ⵢⴰⵏ ⵓⴳⵔⴰⵡ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵏⵣⵡⴰⵢ ⴷ ⵓⵜⵉⵍⵉⴼⵉⵣⵢⵓⵏ ⵏ ⵜⴳⴷⵓⴷⴰⵏⵜ ⵏ ⵜⵓⵕⴽⵢ, ⵏⵏⴰ ⵎⵉ ⵉⵣⵡⴰⵔ ⵓⵏⵙⵙⵉⵅⴼ ⵏⵏⵙ ⵎⴰⵙⵙ ⵉⴱⵓⴱⴽⵉⵔ ⵙⴰⵀⵉⵏ, ⵜⵙⵙⴽⵔ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⴰⵙⵙ ⵏ 22 ⵉⴱⵔⵉⵔ ⵖⵔ ⵓⵙⵖⵉⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵕⵕⴱⴰⵟ.
ⴰⵔⵣⴰⴼ ⴰⴷ, ⵉⴳⴰⵏ ⴰⵎⵣⵡⴰⵔⵓ ⴳ ⵓⵎⵢⴰⵡⴰⵙ ⴳⵔ ⵙⵏⴰⵜ ⵜⵎⵔⵙⴰⵍ ⴰⴷ, ⵉⵜⵜⵓⵙⴽⵔ ⴰⴼⴰⴷ ⴰⴷ ⵜⵜⵓⵙⵎⵏⴷⵏⵜ ⵜⵙⵎⴰⴳⴰⵍⵉⵏ, ⵜⵉⵡⵓⵔⵉⵡⵉⵏ ⴷ ⵜⵢⴰⴼⵓⵜⵉⵏ ⵏ ⵓⵙⵏⴰⵎ ⵏ ⴽⵓ ⵜⴰⵎⵔⵙⵍⵜ. ⵉⵎⵙⵏⴰⵎⵏ ⴰⴷ ⵙ ⵙⵉⵏ, ⵙⵏⵉⴼⵍⵏ ⴳⵔⴰⵙⵏ ⵉⵙⴳⵓⵎⵏ ⵉⵎⵇⵔⴰⵏⵏ ⵏ ⵉⵖⴰⵡⴰⵙⵏ ⵏⵏⵙⵏ ⴷ ⵓⵣⵣⵉⴳⵣ ⵏ ⵜⵎⵓⵖⵍⵉ ⵜⴰⵙⵍⵉⵥⵕⵜ ⵏ ⵜⵎⵓⵔⴰ ⵏⵏⵙⵏ ⴷⴰⵜ ⵉⵙⵏⵉⴼⵉⵍⵏ ⵉⵜⵉⴽⵏⵓⵍⵓⵊⵉⵢⵏ ⵏ ⵓⵎⵢⴰⵡⴰⴹ ⴷ ⵓⵙⵏⴱⵓⵜⵜⵍ ⵏ ⵓⵙⵡⵓⵔⵉ ⵏ ⵓⵙⵏⵖⵎⵙ.
