ⵙⵙⴽⵔⵏ ⴽⵕⴰⴹ ⵡⴰⴳⵏⴰⵔⵏ ⵏ ⵉⵄⵔⵔⵉⵎⵏ ⵉⴷⵉⴱⵍⵓⵎⴰⵙⵉⵢⵏ ⵏ ⵍⵎⵖⵔⵉⴱ ⴷ ⴽⵉⴳⴰⵏ ⵏ ⵜⵎⵓⵔⴰ ⵏ ⵜⴼⵔⵉⵇⵜ, ⵍⵍⴰⵏ ⴷⵖⵉ ⴳ ⵓⵙⴰⵏⵓⵏ ⴰⴳⵓⵏⵙ ⵏ ⵜⴰⴽⴰⴷⵉⵎⵉⵜ ⵜⴰⵎⵖⵔⴰⴱⵉⵢⵜ ⵏ ⵜⵖⵓⵔⵉⵡⵉⵏ ⵜⵉⴷⵉⴱⵍⵓⵎⴰⵙⵉⵏ AMED, ⵉⵣⴷⵉⵏ ⵙ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⴷ ⵓⵎⵢⴰⵡⴰⵙ ⴰⴼⵔⵉⵇ ⴷ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴱⵕⵕⴰ, ⵙⵙⴽⵔⵏ ⵢⴰⵏ ⵓⵔⵣⴰⴼ ⵏ ⵓⵙⵏⵖⵎⵙ ⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵙ ⵏ 1 ⴽⵜⵓⴱⵕ 2024.
ⴰⴽⴰⴱⴰⵔ ⵏ AMED, ⵎⵉ ⵉⵣⵡⴰⵔ ⵓⵏⵎⵀⴰⵍ ⵏ ⵜⵎⵔⵙⵍⵜ ⵎⴰⵙⵙ ⵍⵡⴰⴼⵉ ⴱⵓⴽⵉⵍⵉ ⵎⴰⵅⵓⵅⵉ, ⵜⵙⵏⵓⴱⴳ ⵜ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵎⴰⵙⵙ ⴱⵏⵄⵉⵙⵙⴰ ⵄⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ, ⵏⵏⴰ ⵉⵎⵍⵏ ⵙ ⵓⵣⵎⵣⵣⵓ ⵢⴰⴷ ⵉ ⵉⴷⵓⴱⵍⵓⵎⴰⵙⵉⵢⵏ ⵏ ⵉⵎⴰⵍ ⵢⴰⵜ ⵜⵎⵓⵖⵍⵉ ⵅⴼ ⵜⵉⴳⵉ ⵜⴰⴳⵔⴰⵖⵍⴰⵏⵜ ⵏ ⵜⵎⵔⵙⵍⵜ ⵜⴰⵎⵖⵔⴰⴱⵉⵢⵜ ⵏ ⵓⵙⵍⴳⵏ. ⵜⵙⵙⴽⵏ ⴰⵙⵏ ⵎⴰⵙⵙⴰ ⴰⵅⴰⵔⴱⴰⵛ ⴰⵙⵉⵣⵡⵔ ⵏⵏⴰ ⵉⴼⴽⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉ ⵓⵎⵢⴰⵡⴰⵙ ⴰⴽⴷ ⵜⵉⵎⵔⵙⴰⵍ ⵜⵜ ⵉⵔⵡⴰⵙⵏ ⴳ ⵜⵎⵏⵥⴰⵡⵜ ⵜⴰⴼⵔⵉⵇⵜ ⴷ ⵜⵣⵎⵎⴰⵔ ⵏⵏⴰ ⴷⴰ ⵉⵙⵙⴽⴰⵔ ⴰⴼⴰⴷ ⴰⴷ ⵉⵙⵙⵉⵡⴹ ⵜⴰⵖⵓⵛⵜ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴰⴳⵓⵏⵙ ⵏ ⵜⵎⴳⵔⴰⵡⵜ ⵜⴰⴳⵔⴰⵖⵍⴰⵏⵜ ⵏ ⵉⵙⵍⴳⴰⵏⵏ.
ⵉⵡⵏⴰⵏ ⵏ ⵓⵔⵣⴰⴼ ⴰⴷ, ⵙⵙⵎⵏⴷⵏ ⵉⵏⵎⵀⴰⵍⵏ ⴷ ⵉⵎⴰⵙⴰⵢⵏ ⵏ ⵜⵣⵓⵏⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉ ⵓⴽⴰⴱⴰⵕ ⵏ AMED ⴷ ⵉⵙⴰⵜⵉⵢⵏ ⵏⵏⵙⵏ, ⵜⵉⵙⵎⵉⴳⵍⵉⵏ ⵜⵉⴷⵙⵍⴰⵏⵉⵏ ⴷ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⵙⵏⵉⵎⴰⵏⵜ ⵢⵓⵙⵉⵏ ⴰⴳⴳⵯⴰ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴰⵙⵍⵉⵥⵕ.
ⵔⵣⴼⵏ ⴷⵉⵖ ⵉⴳⵎⴰⵎⵏ ⵏ ⵓⴽⴰⴱⴰⵕ ⵜⵉⵣⵓⵏⵉⵏ ⵜⵉⵜⵉⵇⵏⵉⵢⵉⵏ ⵏ ⵜⵎⵔⵙⵍⵜ ⴰⴳⴳⵏ ⵅⴼ ⵉⵎⴰⵙⵙⵏ ⵉⴳⵓⵏⵙⴰⵏⵏ ⵏⵏⴰ ⵉⵙⵙⴽⵔ ⵍⴰⵀⴰⴽⴰ ⵉ ⵓⵙⵙⴰⵏⵓⵏ ⵏ ⵉⵖⴰⵡⴰⵙⵏ, ⵙ ⵉⵎⵥⵍⵉ ⴰⴳⵓⵏⵙ ⵏ ⵓⵙⴰⵜⵉ ⵏ ⵜⵙⵎⵉⴳⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵢⵏⵏⴰ ⵉⵣⴷⵉⵏ ⵙ ⵓⴹⵎⴰⵏ ⵏ ⵜⵎⴰⴳⵓⵜ ⵏ ⵓⵡⵏⵏⵉ ⵏ ⵜⵎⵣⴰⵣⵉⵏ ⵏ ⵜⴰⵏⵏⴰⵢⵜ ⴰⴳⵓⵏⵙ ⵏ ⵜⵏⵣⵡⴰⵢ ⴷ ⵉⵜⵉⵍⵉⴼⵉⵣⵢⵓⵏⵏ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ, ⴳ ⵓⵣⵎⵣ ⵓⵏⵣⵉⵍ ⴷ ⵉⵡⵏⴰⵏ ⵏ ⵓⵣⵎⵣ ⵏ ⵉⵙⵜⴰⵢⵏ.
