ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴰⵙⵙ ⵏ 11 ⵛⵜⴰⵎⴱⵉⵔ 2025, ⵜⴰⵎⵙⵇⴰⴷⵜ ⵏ ⵜⴳⵓⴷⴰⵏⵜ ⵏ ⴽⴰⵥⴰⵅⵙⵜⴰⵏ ⴳ ⵍⵎⵖⵔⵉⴱ ⵎⴰⵙⵙⴰ ⵚⵓⵍⴽⵓⵍ ⵙⴰⵢⵍⵓⴽⵉⵣⵉ.
ⵉⵡⵏⴰⵏ ⵏ ⵓⵎⵙⴳⵔⴰⵡ ⴰⴷ, ⵜⵙⵙⵎⵏⵉⴷ ⵎⴰⵙⵙⴰ ⴰⵅⴰⵔⴱⴰⵛ ⵉ ⵜⵎⵙⵇⴰⴷⵜ ⵏ ⴽⴰⴰⵅⵙⵜⴰⵏ ⵜⴰⵙⵎⵉⴳⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⴰⵎⵔⵙⵍⵜ ⵜⴰⴷⵢⵙⵜⵓⵔⵉⵜ ⵜⴰⵙⵏⵉⵎⴰⵏⵜ ⵢⵓⵙⵉⵏ ⴰⴳⴳⵯⴰ ⵏ ⵓⵙⵍⴳⵏ ⵏ ⵢⵉⴳⵔ ⴰⵙⵍⵉⵥⵕ, ⵜⵙⴰⵡⵍ ⴰⵙ ⵙ ⵉⵎⵥⵍⵉ ⵅⴼ ⵜⵙⵎⵉⴳⵍⵉⵏ ⵉⵣⴷⵉⵏ ⵙ ⵓⴹⵎⴰⵏ ⵏ ⵜⵉⵏⵏⵓⴱⴹⴰ ⵉⵕⵡⴰⵏ ⴰⴳⵓⵏⵙ ⵏ ⵢⵉⴳⵔ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵏⵎⵓⵔⵉⵏ ⵉⵎⵖⵔⴰⴱⵉⵢⵏ ⴳ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ ⵜⵉⵎⴰⴳⵓⵜⵉⵏ, ⵜⵉⵎⵢⴰⵏⴰⵡⵉⵏ ⵏⵏⴰ ⵉⵜⵜⵣⵔⴰⴽⵏ ⵉⵣⵔⴼⴰⵏ ⵉⵏⴼⴳⴰⵏⵏ ⴷ ⵡⴰⵜⵉⴳⵏ ⵉⴷⵉⵎⵓⵇⵕⴰⵟⵉⵢⵏ.
ⵜⵙⵙⴽⵏ ⴷⵉⵖ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵎⵏⵉⴷⵏ ⵏ ⵜⵎⵔⵙⵍⵜ ⴳ ⵢⵉⴳⵔ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵜⴼⴽ ⴰⵎⴷⵢⴰ ⵙ ⵉⵙⵏⵉⴼⵉⵍⵏ ⵏⵏⵙ ⴷ ⵓⵎⵢⴰⵖ ⵏⵏⵙ ⴰⴽⴷ ⵜⵉⵏⴱⴰⴹⵉⵏ ⵏ ⵓⵙⵍⴳⵏ ⴳ ⵓⵕⵓⴱⴱⴰ ⴷ ⴰⵙⵉⵢⴰ ⴷ ⴰⴼⵔⵉⵇⵉⵢⴰ.
ⴳ ⵜⵙⴳⴰ ⵏⵏⵙ, ⵜⵙⴰⵡⵍ ⵜⴷⵉⴱⵍⵓⵎⴰⵙⵉⵜ ⵜⴰⴽⴰⵥⴰⵅⵙⵜⴰⵏⵜ ⵅⴼ ⵜⴰⵢⵔⵉ ⵏⵏⵙ ⵉ ⵓⵙⵙⵎⵖⵓⵔ ⵏ ⵜⵎⴷⵔⴰⵡⵜ ⴳⵔ ⵍⵎⵖⵔⵉⴱ ⴷ ⴽⴰⵥⴰⵅⵙⵜⴰⵏ ⴳ ⵢⵉⴳⵔ ⵏ ⵓⵙⵏⵖⵎⵙ ⴷ ⵜⴷⵍⵙⴰ.
ⴰⵎⵓⵏ ⴳ ⵓⵎⵙⴳⵔⴰⵡ ⴰⴷ, ⵎⴰⵙⵙ ⴱⵓⵢⵣⵀⴰⵏ ⵜⵓⵢⴽⵓⴼⴰ, ⴰⵎⵛⴰⵡⵕ ⵏ ⵜⵎⵙⵇⴰⴹⵜ ⵏ ⴽⴰⵥⴰⵅⵙⵜⴰⵏ ⴳ ⵕⵕⴱⴰⵟ, ⴷ ⵎⴰⵙⵙ ⵟⴰⵔⵉⵇ ⴽⴰⵔⵉⵎⵉ, ⴰⵙⴰⵜⵉ ⴰⵎⴰⵜⵜⵢ ⴳ ⵜⵣⵓⵏⵉ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵖⵓⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.