ⴳ ⵓⴳⵔⴰⵡ ⴰⴷ, ⵏⵏⴰ ⴳ ⴰⵎⵓⵏ ⵎⴰⵙⵙ ⴱⵏⵄⵉⵙⵙⴰ ⴰⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⴽⵉⴳⴰⵏ ⵏ ⵉⵏⵎⵀⴰⵍⵏ ⴷ ⵉⵎⴰⵙⴰⵢⵏ ⵏ ⵙⵏⴰⵜ ⵜⵎⵔⵙⴰⵍ, ⵜⴰⵎⵓ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⴷ ⵉⴽⵏⵉ ⵏⵏⵙ ⴰⵜⵓⵕⴽⵉ ⵣⵣⵔⵉⵏ ⴷⴰⵜⴰⵙⵏ ⵉⵎⵏⵉⴷⵏ ⵏ ⵓⵎⵢⴰⵡⴰⵙ ⴰⴳⵓⵏⵙ ⵏ ⵉⵥⴹⵡⴰⵏ ⵉⴳⵔⴰⵖⵍⴰⵏⵏ ⵏ ⵓⵙⵏⴰⵎ ⴳ ⴳⴰⵏ ⵉⴳⵎⴰⵎⵏ ⴰⵎⵎ ⵓⴳⵔⴰⵡ ⵏ ⵉⵎⵙⵏⴰⵎⵏ ⵉⵙⵍⵉⵥⵕⵏ ⵏ ⵜⵎⵓⵔⴰ ⵏ ⵜⵎⵙⴷⵓⵙⵜ ⵏ ⵓⵎⵢⴰⵡⴰⵙ ⴰⵏⵙⵍⵎ IBRAF ⵏⵏⴰ ⵎⵉ ⵜⴳⴰ ⵜⵓⵕⴽⵢⴰ ⴰⵎⴰⵔⴰⵢ ⴰⵙⵓⵍⴰⵏ ⵏⵉⵖ ⴰⵥⵟⵟⴰ ⵏ ⵜⵎⵔⵙⴰⵍ ⵏ ⵓⵙⵏⴰⵎ ⵏ ⵢⵉⵍⵍ ⴰⵎⵍⵍⴰⵍ RIRM .
ⵙ ⵓⵢⴰⴷ, ⵜⵙⴰⵡⵍ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⵉ ⵢⵉⴽⵏ ⵏⵏⵙ ⴰⵜⵓⵕⴽⵉ ⵅⴼ ⵜⵣⵎⵔⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵉ ⵢⵉⵡⵙ ⴳ ⵜⵣⵎⵎⴰⵔ ⴷ ⵜⴷⵉⵏⴰⵎⵉⵢⵜ ⵏ ⵜⵉⴳⴰⵡⵜ ⵏ ⵜⵙⵉⵍⴰ ⵏ ⵜⵎⵓⵔⴰ ⵜⵉⵏⵙⵍⵎⵉⵏ ⵏⵏⴰ ⴷⴰ ⵉⵜⵜⵎⵙⴳⵔⴰⵡⵏ ⵙⴳ ⵓⵙⴳⴳⵯⴰⵙ 2011, 39 ⵏ ⵜⵎⵔⵙⴰⵍ ⵏ ⵓⵙⵏⴰⵎ ⴰⵄⵔⴰⴱ, ⵉⴼⵔⵉⵇⵏ ⴷ ⵡⵉⵏ ⴰⵙⵉⵢⴰ, ⵏⵏⴰ ⵉⵙⴱⴷⴷⵏ ⵜⵉⵡⵓⵔⵉⵡⵉⵏ ⵏⵏⵙⵏ ⵙ ⵜⴰⵙⵙⴰⵙⵜ ⵏ ⵡⴰⵟⵟⴰⵏ ⵏ ⴽⵓⴼⵉⴷ 19.
ⴰⵖⴰⵡⴰⵙ ⵏ ⵓⵔⵣⴰⴼ ⵏ ⵓⴳⵔⴰⵡ ⴰⵜⵓⵕⴽⵉ ⴷⵉⴳⵙ ⴷⵉⵖ ⴰⵡⴷ ⴰⵔⵣⴰⴼ ⵏ ⵜⵣⵓⵏⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⴼⴰⴷ ⴰⴷ ⵉⵙⵉⵏⵏ ⴰⵣⵓⵔⵜ ⵏ ⵓⵙⵏⴰⵎ ⵏ ⵓⵙⵍⵉⵥⵕ ⴰⵎⵖⵔⴰⴱⵉ ⴳ ⵜⴼⵉⵔⴰⵙ ⵏⵏⵙ ⵜⵉⵎⵔⵙⴰⵍⵉⵏ, ⵜⵉⵣⵔⴼⴰⵏⵉⵏ, ⴷ ⵜⴻⵜⵉⵇⵏⵉⵢⵉⵏ.
