« ⵎⵛ ⵏ ⵉⵇⵇⴰⵏ ⵉ ⵉⵙⵏⵖⵎⵉⵙⵏ ⴰⴷ ⵙⵏⴰⵎⵏ ⵉⵎⴰⵏ ⵏⵏⵙⵏ ⴷ ⵓⵣⵣⵉⴳⵣ ⴰⵜⵉⴽⵏⵓⵍⵓⵊⵉ ⴰⴼⴰⴷ ⴰⴷ ⴷⴷⵔⵏ, ⵜⴰⵣⵎⵔⵜ ⵏ ⵜⵏⴰⵎⵉⵜ ⵏⵏⴰ ⵏ ⵉⵇⵇⴰⵏⵏ ⴰⵙⵙⴰ ⵉ ⵓⵕⴷⵢⵓ ⴷ ⵜⵉⵍⵉⴼⵉⵣⵢⵓⵏ ⵜⵎⵇⵇⵓⵔ ⴽⵉⴳⴰⵏ ⴰⵛⴽⵓ ⵉⵎⵓⵜⵜⵓⵢⵏ ⵏⵏⴰ ⴷ ⵜⵓⵡⵉ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⵓⵟⵟⵓⵏⵜ ⵖⴱⴰⵏ ⴰⵔ ⵕⵥⵥⴰⵏ ⵙ ⵓⵖⵉⵡⵍ » ⴰⵢ ⵜⵏⵏⴰ ⵎⴰⵙⵙⴰ ⵍⴰⵟⵉⴼⴰ ⴰⵅⵔⴱⴰⵛ ⴳ ⵜⴳⵓⵔⵉ ⵏⵏⵙ ⴰⵙⵙ ⵏ 5 ⴽⵜⵓⴱⵕ ⴳ ⵓⵙⴳⵔⴰⵡ ⴰⴳⵔⴰⵖⵍⴰⵏ ⵏ ⵉⵎⵙⵏⴰⵎⵏ ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙ ⵎⴰ ⵢⴰⴳⴳⵓⴳⵏ ⵖⵓⵔ ⵜⵎⵔⵙⵍⵜ ⵜⴰⴳⵔⴰⵖⵍⴰⵏⵜ ⵏ ⵓⵎⵢⴰⵡⴰⴹ ⵉⵍⵍⴰ ⴳ ⵍⵓⵏⴹⵓⵏ.

ⵜⵙⵙⴽⵜⵉ ⴷ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵙ « ⵢⴰⵜ ⴳ ⵜⵎⵓⴽⵔⵉⵙⵉⵏ ⵜⵉⴷⵙⵍⴰⵏⵉⵏ ⵏ ⵉⵕⴷⵢⵓⵜⵏ ⴷ ⵉⵜⵉⵍⵉⴼⵉⵣⵢⵓⵏⵏ ⵉⴳⴰ ⴰⴷ ⴰⵎⵥⵏ ⵉⵎⵓⵜⵜⵓⵢⵏ ⵏ ⵉⵙⵓⵜⵓⵔⵏ ⵏ ⵓⴳⴷⵓⴷ ⵢⴰⵖⵓⵍⵏ ⵉⴳⴰ ⴰⵎⵓⵟⵟⵓⵏ ⴷ ⴰⴷ ⵎⵙⴰⵙⴰⵏ ⴷ ⵜⵡⵓⵔⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⵏⵖⵎⵙ ⴷ ⵉⵍⵓⵍⴰⵏ ⴷ ⵜⵎⵓⵟⵟⵓⵏⵜ ⴷ ⵜⵎⴰⵜⴰⵢⵜ ⵏ ⵓⵎⵢⴰⵡⴰⴹ. ⴳ ⵜⵉⵍⴰⵡⵜ ⵜⴰⵎⴰⵢⵏⵓⵜ ⵏ ⵓⵙⵏⵖⵎⵙ, ⴰⵕⴰⴷⵢⵓ ⴷ ⵙ ⵉⵎⵥⵍⵉ ⴰⵜⵉⵍⵉⴼⵉⵣⵢⵓⵏ ⵓⵔ ⵢⴰⴷ ⴳⵉⵏ ⴰⴳⵣⵣⵓⵎ ⵏ ⵉⵙⴰⴳⵎⵏ ⵉⵙⵍⵉⵥⵕⵏ ⵏⵏⴰ ⵉⵍⵍⴰⵏ ⴳ  ⵉⵖⵣⵡⵔ ⵏ ⵍⴰⵏⵜⵉⵔⵏⵉⵜ ».

