ⵉⵣⵡⴰⵔ ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵏⵜⵜⴰ ⴷ ⵎⴰⵙⵙⴰ ⵏⴰⵕⵊⵉⵙ ⵕⴰⵖⵖⴰⵢ, ⴰⴳⵎⴰⵎ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉ ⵢⴰⵏ ⵓⴽⴰⴱⴰⵕ ⵏ ⵍⴰⵀⴰⴽⴰ ⴳ ⵜⵙⵓⵜⵍⵜ ⵜⵉⵙⵙ ⵙⵏⴰⵜ ⵏ GitexAfrica ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙⴳ 29 ⴰⵔ 31 ⵎⴰⵢⵢⵓ 2024 ⴳ ⵎⵕⵕⴰⴽⵛ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴷ ⵡⵉⵙⵙ ⵙⴹⵉⵙ.

ⵜⵉⵏⴰⵡⵜ ⴰⴷ ⵜⴰⵅⴰⵜⴰⵔⵜ ⵜⴰⴳⵔⴰⵖⵍⴰⵏⵜ ⵜⵉⵡⵉⴷ ⵙ ⵉⵎⵥⵍⵉ ⵅⴼ ⵉⵙⵓⵔⵙⵏ, ⴷ ⵉⵎⵏⴰⴷⵏ ⴷ ⵜⵏⵥⵕⵉⵏⵉⵣⴷⵉⵏ ⴷ ⵜⵉⴳⵎⵉ ⵏ ⵜⵉⵖⵉⵙⵜ ⵜⵉⵎⵍⵥⵉⵜ ⴳ ⵜⵎⵏⵥⴰⵡⵜ ⵜⴰⴼⵔⵉⵇⵜ. ⵉⵎⵓⵣⴰⵢ ⵉⵎⵇⵔⴰⵏⵏ ⵉⵙⵎⵓⵙⵙⵏ ⵉⵏⵉⴳⵏ ⵏ ⵜⵉⵏⴰⵡⵜ ⴰⴷ ⵙⵙⴽⵏⵏ ⴰⵣⵣⵉⴳⵣ ⵏ ⵜⵡⵏⵏⴰⴹⵉⵏ ⵜⵉⵎⵓⵟⵟⵓⵏⵉⵏ ⴷ ⵜⴻⵜⵉⴽⵏⵓⵍⵓⵊⵉⵏ ⵅⴼ ⵜⵎⵏⵥⴰⵡⵜ, ⵙⵙⵎⵏⴷⵏ ⴽⵉⴳⴰⵏ ⵏ ⵜⵖⵓⵔⵉⵡⵉⵏ ⴷ ⵉⵙⴼⴰⵡⵏ ⵅⴼ ⴽⵉⴳⴰⵏ ⵏ ⵜⵎⵍⴷⵉⵡⵉⵏ ⵏ ⵓⵙⵏⴼⵍ ⴷ ⵓⵙⵍⵍⵡⵓ ⴰⴷⴰⵎⵙⴰⵏ ⴷ ⵓⵏⴰⵎⵓⵏ ⵏⵏⴰ ⵉⵣⴷⵉⵏ ⵙ ⵜⴻⵜⵉⴽⵏⵓⵍⵓⵊⵉⵜ ⵏ ⵜⵉⵖⵉⵙⵜ ⵜⵉⵎⵍⵥⵉⵜ.

ⵢⴰⵜ ⴳ ⵜⴽⴰⵢⵍⴰⵍⵉⵏ GitexAfrica ⵏ ⵉⴳⴰ ⴰⵙⵎⴰⴳⵉ ⵏ ⵜⵔⵙⴰⵍ ⴷ ⵉⵎⴰⵙⵙⵏ ⵉⵖⵉⵢⵏ ⴰⴷ ⵉⵙⵔⵙ ⵜⴰⴼⵔⵉⵇⵜ ⴳⵔ ⵉⵡⵔⵉⴽⵏ ⵉⵅⴰⵜⴰⵔⵏ ⴰⴳⵓⵏⵙ ⵏ ⵜⴳⵎⵉ ⵜⴰⵎⴰⴹⵍⴰⵏⵜ ⵏ ⵜⵉⵖⵉⵙⵜ ⵜⵉⵎⵍⵥⵉⵜ.
ⵙ ⵜⵎⴷⵔⴰⵡⵜ ⵏ ⵓⴳⴰⵔ ⵏ 1 500 ⵏ ⵉⵎⵙⴼⵙⵔⵏ ⵉⴳⵏⵙⴰⵙ ⵏ ⵓⴳⴰⵔ ⵏ 130 ⵏ ⵜⵎⵓⵔⵜ, ⴰⵣⵎⵣⵣⵓ ⵢⴰⴷ ⴰⵅⴰⵜⴰⵔ ⵢⵉⵡⴹ ⴰⴷ ⵉⴳ ⵢⴰⵏ ⵡⴰⵍⵍⴰⵍ ⵏ ⵜⵣⵎⵎⴰⵔ ⴷ ⵓⵙⵏⴼⵍ ⴷ ⵓⵥⵟⵟⴰ ⵉⴷⴷⴰⵏ ⴳ ⵓⴱⵔⵉⴷ ⵏ ⵜⴳⵎⵉ ⵜⴰⵜⵉⴽⵏⵓⵍⵓⵊⵉⵜ ⵙ ⵉⵎⵥⵍⵉ ⴳ ⵢⵉⴳⵔ ⵏ ⵜⵉⵖⵉⵙⵜ ⵜⵉⵎⵍⵥⵉⵜ, ⴳ ⵜⵓⵚⴽⵉⵡⵜ ⵜⴰⵜⵉⴽⵏⵓⵍⵓⵊⵉⵜ ⴷ ⵜⴻⵜⵉⴽⵏⵓⵍⵓⵊⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ.

ⴰⴽⴰⴱⴰⵕ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵍⵍⴰ ⴷⵉⴳⵙ ⴰⵡⴷ ⵎⴰⵙⵙ ⵔⴰⴱⵉⵄ ⵙⵔⵖⵉⵏⵉ, ⴰⵙⴰⵜⵉ ⴰⵎⴰⵜⵜⴰⵢ ⴰⴳⵓⵏⵙ ⵏ ⵜⵎⵀⵍⴰ ⵏ ⵜⵖⵓⵔⵉⵡⵉⵏ ⴷ ⵜⵉⴳⵎⵉ, ⵢⵉⵍⵉ ⴰⵡⴷ ⵎⴰⵙⵙ ⵢⵓⵙⵙⴼ ⵣⴰⵄⵔⵉ, ⴰⵙⴰⵜⵉ ⴰⵎⴰⵜⵜⴰⵢ ⴰⴳⵓⵏⵙ ⵏ ⵜⵎⵀⵍⴰ ⵏ ⵉⵖⴰⵡⴰⵙⵏ ⵏ ⵓⵙⵏⵖⵎⵙ, ⴷ ⵎⴰⵙⵙ ⵟⴰⵕⵉⵇ ⴽⴰⵔⵉⵎⵉ, ⴰⵙⴰⵜⵉ ⴰⵎⴰⵜⵜⴰⵢ ⴳ ⵜⵎⵀⵍⴰ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵎⴰⵙⵙⴰ ⵖⵉⵜⴰ ⴱⵕⵕⴰⴷⴰ, ⴰⵙⴰⵜⵉ ⴰⵎⴰⵜⵜⴰⵢ ⴳ ⵜⵎⵀⵍⴰ ⵜⴰⵎⴰⵜⴰⵢⵜ.