“ⵉⵏⵖⵎⵉⵙⵏ ⵏ ⵜⴽⵔⴽⴰⵙ ⴳⴰⵏ ⴰⵙⵙⴰ, ⴳ ⵓⵎⴰⴹⴰⵍ ⴰⴽⴽⵯ, ⵢⴰⵏ ⵉⵎⵉⵣⵉ ⴰⵏⴰⴳⵔⴰⵡ ⴰⵎⵇⵔⴰⵏ ⵏⵏⴰ ⵎⵉ ⵏ ⵉⵇⵇⴰⵏ ⵢⴰⵏ ⵓⵙⵉⴷⵎⵔ ⴰⵙⵓⵍⴰⵏ ⵉⵚⴽⴰⵏ ⵅⴼ ⵜⴷⵓⵙⵉ ⵜⴰⵏⴰⵎⵓⵏⵜ ⵉⵚⴽⴰⵏ ⵅⴼ ⵜⴷⵔⴼⵉ ⵏ ⵓⵡⵏⵏⵉ ⴷ ⵜⵎⵙⵜⴳⴳⴰⵔⵜ ⵏ ⵉⵡⵔⵉⴽⵏ ⴰⴽⴽⵯ ⵏ ⵓⵙⴰⵢⵔⴰⵔ ⴰⴳⴷⵓⴷⴰⵏ, ⴰⵙⵏⵖⵎⴰⵙ ⴷ ⵓⵎⵓⵟⵟⵓⵏ”, ⴰⵢ ⵜⵏⵏⴰ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⵡⵏⴰⵏ ⵏ ⵓⵙⴳⵔⴰⵡ ⴰⴳⵔⴰⵖⵍⴰⵏ ⵏ ⵉⵙⵍⴳⴰⵏⵏ, ⵏⵏⴰ ⵉⵙⵏⵎⴰⵍⴰ ⴳ ⴱⵓⴳⵓⵟⴰ ⵓⵙⵉⵏⴰⴳ ⴰⴳⵔⴰⵖⵍⴰⵏ ⵏ ⵉⵎⵢⴰⵡⴰⴹⵏ ⵓⵙⵙⴰⵏ ⵏ 20 ⴷ 21 ⴽⵟⵓⴱⵕ 2025, ⵙ ⵜⵎⴷⵔⴰⵡⵜ ⵏ ⵜⵙⵇⵇⵉⵎⵜ ⵏ ⵓⵙⵍⴳⵏ ⵏ ⵉⵎⵢⴰⵡⴰⴹⵏ ⵏ ⴽⵓⵍⵓⵎⴱⵢⴰ.
ⴷⴼⴼⵉⵔ ⴰⵙⴳⵣⵍ ⵏ ⵜⵖⴰⵔⴰⵙⵜ ⵏ ⵜⵎⵔⵙⵍⵜ ⵜⴰⵎⵖⵔⴰⴱⵉⵢⵜ ⴳ ⵢⵉⴳⵔ ⵏ ⵓⵙⵙⵉⴽⵣ ⵏ ⵜⴷⵍⵙⴰ ⵏ ⵓⵙⵍⴳⵏ, ⵜⵙⴰⵡⵍ ⵎⴰⵙⵙⴰ ⴰⵅⵔⴱⴰⵛ ⵅⴼ ⵜⵉⵍⴰⵍⵜ ⵏ ⵉⵎⵙⵡⵓⵔⴰ ⵏ ⵓⵙⵏⵖⵎⵙ ⵙ ⵉⵎⵥⵍⵉ ⴰⴳⴷⵓⴷ ⴰⵎⵥⵢⴰⵏ ⴳ ⵜⵓⵚⴽⴰ ⵏ ⵜⴷⵓⵙⵉ ⵜⴰⵏⴰⵎⵓⵔⵜ ⴷⴰⵜ ⵉⵅⵕⵕⵉⵇⵏ ⴷ ⵜⴽⵏⴷⴰⵡⵜ ⵜⴰⵙⵏⵖⵎⴰⵙⵜ.
ⴰⵡⴰⵍ ⴰⴷ ⵏⵏⵙ, ⵉⵜⵜⵓⵢⴰⵏⵏⴰ ⴳ ⵓⵙⴰⵜⵉ ⵏ ⵢⴰⵏ ⵓⵙⴳⵓⵎ ⵉⴳⴰⵏ “ⵜⵓⵚⴽⴰ ⵏ ⵜⵏⵎⵓⵔⵉ ⵜⴰⵎⵓⵟⵟⵓⵏⵜ ⴷ ⵓⵏⵏⴰⵍ ⵏ ⵉⵏⵖⵎⵉⵙⵏ ⵏ ⵜⴽⵔⴽⴰⵙ”, ⵜⵙⵙⵉⴷⴻⴷ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵙⵏⴰⵜ ⵜⵖⴰⵔⴰⵙⵉⵏ ⵜⵉⵙⵟⵕⴰⵜⵉⵊⵉⵏ : ⴰⵙⵎⴰⵜⴰⵢ ⵏ ⵓⵙⵉⴷⵍⴼ ⴰⵖⵎⵙⴰⵏ ⴷ ⵓⵙⵎⵓⵜⵜⴳ ⴳ ⵓⵎⵓⵟⵟⵓⵏ ⴷ ⵓⵙⴷⵓⵙ ⵏ ⵜⵏⵖⵎⵙⵜ ⵜⴰⵣⵣⵓⵍⴰⵏⵜ ⴳ ⵓⴱⵖⵓⵔ ⴰⴳⴷⵓⴷⴰⵏ.
