ⴰⵙⵉⵡⴹ
ⵎⴰⵙⵙ ⵔⵓⵏⵉ ⴱⵓⵔⴳⵡⴰⵏ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵜⵎⵓⵔⵜ ⵏ ⵙⴰⵃⵉⵍ ⵍⵄⴰⵊ, ⴷ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵍⵎⵖⵔⵉⴱ ⵕⵥⵎⵏ ⴰⵙⵙ ⵏ 05 ⵛⵜⴰⵎⴱⵉⵔ 2022 ⴳ ⴰⴱⵉⴷⵊⴰⵏ ⵜⵉⵡⵓⵔⵉⵡⵉⵏ ⵏ ⵓⴳⵔⴰⵡ ⵉⵛⵛⴰⵔⵏ ⵏ ⵡⵓⴹⵓⴼ ⴰⵣⵔⴼⴰⵏ ⴷ ⵓⵙⵔⵔⵓⵙ ⵓⵏⵚⵉⴱ ⵏ ⵉⴳⵎⴰⵎⵏ ⵏⵏⵙ.
ⴰⵙⵔⵔⵓⵙ ⵏ ⵓⴳⵔⴰⵡ ⴰⴷ ⵉⵍⵍⴰ ⵉⵜⵜⵓⵖⵜⵙ ⵙ ⵓⵎⵇⵇⵓⵏ ⵏ ⵓⵎⵢⴰⵡⴰⵙ ⵏⵏⴰ ⵙⴳⵎⴹⵏⵜ ⵙⵏⴰⵜ ⵜⵎⵔⵙⴰⵍ ⴰⴷ ⵜⵉⴼⵔⵉⵇⵉⵏ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⴳ ⵛⵜⴰⵎⴱⵉⵔ 2020. ⵉⵡⵏⴰⵏ ⵏ ⵓⵏⵓⵕⵥⵎ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ, ⵉⵏⵙⵙⵉⵅⴼⵏ ⵙ ⵙⵉⵏ ⵏⵏⴰⵏ ⵉⵙ ⵜⴰⵎⵙⵙⵏⵜⵉⵜ ⴰⴷ ⵜⴳⴰ ⵢⴰⵜ ⵜⵙⵓⵔⵉⴼⵜ ⵜⴰⵎⴰⵢⵏⵓⵜ ⵏ ⵓⵎⵢⴰⵡⴰⵙ ⵏ ⵜⵉⴷⵜ ⵢⵉⵡⵉⵏ ⵖⵔ ⵓⴱⴰⵖⵓⵔ ⵏ ⵉⵏⵎⵓⵔⵉⵏ ⵉⵙⵡⵓⵔⵉⵏ ⵉⵎⴰⵙⵙⵏ ⵏ ⵓⵙⵏⵖⵎⵙ, ⵢⴰⵡⵉ ⵖⵔ ⴰⵙⴷⵓⵙ ⵏ ⵜⵎⵓⵣⴰⵢⵜ ⵏ ⵓⵎⵙⵏⴰⵎ. ⵜⵉⵙⴳⴳⵯⵉⵏ ⵙ ⵙⵏⴰⵜ, ⵙⵔⵙⵏⵜ ⴰⵛⴰⵔⵉⴹ ⴷⴷⴰⵡ ⵜⵅⵉⵜⵔⵜ ⵏ ⵜⵉⴹⴰⴼ ⵜⵉⵣⵔⴼⴰⵏⵉⵏ ⴷ ⵜⵉⵙⵍⵓⴳⴰⵏⵉⵏ ⴳ ⵢⵉⴳⵔ ⵏ ⵓⵙⵏⴰⵎ, ⴰⵛⴽⵓ ⵚⴽⴰⵏⵜ ⵅⴼ ⵜⵉⵍⴰⵍⵜ ⴷ ⵓⴷⵖⴰⵔ ⵏ ⵓⵙⵏⵖⵎⵙ ⴳ ⵜⴳⵎⵉ ⵏ ⵜⴷⵍⵙⴰ ⵜⴰⴷⵉⵎⵓⵇⵕⴰⵟⵉⵢⵜ ⴷ ⵓⵙⵎⵓⵙⵙ ⵏ ⵜⵓⴷⵔⵜ ⵜⴰⴳⴷⵓⴷⴰⵏⵜ, ⴷ ⵓⵣⵓⵛⵛⵍ ⵏ ⵓⵙⴷⵓⵙ ⵏ ⵜⵎⵓⵣⴰⵢⵜ, ⵏ ⵜⵕⵡⵉ ⴷ ⵜⴰⵙⵏⵉⵎⴰⵏⵜ ⵏ ⵜⵎⵔⵙⴰⵍ ⵏ ⵓⵙⵏⴰⵎ.
