ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴰⵙⵙ ⵏ 30 ⵢⵏⵏⴰⵢⵔ 2026, ⵎⴰⵙⵙⴰ ⵎⴰⵔⵢⴰⵎ ⵓⵛⵛⵏ ⵏⵓⵚⴰⵢⵕⵉ, ⵉⴳⴰⵏ ⵜⴰⴳⵏⵙⴰⵙⵜ ⵏ ⵓⵙⵏⵎⴰⵍⴰ ⵏ ⵜⵎⵜⵜⵉⵏ ⵎⵓⵏⵉⵏ ⵜⵉⵎⵖⴰⵔⵉⵏ ⴳ ⵍⵎⵖⵔⵉⴱ.
ⵙ ⵓⵣⵎⵣⵣⵓ ⵢⴰⴷ, ⵜⵙⵎⵏⵉⴷ ⵎⴰⵙⵙⴰ ⴰⵅⴰⵔⴱⴰⵛ ⵉⵙⴳⵓⵎⵏ ⵉⴷⵙⵍⴰⵏⵏ ⵏ ⵜⵙⵎⵉⴳⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⴳⴰⵏ ⵜⵉⵎⵔⵙⵍⵜ ⵜⴰⴷⵓⵙⵜⵓⵔⵉⵜ ⵜⴰⵏⵉⵎⴰⵏⵜ ⵢⵓⵙⵉⵏ ⴰⴳⴳⵯⴰ ⵏ ⵓⵙⵏⴰⵎ ⵏ ⵢⵉⴳⵔ ⴰⵙⵍⵉⵥⵕ. ⵜⵙⵙⴽⵏ ⵙ ⵉⵎⵥⵍⵉ ⵜⵉⵍⴰⵍⵜ ⵏ ⵜⵎⵔⵙⵍⵜ ⴳ ⵓⴹⵎⴰⵏ ⵏ ⵓⵣⵔⴼ ⵏ ⵉⵏⵎⵓⵔⵉⵏ ⴳ ⵢⴰⵏ ⵓⵙⴽⴰⵏ ⴰⵖⵎⵙⴰⵏ ⴰⵙⵍⵉⵥⵕ ⴰⵎⴰⴳⵓⵜ, ⴰⵎⵢⴰⵏⴰⵡ ⴰⵔ ⵉⵣⵔⵔⴽ ⵉⵎⵏⵣⴰⵢ ⵏ ⵉⵣⵔⴼⴰⵏ ⵉⵏⴼⴳⴰⵏⵏ ⴷ ⵡⴰⵜⵉⴳⵏ ⵉⴷⵉⵎⵓⵇⵕⴰⵟⵉⵢⵏ.

ⵜⴱⴷⵔ ⴷⵉⵖ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴽⵉⴳⴰⵏ ⵏ ⵢⵉⴳⵉⵜⵏ ⵏⵏⴰ ⵜⵙⵙⴽⵔ ⵜⵎⵔⵙⵍⵜ ⵏ ⵓⵙⵍⴳⵏ ⴳ ⵓⴱⵔⵉⴷ ⵏ ⵜⵏⴽⵔⴰ ⵙ ⵜⴷⵍⵙⴰ ⵏ ⵓⵙⵓⵎⵓ, ⵙ ⵉⵎⵥⵍⵉ ⵙ ⵓⴱⵔⵉⴷ ⵏ ⵜⵏⴽⵔⴰ ⵙ ⵓⴳⵏⵙⴻⵙ ⵓⵖⴷⵉⵎ, ⴰⵎⵢⴰⵙ ⵉⵍⴰⵏ ⵜⴰⵖⴰⵔⴰ ⵏ ⵜⵎⵖⴰⵔⵉⵏ ⴰⴳⵓⵏⵙ ⵏ ⵓⵙⴰⵢⵔⴰⵔ ⴰⵖⵎⵙⴰⵏ ⴰⵙⵍⵉⵥⵕ. ⵅⴼ ⵓⵢⴰⴷ, ⵜⵙⵙⴽⵏ ⵜⴰⵎⵔⵉⵙⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⴱⵖⵓⵔ ⵏ ⵜⵎⵢⴰⵙⵜ ⵜⴰⵏⵎⵓⵔⵉⵜ ⴷ ⵜⵙⵉⵎⴰⵏⵜ ⵏ ⵜⵎⵖⴰⵔⵉⵏ ⵉⵜⵜⵓⴳⴰⵏ ⵙ ⵓⴱⵔⵉⴷ ⵏ ⴽⵉⴳⴰⵏ ⵏ ⵉⵎⴰⵙⵙⵏ ⴷ ⵉⵎⵉⴽⴰⵏⵉⵙⵎⵏ, ⴷⵉⴳⵙⵏ ⵜⴰⵙⵢⴰⴼⵓⵜ ⵜⴰⵙⵍⵓⴳⴰⵏⵜ, ⴰⵙⵏⵓⵍⴼⵓ ⵏ ⵡⴰⵣⵣⴰⵢⵏ, ⴰⵙⴽⴰⵔ ⵏ ⵜⵖⵓⵔⵉⵡⵉⵏ ⴷ ⵜⵉⴳⴰⵡⵉⵏ ⵏ ⵓⵙⴳⵎⵉ ⵅⴼ ⵓⵙⵏⵖⵎⵙ.

ⵜⵃⴰⴹⵕ ⴳ ⵓⵎⵙⴳⵔⴰⵡ ⴰⴷ ⵎⴰⵙⵙⴰ ⵊⴰⵎⵉⵍⴰ ⵍⴰⵎⵏⴰⵜ, ⴰⵙⴰⵜⵉ ⴰⵎⴰⵜⵜⴰⵢ ⴳ ⵜⵓⵣⵓⵏⵜ ⵏ ⵜⵖⵓⵔⵉⵡⵉⵏ ⴷ ⵓⵙⴱⵓⵖⵍⵓ ⵖⵓⵔ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵜⵍⵍⴰ ⴰⵡⴷ ⵎⴰⵙⵙⴰ ⵉⵎⴰⵏ ⵄⴰⵡⵏ, ⵢⵓⴳⴳⴰⵏ ⵅⴼ ⵓⵎⵢⴰⵡⴰⴹ ⴳ ⵓⵙⵉⵔⴰ ⵏ ⵓⵙⵏⵎⴰⵍⴰ ⵏ ⵜⵎⵜⵜⵉⵏ ⵎⵓⵏⵉⵏ ⵜⵉⵎⵖⴰⵔⵉⵏ ⴳ ⵕⵕⴱⴰⵟ.