« ⵉⵣⵔⴼⴰⵏ ⴳ ⵉⴼⵉⵍⵉ ⴳⴰⵏ ⵢⴰⵜ ⵜⵙⵓⵜⴰ ⵜⴰⵎⴰⵢⵏⵓⵜ ⵏ ⵉⵣⵔⴼⴰⵏ ⵉⵏⴼⴳⴰⵏⵏ ⵏⵏⴰ ⵉⵇⵇⴰⵏ ⴰⴷ ⵏⵙⴷⵓⵙ ⵉ ⵓⴱⵖⵓⵔ ⵏ ⵉⵏⵎⵓⵔⵉⵏ ⴰⴽⴽⵯ ⵏ ⵓⵎⴰⴹⴰⵍ. ⵉⴽⵣ ⵏ ⵉⵣⵔⴼⴰⵏ ⵉⴳⴰ ⵢⴰⵏ ⵓⵎⵏⵏⵓⵖ ⵉⵎⵙⴽⵛⴰⵎⵏ ⵏⵏⴰ ⵉⵇⵇⴰⵏ ⴰⴷ ⵉⵜⵜⵓⵙⴽⵔ ⵙ ⵓⵎⴰⵜⴰ ⴰⵛⴽⵓ ⵜⵉⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⵇⵔⴰⵏⵉⵏ ⵉⵡⴹⵏⵜ ⵢⴰⵜ ⵜⵣⵎⵔⵜ ⵜⴰⴷⴰⵎⵙⴰⵏⵜ ⴷ ⵜⴻⵜⵉⴽⵏⵓⵍⵓⵊⵉⵜ ⵏⵏⴰ ⵎⵉ ⵏ ⵜⵇⵇⴰⵏ ⵢⴰⵜ ⵜⵎⵔⵓⵔⵉⵜ ⵏⵏⴰ ⵅⴼ ⵎⵓⵏⵏⵜ ⵜⵎⵓⵔⴰ ⵏ ⵓⵎⴰⴹⴰⵍ ⴰⴼⴰⴷ ⴰⴷ ⵏⵏⴰⵍⵏⵜ ⵉⵎⵉⵣⴰⵏ ⵉⵎⵓⵟⵟⵓⵏⵏ ⴷ ⵓⵎⵎⵔⵡⵉ ⴰⵙⵏⵖⵎⴰⵙ. » ⴰⵢ ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⴰⵙⵙ ⵏ 1 ⵎⴰⵢⵢⵓ 2024 ⴳ ⵚⴰⵡⴱⵓⵍⵓ ⵉⵡⵏⴰⵏ ⵏ ⵜⴳⵓⵔⵉ ⵏⵏⵙ ⴳ ⵓⵙⴰⵜⵉ ⵏ ⵜⵏⵙⵙⵉⵅⴼⵜ ⵏ G20 ⵍⴱⵔⵉⵣⵉⵍ ⵉ ⴳ ⵓⵙⴳⵓⵎ ⵏ « ⴰⵙⵍⵉ ⵏ ⵡⵓⵖⵓⴷ ⵏ ⵓⵙⵏⵖⵎⵙ : ⴰⵎⵏⵏⵓⵖ ⵎⴳⴰⵍ ⵉⵏⵖⵎⵉⵙⵏ ⵏ ⵜⴽⵔⴽⴰⵙ, ⵉⵏⴰⵡⵏ ⵏ ⵓⴽⵙⴰⵏ ⴷ ⵉⵙⴷⴷⵉⵢⵏ ⵉ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴳ ⵉⴼⵉⵍⵉ ».
