ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⵔⴱⴰⵛ, ⴰⵙⵙ ⵏ 27 ⵛⵜⴰⵎⴱⵉⵔ 2021, ⵎⴰⵙⵙⴰ ⵏⵉⵍⵍ ⵙⵜⵉⵡⴰⵔⵜ, ⵜⴰⵎⵙⵇⴰⴷⵜ ⵏ ⴽⴰⵏⴰⴷⴰ ⴳ ⵍⵎⵖⵔⵉⴱ. ⴳ ⵓⴳⵔⴰⵡ ⴰⴷ, ⵜⵙⵎⵏⴷ ⵎⴰⵙⵙⴰ ⴰⵅⵔⴱⴰⵛ ⵉ ⵜⴷⵉⴱⵍⵓⵎⴰⵟ ⵜⴰⴽⴰⵏⴰⴷⵉⵢⵜ ⴰⴷⴷⴰⴷ ⴰⵎⵔⵙⴰⵍ ⴳ ⵉⵣⵡⵉⵍⵏ ⵉⵅⴰⵜⴰⵔⵏ ⵏ ⵜⵙⵎⵉⴳⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⴳⴰⵏ ⴰⵏⴱⴰⴹ ⴰⴷⵓⵙⵜⵓⵔⵉ ⵉⵍⴻⵍⵍⵉ ⵢⵓⵙⵉⵏ ⴰⴳⴳⵯⴰ ⵏ ⵓⵙⵏⴰⵎ ⵏ ⵓⵙⵏⵖⵎⵙ ⴰⵙⵍⵉⵥⵕ.
ⵜⵙⴷⴷⴻⴷ ⵙ ⵉⵎⵥⵍⵉ ⵅⴼ ⵜⵉⵍⴰⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵉⴳⴰⵏ ⴰⵡⵔⵉⴽ ⴰⵎⵔⵙⴰⵍ ⵉⵙⵙⵓⵖⵏⵏ ⴳ ⵓⵣⵣⵉⴳⵣ ⵏ ⵓⵙⴷⵓⵙ ⴰⴷⵉⵎⵓⵇⵔⴰⵟⵉ ⵙ ⵉⵎⵥⵍⵉ ⴳ ⵢⵉⴳⵔ ⵏ ⵜⵏⴼⵔⵓⵜ ⵏ ⵓⵡⵏⵏⵉ ⴰⵎⴰⴳⵓⵜ ⴳ ⵓⵙⵏⵖⵎⵙ ⴷ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵍⵙⴰ ⵏ ⵓⵙⵙⵓⵎⵓ ⴷ ⵓⵙⵉⴽⵙⵍ ⴰⵏⵎⵓⵔⵉ.
ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷⵉⵖ ⵉ ⵜⴷⵉⴱⵍⵓⵎⴰⵟ ⵜⴰⴽⴰⵏⴰⴷⵉⵢⵜ ⴰⴱⵖⵓⵔ ⵏ ⵜⵎⵔⵙⵍⵜ ⴳ ⵓⵙⵙⵖⴱⵓ ⵏ ⵉⵣⴷⴰⵢⵏ ⵏⵏⵙ ⴰⴽⴷ ⵉⴽⵏⵉ ⵏⵏⵙ ⴰⴽⴰⵏⴰⴷⵉ ⴰⵙⵇⵇⵉⵎ ⵏ ⵓⵕⴰⴷⵢⵓⴷⵉⴼⵉⵣⵢⵓⵏ ⴷ ⵓⵎⵢⴰⵡⴰⴹ ⵉⴽⴰⵏⴰⴷⵉⵢⵏ, ⴳ ⵓⵙⵡⵉⵔ ⴰⵙⵏⵔⴰⵏ ⴷ ⴳ ⵓⵙⴰⵜⵉ ⵏ ⵓⵥⵟⵟⴰ ⴰⴼⵕⵓⵏⴽⵓⴼⵓⵏⵉ ⵏ ⵉⵎⵙⵏⴰⵎⵏ ⵏ ⵓⵙⵏⵖⵎⵙ ⵏⵏⴰ ⵜⵏ ⵉⵙⵎⵓⵏⵏ.
ⴳ ⵜⵙⴳⴰ ⵢⴰⴹⵏ, ⵜⵏⵏⴰ ⵜⵎⵙⵇⴰⴷⵜ ⵏ ⴽⴰⵏⴰⴷⴰ ⴰⴱⵖⵓⵔ ⵏⵏⵙ ⵅⴼ ⵓⵣⵓⵔⵜ ⴰⵎⵖⵔⵉⴱⵉ ⵏ ⵓⵙⵏⴰⵎ ⴷ ⵜⵉⵏⵏⵓⴱⴹⴰ ⵏ ⵓⵙⵏⵖⵎⵙ ⴰⵙⵍⵉⵥⵕ ⴷ ⵓⵙⵡⴰⵔ ⵏⵏⵙ ⵏ ⴰⴷ ⵜⴰⵡⵙ ⴳ ⵓⵙⴷⵓⵙ ⵏ ⵉⵣⴷⴰⵢⵏ ⴳⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵓⵙⵇⵇⵉⵎ ⵏ ⵓⵕⴰⴷⵢⵓⴷⵉⴼⵉⵣⵢⵓⵏ ⴷ ⵓⵎⵢⴰⵡⴰⴹ ⵉⴽⴰⵏⴰⴷⵉⵢⵏ. ⴳⵔ ⵉⵙⴳⵓⵎⵏ ⵏⵏⴰ ⴳ ⵔⴰⴷ ⵢⵉⵍⵉ ⵓⵎⵢⴰⵡⴰⵙ, ⵏⵏⴰ ⵉⵔⴰ ⵡⴰⵎⵓⵏ ⴰⵎⵖⵔⴰⴱⵉ, ⴱⴷⵔⵏⵜ ⵜⵎⵙⵜⴳⴳⴰⵔⵉⵏ ⵜⵉⵎⵙⴰⵔⵉⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ, ⴰⵙⵉⴽⵙⵍ ⵏ ⵡⴰⵏⴰⵡ ⴷ ⵓⵙⵏⴰⵎ ⴰⵎⵓⵟⵟⵓⵏ ⴷ ⵓⴼⵔⴰⴳ ⵏ ⵓⴳⴷⵓⴷ ⴰⵎⵥⵢⴰⵏ ⵙⴳ ⵓⵙⵏⵖⵎⵙ.
