ⵜⵙⵏⵓⴱⴳ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵙⵙ ⵏ 28 ⵢⵓⵏⵢⵓ 2022 ⴳ ⵓⵙⵖⵉⵎ ⵏ ⵜⵎⵔⵙⵍⵜ, ⵎⴰⵙⵙⴰ ⴱⴰⵜⵔⵉⵙⵉⵢⴰ ⴱⵉⵍⴰⵔ ⵍⵓⵎⴱⴰⵕ ⴽⵓⵙⵙⴰⴽ, ⵜⴰⵎⵙⵇⴰⴷⵜ ⵏ ⵜⵎⵓⵏⵜ ⵜⴰⵓⵕⵓⴱⴱⵉⵢⵜ ⴳ ⵍⵎⵖⵔⵉⴱ.
ⵉⵡⵏⴰⵏ ⵏ ⵓⵎⵙⴳⵔⴰⵡ ⴰⴷ, ⵜⵙⵎⵏⴷ ⵎⴰⵙⵙⴰ ⴰⵅⵔⴱⴰⵛ ⵉ ⵜⴷⵉⴱⵍⵓⵎⴰⵙⵉⵢⵜ ⵜⴰⵓⵕⵓⴱⴱⵉⵢⵜ ⵜⴰⵎⴰⵙⴰⵢⵜ, ⵜⵉⵎⵔⵙⵉ ⵜⴰⵎⵔⵙⴰⵍⵜ ⴷ ⵡⴰⴳⴳⴰⵜⵏ ⵉⴷⵙⵍⴰⵏⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵏⵉⵎⴰⵏⵜ ⵢⵓⵙⵉⵏ ⵜⴰⵙⵎⵉⴳⵍⵜ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.
ⵜⴱⴷⵔ ⴷⵉⵖ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵉⵜⵙ ⵏ ⵉⵎⴷⵢⴰⵜⵏ ⵏ ⵜⵖⵜⴰⵙⵉⵏ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵙⵙⴽⴰⵏⵏ ⵜⴰⵡⵓⵔⵉ ⴷ ⵜⵎⴰⵙⴰⵢⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵢⵉⴳⵔ ⵏ ⵓⵙⵎⵓⵜⵜⴳ ⵏ ⵓⵙⵉⴽⵙⵍ ⵏ ⵡⴰⵏⴰⵡ ⴷ ⵓⵙⴱⴷⴷⵉ ⵏ ⵜⵡⵍⴰⴼⵉⵏ ⵜⵉⵏⴰⴱⴰⵡⵉⵏ ⵏ ⵜⵎⵖⴰⵔⵜ ⴳ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ. ⵙⴰⵡⵍⵏ ⴰⵍⵜⵓ ⵅⴼ ⵜⵎⵙⴰⵔⵉⵏ ⵏ ⵜⵏⴼⵔⵓⵜ ⵏ ⵓⵙⴳⵓⵜ ⴳ ⵓⵙⵏⵖⵎⵙ ⴳ ⵉⵣⵎⴰⵣ ⵏ ⵉⵙⵜⴰⵢⵏ ⴷ ⵉⵣⵎⴰⵎⴰⵣ ⵢⴰⴹⵏ, ⴷ ⵜⵉⴳⴰⵡⵜ ⵏ ⵜⵎⵔⵙⵍⵜ ⵏ ⵓⵙⵏⴰⵎ ⴳ ⵜⵙⴳⴰ ⵏ ⵓⵙⵎⵓⵜⵜⴳ ⵏ ⵜⵎⵢⴰⵏⴰⵡⵜ.
