« ⴰⵟⵟⴰⵏ ⵏ ⴽⵓⴼⵉⴷ-19 ⵉⵙⵙⴽⵜⵉⴷ ⴳ ⵡⵓⴱⵖⵉⵔ ⴰⵏⴰⵎⵓⵏ ⴰⵅⴰⵜⴰⵔ ⵏ ⵓⵙⵏⵖⵎⵙ » ⴰⵢ ⵜⵏⵏⴰ ⵎⴰⵙⵙⴰ ⵍⴰⵟⵉⴼⴰ ⴰⵅⵔⴱⴰⵛ ⴳ ⵓⴷⵔⴰⵡ ⵏⵏⵙ ⴰⵙⵙ ⵏ 12 ⴽⵜⵓⴱⵕ 2021 ⵏ ⵓⵙⴳⵔⴰⵡ ⵡⵉⵙⵙ 21 ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵏ ⵓⵙⵏⴰⵎ ⵏ ⵢⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ, ⵏⵏⴰ ⵜⵙⵏⵎⴰⵍⴰ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⵉⵍⵉⴽⵟⵕⵓⵏⵉ ⵏ ⴽⵕⵓⵡⴰⵜⵉⵢⴰ ⵍⵍⵉⴳ ⵜⴳⴰ ⵜⴰⵏⵙⵙⵉⵅⴼⵜ ⵉⵣⵣⵉⴳⵉⵣⵏ.
ⴳ ⵓⵙⴳⵔⴰⵡ ⴰⴷ ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ « ⴰⵙⵏⵖⵎⵙ ⴰⵙⵍⵉⵥⵔ, ⵙ ⵉⵎⵥⵍⵉ ⵡⵉⵏⵏⴰ ⵉⵜⵜⵓⵙⵏⵎⵏ, ⵓⴷⴼⵏ ⴳ ⵜⵎⵙⵜⴳⴳⴰⵔⵜ ⵏⵏⵙⵏ ⵙ ⵢⴰⵜ ⵜⵖⴹⴼⵜ ⵉⵜⵜⵓⵡⴰⵍⴰⵙⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵉⵕⵡⵉ ⴷ ⵓⵏⵎⴰⵍⴰ ⵏ ⵓⵏⵖⵎⵉⵙ. ⵙⵙⴽⵏ ⴳ ⵜⵙⴳⴰ ⵢⴰⴹⵏ ⵢⴰⵜ ⵜⵣⵎⵔⵜ ⵏ ⵓⵙⵏⵓⵍⴼⵓ ⴷ ⵉⵍⵓⵍⴰⵏ ⴳ ⵜⴰⵙⵙⴰⵙⵜ ⵜⴰⵎⵓⵟⵟⵓⵏⵜ ⵏⵏⴰ ⵓⵔ ⴷⵊⵉⵏ ⵉⴽⴽⵉⵏ ».
ⵜⵔⵏⴰ ⵜⵙⵍⵡⴰⵢⵜ ⵎⴰⵙⵙⴰ ⴰⵅⵔⴱⴰⵛ ⵉⵙ ⵜⵉⴳⵓⵜ ⵏ ⴳⴰⵔ ⵉⵏⵖⵎⵉⵙⵏ ⴳ ⵓⵣⵎⵣ ⵏ ⵜⴰⵙⵙⴰⵙⵜ ⵏ ⵓⴽⵓⴼⵉⴷ-19 ⴳ ⵜⵓⵎⴰⵢⵉⵏ ⵏ ⵓⵥⵟⵟⴰ ⵏ ⵍⴰⵏⵜⵉⵔⵏⵉⵜ.
ⵜⵉⵎⵙⵙⵉⵔⴷⵉⵏ ⵏ ⵜⴰⵙⵙⴰⵙⵜ ⴳⴳⵓⵜⵏⵜ ⵙ ⵉⵎⵥⵍⵉ ⵜⵉⵏⵏⴰ ⵉⵣⴷⵉⵏ ⴷ ⵓⵎⵙⴰⵙⴰ ⵏ ⵜⵓⵎⴰⵢⵉⵏ ⵏ ⵓⵙⵏⵖⵎⵙ ⴷ ⵜⵎⵢⵓⵔⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⵎⵓⵔ ⵏⵏⵙⵏⵜ ⴳ ⵓⵎⵏⴰⴹ ⵏ ⵡⴰⵟⵟⴰⵏ, ⵜⵏⵏⴰ ⵎⴰⵙⵙⴰ ⴰⵅⵔⴱⴰⵛ : « ⵜⵉⴳⵎⵉ ⵏ ⵉⵕⴰⴷⵢⵓⵜⵏ ⵉⵜⵉⵍⵉⴼⵉⵣⵢⵓⵏⵏ ⵉⴽⵍⴰⵙⵉⴽⵉⵢⵏ ⵓⵔ ⵖⵉⵢⵏ ⴰⴷ ⵉⵍⵉⵏ ⵖⴰⵙ ⵙ ⵙⵏⴰⵜ ⵜⵣⵎⵎⴰⵔ : ⴰⵙⵖⵉⵡⵍ ⵏ ⵓⵎⵎⵓⵜⵢ ⴰⵎⵓⵟⵟⵓⵏ ⴷ ⵓⵙⴷⵓⵙ ⵏ ⵓⵙⵎⴰⵢⵏⵓ ⵏ ⵓⵣⴷⴰⵢ ⵏⵏⵙⵏ ⴷ ⵉⴳⴷⵓⴷⵏ ⵏⵏⵙⵏ ⵙ ⵉⵎⵥⵍⵉ ⵉⵄⵔⵔⵉⵎⵏ ».