ⵜⵙⵙⵎⵏⵉⴷ ⵎⴰⵙⵙⴰ ⴰⵅⴰⵔⴱⴰⵛ ⵉⵔⵎ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⵙⵍⴳⵏ ⵏ ⵜⵙⵉⵍⴰⵡⵉⵏ ⵜⵉⵎⵓⵟⵟⵓⵏⵉⵏ, ⵜⵙⵙⴽⵜⵉ ⵙ ⵉⵎⵥⵍⵉ ⵉⵙ ⵜⴰⵎⵢⴰⴷⴰⵙⵜ ⵜⴰⵎⵖⵔⴰⴱⵉⵢⵜ ⴳ ⵢⵉⴳⵔ ⴰⴷ, ⵜⵚⴽⴰ ⵅⴼ ⵓⵎⵏⵣⴰⵢ ⵉⵜⵜⵉⵏⵉⵏ ⵉⵙ ⴰⵙⵍⴳⵏ ⵏ ⵓⵎⵓⵟⵟⵓⵏ ⵉⵇⵇⴰⵏ ⴰⴷ ⵉⵜⵜⵓⵙⴽⵔ ⵉ ⵓⴱⵖⵓⵔ ⵏ ⵓⵙⵍⵍⵡⵉ ⴷ ⵜⴳⵎⵉ ⵜⴰⴷⴰⵎⵙⴰⵏⵜ, ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵎⵙⵡⵓⵔⴰ ⴷ ⵓⴱⵖⵓⵔ ⴰⵎⴰⵜⴰⵢ. “ⵜⵏⵏⴰ ⵉⵙ ⵜⴰⴳⵍⴷⵉⵜ ⵜⵚⴽⴰ ⵢⴰⵜ ⵜⵣⵎⵔⵜ ⵜⴰⵣⵔⴼⴰⵏⵜ ⵏⵏⴰ ⵜⵜ ⵢⵓⴷⵊⴰⵏ ⴰⴷ ⵜⵏⵏⴰⵍ ⵜⴰⵎⵓⴽⵔⵉⵙⵜ ⵏ ⵓⵙⵍⴳⵏ ⴰⵎⴳⵓⵜ ⵏⵏⴰ ⵣⵓⵛⵛⵍⵏⵜ ⵜⵡⵓⵔⵉⵡⵉⵏ ⵏ ⵜⵙⵉⵍⴰⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ”.
ⵙ ⵓⵢⵏⵏⴰ ⵜⵥⵕⴰ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵏⵏⴰ ⵉⵍⵍⴰⵏ ⵜⴳⴰ ⵜⴰⵎⵙⵍⴳⵏⵜ ⵜⴰⵢⵉⵡⴰⵏⵜ ⵏ ⵓⵙⵏⵖⵎⵙ ⴰⴼⵔⵉⵇ ⵉⵜⵜⵓⵙⵏⵓⴱⴳⵏ ⵉ ⵓⵣⵎⵣⵣⵓ ⵢⴰⴷ ⴰⵎⵇⵔⴰⵏ ⴰⴳⵔⴰⵖⵍⴰⵏ, “ⵉⵎⵉⵣⴰⵏ ⵏ ⵓⵖⵓⴷ ⵏ ⵓⵏⵖⵎⵉⵙ ⵏⵏⴰ ⴷ ⵉⵜⵜⵍⴰⵍⵏ ⵙⴳ ⵜⵙⴰⵍⵉⵡⵉⵏ ⵉⴳⴰⵏ ⴰⵙⴰⴳⵎ ⴷ ⵉⵎⵃⴹⴰⵡⵏ ⵏ ⵡⴰⴷⴰⴼ ⵖⵔ ⵉⵏⵖⵎⵉⵙⵏ, ⵉⵎⵉⵣⴰⵏ ⴰⴷ ⵔⴰⵏ ⴰⴷ ⵇⵇⵉⵎⵏ ⴰⵀⴰ ⵅⴰⵜⵔⵏ ⵎⵛ ⵓⵔ ⵏⵙⴷⵓⵙ ⵜⴰⵏⵖⵎⴰⵙⵜ ⵉⵍⴰⵏ ⵜⴰⵖⴰⵔⴰ ⴷ ⵎⵛ ⵓⵔ ⵏⵓⵙⵉ ⵜⴰⵖⵜⵙⵜ ⵉⵕⵡⴰⵏ ⴰⴼⴰⴷ ⴰⴷ ⵏⵙⴱⴷⴷ ⴰⴽⵙⵙⵉⵙ ⵏ ⵓⵙⵏⵖⵎⵙ ⴰⴽⵍⴰⵙⵉⴽⵉ”. ⵜⵔⵏⵓ ⴰⵔ ⵜⵜⵉⵏⵉ ⵉⵙ ⵉⵎⴳⴳⵓⵔⴰ ⵢⴰⴷ ⵍⵍⴰⵏ ⴷⴷⴰⵡ ⵢⴰⵜ ⵜⴰⵙⵙⴰⵙⵜ ⵜⴰⴷⴰⵎⵙⴰⵏⵜ ⵏ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵏⵏⴰ ⵢⴰⵙⵏ ⵉⵜⵜⴳⴳⴰⵏ ⵙⵉⵏ ⵉⵎⵣⵉⵣⵡⴰⵔ, ⴳ ⵓⵙⵡⵉⵔ ⵏ ⵓⵙⵙⴼⵍⴷ ⴷ ⵓⵙⵡⵉⵔ ⵏ ⵉⵙⴰⴳⵎⵏ ⴰⵙⵓⵙⵙⵏ.”
