ⵙ ⵓⵙⵏⵓⴱⴳ ⵏ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⵙⵙⴽⵔ ⵢⴰⵜ ⵜⵙⵎⵉⵔⵉⵜ ⵜⴰⵅⴰⵜⴰⵔⵜ ⵏ ⵉⵎⵏⴱⴰⴹⵏ ⵉⵏⵎⵏⴰⴹⵏ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴷ ⵜⵉⵏⴰⵡⵜ ⵏ ⵉⵏⵎⵀⴰⵍⵏ ⵏ ⵉⵎⵏⴱⴰⴹⵏ ⴰⴷ (DLM), ⵙⵙⴽⵔⵏ ⵓⵙⵙⴰⵏ ⵏ 15 ⴷ 16 ⵉⴱⵔⵉⵔ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⴳ ⵓⵙⵖⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵕⵕⴱⴰⵟ.
ⵜⴰⵙⵎⵉⵔⵉⵜ ⴰⴷ ⵜⴰⵍⴰⵍⵎⴰⵏⵉⵜ ⵏⵏⴰ ⵎⵉ ⵉⵣⵡⴰⵔ ⵎⴰⵙⵙ ⵟⵓⴱⵉⵢⴰ ⵛⵎⵉⴷ, ⴰⵎⴰⵍⴰⵍ ⵏ ⵜⵖⴰⵡⵙⵉⵡⵉⵏ ⵜⵉⵢⵓⵕⵓⴱⴱⵉⵢⵉⵏ ⵏ DLM ⵉⴳ ⴰⵡⴷ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵓⵙⵏⵖⵎⵙ ⵏ ⵔⵉⵏⵢⴰⵏⵉ-ⴷⵓⵏⵓⵕ-ⵡⵉⵙⵜⴼⴰⵍⵉ, ⵜⴰⵙⵎⵉⵔⵜ ⵜⴰⵍⴰⵍⵎⴰⵏⵉⵜ ⵜⵓⵎⴰ ⵎⴰⵙⵙ ⵉⴼⴰ ⴼⵍⵉⴽⵏ, ⴰⵏⵙⵙⵉⵅⴼ ⴳ ⵜⵙⵏⵙⵉ ⵏ DLM , ⵜⵉⵎⵔⵙⵍⵜ ⵢⵓⴳⴳⴰⵏ ⵅⴼ ⵓⵣⴷⴰⵢ ⵏ ⵜⵉⴳⴰⵡⵜ ⵏ ⵜⵏⴱⴰⴹⵉⵏ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⵏ ⵍⴰⵏⴷⵔ ⴰⵍⵍⵎⴰⵏ, ⴷ ⵎⵣⵙⵙ ⵎⵉⵛⵉⵍ ⵡⵉⵏⴽⵉⵍⵙ ⴷ ⵎⴰⵙⵙⴰ ⵙⵉⵏⴰ ⴼⵓⵙⵙ, ⵉⵎⵛⵛⵉⵡⴰⵕ ⴳ ⵜⵖⴰⵡⵙⵉⵡⵉⵏ ⵜⵉⵢⵓⵕⵓⴱⴱⵉⵢⵉⵏ.
ⵉⵎⵛⴰⵡⴰⵕⵏ ⴰⴷ ⵉⵙⵉⵏⵔⴰⵏ, ⵉⵎⵣⵡⵓⵔⴰ ⴳ ⵡⴰⵏⴰⵡ ⴳⵔ ⵜⵎⵔⵙⴰⵍ ⵏ ⵓⵙⵍⴳⵏ ⴰⵎⵖⵔⴰⴱⵉ ⴷ ⵓⵍⴰⵍⵎⴰⵏⵉ ⵜⵜⵓⵕⵛⵎⵏ ⵙ ⵉⵙⵎⵏⵉⴷⵏ ⵉⵎⵏⴰⴳⴳⴰⵔⵏ ⵅⴼ ⵜⵙⵎⵉⴳⵍⵜ, ⴰⵙⵏⵎⴰⵍⴰ ⴷ ⵓⵙⵡⵓⴷⴷⵓ ⵏ ⵜⵎⵔⵙⴰⵍ ⴰⴷ ⵜⵉⵙⵉⵎⴰⵏⵉⵏ ⴷ ⵓⵣⵣⵉⴳⵣ ⵏ ⵓⵙⴰⵜⵉ ⵓⵣⵔⵉⴼ ⴷ ⵓⵍⵓⴳⴰⵏ ⵉⵎⵓⵟⵟⵓⵏⵏ ⵏⵏⴰ ⵜⵙⵔⵙ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵢⵉⴳⵔ ⵏ ⵓⵙⵍⴳⵏ ⵏ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ. ⴳ ⵓⵢⴰⴷ, ⵉⵙⵎⵏⴷ ⵎⴰⵙⵙ ⵛⵎⵉⴷ ⵉⵣⵣⵉⴳⵣⵏ ⵉⵎⴳⴳⵓⵔⴰ ⵏ ⵜⵎⵓⵖⵍⵉ ⵏ ⵓⵙⵍⴳⵏ ⴰⴳⵓⵏⵙ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵙ ⵉⵎⵥⵍⵉ ⴰⵙⵔⵓⵙ ⵏ ⵓⵙⴰⵜⵉ ⵏ ⵓⵙⵍⴳⵏ ⴳ ⵡⴰⵢⵢⵓⵔ ⵏ ⴼⴱⵕⴰⵢⵕ 2025, ⴳ ⵓⵙⴰⵜⵉ ⵏ ⵓⵣⵔⴼ ⵏ ⵓⵕⵓⴱⴱⴰ ⴳ ⵓⵢⵏⵏⴰ ⵉⵣⴷⵉⵏ ⵙ ⵜⵍⴻⵍⵍⵉ ⵏ ⵓⵙⵏⵖⵎⵙ ⵏ “ⵎⵉⴷⵉⵢⴰ ⴱⵓⵕⴷ” ⵉⴳⴰⵏ ⴰⴳⵎⴰⵎ ⴰⵎⴰⵢⵏⵓ ⵏ ⵓⵎⵣⴷⴰⵢ ⵏ ⵜⵉⴳⴰⵡⵜ ⵏ ⵉⵎⵏⴱⴰⴹⵏ ⵏ ⵓⵙⵍⴳⵏ ⵉⵏⴰⵎⵓⵔⵏ ⵏ ⵓⵕⵓⴱⴱⴰ.
ⵉⵙⵏⴼⵉⵍⵏ ⴰⴷ ⵏⵏⴰ ⵢⴰⵎⵓ ⵓⵏⵎⵀⴰⵍ ⴰⵎⴰⵜⴰⵢ, ⵎⴰⵙⵙ ⴱⵏⵄⵉⵙⵙⴰ ⵄⵙⵍⵓⵏ ⴷ ⴽⵉⴳⴰⵏ ⵏ ⵉⵏⵎⵀⴰⵍⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⵡⵉⵏ ⴷ ⴰⵡⴷ ⵅⴼ ⵜⵥⵍⴰⵢⵜ ⵏ ⵢⵉⵔⵎⵏ ⵉⵎⵖⵔⴰⴱⵉⵢⵏ ⴷ ⵉⵍⴰⵍⵎⴰⵏⵉⵢⵏ ⴷ ⵜⵎⵙⵍⴰⵢⵉⵏ ⵜⵉⴷⵙⵍⴰⵏⵉⵏ ⵉⵜⵜⵓⵣⵎⵎⴻⵎⵏ ⴳ ⵜⵎⵙⵙⴽⵜⵉⵜ ⵏ ⵜⵎⵔⵙⴰⵍ ⵏ ⵓⵙⵍⴳⵏ ⵏ ⵙⵏⴰⵜ ⵜⵎⵓⵔⴰ ⵢⴰⴷ ⴳ ⵉⵍⵍⴰ ⵓⵎⵏⵏⵓⵖ ⵎⴳⴰⵍ ⵉⵏⵖⵎⵉⵙⵏ ⵏ ⵜⴽⵔⴽⴰⵙ ⴷ ⵉⵏⴰⵡⵏ ⵏ ⵓⴽⵙⴰⵏ, ⴰⴹⵎⴰⵏ ⵏ ⵜⵎⴰⴳⵓⵜ ⵏ ⵓⵡⵏⵏⵉ, ⴰⴼⵔⴰⴳ ⵏ ⵓⴳⴷⵓⴷ ⴰⵎⵥⵢⴰⵏ...
ⵉⵡⵏⴰⵏ ⵏ ⵓⵔⵣⴰⴼ ⴰⴷ, ⵜⵙⵙⴽⵔ ⵜⵙⵎⵉⵔⵉⵜ ⵜⴰⵍⴰⵍⵎⴰⵏⵉⵜ ⴽⵉⴳⴰⵏ ⵏ ⵜⵉⵔⴰⵎ ⵏ ⵜⵡⵓⵔⵉ ⵏⵜⵜⴰⵜ ⴷ ⵉⵎⴰⵙⴰⵢⵏ ⵏ ⵜⵣⵓⵏⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵜⵔⵣⴼ ⵜⵙⵎⵉⵔⵜ ⵉ ⵓⵙⵖⵉⵎ ⵏ ⵀⵉⵜ ⵕⴰⴷⵢⵓ ⴳ ⵕⵕⴱⴰⵟ.