ⵜⵉⵡⵓⵔⵉⵡⵉⵏ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵏ ⵓⵙⵏⴰⵎ ⵏ ⵢⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ ⴼⴽⴰⵏⵜ ⵜⵉⵔⵎⵜ ⵉ ⵓⵙⵡⵉⵏⴳⵎ ⵏ ⵜⵎⵔⵙⴰⵍ ⵜⵉⴳⵎⴰⵎⵉⵏ ⵅⴼ ⵓⵙⵇⵙⵉ ⵏ ⵓⵙⵎⴽⵍ ⴰⵙⵖⵎⵙⴰⵏ ⵏ ⵓⵣⵡⴰⴳ ⴷ ⵡⵉⵏ ⵜⵙⵙⴰⵥⵓⵕⵜ. ⵉⵔⵎ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵜⵉⴹⴰⴼ ⴷ ⵓⵙⵎⵓⵙⵙⵓ ⴷ ⵜⵏⴽⵔⴰ ⵙ ⵓⵙⵎⴽⵍ ⴰⵙⵍⵉⵥⵕ ⵏ ⵜⵎⵙⴰⵔⵉⵏ ⵏ ⵓⵣⵡⴰⴳ ⵜⵜⵓⵚⴽⴰⵏⵜ ⵅⴼ ⵡⴰⵜⵉⴳⵏ ⵉⴷⵉⵎⵓⵇⵕⴰⵟⵉⵢⵏ ⴷ ⵉⵎⵏⵣⴰⵢ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⵙⵎⵍ ⵜⵏ ⵎⴰⵙⵙⴰ ⵍⴰⵟⵉⴼⴰ ⵟⴰⵢⵃ, ⵜⴰⵏⵎⵀⴰⵍⵜ ⵏ ⵜⵣⵓⵏⵉ ⵏ ⵜⵖⵓⵔⵉⵡⵉⵏ ⵏ ⵜⵉⴳⵎⵉ ⴰⴳⵓⵏⵙ ⵏ ⵜⵎⵔⵙⵍⵜ ⵜⴰⵎⵖⵔⴰⴱⵉⵢⵜ.
ⴰⵎⵓⵏ ⴳ ⵓⵙⴳⵔⴰⵡ ⴰⴷ, ⵜⴰⵙⴳⴰ ⵏ ⵜⵎⵔⵙⴰⵍ ⵜⵉⴳⵎⴰⵎⵉⵏ ⵏ ⵜⵎⵔⵙⴰⵍ ⵏ ⵓⵙⵏⴰⵎ ⵏ ⵢⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ, ⵉⴳⵏⵙⴰⵙⵏ ⵏ ⵜⴳⵔⴰⵡⵜ ⵜⴰⵓⵕⵓⴱⵉⵢⵜ, ⴰⴳⵔⴰⵡ ⵏ ⵉⵎⵙⵏⴰⵎⵏ ⵏ ⵓⵕⵓⴱⴱⴰ ⵏ ⵉⵙⵏⵖⵎⴰⵙⵏ ⵉⵙⵍⵉⵥⵕⵏ ⴷ ⵜⴰⵎⵓⵏⵜ ⵏ ⵓⵔⵓⴱⴱⴰ ⵏ ⵓⵕⴰⴷⵢⵓ ⴷ ⵜⵉⵍⵉⴼⵉⵣⵢⵓⵏ.
ⴰⴷ ⵏⵙⵙⴽⵜⵉ ⵉⵙ ⴰⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰ ⴰⴳⵎⴰⵎ ⴰⵎⵓⵙⵙⴰⵏ ⴳ ⵓⵥⵟⵟⴰ ⴰⵎⵉⴷⵉⵜⵉⵕⴰⵏⵉ ⵏ ⵜⵎⵔⵙⴰⵍ ⵏ ⵓⵙⵏⴰⵎ ⴳ ⵉⴳⴰ ⴰⵎⴰⵔⵉ ⴰⵎⵣⴳⴳⵉⵔ ⵙ ⵓⵎⵢⴰⵡⴰⵙ ⴷ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵙⵍⵉⵥⵕ ⴰⴼⵕⴰⵏⵙⵉⵙ.
