ⵜⵕⵥⵎ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴰⵙⵙ ⵏ 6 ⵛⵜⴰⵎⴱⵉⵔ 2022, ⴳ ⴰⴱⵉⴷⵊⴰⵏ, ⵏⵜⵜⴰⵜ ⴷ ⵢⵉⴽⵏ ⵏⵏⵙ ⵙⴳ ⵙⴰⵃⵍ ⵍⵄⴰⵊ ⵎⴰⵙⵙ ⵔⵓⵏⵉ ⴱⵓⵔⴳⵡⴰⵏ, ⵕⵥⵎⵏ ⴰⵎⵎⴰⵙ ⴰⵎⴰⵢⵏⵓ ⵏ ⵜⵎⵙⵙⴰⵏⵓⵏⵜ ⵏ ⵉⵖⴰⵡⴰⵙⵏ ⵉⵙⵍⵉⵥⵕⵏ ⵏ ⵓⵙⵏⴰⵎ ⵏ ⵉⵙⵏⵖⵎⵉⵙⵏ ⵏ ⵙⴰⵃⵍ ⵍⵄⴰⵊ. ⴰⵎⵎⴰⵙ ⴰⴷ ⵉⵣⴷⵉ ⴷ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵙⴰⵃⵍ ⵍⵄⴰⵊ, ⴰⵔ ⵉⵙⵡⵓⵔⵉ ⵜⴰⵙⴰⵔⵓⵜ ⵏ ⵓⵖⴰⵡⴰⵙ ⵏ ⵜⵎⵙⵙⴰⵏⵓⵏⵜ ⵏⵏⴰ ⵉⵙⵙⴽⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵎⵖⵔⴰⴱⵉ (HMS) ⴰⵖⴰⵡⴰⵙ ⴰⴷ ⴰⵎⵖⵔⴰⴱⵉ ⵜⴻⵜⵜⵓⵙⵔⵙ ⵜⵓⵔⴰⴳⵜ ⵏⵏⵙ ⵖⵓⵔ ⵜⵎⵙⴷⵓⵙⵜ ⵜⴰⵎⴰⴹⵍⴰⵏⵜ ⵏ ⵡⴰⵢⵍⴰ ⴰⵡⵏⴳⵉⵎ. ⴰⵙⵎⴰⵔ ⵏⵏⵙ ⵖⵓⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ ⵙⴰⵃⵍ ⵍⵄⴰⵊ, ⵜⴰⵎⵔⵙⵍⵜ ⵜⴰⴽⵏⵉⵡⵜ ⵏ ⵜⵎⵔⵙⵍⵜ ⵜⴰⵎⵖⵔⴰⴱⵉⵢⵜ, ⵜⵙⵙⴽⵔ ⵜ ⵢⴰⵜ ⵜⵔⴰⴱⴱⵓⵜ ⵏ ⵉⵜⵉⵇⵏⵉⵢⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵎⵖⵔⴰⴱⵉ ⴳ ⵓⵙⴰⵜⵉ ⵏ ⵢⴰⵏ ⵓⵎⵙⴰⵙⴰ ⵏ ⵜⵎⴰⵡⴰⵙⵜ ⴳⵔ ⵙⵏⴰⵜ ⵜⵎⵔⵙⴰⵍ ⴰⴷ ⵏ ⵓⵙⵏⴰⵎ.
