ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ, ⵙ ⵢⴰⵏ ⵓⵙⴰⵢⵔⴰⵔ ⴰⵎⵢⴰⵖ ⵉⵥⵍⵉⵏ ⵙ ⵓⵎⵢⴰⵡⴰⴹ ⵅⴼ ⵜⵙⵎⵉⴳⴰⵍ, ⴰⵍⵍⴰⵍⵏ ⴷ ⵉⴱⴰⵖⵓⵔⵏ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⵉ ⵡⴰⵎⵓⵏ ⴷ ⵉ ⵉⵣⵔⴼⴰⵏ ⵏ ⵉⵎⵙⵡⵓⵔⴰ ⵏ ⵓⵙⵏⵖⵎⵙ.
ⵉⵡⵏⴰⵏ ⵏ ⵡⵓⵙⵙⴰⵏ ⵏ ⵓⵙⴼⵙⵔ, ⵙⵙⴽⵔⵏ ⵉⵙⴰⵜⵉⵏ ⵏ ⵜⵎⵔⵙⵍⵜ ⴽⵉⴳⴰⵏ ⵏ ⵉⵙⵎⵏⵉⴷⵏ ⵅⴼ ⵉⵙⴳⵓⵎⵏ ⵉⵅⴰⵜⴰⵔⵏ ⵏ ⵜⵎⵙⵙⴽⵜⵉⵜ ⵏ ⵓⵙⵏⴰⵎ : ⴰⴼⵔⴰⴳ ⵏ ⵓⴳⴷⵓⴷ ⴰⵎⵥⵢⴰⵏ, ⴰⵣⵔⴼ ⴳ ⵓⵏⵖⵎⵉⵙ, ⴰⵎⵏⵏⵓⵖ ⵎⴳⴰⵍ ⵉⵏⴰⵡⵏ ⵏ ⵓⴽⵙⴰⵏ, ⵜⵉⴽⵕⴹⵉ ⵎⴳⴰⵍ ⵜⴰⵎⵖⴰⵔⵜ, ⴰⵙⴳⵎⵉ ⴳ ⵓⵙⵏⵖⵎⵙ, ⴰⵜⴳ.
ⴰⴷ ⵏⵙⵙⴽⵜⵉ ⵜⴰⵥⵓⴳⴰⵢⵜ ⵏ ⵜⵎⵔⵙⵍⵜ, « ⴰⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵜⵏⴰⴼⵓⵜ ⵏ ⵢⴰⵜ ⵜⵎⵓⵖⵍⵉ ⵜⴰⵙⵍⵉⵥⵕⵜ ⵜⵉⵍⴻⵍⵍⵉ, ⵜⴰⵎⴰⴳⵓⵜ ⵜⴰⵎⵢⴰⵏⴰⵡⵜ », ⴳ ⵓⵙⴰⵢⵔⴰⵔ ⵏ ⵜⵎⵔⵙⵍⵜ ⵜⵍⵍⴰ ⵢⴰⵜ ⵜⵙⴳⴰ ⵜⴰⵎⵢⴰⵖⵜ ⴷ ⴽⵉⴳⴰⵏ ⵏ ⵜⴼⵍⵡⵉⵏ ⵏ ⵓⵙⵏⵖⵎⵙ ⴳ ⵖⵉⵢⵏ ⵉⵏⵔⵣⴰⴼ ⵏ ⵓⵙⴼⵙⵔ ⴷ ⵙ ⵉⵎⵥⵍⵉ ⵉⵏⵍⵎⴰⴷⵏ ⴷ ⵓⴳⴷⵓⴷ ⴰⵎⵥⵢⴰⵏ ⴰⴷ ⵉⵙⵉⵏⵏ ⵉⴼⵔⴷⵉⵙⵏ ⵏ ⵜⵎⵓⵖⵍⵉ ⵜⴰⵙⵍⵉⵥⵕⵜ ⵜⴰⵏⴰⵎⵓⵔⵜ, ⴰⴷ ⵉⵙⵉⵏⵏ ⵜⴰⵙⵎⵉⴳⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵏⴼⵔⵓⵜ ⵏ ⵜⵎⴰⴳⵓⵜ ⵏ ⵉⵎⵡⵓⵔⴰ ⴷ ⵓⵎⵣⵉⵣⵡⵔ ⵉⵍⴻⵍⵍⵉ ⴳ ⵢⵉⴳⵔ ⴰⴷ.
ⴰⴷ ⵏⵣⵎⵎⴻⵎ ⵉⵙ ⵜⴰⵙⵓⵜⵍⵜ ⴰⴷ, ⴳ ⵜⴳⴰ ⴽⵉⴱⵉⴽ (ⴽⴰⵏⴰⴷⴰ) ⴰⵏⴱⴳⵉ ⵏ ⵡⴰⴷⴷⵓⵔ, ⴰⵎⵓⵏ ⴷⵉⴳⵙ 773 ⵏ ⵉⵎⵙⴼⵙⵔⵏ ⴷ ⵉⴷⴷⴰⵏ ⴳ 51 ⵏ ⵜⵎⵓⵔⴰ ⴷ ⵓⵙⵎⵏⵉⴷ ⵏ 120.000 ⵏ ⵓⴷⵍⵉⵙ.
