ⵜⴰⵎⵓ ⵢⴰⵜ ⵜⵎⵓⵔⴰⵢⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵎⵉ ⵜⵣⵡⴰⵔ ⵜⵏⵙⵙⵉⵅⴼⵜ ⵏⵏⵙ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⴳ ⴱⴰⵔⵉⵣ ⵕⴰⴷⵢⵓ ⵛⵓⵡ 2026, ⵉⵜⵜⵓⵙⵏⵎⴰⵍⴰⵏ ⵓⵙⵙⴰⵏ ⵏ 3 ⴷ 4 ⴼⴱⵕⴰⵢⵕ 2026 ⴳ ⴱⴰⵔⵉⵣ.
ⵉⴳⴰ ⵓⵙⴳⵔⴰⵡ ⴰⴷ ⵢⴰⵏ ⵓⵏⵎⵓⴳⴳⴰⵔ ⴰⴷⵙⵍⴰⵏ ⵏ ⵓⵕⵓⴱⴱⴰ ⵢⵓⴳⴳⴰⵏ ⵅⴼ ⵉⵎⵙⵓⵔⴰⵙ ⵉⵜⵉⴽⵏⵓⵍⵓⵊⵉⵢⵏ, ⵡⵉⵏ ⵜⵉⵔⵔⴰ ⴷ ⵉⵙⵟⵕⴰⵜⵉⵊⵉⵢⵏ ⵏ ⵜⵏⵣⵡⴰⵢⵜ ⴷ ⵉⵎⵙⵍⵉ, ⴱⴰⵔⵉⵣ ⵕⴰⴷⵢⵓ ⵛⵓⵡ ⵉⵙⵎⵓⵏ ⴰⵙⴳⴳⵯⴰⵙ ⴰⴷ ⴽⵉⴳⴰⵏ ⵏ ⵉⵙⵖⵜⴰⵙⵏ ⵏ ⵓⵙⵏⵖⵎⵙ, ⵉⴳⵏⵙⴰⵙⵏ ⵏ ⵜⵏⴱⴰⵟ ⵏ ⵓⵙⵍⴳⵏ, ⵉⵎⵙⵙⵓⴳⵓⵔⵏ ⵏ ⵢⵉⴳⵔ ⴰⵙⵍⵉⵥⵕ ⴷ ⵓⵎⵓⵟⵟⵓⵏ, ⵉⵍⵉⵏ ⴰⵡⴷ ⵉⵎⵓⵣⴰⵢ ⵏ ⵜⴻⵜⵉⴽⵏⵓⵍⵓⵊⵉⵜ ⵏ ⵓⵙⵏⵖⵎⵙ ⴷ ⵡⵉⵏ ⵓⵎⵢⴰⵡⴰⴹ. ⴰⵣⵎⵣⵣⵓ ⵢⴰⴷ ⵉⵙⵓⵎⵔ ⵢⴰⵏ ⵓⵖⴰⵡⴰⵙ ⴰⵎⴰⴱⵖⵓⵔ, ⵉⵜⵜⵉⵏ ⵅⴼ ⵜⵉⵏⴰⵡⵉⵏ, ⵜⵉⵙⴰⵡⵔⵉⵏ, ⵜⵉⵖⵓⵔⵉⵡⵉⵏ ⵏ ⵡⴰⵏⴰⵡⵏ ⴷ ⵜⵙⵓⵜⴰⵍ ⵜⵓⵙⵎⵉⴷⵉⵏ.
ⵜⴰⵙⵓⵜⵍⵜ ⵏ2026 ⵜⴼⴽⴰ ⵜⴰⵖⴹⴼⵜ ⵓⴳⴰⵔ ⵉ ⵜⵎⵍⴷⵉⵡⵉⵏ, ⵉ ⴰⵡⴷ ⵉⵎⵉⵣⴰⵏ, ⵉⵣⴷⵉⵏ ⴷ ⵓⵙⵡⵓⵔⵉ ⵉⵜⵜⵅⵉⵜⵉⵔⵏ ⵏ ⵜⵖⵉⵙⵜ ⵜⵉⵎⵍⵥⵉⵜ ⴳ ⵢⵉⴳⵔ ⵏ ⵜⵏⵣⵡⴰⵢⵜ ⴷ ⵉⵎⵙⵍⵉ, ⴳ ⵓⵎⵏⴰⴹ ⵏ ⵜⵖⴱⵉ ⵏ ⵓⵙⵎⵓⵜⵜⵢ ⵏ ⵉⵙⵎⴽⵉⵍⵏ ⵉⵣⵣⵓⵍⴰⵏⵏ ⴷ ⵡⴰⵏⴰⵡⵏ ⵉⴷⵎⵙⴰⵏⵏ.