ⴰⵡⴰⵍⴰ ⵏ ⵜⵙⴰⵔⵓⵜ ⴰⴷ ⵉⴷⵓⵙⵏ, ⵉⵍⵍⴰⵏ ⵢⴰⴷ ⵖⵓⵔ ⴽⵉⴳⴰⵏ ⵏ ⵜⵎⵔⴰⵡⵉⵏ ⵏ ⵉⵎⵙⵏⴰⵎⵏ ⵉⴼⵔⵉⵇⵏ, ⵔⴰⴷ ⵜⴰⴷⵊ ⴰⵎⵎⴰⵙ ⴰⴷ ⴰⵎⴰⵢⵏⵓ ⵏ ⵜⵎⵙⵙⴰⵏⵓⵏⵜ ⵏ ⵉⵖⴰⵡⴰⵙⵏ ⵉⵙⵍⵉⵥⵕⵏ ⵏ ⵙⴰⵃⵍ ⵍⵄⴰⵊ ⴰⴷ ⵜⴹⴼⵓⵕ ⵉⵖⴰⵡⴰⵙⵏ, ⵜⵉⵙⴰⵔⴰⴳⵉⵏ ⴰⴽⴽⵯ ⵏ ⵡⴰⵙⵙ ⴷ ⵡⵓⵙⵙⴰⵏ ⴰⴽⴽⵯ ⵏ ⵉⵎⴰⵍⴰⵙⵙ, ⴰⴷ ⵜⴹⴼⵓⵕ 60 ⵏ ⵜⵏⴼⴰⴼⵓⵜⵉⵏ ⵜⵉⵏⵣⵡⴰⵢⵉⵏ ⴷ 12 ⵏ ⵜⵏⴰⴼⵓⵜⵉⵏ ⵜⵉⵜⵍⴼⴰⵣⵉⵏ ⵏⵏⴰ ⵉⵣⵓⵣⵣⵓⵔⵏ ⵙⴳ ⵜⵎⴷⵉⵏⵜ ⵏ ⴰⴱⵉⴷⵊⴰⵏ ⴷ 36 ⵏ ⵜⵏⴰⴼⵓⵜⵉⵏ ⵜⵉⵏⵣⵡⴰⵢⵉⵏ ⵏⵏⴰ ⴷⴰ ⵉⵣⵓⵣⵣⵓⵔⵏ ⵙⴳ ⵜⵙⴳⴳⵯⵉⵏ ⵏ ⴱⵓⵡⴰⴽⵉ ⴷ ⴽⵓⵔⵀⵓⴳⵓ.
ⵉⵡⵏⴰⵏ ⵏ ⵜⴳⵓⵔⵉ ⵏⵏⵙ ⵙ ⵉⵍⵎⵏⴷ ⵏ ⵓⵏⵏⵓⵕⵥⵎ ⵓⵏⵚⵉⴱ, ⵜⵏⵏⴰ ⵎⴰⵙⵙⴰ ⴰⵅⵔⴱⴰⵛ: “ⴰⵢⵏⵏⴰ ⵙ ⵏⵙⴼⵓⴳⵍⴰ ⵙ ⵓⵏⵏⵓⵕⵥⵎ ⵏ ⵡⴰⵎⵎⴰⵙ ⴰⴷ, ⵉⴳⴰ ⵜⵎⵓⵣⴰⵢⵜ ⴷ ⵜⵎⴰⵡⴰⵙⵜ ⵜⴰⴼⵔⵉⵇⵜ. ⴰⵢⴰ ⵉⴳⴰ ⵜⴰⵖⴰⵔⴰⵙⵜ ⵉⵖⵓⴷⴰⵏ ⵉⵎⵓⵏⵏ ⴷ ⵜⵎⵓⵖⵍⵉ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⴷ ⵡⵉⵙⵙ ⵙⴹⵉⵙ ⵕⴱⴱⵉ ⴰⴷⴰ ⵙ ⵢⴰⵡⵙ, ⵏⵏⴰ ⵉⵏⵏⴰⵏ ⴳ ⵜⵉⵏⴰⵡⵜ ⵏⵏⵙ ⵏ ⴼⵓⵔⴰⵔ 2014, ⴷⴰ ⴳ ⴰⴱⵉⴷⵊⴰⵏ: “ ⵜⴰⴼⵔⵉⵇⵜ ⵉⵇⵇⴰⵏ ⵜⵜ ⴰⴷ ⵜⴰⵎⵏ ⴳ ⵜⴼⵔⵉⵇⵜ”””. ⵜⵏⵏⴰ ⴷⵉⵖ ⵉⵙ ⴰⵎⵢⴰⵡⴰⵙ ⴳⵔ ⵜⵎⵔⵙⴰⵍ ⵙ ⵙⵏⴰⵜ ⵉⵜⵜⵓⵙⴷⵓⵙ ⵉⴼⴽ ⴷ ⵉⵣⴷⴰⵢⵏ ⵏ ⵜⵉⴷⵜ, ⴰⵢⴰ ⵢⵜⵡⵉ ⵜ ⵉⴷ ⵜⴰⵏⵏⴰⵢⵜ ⵉⴳⴰⵏ ⵢⴰⵜ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵡⵜⵜⴰⵙ ⵏ ⵓⵙⵏⴰⵎ ⴰⵙⵏⵉⵎⴰⵏ ⵏ ⵓⵙⵏⵖⵎⵙ. ⵜⵔⵏⵓ ⵜⵏⵏⴰ “ⴰⵡⵜⵜⴰⵙ ⵏ ⵜⵉⴷⵜ ⵏ ⵓⵙⵏⴰⵎ ⵏ ⵓⵙⵏⵖⵎⵙ , ⵉⴳⴰ ⵜⴰⵏⴰⴼⵓⵜ ⵏ ⵉⵣⵔⴼⴰⵏ ⵏ ⵉⵏⵎⵓⵔⵉⵏ ⴳ ⵜⵓⵎⴰⵢⵉⵏ ⵏ ⵓⵙⵏⵖⵎⵙ ⴰⵎⴰⴳⵓⵜ, ⵉⵍⴰⵏ ⵓⴷⴷⵓⵔ, ⴰⵎⵣⵔⴰⴽ ⵏ ⵉⵣⵔⴼⴰⵏ ⵏ ⵓⵎⴷⴰⵏ ⴷ ⵡⴰⵜⵉⴳⵏ ⵉⴷⵉⵎⵓⵇⵔⴰⵟⵉⵢⵏ ⵏ ⵜⴳⵎⵉ ⵏ ⵜⴰⵎⵓⵏⵜ ⵜⴰⵏⴰⵎⵓⵏⵜ ⴷ ⵜⵓⴷⵔⵜ ⵜⴰⴳⵔⴰⵡⴰⵏⵜ”.
ⵜⴰⴼⵓⴳⵍⴰ ⴰⴷ ⵏ ⵓⵏⵏⵓⵕⵥⵎ ⵜⴻⵜⵜⵓⵙⴽⵔ ⵙ ⵓⵃⵉⴹⵕ ⵏ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⵙⴰⵃⵉⵍ ⵍⵄⴰⵊ ⵎⴰⵙⵙ ⵄⴱⴷ ⵍⵎⴰⵍⴽ ⴽⵜⵜⴰⵏⵉ, ⴷ ⴽⵉⴳⴰⵏ ⵏ ⵎⴷⴷⵏ ⵢⴰⴹⵏ ⵏ ⵓⵙⵏⵖⵎⵙ ⴷ ⵜⵙⵔⵜⵉⵜ ⵏ ⵙⴰⵃⵉⵍ ⵍⵄⴰⵊ. ⴰⴽⴰⴱⴰⵔ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵉⵍⵍⴰ ⵎⴰⵙⵙ ⵅⴰⵍⵉⵍ ⵉⴷⵔⵉⵙⵙⵉ ⵄⴰⵍⴰⵎⵉ, ⴰⴳⵎⴰⵎ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙ ⵍⵎⵀⴷⵉ ⵄⵕⵓⵙⵙⵉ, ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵜⵉⵣⵔⴼⴰⵏⵉⵏ ⴷ ⵎⴰⵙⵙ ⵟⴰⵍⴰⵍ ⵚⴰⵍⴰⵃⴷⴷⵉⵏ, ⴰⵎⴰⵙⴰⵢ ⵏ ⵜⵖⴰⵡⵙⵉⵏ ⵜⵉⴼⵔⵉⵇⵉⵏ ⴷ ⵜⴳⵔⴰⵖⵍⴰⵏⵉⵏ, ⵏⵏⴰ ⵢⴰⵎⵓⵏ ⴳ ⵜⵡⵓⵔⵉⵡⵉⵏ ⵏ ⵓⴳⴰⵔⵡ ⴰⵎⵣⵡⴰⵔⵓ ⵜⴰⵎⵓⵏⵜ ⵏ ⵜⵉⴹⴰⴼ ⵜⴰⵣⵔⴼⴰⵏⵜ ⵉⵜⵜⵓⴳⴰⵏ ⴰⵙⵙ ⵏ 5 ⵛⵜⴰⵎⴱⵉⵔ 2022. ⴰⵙⵏⵓⵍⴼⵓ ⵏ ⵜⴳⵔⴰⵡⵜ ⵜⴻⵜⵜⵓⵖⵜⵙ ⵙⴳ ⵖⵓⵔ ⵙⵏⴰⵜ ⵜⵎⵔⵙⴰⵍ ⴰⴷ ⴳ ⵓⵡⵜⵜⴰⵙ ⵏ ⵓⵎⵢⴰⵡⴰⵙ ⴷ ⵓⵙⵎⵓⵏ ⵏ ⵜⵣⵎⵎⴰⵔ ⴳ ⵓⴱⵔⵉⴷ ⵏ ⵓⵙⴳⵎⵉ ⵏ ⵓⵙⵍⵓⴳⵏ ⵏⵏⴰ ⵉⵍⵍⴰⵏ ⴳ ⵓⵙⵏⵖⵎⵙ ⴰⴳⵓⵏⵙ ⵏ ⵓⵎⵏⴰⴹ ⵏ ⵓⵙⵓⵜⵍ ⴷ ⵓⵙⵎⵓⵟⵟⵏ ⵏ ⵓⵎⵢⴰⵡⴰⴹ.