ⵉⵡⵏⴰⵏ ⵏ ⵓⵎⵙⴳⵔⴰⵡ ⴰⵎⵣⵡⴰⵔⵓ ⵏ ⵓⴳⵔⴰⵡ ⵏ ⵡⵓⴹⵓⴼ ⵏⵏⴰ ⵉⵜⵜⵓⵙⴽⵔⵏ ⴳ ⵓⵙⵖⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵜⵎⵓⵔⵜ ⵏ ⵙⴰⵃⵉⵍ ⵍⵄⴰⵊ, ⵉⴳⵎⴰⵎⵏ ⵏ ⵓⴳⵔⴰⵡ ⵎⵓⵏⵏ ⴰⴽⴽⵯ ⴳ ⵉⵙⵡⵉⵏⴳⵎ ⵏⵏⵏⵙⵏ ⵅⴼ ⵉⵙⵇⵙⵉⵜⵏ ⵉⵅⴰⵜⴰⵔⵏ ⵉⵍⵍⴰⵏ ⴳ ⵜⵡⵔⵉⵇⵜ ⵏ ⵜⵡⵓⵔⵉ ⵏ ⵙⵏⴰⵜ ⵜⵎⵔⵙⴰⵍ ⴰⴷ ⵏ ⵓⵙⵏⴰⵎ ⴳ ⵢⴰⵜⵏ ⵓⵎⵏⴰⴹ ⴳ ⵜⴰⵖⵓⵍ ⵜⵣⵎⵔⵜ ⵏ ⵜⵙⵉⵍⴰⵡⵉⵏ ⵜⵉⵎⵓⵟⵟⵓⵏⵉⵏ ⴷⴰ ⵜⵜⴳⴳⴰⵏⵜ ⵛⵛⵉⵍ ⵏ ⴽⵉⴳⴰⵏ ⵏ ⵜⵏⵥⵕⵉⵏ ⵉ ⵎⴷⴷⵏ ⴷ ⵡⴰⵎⵓⵏⵏ ⵙ ⵉⵎⵥⵍⵉ ⵉ ⴰⵎⵓⵏⵏ ⴼⵔⵉⵇⵏ.
ⴰⴳⵔⴰⵡ ⵉⵛⵛⴰⵔⵏ ⵏ ⵜⵉⴹⴰⴼ ⵜⵉⵣⵔⴼⴰⵏⵉⵏ ⴷⵉⴳⵙ ⵎⴰⵙⵙ ⴽⵓⵏⵉ ⵙⵉⵎⵢⵓⵏ, ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵉⵣⵔⴼⴰⵏⵉⵏ, ⵎⴰⵙⵙ ⵢⴰⵎⵢⴰⵏ ⴽⵓⵏⴰⵏ ⵔⵓⵍⴰⵏⴷ, ⴰⵏⵎⵀⴰⵍ ⵡⵉⵙⵙ ⵙⵉⵏ ⵏ ⵓⵙⵍⴳⵏ ⴷ ⵎⴰⵙⵙⴰ ⴽⴰⵏⵖⴰ ⵓⵍⵉⵢⵓⵏ ⵏⵓⵏⴰⵀⵉ ⵜⴰⵏⴳⵓⵢ, ⴰⵏⵙⵙⴼⴰⵡ ⴰⵜⵉⵇⵏⵉ, ⴰⵎⴰⵙⴰⵢ ⵏ ⵜⵖⵓⵔⵉⵡⵉⵏ ⴷ ⵜⵡⵓⵔⵉⵡⵉⵏ ⵏ ⵉⵎⴰⵍ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵙⴰⵃⵉⵍ ⵍⵄⴰⵊ ⴷ ⵎⴰⵙⵙ ⴰⵕⵓⵙⵙⵉ ⵉⴷⵔⵉⵙⵙⵉ ⵍⵎⴰⵀⴷⵉ, ⴰⵏⵎⵀⴰⵍ ⵏ ⵜⵣⵓⵏⵉ ⵏ ⵜⵖⵓⵔⵉⵡⵉⵏ ⵜⵉⵣⵔⴼⴰⵏⵉⵏ ⴷ ⵎⴰⵙⵙ ⵄⴰⵍⴰⵎⵉ ⵄⵓⵜⵎⴰⵏ, ⴰⵙⴰⵜⵉ ⴰⵎⴰⵜⵜⴰⵢ ⴳ ⵜⵣⵓⵏⵉ ⵏ ⵜⵖⵓⵔⵉⵡⵉⵏ ⵜⵉⵣⵔⴼⴰⵏⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵍⵎⵖⵔⵉⴱ.
