ⵓⵟⵟⵓⵏ ⵏ ⵜⵖⵜⵙⵜ : 941/14
ⴰⵣⵎⵣ : ⴰⵙⵉⵏⴰⵙ 17 ⵔⵎⴹⴰⵏ 1435 (15 ⵢⵓⵍⵢⵓ 2014)
« ⴰⵙⴰⴷⴼ ⵏ ⵉⵏⵙⵙⵉⵅⴼⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵓⵙⵇⵇⵉⵎ ⵏ ⵓⵎⵣⵉⵣⵡⵔ ⴷ ⵓⵏⴱⴰⴹ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵓⴼⵔⴰⴳ ⵙⴳ ⵓⵙⴳⵓⴼⵙⵓ ⴷ ⵓⵏⵏⴰⵍ ⵏⵏⵙ ⴳ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ. »
______________
ⵓⵟⵟⵓⵏ ⵏ ⵜⵖⵜⵙⵜ : 932/14
ⴰⵣⵎⵣ : ⴰⴽⵡⴰⵙ 28 ⵔⴰⴱⵉⵄ ⴰⵍⴰⵡⴰⵍ 1435 (30 ⵢⵏⵏⴰⵢⵔ 2014)
« ⵜⴰⵙⵉⵎⴰⵏⵜ ⵏⵏⴰ ⵉⵜⵜⵓⴼⴽⴰⵏ ⵉ ⵜⵎⵔⵙⴰⵍ ⵉⵜⵜⵓⵢⴰⵏⵏⴰⵏ ⴷ ⵜⵡⵓⵔⵉⵡⵉⵏ ⵏⵏⵙ ⵓⵔ ⴷⴰ ⵜⵜⵓⵙⵏⴼⴰⵍⵏⵜ, ⵙ ⵓⵢⵏⵏⴰ ⴷ ⵉⵡⵉⵏ ⵉⵙⵍⴳⵏⵏ ⵜⵏ ⵉⵙⴷⵓⵙⵏ, ⴱⵍⴰ ⴰⴷ ⵜⵜⵓⵙⴽⵔⵏ ⵉⵣⴷⴰⵢⵏ ⵏ ⵢⵉⵡⵙ ⴰⵎⵔⵙⴰⵍ, ⵙ ⵜⵡⵍⴰⴼⵉⵏ ⴷ ⵜⵖⴰⵔⴰⵙⵉⵏ ⵏⵏⵙ ⴰⴽⴽⵯ, ⵙ ⵓⵢⵏⵏⴰ ⵉⵍⵍⴰⵏ ⴳⵔⴰⵙⵏ ⴷ ⵓⵢⵏⵏⴰ ⵉⵍⵍⴰⵏ ⴳⵔⴰⵙ ⴷ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ ⵙ ⵓⴱⵔⵉⴷ ⵏⵏⴰ ⴷⴰ ⵜⵙⵔⵓⵙ ⵜⵎⴳⴳⴰⵔⵓⵜ ⴰⴷ ⵅⴼ ⵜⵏⴽⵔⴰ ⵙ ⵜⵡⵓⵔⵉⵡⵉⵏ ⵏⵏⴰ ⵖⵉⴼⵙ ⵉⵍⵍⴰⵏ, ⵉⵡⵙ ⴰⴷ, ⵉⵇⵇⴰⵏ ⵏ ⴰⴷ ⵉⵜⵜⵓⵙⴽⵔ ⵙ ⵓⵢⵏⵏⴰ ⴷ ⵢⵉⵡⵉ ⵓⵙⵍⴳⵏ ⵉ ⴽⵓ ⵢⴰⵏ ⴷⵉⴳⵙⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵖⴰⵔⴰⵙⵜ ⵏ ⵜⵉⵙⵉ ⵏ ⵜⵖⵜⴰⵙⵉⵏ ⵏⵏⵙ ⵏⵖ ⵜⵓⴽⴽⵉ ⵏ ⵜⴰⵏⵏⴰⵢⵉⵏ ⵏⵏⵙ, ⴱⵍⴰ ⴰⴷ ⵎⵙⴽⵛⴰⵎⵏ ⴳⵔⴰⵙⵏ. »
_______________________
ⵓⵟⵟⵓⵏ ⵏ ⵜⵖⵜⵙⵜ : 829/12
ⴰⵣⵎⵣ : ⴰⵙⵉⴹⵢⴰⵙ 11 ⵔⴰⴱⵉⵄ ⴰⵍⴰⵡⴰⵍ 1433 (4 ⴱⵕⴰⵢⵕ 2012)
« ⴰⵎⴳⵔⴰⴷ 160 ⴳ ⵓⴷⵓⵙⵜⵓⵔ, ⵉⴳⴰ ⵛⵛⵉⵍ ⵉ ⵜⵎⵔⵙⴰⵍ ⴷ ⵉⴳⵔⴰⵡⵏ ⵏⵏⴰ ⵉⵣⵡⴰⵔ ⵉⵙ ⵏⴻⵏⵏⴰ ⴰⴷ ⴼⴽⵏⵜ ⵜⴰⵏⴰⴹⵜ ⵅⴼ ⵜⵡⵓⵔⵉⵡⵉⵏ ⵏⵏⵙ ⵢⴰⵜ ⵜⵉⴽⴽⵍⵜ ⴳ ⵓⵙⴳⴳⵯⴰⵙ ⵙ ⵜⴷⵔⵙⵉ, ⵎⴰⵛⴰ ⴰⵔ ⵉⵜⵜⵉⵏⵉ ⵉⵙ ⵏ ⵉⵇⵇⴰⵏ ⴰⴷ ⵜⴳ ⵜⴰⵏⴰⴹⵜ ⴰⴷ « ⴰⵙⴳⵓⵎ ⵏ ⵓⵎⵙⴳⴷⴰⵍ ⴰⴳⵓⵏⵙ ⵏ ⵓⴱⵕⵍⴰⵎⴰⵏ » ⴰⵔ ⵉⵜⵜⵉⵏⵉ ⵉⵙ ⵓⵔ ⵏ ⵉⵇⵇⴰⵏ ⴰⴷ ⴼⴽⵏⵜ ⵜⵎⵔⵙⴰⵍ ⴰⴷ ⵜⴰⵏⴰⴹⵜ ⵏⵏⵙⵏⵜ ⴷⴰⵜ ⵏ « ⵓⵙⵇⵇⵉⵎ ⵏ ⵉⵎⵓⵔⴰ ». ⴰⵔ ⵜⵜⵉⵏⵉ ⵜⴳⵣⵣⵓⵎⵜ ⵜⴰⵎⵣⵡⴰⵔⵓⵜ ⵏ ⵓⵎⴳⵔⴰⴷ ⴰⴷ, ⵉⵙ ⴰⵎⵙⴳⴷⴰⵍ ⵏ ⵜⴰⵏⴰⴹⵜ ⴰⴳⵓⵏⵙ ⵏ ⵓⵙⵇⵇⵉⵎ ⵏ ⵓⴱⵕⵍⴰⵎⴰⵏ, ⴷⴰ ⵜⵜⵉⵍⵉ ⴳⵔ ⵉⴳⵎⴰⵎⵏ ⵏ ⴽⵓ ⵢⴰⵏ ⴷⵉⴳⵙⵏ ⵙ ⵜⵓⵛⵛⵔⴽⴰ ⵏ ⵜⵏⴱⴰⴹⵜ, ⵓⵔ ⴷ ⵉⵎⴰⵙⴰⵢⵏ ⵅⴼ ⵜⵎⵔⵙⴰⵍ ⴷ ⵉⴳⵔⴰⵡⵏ. »