ⴳ ⵓⵏⴳⵔⴰⵡ ⴰⴷ ⴳ ⴰⵎⵓⵏ ⵉⴳⵏⵙⴰⵙⵏ ⵏ ⵜⵎⵔⵙⴰⵍ ⵏ ⵓⵙⵏⴰⵎ ⵏ ⴼⵕⴰⵏⵚⴰ ⵏ ⵜⴼⵔⵉⵇⵜ ⵏ ⵓⵢⴼⴼⵓⵙ ⴷ ⵍⴼⵉⵍⵉⴱⴱⵉⵏ, ⵜⵙⴰⵡⵍ ⵎⴰⵙⵙⴰ ⴰⵅⵔⴱⴰⵛ ⵅⴼ ⵡⴰⵏⴰⵡ ⵏ ⵓⵎⵢⴰⵡⴰⴹ ⵏⵏⴰ ⵉⵣⴷⵉⵏ ⵜⵉⴷⴰⴱⵓⵜⵉⵏ ⵏ ⵓⵕⴰⴷⵢⵓ ⴷ ⵜⵉⵍⵉⴼⵉⵣⵢⵓⵏ ⴷ ⵓⴳⴷⵓⴷ ⵜⵜⵓⵙⵏⴼⵍⵏ ⴳ ⵉⵙⴳⴳⵯⴰⵙⵏ ⵉⴷⵔⵓⵙ ⵉⵣⵔⵉⵏ. ⵜⵏⵏⴰ ⵉⵙ ⵉⴳⴷⵓⴷⵏ ⴰⴷ ⴰⵖⵓⵍⵏ ⴳⴰⵏ ⵉⵎⵙⵎⵓⵔⵏ ⵉⵎⵙⵎⵓⵙⵙⵏ, ⵏⵏⴰ ⵉⵖⵉⵢⵏ ⴰⴷ ⵢⴰⴷⴼ ⴳ ⵉⵖⴰⵡⴰⵙⵏ ⵏⵏⴰ ⵖⵉⵢⵏ ⵏⵉⵜⵏⵉ ⴰⴷ ⵙⵏⵓⵍⴼⴰⵏ ⵜⵓⵎⴰⵢⵉⵏ ⵏⵏⵙⵏ, ⵉⵍⵉⵏ ⴷⴰⵜⴰⵙⵏ ⴽⵉⴳⴰⵏ ⵏ ⵉⵎⵉⵥⴰⵕ ⵏⵏⴰ ⵉⵅⴷⴷⵎⵏ ⴳ ⵢⴰⵜ ⵜⵉⴽⴽⵍⵜ.

ⵅⴼ ⵓⵢⴰⴷ, ⵜⵔⵏⴰ ⵜⵏⵏⴰ ⵉⵙ ⴰⵕⴰⴷⵢⵓ ⴷ ⵓⵜⵉⵍⵉⴼⵉⵣⵢⵓⵏ ⵉⴳⴷⵓⴷⴰⵏⵏ ⵉⵇⵇⴰⵏ ⵜⵏ ⵉⵏ ⴰⴷ ⴽⴽⵙⵏ ⵜⴰⵏⵥⵕⵉⵜ ⵜⴰⵎⵖⵉⵡⵍⵜ ⴳ ⵢⴰⵜ ⵜⵡⵏⵏⴰⴹⵜ ⵉⵜⵜⵎⵓⵜⵜⵓⵢⵏ ⴽⵓⵢⴰⵙⵙ.

ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⴰⴷⴷ ⵅⴼ ⵓⵙⵎⴰⵢⵏⵓ ⵏ ⵜⵉⵔⵔⴰ ⵓⵔ ⵉⴷ ⵡⵉⵏ ⵜⴻⵜⵉⴽⵏⵓⵍⵓⵊⵉⵜ ⴰⵛⴽⵓ ⵉⵎⴰⵙⵙⵏ ⵏ ⵓⵙⵖⵎⵙ ⴰⴽⵍⴰⵙⵉⴽⵉ ⵖⵓⵔⵙⵏ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⵉⵖⵓⴷⴰⵏ. ⵜⵏⵏⴰ ⵉⵙ ⵎⴽ ⵙⵢⵉⴼⵏ ⵉⵕⴰⴷⵢⵓⵜⵏ ⴷ ⵉⵜⵉⵍⵉⴼⵉⵣⵢⵓⵏⵏ ⵜⴰⵖⴰⵔⴰⵙⵜ ⵏ ⵓⵙⵏⵓⵍⴼⵓ ⵏ ⵉⵖⴰⵡⴰⵙⵏ ⵉⴷⵍⵙⴰⵏⵏ ⵉⴳⴷⵓⴷⴰⵏⵏ ⵔⴰⴷ ⵏⵏⴰⵍⵏ ⴰⵙⵏⵖⵎⵙ ⵏ ⵜⵙⵉⵍⵉⵡⵉⵏ ⵜⵉⵎⵓⵟⵟⵓⵏⵉⵏ.

ⴳ ⵜⴳⵉⵔⴰ, ⵜⴰⴷⴷ ⵎⴰⵙⵙⴰ ⴰⵅⵔⴱⴰⵛ ⵅⴼ ⵜⵏⵍⵍⵉ ⵏ ⵉⵣⵣⵉⴳⵣⵏ ⵏ ⵉⵙⵏⵖⵎⵉⵙⵏ ⴷ ⵉⵏⵓⵔⵣⵏ ⵏ ⵓⴳⴷⵓⴷ ⴰⴼⴰⴷ ⴰⴷ ⵙⴱⵓⵖⵔⵏ ⵜⴰⵎⵙⵜⴳⴳⴰⵔⵜ ⵏ ⵢⴰⵏ ⵓⵙⵏⵖⵎⵙ ⵉⵖⵓⴷⴰⵏ ⵉⵜⵜⵓⵙⴽⵔⵏ ⵙⴳ ⵖⵓⵔ ⵉⵎⵓⵣⴰⵢ ⴰⵔ ⵉⵜⵜⵣⵔⴰⴽ ⵜⴰⵖⴰⵔⴰ ⵏ ⵜⴰⵣⵣⵓⵍⵜ. ⵜⵏⵏⴰ ⴷⵉⵖ ⵉⵙ 8 ⵏ ⵎⴷⴷⵏ ⵅⴼ 10 ⴷⴰ ⵜⵜⴰⵏⵏⴰⵢⵏ ⵜⵉⵍⵉⴼⵉⵣⵢⵓⵏ ⴰⴳⴷⵓⴷⴰⵏ ⵉ ⵉⵏⵖⵎⵉⵙⵏ ⴳ ⵓⵣⵎⵣ ⵏ ⵡⴰⵟⵟⴰⵏ ⵏ ⴽⵓⴼⵉⴷ-19.

ⴰⴷ ⵏⵙⵙⴽⵜⵉ ⵉⵙ ⵉⴳⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⴳⵎⴰⵎ ⴳ ⵜⵎⵔⵙⵍⵜ ⵜⴰⴳⵔⴰⵖⵍⴰⵏⵜ ⵏ ⵉⵎⵢⴰⵡⴰⴹⵏ ⵏⵏⴰ ⴷ ⵉⵍⵓⵍⴰⵏ ⴰⵣⴳⵏ ⵏ ⵜⴰⵙⵓⵜ ⴰⵢⴰⴷ ⵢⵉⵍⵉ ⴳ ⵍⵓⵏⴹⵓⵏ. ⵉⵙⵎⵓⵏ ⵉⴳⵏⵙⴰⵙ ⵉⵎⵏⴱⴰⴹⵏ, ⵜⵉⵎⵔⵙⴰⵍ ⵏ ⵓⵙⵏⴰⵎ ⴷ ⵉⵡⵔⵉⴽⵏ ⵏ ⵓⵙⵍⵉⵥⵕ ⴷ ⵓⵎⵢⴰⵡⴰⴹ ⵙ ⵎⴰ ⵢⴰⴳⴳⵓⴳⵏ ⵉⵍⵍⴰⵏ ⴳ ⴽⴰⵕⴰⴹ ⵜⵎⵔⴰⵡⵉⵏ ⵏ ⵜⵎⵓⵔⴰ ⵅⴼ ⵙⵎⵎⵓⵙ ⵏ ⵉⵎⵏⵥⴰⵡⵏ.