ⵜⴰⴷⴷ ⴰⵍⵜⵓ ⵎⴰⵙⵙⴰ ⴰⵅⵔⴱⴰⵛ ⵅⴼ ⵜⵡⵓⵔⵉ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⴳⵓⵏⵙ ⵏ ⵜⵙⴰⵍⵉⵡⵉⵏ ⵏ ⵓⵎⵢⴰⵡⴰⵙ ⴳⵔ ⵜⵎⵔⵙⴰⵍ ⵏ ⵓⵙⵏⴰⵎ ⵏ ⵓⵙⵏⵖⵎⵙ, ⵙ ⵉⵎⵥⵍⵉ ⴳ ⵜⵙⴽⴰⵍⵉⵡⵉⵏ ⵜⵉⴼⵔⵉⵇⵉⵏ, ⵜⵉⴳⵔⴰⴽⴰⵍⵉⵏ, ⵜⵉⵏⵙⵍⵎⵉⵏ ⴷ ⵜⴼⵔⵓⵏⴽⵓⴼⵓⵏⵉⵏ, ⵜⵙⵏⵖⵎⵙ ⴷⵉⵖ ⵜⴰⴳⵏⵙⴰⵙⵜ ⵏ ⵜⵎⵓⵏⵜ ⵜⴰⵓⵕⵓⴱⴱⵉⵢⵜ ⵅⴼ ⵓⴱⵖⵓⵔ ⵏ ⵓⵎⵜⴰⵡⴰ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵓⴹⴼⴼⵓⵕ ⵏ ⵓⵣⵣⵉⴳⵣ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⴳ ⵜⵙⴰⵍⵉⵡⵉⵏ ⴳ ⵜⵎⵏⴰⴹⵜ ⵏ ⵓⵕⵓⴱⴱⴰ, ⵙ ⵉⵎⵥⵍⵉ ⴰⵙⵎⵓⵜⵜⵉ ⴰⴳⵓⵏⵙ ⵏ ⵉⴷⴰⴱⵓⵜⵏ ⵉⴳⵎⴰⵎⵏ ⵏ ⵜⵎⵓⵏⵜ ⵜⴰⵓⵕⵓⴱⴱⵉⵢⵜ ⵉⵣⴷⵉⵏ ⴷ ⵜⴰⵔⴰⵜ ⵜⴰⵓⵕⵓⴱⴱⵉⵢⵜ ⵅⴼⵅⴼ ⵜⵏⴰⴼⵓⵜⵉⵏ ⵏ ⵓⵙⵏⵖⵎⵙ ⴰⵙⵍⵉⵥⵕ.
ⴳ ⵜⵙⴳⴰ ⵏⵏⵙ, ⵜⵏⵏⴰ ⵎⴰⵙⵙⴰ ⴱⴰⵜⵔⵉⵙⵉⵢⴰ ⴱⵉⵍⴰⵔ ⵍⵓⵎⴱⴰⵕ ⴽⵓⵙⵙⴰⴽ ⵉⵙ ⵔⴰⴷ ⵜⴹⴼⵓⵕ ⵜⵉⴳⴰⵡⵜ ⵏ ⵜⵎⵔⵙⵍⵜ ⵜⴰⵎⵖⵔⴰⴱⵉⵢⵜ ⵏ ⵓⵙⵏⴰⵎ ⴳ ⵜⵎⵜⵜⴰ ⵏ ⵓⵙⵎⵓⵜⵜⴳ ⵏ ⵡⴰⵜⵉⴳⵏ ⵏ ⵓⵙⵙⵓⵎⵓ ⴷ ⵓⵙⵉⴽⵙⵍ ⴳⵔ ⵜⵎⵖⴰⵔⵜ ⴷ ⵓⵔⴳⴰⵣ. ⵜⴼⵕⵃ ⴷⵉⵖ ⵙ ⵜⵡⵓⵔⵉ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⴰⵎⴷⵔⴰⵡ ⴳ ⵓⵖⴰⵡⴰⵙ ⵏ ⵓⵙⵉⴽⵙⵍ ⴷ ⵓⵙⵡⵓⵔⵉ ⵏ ⵓⵖⴰⵡⴰⵙ ⵓⵏⴱⵉⴹ ⵉ ⵓⵙⵉⴽⵙⵍ, ⵎⵓⵙⵙⴰⵡⴰⵜ.
ⵜⵏⵏⴰ ⵜⴷⵉⴱⵍⵓⵎⴰⵙⵉⵜ ⵉⵙ ⵜⵖⵉⵢ ⴰⴷ ⵜⵙⴷⵓⵙ ⵉⵙⵏⵉⴼⵉⵍⵏ ⴰⴽⴷ ⵉⵎⴰⵙⴰⵢⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⴼⴰⴷ ⴰⴷ ⵜⵜⵓⵡⴰⵙⵙⵏⵏ ⴽⵔⴰ ⵏ ⵉⵙⴳⵓⵎⵏ ⴷ ⵉⵙⵏⵜⵉⵢⵏ ⵏ ⵓⵎⵢⴰⵡⴰⵙ ⴳ ⵓⵙⴰⵜⵉ ⵏ ⵜⵎⴷⵔⴰⵡⵜ ⴳⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵜⴰⵓⵕⵓⴱⴱⵉⵜ, ⴰⵡⴷ ⴳ ⵜⵖⴰⵔⴰⵙⵉⵏ ⵏ ⵓⵎⵢⴰⵡⴰⵙ ⴰⴽⴷ , ⴰⴳⵔⴰⵡ ⵏ ⵉⵎⵙⵏⴰⵎⵏ ⵓⵔⵓⴱⴱⵉⵢⵏ ⵏ ⵜⵏⴰⴼⵓⵜⵉⵏ ⵏ ⵓⵙⵏⵖⵎⵙ ⴰⵙⵍⵉⵥⵕ.