ⵜⴰⵙⵎⴽⵜⵉⵜ ⵏ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⴰⴷ ⵜⵓⵎⴰ ⴽⵉⴳⴰⵏ ⵏ ⵉⵙⴳⵓⵎⵏ ⵉⵅⴰⵜⴰⵔⵏ ⵖⵓⵔ ⵉⴳⵔⴰⵡⵏ ⵉⴳⵔⴰⵖⵍⴰⵏⵏ ⵏ ⵓⵙⵍⴳⵏ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ ⵣⵓⵏⴷ “ⴰⵣⵣⵉⴳⵣ ⵏ ⵓⵙⵍⴳⵏ ⵏ ⵜⵉⵖⵉⵙⵜ ⵜⵉⵎⵍⵥⵉⵜ”, “ⵜⴰⵏⴽⵔⴰ ⵙ ⵓⵙⵙⵓⵔⵓ ⴳ ⵜⵓⵚⴽⵉⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⵙⵟⵕⴰⵜⵉⵊⵉⵏ”, “ⴰⵙⵍⴳⵏ ⵏ ⵜⵎⵣⵉⵣⵡⵔⵜ ⴳ ⵓⴳⴰⴷⴰⵣ ⴰⵎⵓⵟⵟⵓⵏ”, “ⴰⴼⵔⴰⴳⵏ ⵓⴳⴷⵓⴷ ⴰⵎⵥⵢⴰⵏ ⴳ ⵉⴼⵉⵍⵉ”, “ⵜⵉⴳⵎⵉ ⵏ ⵉⴳⴷⵓⴷⵏ ⵅⴼ ⵓⵙⵏⵖⵎⵙ ⴷ ⵓⵎⵓⵟⵟⵓⵏ”... ⴰⵜⴳ.
ⴰⵙⴳⵔⴰⵡ ⵏ ⵓⵙⵉⵏⴰⴳ ⴰⴳⵔⴰⵖⵍⴰⵏ ⵏ ⵉⵎⵢⴰⵡⴰⴹⵏ ⴰⵎⵓⵏ ⴷⵉⴳⵙ ⴽⵉⴳⴰⵏ ⵏ ⵉⴳⵏⵙⴰⵙ ⵉⵎⵇⵔⴰⵏⵏ ⵏ ⵓⵙⵏⵖⵎⵙ, ⴷ ⵉⵙⵍⴳⴰⵏⵏ ⵏ ⵓⵎⵢⴰⵡⴰⴹ, ⴷ ⵉⵎⵙⵜⴳⴳⴰⵔⵏ ⵏ ⵜⵏⴱⴰⴹⵉⵏ ⴷ ⵉⵎⵔⵣⴰ ⴷ ⵉⵎⵓⵣⴰⵢ ⵏ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⵓⵟⵟⵓⵏⵜ ⵙⴳ ⴽⵉⴳⴰⵏ ⵏ ⵜⵎⵓⵔⴰ ⵏ ⵙⵎⵎⵓⵙ ⵏ ⵜⵎⵏⵥⵉⵡⵉⵏ.
ⴰⵙⵉⵏⴰⴳ ⴰⴳⵔⴰⵖⵍⴰⵏ ⵏ ⵉⵎⵢⴰⵡⴰⴹⵏ, ⴳ ⵢⴰⵎⵓ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⴳⴰ ⵢⴰⵜ ⵓⵙⵏⵎⴰⵍⴰ ⴰⵔⵓⵏⴱⵉⴹ ⵖⵓⵔ ⵓⵔ ⵉⵍⵍⵉ ⵓⵡⵜⵜⴰⵙ ⵓⵔⵔⵉⵣ, ⵉⵍⵓⵍⴰ ⴷ ⴰⵙⴳⴳⵯⴰⵙ ⵏ 1969 ⴳ ⵍⵓⵏⴹⵓⵏ, ⴰⵡⵜⵜⴰⵙ ⵏⵏⵙ ⵉⴳⴰ ⴰⵎⵎⴰⵙ ⵏ ⵓⵔⵣⵣⵓ ⴳ ⵜⵏⴽⵔⴰ ⵙ ⵜⵎⵢⴰⵖⵜ ⴳⵔ ⵉⵎⵡⵓⵔⴰ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ, ⵉⵙⵍⴳⴰⵏⵏ, ⵉⵎⵙⴷⴰⵡⵏ, ⵉⵎⵔⵣⴰ ⴷ ⵉⴳⵏⵙⴰⵙ ⵏ ⵜⵏⴱⴰⴹⵉⵏ ⴰⴼⴰⴷ ⴰⴷ ⵙⵡⵉⵏⴳⵎⵏ ⵅⴼ ⵉⵎⵏⵉⴷⵏ ⵏ ⵓⵣⵣⵉⴳⵣ ⵏ ⵢⵉⴳⵔⴰⵏ ⴰⴷ, ⴷ ⵜⵓⵙⵓⵔⵜ ⵏ ⵓⵣⵣⵉⴳⵣ ⴰⴷ ⵅⴼ ⵉⵙⵡⵉⵔⵏ ⵉⴷⴰⵎⵙⴰⵏⵏ, ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ.