ⵉⵙⵏⵎⴰⵍⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵙⵙ ⵏ 28 ⵢⵓⵍⵢⵓⵣ 2021 ⴳ ⵓⵙⵖⵉⵎ ⵏⵏⵙ, ⵢⴰⵏ ⵓⵙⴳⵔⴰⵡ ⵏⵜⵜⴰ ⴷ ⵉⵙⵎⴷⵢⴰⵜⵏ ⵏ ⵉⵎⵡⵓⵔⴰ ⵉⵙⵍⵉⵥⵕⵏ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ ⴰⴼⴰⴷ ⴰⴷ ⵉⵙⵏⵎⵍ ⵜⴰⵖⵜⴰⵙⵜ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵏ 2 ⵢⵓⵍⵢⵓⵣ ⴰⵎⴳⴳⴰⵔⵓ, ⵉⵣⴷⵉⵏ ⴷ ⵜⵏⴼⵔⵓⵜ ⵏ ⵜⵎⴰⴳⵓⵜ ⵏ ⵓⵡⵏⵏⵉ ⴰⵙⵔⵜⴰⵏ ⴳ ⵜⵏⴰⴼⵓⵜⵉⵏ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵣⵎⵣ ⵏ ⵉⵙⵜⴰⵢⵏ ⵓⵣⵔⵉⴼⵏ, ⵉⵏⵎⵏⴰⴹⵏ ⴷ ⵉⵏⴳⵔⴰⵡⵏ ⵉⵎⴰⵜⴰⵢⵏ ⵏ 2021.
ⵜⴰⵖⵜⴰⵙⵜ ⴰⴷ ⵏⵏⴰⵉⵜⵜⵓⵢⴰⵙⵉⵏ ⴳ ⵓⵙⴰⵜⵉ ⵏ ⵜⵙⵎⵉⴳⵍⵜ ⵜⴰⵎⴰⵜⴰⵢⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵏⴰⴼⵓⵜ ⵏ ⵜⵎⵢⴰⵏⴰⵡⵜ ⴷ ⵜⵎⴰⴳⵓⵜ ⵏ ⵜⵎⵣⴰⵣⵉⵏ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ, ⵏ ⵓⵙⵡⵉⵏⴳⵎ ⴷ ⵉⵙⵡⵉⵏⴳⵎⵏ ⵏⵏⴰ ⵉⵇⵇⴰⵏ ⴰⴷ ⵜⵜⵓⵢⵉⵏⵉⵏ ⴳ ⵉⵎⴰⵙⵙⵏ ⵏ ⵓⵙⵏⵖⵎⵙ, ⵜⴰⵖⵜⴰⵙⵜ ⴰⴷ ⵜⵙⵔⵙ ⵉⵍⵓⴳⵏⵏ ⴷ ⴽⵉⴳⴰⵏ ⵏ ⵉⵙⵖⵍⴰⴼ ⵉⵣⴷⵉⵏ ⴷ ⵜⴷⵓⵍⵉ ⵜⴰⵏⵖⵎⴰⵙⵜ ⵜⴰⵙⵍⵉⵥⵕⵜ ⵏ ⵓⵎⵣⴰⵣⵣⵍ ⴰⵎⵙⵜⴰⵢ. ⴳⵔ ⵉⵍⵓⴳⵏⵏ ⴰⴷ, ⴰⴷ ⵏⴱⴷⵔ ⵙ ⵓⵎⴷⵢⴰ ⴰⴷⴰⴼ ⴰⵏⵙⵙⵓⵎⵓ ⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴳ ⵉⵕⴰⴷⵢⵓⵜⵏ ⴷ ⵉⵜⵉⵍⵉⴼⵉⵣⵢⵓⵏⵏ ⴳ ⵓⵣⵎⵣ ⵏ ⵉⵙⵜⴰⵢⵏ, ⴰⵙⵎⴷⵢⴰ ⵉⵖⵓⴷⴰⵏ ⵏ ⵜⵎⵖⴰⵔⵉⵏ ⴳ ⵉⵙⴰⵢⵙⵏ ⵏ ⵓⵎⵙⴰⵡⴰⵍ ⴰⴳⴷⵓⴷⴰⵏ ⵏ ⵉⵙⵜⴰⵢⵏ ⵏⵖ ⵜⴰⵣⴷⴳⵉ ⵏ ⵉⵖⴰⵡⴰⵙⵏ ⵉⵙⵍⵉⵥⵕⵏ ⵏ ⵓⵣⵎⵣ ⵏ ⵉⵙⵜⴰⵢⵏ.
ⵜⴰⵖⵜⴰⵙⵜ ⵏ ⵓⵙⵇⵇⵉⵎ ⴰⵎⴰⵜⵜⴰⵜ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⵣⴷⵉ ⴷⵉⵖ ⴰⵣⵎⵣ ⵏ ⵓⵙⵜⴰⵢ ⴳ ⵉⵖⴰⵡⴰⵙⵏ ⵙ ⵓⴹⴼⴼⵓⵕ ⵏⵏⵙⵏ ⵙⴳ ⵖⵓⵔ ⵉⵏⴱⴰⴹⵏ ⵏ ⵓⵙⵏⴰⵎ. ⴰⵣⵎⵣ ⴰⴷ ⵔⴰⴷ ⵉⵙⵙⵏⵜⵉ ⴳ ⵓⵎⵣⵡⴰⵔⵓ ⵏ ⵖⵓⵛⵜ ⵉⵙⴰⵍⴰ ⴳ 7 ⵛⵜⴰⵎⴱⵉⵔ ⴷⵉⴳⵙ ⴷⴰⵜ ⵓⵎⵣⴰⵣⵣⵍ ⴷ ⵓⵎⵣⴰⵣⵣⴰⵍ ⵓⵏⵚⵉⴱ.
ⵎⵔⴰⵡ ⴷ ⵙⵎⵎⵓⵙ ⵏ ⵉⵎⵙⵙⵓⴳⵓⵔⵏ ⵏ ⵜⵉⵔⵔⴰ ⴳ ⵉⵕⴰⴷⵢⵓⵜⵏ ⴷ ⵉⵜⵉⵍⵉⴼⵉⵣⵢⵓⵏⵏ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ ⴰⵎⵓⵏ ⴳ ⵓⵙⴳⵔⴰⵡ ⴰⴷ ⵎⵢⴰⵡⴰⴹⵏ ⴷ ⵉⵎⵙⵜⴳⴳⴰⵔⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵉⵍⵓⴳⵏⵏ ⴷ ⵉⵙⵓⵛⵛⵍⵏ ⵉⵥⵍⵉⵏ ⵉⵣⴷⵉⵏ ⴷ ⵉⵖⴰⵡⴰⵙⵏ ⵏ ⵡⴰⵙⵙ ⵏ ⵓⵙⵜⴰⵢ.
ⵜⵉⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⴷ ⴳⴰⵏⵜ ⴰⵣⵎⵣⵣⵓ ⵏ ⴰⴷ ⵜⵜⵓⵙⵎⴽⵜⵉⵏ ⵉⵎⵏⵣⴰⵢⵏ ⵉⴳⴰⵏ ⵜⵉⵔⵙⴰⵍ ⵏ ⵜⵙⵎⵉⴳⵍⵜ ⴷ ⵜⵉⴳⴰⵡⵜ ⵏ ⵜⵏⴱⴰⴹⵜ ⵏ ⵓⵙⵏⴰⵎⴰⵎⵎ ⵓⵣⵔⴰⴽ ⵏ ⵜⵍⴻⵍⵍⵉ ⵏ ⵜⵉⵔⵔⴰ ⵏ ⵉⵎⵡⵓⵔⴰ ⴳ ⵉⵕⴰⴷⵢⵓⵜⵏ ⴷ ⵉⵜⵉⵍⵉⴼⵉⵣⵢⵓⵏⵏ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ, ⵜⴰⵏⴼⵔⵓⵜ ⵏ ⵓⵣⵔⴼ ⴳ ⵓⵏⵖⵎⵉⵙ ⵉ ⵓⴱⴰⵖⵓⵔ ⵏ ⵜⵏⵎⵓⵔⵉⵏ ⴷ ⵉⵏⵎⵓⵔⵉⵏ.
