ⵉⵙⴰⵡⵔⵏ ⵏⵏⴰ ⵉⵔⴰⵏ ⵜⴰⵖⴰⵎⵙⴰ ⵉⵕⵡⴰⵏ, ⵜⴰⵖⴰⵎⵙⴰ ⵏ ⵓⵙⵙⴼⵙⵢ, ⵜⴰⵖⴰⵎⵙⴰ ⵏ ⵓⵎⵛⴰⵡⴰⵕ ⵉⵕⵚⵚⴰⵏ, ⵓⴳⴰⵔ ⵏⵏⴰ ⵜⵏ ⵉⵅⵚⵚⴰ ⵓⵎⵏⵏⵓⵖ ⵙ ⵉⵀⴰⵛⵟⴰⴳⵏ, ⴷ ⵓⵎⵛⵏⵛⴰⴼ ⵙ ⵡⴰⵡⴰⵍ ⴷ ⵜⴰⵙⵙⴰⵙⵜ ⵏ ⵉⵅⴰⵡⴰⵔⵉⵣⵎⵏ ».

ⵉⵃⴰⴹⵕ ⴳ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ ⵏⵏⴰ ⵉⵙⵡⵓⴷⴷⴰ ⵓⵙⵏⵖⵎⴰⵙ ⵄⴱⴷⵍⵍⴰⵀ ⵜⵜⵓⵔⴰⴱⵉ, ⴽⵉⴳⴰⵏ ⵏ ⵉⵏⵖⵎⴰⵙⵏ, ⵉⴽⴰⴷⵉⵎⵉⵢⵏ ⴷ ⵉⵙⵎⴷⵢⴰⵜⵏ ⵏ ⵜⵎⵙⵎⵓⵏⵉⵏ ⴳ ⵢⵉⴳⵔⴰⵏ ⵏ ⵓⵙⵏⵖⵎⵙ ⴷ ⵓⵣⵔⴰⴼ.