ⵙ ⵓⵣⵣⵎⴻⵣ ⵏⵏⵙ ⴳ ⵜⵙⵎⵉⴳⵍⵉⵏ ⵏ ⵡⴰⴳⴳⴰ ⴰⵣⵣⵓⵍⴰⵏ, ⴰⵜⵉⴽⵏⵓⵍⵓⵊⵉ ⴷ ⵡⵉⵏ ⵓⵎⵏⵉⴷ, ⵓⵎⵓ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵣⵎⵣⵣⵓ ⵢⴰⴷ ⴰⴳⵔⴰⵖⵍⴰⵏ ⵜⵓⴷⵊⴰ ⵜⴰⵎⵓⵔⴰⵢⵜ ⵜⴰⵎⵖⵔⴰⴱⵉⵢⵜ - ⴳ ⵢⴰⵎⵓ ⵎⴰⵙⵙ ⴱⵏⵄⵉⵙⵙⴰ ⵄⵙⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ, ⴷ ⵎⴰⵙⵙ ⵄⵍⵉ ⴱⵇⵇⴰⵍⵉ, ⴰⴳⵎⴰⵎ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴷ ⵎⴰⵙⵙ ⵢⵓⵏⵙ ⵕⴱⴰⵟⵉ, ⴰⵎⵙⵙⵓⴷⵓ ⴳ ⵜⵣⵓⵏⵉ ⵏ ⵜⵖⵓⵔⵉⵡⵉⵏ ⴷ ⵓⵙⴱⵓⵖⵍⵓ - ⵏ ⵓⴹⴼⴼⵓⵕ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⴰⵍ ⵉⵣⴷⵉⵏ ⵙ ⵓⵣⵣⵉⴳⵣ ⵏ ⵜⵡⵏⵏⴰⴹⵜ ⵏ ⵜⵏⵣⵡⴰⵢⵜ, ⵏ ⵉⴱⵓⵟⴽⴰⵙⵜⵏ ⴷ ⵉⵎⵙⵍⵉ ⴰⵎⵓⵟⵟⵓⵏ.
ⵙ ⵓⵢⴰⴷ, ⵉⵙⵎⵏⵉⵙⴷⵏ ⴷ ⵉⵏⵙⵏⵉⴼⵉⵍⵏ ⵉⵡⵉⴷⵏ ⴷⵉⵅ ⵅⴼ ⵉⵎⵙⵓⵔⵙⵏ ⵉⵣⴷⵉⵏ ⴷ ⵓⵙⵎⴰⵜⵉ ⵏ ⵉⴳⴰⵏ ⴰⵏⴰⵡ ⵏ ⵓⵣⵓⵣⵣⵔ ⵉⵇⵇⴰⵏⵏ ⴰⴷ ⵉⵙⴱⴷⴷⵍ ⵉⵔⵎ ⵏ ⵓⵙⵙⴼⵍⴷ, ⵉⵎⵏⵉⴷⵏ ⵏ ⵜⵏⴽⵔⴰ ⵙ ⵉⵎⵙⵍⵉ ⵉⵜⵜⵓⵙⵓⵜⵔⵏ, ⵜⵉⵓⵏⵥⵔⵉⵏ ⵏ ⵓⵅⵡⵍⵍⵚ ⵏ ⵉⴱⵓⵟⴽⴰⵜⵙⵏ ⴷ ⵜⴰⵍⵖⵉⵡⵉⵏ ⵜⵉⵎⴰⵢⵏⵓⵜⵉⵏ, ⴰⵙⵍⵍⵡⵓ ⵏ ⵡⴰⵏⴰⵡⵏ ⵉⴷⴰⵎⵙⴰⵏⵏ ⵉ ⵜⵏⵣⵡⴰⵢⵜ ⴷⴰⵜ ⵜⵎⵣⴰⵣⵣⴰⵍⵜ ⵜⴰⵅⴰⵜⴰⵔⵜ ⵏ ⵜⵙⴰⵍⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵎⴰⵜⴰⵢⵉⵏ, ⴷ ⵓⴱⴰⵖⵓⵔ ⵏ ⵜⵉⵖⵉⵙⵜ ⵜⵉⵎⵍⵥⵉⵜ ⴳ ⵢⵉⴳⵔⴰⵏ ⵏ ⵓⵙⵙⵍⵡⵓ, ⵏ ⵓⵣⵓⵣⵣⵔ, ⵏ ⵜⵙⵖⵍⴰⴼ ⵏ ⵜⵓⵎⴰⵢⵉⵏ ⴷ ⵉⵍⵓⴳⵏⵏ ⵏ ⵓⵙⵙⴼⵍⴷ.