ⵉⵕⵥⵎⵜ ⵜⵉⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ ⵜⴰⵅⴰⵜⴰⵔⵜ ⵎⴰⵙⵙ ⴱⴰⵡⵍⵓ ⴱⵉⵎⵉⵏⵜⴰ, ⴰⵎⴰⵡⵙⴰⵙ ⵏ ⵓⵎⵢⴰⵡⴰⴹ ⴰⵏⴰⵎⵓⵏ ⵏ ⵍⴱⵔⵉⵣⵉⵍ. ⴰⵎⵓⵏ ⴳ ⵜⵉⵏⴰⵡⵜ ⴰⴷ ⵓⴳⴰⵔ ⵏ 400 ⵏ ⵓⵎⵓⵣⴰⵢ ⴷ ⵓⵎⵙⵜⴳⴳⴰⵔ ⴰⵙⵔⵜⴰⵏ ⵏ 30 ⵏ ⵜⵎⵓⵔⵜ ⵙⴳ 5 ⵏ ⵜⵎⵏⵥⴰⵡⵉⵏ ⵔⵏⵓ ⵢⴰⵙⵏ ⵉⴳⵏⵙⴰⵙⵏ ⵏ ⵜⵏⵎⴰⵍⴰⵢⵜ ⵏ ⵜⵎⵓⵔⴰ ⵎⵓⵏⵉⵏ, ⵡⵉⵏ ⵍⵓⵏⵉⵙⴽⵓ, ⵡⵉⵏ OCDE, ⴷ ⵡⵉⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵉⴳⵏⵙⴰⵙⵏ ⵏ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ, ⴰⵎⵓⵏ ⵓⵖⵔⵉⵎ, ⵉⴳⵔⴰⵡⵏ ⵏ ⵓⵙⵡⵉⵏⴳⵎ, ⴰⵎⵎⴰⵙⵏ ⵏ ⵓⵔⵣⵣⵓ ⵉⴳⵔⴰⵖⵍⴰⵏⵏ ⴷ ⵡⵉⵏ ⵉⵏⵖⵎⴰⵙⵏ. ⵜⴰⵎⵔⵓⵣⵜ ⵏ ⵜⵙⵎⵖⵓⵔⵜ ⵏ ⵏⵓⴱⵍ ⵏ ⵓⴼⵔⴰ, ⵜⴰⵏⵖⵎⴰⵙⵜ ⵏ ⵓⵔⵣⵣⵓ ⵜⴰⴼⵉⵍⵉⵃⵉⵏⵉⵜ, ⵎⴰⵔⵉⵢⴰ ⵔⵉⵙⵙⴰ, ⵜⵙⵙⴽⵔ ⴰⵡⴷ ⵏⵜⵜⴰⵜ ⴽⵉⴳⴰⵏ ⵏ ⵜⴳⵓⵔⵉⵡⵉⵏ ⵉⵡⵏⴰⵏ ⵏ ⵓⵣⵎⵣⵣⵓ ⵢⴰⴷ.
ⵜⵍⵍⴰ ⵜⵎⵓⵏ ⵎⴰⵙⵙⴰ ⴰⵅⴰⵔⴱⴰⵛ ⵏⵜⵜⴰⵜ ⴷ ⵎⴰⵙⵙ ⴰⵎⵉⵏ ⵄⵣⵣⵉⵎⴰⵏ, ⴰⵏⵎⵀⴰⵍ ⵏ ⵜⵣⵓⵏⵉ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴰⴳⵓⵏⵙ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.